áîøëàíàäè - Ïîñëåäíèå íîâîñòè [ Ôîòî â íîâîñòÿõ ] | |
Toshkentda yo‘lovchilarning avtobuslarda sovitish tizimi yo‘qligi bo‘yicha shikoyatlariga javoban, rasmiylar 7-maydan bosqichma-bosqich konditsionerlar ishga tushirilishini ma’lum qildi. Nosoz transport vositalarini yo‘nalishga chiqarmaslik, shikoyatlarni esa tezkorlik bilan ko‘rib chiqish va’da qilinmoqda. gazeta.uz »
O‘zbekistonda 2026-yilgi Haj mavsumi 2-maydan boshlanadi. Ziyoratchilar respublikaning 9 ta hududiy aeroportidan to‘g‘ridan-to‘g‘ri Madina shahriga jo‘natiladi. Hozirda ularni tibbiy ko‘rikdan o‘tkazish va hujjatlarni rasmiylashtirish jarayonlari ketmoqda. gazeta.uz »
O‘zbekiston Badiiy akademiyasi besh kunlik Xalqaro tasviriy va amaliy san’at festivali dasturini taqdim etdi. Tadbir dasturidan ko‘rgazmalar, liboslar namoyishi, mahorat darslari va ijodiy uchrashuvlar o‘rin olgan. gazeta.uz »
O‘zbekistonda o‘quvchilarning bahorgi ta’tili 20-martda boshlanib, 28-martgacha davom etadi, deb xabar bermoqda Maktabgacha va maktab ta’limi vazirligi. 20 va 28-martdagi o‘quv mashg‘ulotlari 4-chorak hisobiga tig‘izlashtirilgan holda qo‘shib yuboriladi. 4-chorak 30-martga to‘g‘ri kelmoqda. gazeta.uz »
15-yanvardan boshlab O‘zbekistonda antibiotiklar, tizimli ta’sir etuvchi sintetik antibakterial dori vositalari va gormonal preparatlar faqat elektron retsept asosida sotiladi. Yangi tizim tafsilotlari haqida mutaxassislar ma’lumot berdi. gazeta.uz »
Sirdaryo viloyatida 2026-yilda 100 mln kub metr sig‘imdagi Sultonhovuz suv ombori qurilishi boshlanadi. U orqali beshta tumandagi 110 ming gektar yerdan yiliga 2 marta hosil olish rejalashtirilmoqda. gazeta.uz »
O‘zbekistonda umumiy o‘rta ta’lim maktablari o‘quvchilari uchun qishki ta’til 28-dekabrdan 10-yanvargacha davom etadi. III chorak darslari 12-yanvardan boshlanadi. gazeta.uz »
O‘zbek-fransuz universiteti 2026−2027 o‘quv yilidan talabalarni qabul qila boshlaydi. Universitetni tashkil etish bo‘yicha kelishuvga shu yilning bahorida Parijda erishilgandi. Fransiya tomonidan to‘rtta universitetdan iborat konsorsium ishtirok etadi. gazeta.uz »
Toshkent hokimligi bahordan “ko‘p yillar davomida suv taqsimotini ta’minlab, qulay mikroiqlim yaratib kelgan” sug‘orish ariqlari tizimini qayta tiklashga kirishishini ma’lum qildi. Loyiha “infratuzilmani rivojlantirish va aholining turmush sharoitlarini yaxshilash bo‘yicha tizimli ishlarning bir qismi” bo‘ladi. gazeta.uz »
O‘zbekistonda binolarni loyihalashtirishda shamol yo‘nalishlari va tezligini, shuningdek, qurilishning havo aylanishiga ta’sirini hisobga olish majburiyatini yuklovchi yangi qurilish standarti ishlab chiqiladi. gazeta.uz »
O‘zbekiston maktablarining 80% dan ortig‘ida bino ichida hojatxona yo‘q. Bu asosiy ehtiyojni qanday qondirish mumkin? “Qurding-unutding” tamoyili asosida ishlaydigan texnik sodda yechim bor. U allaqachon Strategik rivojlanish va islohotlar agentligi tashabbusi bilan qator maktablarda mavjud. U qanday ishlaydi? gazeta.uz »
Xonanda Laylo 18-oktabrda o‘zining Roots nomli ilk albomini taqdim etdi. Asarda ijodkor yangi avlodning ruhiy jarohatlari, erkinligi va vatanparvarligi haqida mulohaza yuritadi. Gazeta bilan suhbatda u shaxsiy tarixi va oilasiga bo‘lgan muhabbat qanday qilib musiqaga aylangani haqida so‘zlab berdi. gazeta.uz »
1-apreldan maxsus avtomatlashtirilgan foto va video qayd etish tizimlari orqali qayd etilgan qoidabuzarliklar uchun jarima ballari hisoblash boshlanadi. gazeta.uz »
O‘zbekistondagi maktablarda kuzgi ta’til 4-noyabrdan boshlanib, 9-noyabrga qadar davom etadi. II chorak dars mashg‘ulotlari 10-noyabrdan boshlanadi. gazeta.uz »
7-oktabr kuni Toshkentning yangilangan Shota Rustaveli ko‘chasida markaziy avtobus yo‘lakchasi ochiladi. Dastlabki bosqichda 38, 57 va 58-yo‘nalishlar harakatlanadi. Transport vazirligi jamoat transporti yo‘lovchilari va haydovchilar uchun yo‘riqnomani e’lon qildi. gazeta.uz »
O‘zbekistonda Yagona davlat imtihonini joriy etish rejalashtirilmoqda. U bir vaqtning o‘zida uch xil imtihonni - maktabni bitiruv imtihoni, oliy ta’limga kirish imtihoni, fanlar bo‘yicha sertifikat olish imtihonini birlashtiradi. gazeta.uz »
Toshkentda 9-sentabrdan issiqlik tarmoqlari mustahkamligini sinovdan o‘tkazish boshlanadi. Jarayon yozga mo‘ljallangandi, biroq 10-iyul kuni yerosti quvuridagi katta avariyadan so‘ng to‘xtatilgan. Veolia Energy Tashkent ish tunda olib borilishi, xavfli hududlar o‘rab olinishini ma’lum qildi. gazeta.uz »
O‘zbekiston umumta’lim maktablarida yangi o‘quv yili dars jarayonlari 2-sentabrdan (seshanba) boshlanadi. Ilk dars soatlarida yangi o‘quvchilarga o‘quv qurollari topshiriladi hamda “Kelajak soati” o‘tiladi. gazeta.uz »
O‘zbekistonda davlat OTMlari va akademik litseylarda o‘quv yilining boshlanish sanalari aniq bo‘ldi. Litsey o‘quvchilari va oliygohlarning 1-kurs talabalari uchun darslar 3-sentabrdan boshlanadi. Yuqori kurslar darslarni 8-sentabrdan davom ettiradi. gazeta.uz »
O‘zbekistonda “Tashabbusli budjet”ning 2-mavsumi 15-iyuldan, ovoz berish bosqichi esa 22-avgustdan boshlanadi. Mavsum g‘oliblari 1-sentabr - Mustaqillik bayrami kuni e’lon qilinadi. gazeta.uz »
O‘zbekistonda uy-joylar renovatsiyasi loyihalari aholi roziligisiz ishga tushirilmaydi, dedi Qurilish vazirligi rahbari. Unga ko‘ra, renovatsiya zonalari bo‘lgan barcha shaharlarning bosh rejalari avvalroq Toshkentda bo‘lgani kabi raqamlashtiriladi va jamoatchilik uchun ochiq bo‘ladi. gazeta.uz »
11-iyundan boshlab Toshkentdan Qirg‘izistondagi Issiqko‘lga mavsumiy avtobus qatnovlari yo‘lga qo‘yiladi. Chipta narxi 300 ming so‘m. gazeta.uz »
O‘zbekistonda transport vositasida qoida buzilgani uchun jarima ballarini qo‘llash tizimi 1-iyundan ishga tushadi. Hozircha ballar faqat YPX xodimlari tomonidan rasmiylashtirilgan ma’muriy bayonnomalar bo‘yicha hisoblanadi. gazeta.uz »
O‘zbekistonda 2025-yilgi Haj mavsumi 13-maydan boshlanadi. Ziyoratchilar Toshkent, Buxoro, Namangan, Samarqand, Qarshi, Termiz, Urganch, Navoiy va Nukus shaharlaridagi aeroportlar orqali Madina shahriga to‘g‘ridan-to‘g‘ri uchadi. gazeta.uz »
Xorazm viloyatida MTO texnologiyasidan foydalaniladigan 10 mlrd dollarlik yirik gaz-kimyo loyihasini amalga oshirish rejalashtirilmoqda (shunday majmua Buxoro viloyatida ham qurilmoqda). 100 mln dollarlik kimyo texnoparki qurish ham ko‘zda tutilgan. gazeta.uz »
Prezident Xorazmdagi Damas ishlab chiqaradigan zavod bilan bog‘liq “katta yangilik”ni ma’lum qildi. Zavod 100 mln dollar hisobiga 7 o‘rindiqli Yevro-5 standartidagi yangi avtomobillarni ishlab chiqarishni boshlaydi. gazeta.uz »
Toshkentda ko‘chmas mulkni bozor narxida baholash imkonini beradigan ommaviy baholash tizimi joriy etilmoqda. Bu bozor va kadastr qiymatlari o‘rtasidagi farqni qisqartiradi. Yangicha tizim bosqichma-bosqich butun mamlakat bo‘ylab joriy qilinadi. gazeta.uz »
O‘zbekistonda 1-maydan mineral o‘g‘itlar va o‘simliklarni himoya qilish uchun ishlatiladigan kimyoviy vositalarini raqamli markirovkalash bo‘yicha tajriba loyihasi boshlanadi. Jarayonda beshta kompaniya ishtirok etadi. Tartib 2026-yil 1-maydan boshlab majburiy bo‘ladi. gazeta.uz »
O‘zbekistonda 1991-yilgacha qurilgan eski binolarni buzib, ularning o‘rnida rekonstruksiya dasturi asosida energiya tejaydigan zamonaviy uy-joylar qurish rejalashtirilmoqda. Loyihani amalga oshirishning majburiy sharti aholining roziligi va tegishli kompensatsiya to‘lash bo‘ladi. gazeta.uz »
Toshkent shahri issiqlik manbalarini to‘liq rejali bahorgi o‘chirilishi 7-apreldan boshlanadi. Bu davrda hududlarda issiq suv 5 kundan, navbatma-navbat o‘chiriladi. gazeta.uz »
Toshkent-Andijon va Toshkent-Samarqand pulli avtomobil yo‘llari qurilishi 2025-yilda boshlanadi, dedi transport vaziri Ilhom Mahkamov. Uning so‘zlariga ko‘ra, 30 dan ortiq kompaniya birinchi loyihaga qiziqish bildirgan. gazeta.uz »
Prezidentlikka kirishgan Donald Tramp “Amerikaning oltin asri” boshlanganini ta’kidladi, avvalgi hukumatni tanqid qildi, inflyatsiyani yengishga, “so‘z erkinligi va qonunni qaytarishga”, “tinchlikparvar va birlashtiruvchi meros” qoldirishga, faqat ikki: erkak va ayol jinsini mustahkamlashga va’da berdi. gazeta.uz »
Qirg‘iziston prezidenti Sadir Japarovning ma’lum qilishicha, Xitoy-Qirg‘iziston-O‘zbekiston temiryo‘li qurilishi 27-dekabrdan boshlanishi rejalashtirilmoqda. Qirg‘iziston Vazirlar Mahkamasi va qo‘shma temiryo‘l kompaniyasi loyiha bo‘yicha investitsiya bitimini imzoladi (tafsilotlar). gazeta.uz »
O‘zbekistonda maktab o‘quvchilari 29-dekabrdan qishki ta’tilga chiqadi. 3-chorak darslari 13-yanvardan boshlanadi. gazeta.uz »
O‘zbekistonda sut mahsulotlariga ishlab chiqarishda tabiiy yoki quruq sutdan foydalanilganini ko‘rsatuvchi markirovka joriy etish rejalashtirilmoqda. Shu maqsadda uchta hududda sinov laboratoriyalari tashkil etiladi. gazeta.uz »
Toshkent shahrida isitish mavsumi 7-noyabrdan bosqichma-bosqich boshlanadi. 5-noyabr soat 00:00 dan boshlab issiqlik manbalaridan issiqlik muhitining aylanma harakati yo‘lga qo‘yiladi. gazeta.uz »
Surxondaryo viloyatida isitish mavsumi 1-noyabrdan boshlanadi. Gaz va elektr ta’minoti korxonalariga qozonxonalar, aholi va ijtimoiy soha obyektlarini energiya resurslari bilan uzluksiz ta’minlash bo‘yicha topshiriqlar berildi. gazeta.uz »
2025-yildan Moskvada eksperiment doirasida migrantlarga ular haqidagi “barcha ma’lumotlar” mavjud bo‘lgan elektron guvohnomalar berish boshlanadi. Shuningdek, Moskva aeroportlarida barcha xorijliklar uchun biometrik nazorat joriy etiladi. gazeta.uz »
AQShning “Turli millatga mansub immigrantlar vizasi - DV” (Green Card) dasturida qatnashish uchun anketa to‘ldirish 2-oktabrdan 5-noyabrgacha davom etadi. Bu yil AQSh hukumati dastur uchun 55 ming viza ajratganini ma’lum qildi. gazeta.uz »
O‘zbekistonda Umra mavsumi 10-sentabrdan boshlanadi. Ziyoratchilar Madinada 3 kun, Makkada esa 7 kun bo‘ladi. Umra xizmatlari narxi bir kishi uchun 16,6 mln so‘m, biroq Haj-Umra markazi narxlar o‘zgarishi mumkinligini ma’lum qildi. gazeta.uz »
O‘zbekistondagi oliy ta’lim muassasalarida yangi o‘quv yili 9-sentabr, dushanba kunidan boshlanadi. Akademik litseylarda esa - 4-sentabrdan. gazeta.uz »
“Tashabbusli budjet” jarayonining 2-mavsumi 6-iyuldan boshlanadi. Loyihalarni 26-iyulga qadar kiritish mumkin. Ushbu mavsum uchun tuman va shahar budjetlari hisobidan 2 trln so‘mdan ortiq mablag‘ yo‘naltiriladi. gazeta.uz »
11-iyun kuni “Saidaziz medgorodok” nomi bilan tanilgan Saidaziz Saidaliyev, shuningdek, yana 28 kishiga nisbatan sud jarayoni boshlanadi. Ular Jinoyat kodeksining tovlamachilik, firibgarlik, bezorilik, jinoiy uyushma tashkil etish kabi jami 14 ta moddasi bo‘yicha ayblanmoqda. gazeta.uz »
20-iyundan yangi o‘quv yili uchun 1-sinfga qabul jarayonlari boshlandi. Jarayonlar ikki bosqichda amalga oshiriladi. Maktab ta’limi vazirligining eslatishicha, bu yil birinchi sinfga 2017-yilning 31-dekabriga qadar tug‘ilgan bolalar qabul qilinadi. gazeta.uz »
10-iyundan Toshkentdan Qirg‘izistondagi Issiqko‘lgacha mavsumiy avtobus qatnovlari boshlanadi. Avtobus oyning juft kunlarida Toshkent avtovokzalidan jo‘naydi. Chipta narxi - 300 ming so‘m. gazeta.uz »
“Baxti Tashkentskiy” nomi bilan tanilgan Baxtiyor Qudratullayev, uning o‘g‘li, akasi - jami 37 kishiga nisbatan 3-iyundan ochiq sud boshlanadi. Sudlanuvchilar tovlamachilik, jinoiy uyushma tashkil etish, firibgarlik, qasddan badanga shikast yetkazish, bezorilik va JKning boshqa moddalari bo‘yicha ayblanmoqda. gazeta.uz »
Yozda Jizzax viloyatida Rossiya loyihasi bo‘yicha kam quvvatli (330 MVt) AES qurilishi boshlanadi. “Rosatom” uchun bu shu turdagi stansiya qurish bo‘yicha birinchi eksport shartnomasi hisoblanadi. gazeta.uz »
O‘zbekistonda 2024-yilgi Haj mavsumi 23-maydan boshlanadi. Saudiya Arabistonining Madina shahriga O‘zbekistonning 10 ta shahridan 7-iyunga qadar har kuni aviaqatnovlar amalga oshiriladi. gazeta.uz »
O‘zbekistonda maktab o‘quvchilari 21-martdan bahorgi ta’tilga chiqadi. IV o‘quv chorak darslari 28-mart kunidan boshlanadi. gazeta.uz »
Musulmonlari idorasi Ramazon oyining birinchi kuni 11-mart, dushanbaga to‘g‘ri kelishini ma’lum qildi. gazeta.uz »
