Yil - Ïîñëåäíèå íîâîñòè [ Ôîòî â íîâîñòÿõ ] | |
Ostonada birinchi estakada tipidagi LRT liniyasini shu haftada ishga tushirish rejalashtirilmoqda. U shaharning asosiy nuqtalarini birlashtiradi, poyezdlar esa to‘liq haydovchisiz boshqariladi. Loyiha qurilishi 15 yil davom etdi va xalq orasida “korrupsiya haykali” nomini oldi. gazeta.uz »
Aprelda O‘zbekistonda oylik inflyatsiya 0,6% darajasida o‘zgarishsiz saqlanib, yillik inflyatsiya 7% gacha sekinlashdi. Oy davomida oziq-ovqat mahsulotlaridan bulg‘or qalampiri - 10,3%, kartoshka - 6,5%, olma - 4,5%, tuxum - 3,6%, go‘sht o‘rtacha 3,5% ga qimmatlashdi. Benzin narxlari 1,4% ga oshdi. gazeta.uz »
O‘zbekistonda yil boshidan buyon 174 kishi meningokokk infeksiyasi bilan ro‘yxatga olindi. Ulardan 168 nafari - bolalar. Sanepidqo‘mita vaziyat barqarorligini va aprelda ko‘rsatkichlar pasayganini bildirdi. Profilaktika doirasida 4,8 mingdan ortiq kishi emlandi. gazeta.uz »
O‘zbekistonda sovuq qurolni olib yurish bilan bog‘liq huquqbuzarlikni bir yil davomida takroran sodir etganlik uchun 10 BHM (4,12 mln so‘m)gacha jarima yoki 15 sutkagacha ma’muriy qamoq jazosi qo‘llanadi. gazeta.uz »
O‘zbekiston prezidenti 3,5 oy ichida neft-gaz tarmog‘i bo‘yicha oltinchi yig‘ilishni o‘tkazdi. Unda “O‘zbekneftgaz”ning birinchi chorakdagi faoliyati yakunlari ko‘rib chiqildi. Kompaniya gaz zaxiralari oshganini ma’lum qildi va qazib chiqarishni kuniga 6,7 mln kub metrga ko‘paytirish dasturini taqdim etdi. gazeta.uz »
“O‘zbekkosmos” 12-aprel - Kosmonavtika kuni munosabati bilan maqola e’lon qildi. Unda koinotni o‘zlashtirish tarixi va kosmik texnologiyalarning bugungi ahamiyati haqida so‘z boradi. Shuningdek, O‘zbekistonda milliy sun’iy yo‘ldosh va kosmonavt tayyorlash rejalari eslatilgan. gazeta.uz »
Qashqadaryoda Rossiya-Ukraina urushida qatnashgan 25 yoshli fuqaro 4 yil 1 oyga ozodlikni cheklash jazosiga hukm qilindi. U Rossiyaga ishlash uchun borib, giyohvandlik ishi bilan qamalgan. Jazoni o‘tashda aldanib hujjatga imzo qo‘ygan va urushga jalb etilgan. gazeta.uz »
2026-yilning birinchi choragida O‘zbekistonda energiya resurslaridan noqonuniy foydalanish bilan bog‘liq 885 ta holat aniqlandi. Bu orqali davlat manfaatlariga qariyb 196 mlrd so‘m zarar yetkazilgan. gazeta.uz »
O‘zbekiston bosh vaziri Abdulla Aripov mamlakatda 2026-yilda sun’iy yo‘ldosh interneti sinov tariqasida ishga tushishini bildirdi. Hukumat rahbarining ma’lum qilishicha, uning operatorlari uchun soliq imtiyozlari paketi shakllantirilgan. gazeta.uz »
2026-yil boshida O‘zbekistonga sayyohlar oqimi uchdan bir baravarga oshdi: ikki oyda mamlakatga qariyb 1,77 mln xorijlik keldi. Bu o‘tgan yilning shu davriga nisbatan 441 ming kishiga ko‘p. Tashriflar soni bo‘yicha Qirg‘iziston, Tojikiston va Qozog‘iston fuqarolari yetakchilik qilmoqda. gazeta.uz »
Istanbulda 2019-yilda bedarak yo‘qolgan o‘zbekistonlik Hurriyat Tursunboyevani o‘z eri o‘ldirgani aniqlandi, deb yozmoqda turk OAV. Maxsus guruh lyuminol kimyoviy tekshiruvi orqali xonadondagi qon izlarini topgan. gazeta.uz »
O‘zbekistonda davlat granti asosida o‘qigan bitiruvchilar uchun kamida 3 yil ishlab berish talabi bekor qilinishi mumkin. Qaror loyihasiga ko‘ra, “kamida uch yil” normasi chiqarilib, ishlab berish muddati ta’lim yo‘nalishiga qarab alohida belgilanadi. gazeta.uz »
Prezident 8 yil davomida qurilgan Islom sivilizatsiyasi markazini ochib berdi. Barcha uchun ochiq bo‘lishi ko‘zda tutilgan ushbu majmua tarkibidan ulkan muzey, noyob qo‘lyozmalar saqlanuvchi Qur’on zali va kutubxona o‘rin olgan. gazeta.uz »
Temur Malik va Buyuk Ipak yo‘li ko‘chalari kesishmasida 2024-yilda qurilgan tunnelning tirgak devori o‘pirilib tushdi. Poytaxt hokimligiga ko‘ra, voqeaga kuchli yog‘ingarchilik sabab bo‘lgan bo‘lishi mumkin. gazeta.uz »
Toshkentda BYD Han avtomashinasini hujjatlarsiz boshqargan haydovchi YPX inspektorining to‘xtash talabini bajarmasdan uni urib yuborgan. Inspektor og‘ir jarohat olgan. Sud haydovchini aybli deb topib, unga 6 yilga ozodlikdan mahrum qilish jazosini tayinladi. gazeta.uz »
Qo‘mita o‘tgan yili boshlang‘ich qiymati jami 18,8 trln so‘m bo‘lgan 23 mingdan ortiq davlat xaridini o‘rgandi. Natijada 28 mingdan ortiq raqobatga zid harakatlar aniqlangan. Asosiy muammolar kelishuvlar, ayrim ishtirokchilarga imtiyozli shart-sharoit yaratish va affillanganlik holatlari bilan bog‘liq bo‘lgan. gazeta.uz »
Yakkasaroyda Gentra haydovchisini yo‘lda kaltaklagan ota va o‘g‘il bezorilikda ayblandi. Sud ularning ozodligini 1 yil 6 oyga chekladi. Jabrlanuvchining turmush o‘rtog‘i homilasi tushishi fakti homiladorlikni tasdiqlovchi tibbiy hujjatlar yo‘qligi sabab asossiz deb topildi. gazeta.uz »
O‘zbekistonda qishki davr uchun gaz iste’molining bazaviy me’yori amal qilish muddati yakunlandi. Isitish mavsumi uchun belgilangan 500 kub metrlik limit o‘tgan yildagidek mart oyiga cho‘zilmadi. To‘ldirish: Qoraqalpog‘iston va Xorazmda bazaviy me’yor 15-martga qadar uzaytirildi. gazeta.uz »
2026-yilda O‘zbekiston bozorida beshta yangi avtomobil modellari, jumladan, mahalliylashtirilgan BYD Yuan Up taqdimoti bo‘lib o‘tadi, deya xabar qildi “O‘zavtosanoat” rahbari Ulug‘bek Rozuqulov. Elektromobil ishlab chiqarish Jizzaxdagi zavodda yo‘lga qo‘yilishi rejalashtirilgan. gazeta.uz »
2025-yil oxirida hukumat davlat budjetiga tuzatishlarni tasdiqladi, davlat organlari xarajatlari 41,2 trln so‘mga (14,6%) oshdi. Eng ko‘p mablag‘ Iqtisodiyot va moliya vazirligi orqali o‘tkazildi, kuch tuzilmalari, ayrim vazirlik va jamg‘armalarga ajratilgan mablag‘lar ko‘paydi. Gazeta o‘zgartirishlarni o‘rgandi. gazeta.uz »
Yil boshidan buyon O‘zbekiston bo‘yicha 104 ta ov quroli ixtiyoriy ravishda topshirildi. O‘tgan yili ichki ishlar organlari turli xildagi 2012 ta qurolni qabul qilgan. Qurol, uning qismlari va o‘q-dorilarni ixtiyoriy topshirganlik uchun pul mukofoti ko‘zda tutilgan. gazeta.uz »
O‘zbekistonda yanvardagi inflyatsiya 0,7% ni, yillik hisobda esa 7,2% ni tashkil etdi, deb xabar berdi Milliy statistika qo‘mitasi. Go‘sht, sut, tuxum qimmatlashdi, guruch va oq qand narxi pasaydi. Avtosug‘urtaning o‘rtacha narxi 381,8% ga, mobil aloqa xizmati narxlari esa 2,4% ga (yil davomida - 17,9%) oshdi. gazeta.uz »
2025-yili O‘zbekistonda o‘ta og‘ir jinoyat sodir qilgan uch nafar shaxsga nisbatan umrbod ozodlikdan mahrum qilish jazosi tayinlandi. Oliy sudga ko‘ra, 2017-yildan buyon 31 kishiga shunday jazo chorasi qo‘llanilgan. gazeta.uz »
So‘nggi bir yilda O‘zbekistonda propan narxi 48% ga oshdi, 2026-yil boshida o‘sish yanada tezlashdi. Hukumat buni import gaz ulushining ortishi (20% dan 90% gacha) va mahalliy gazning aholi ehtiyojlariga yo‘naltirilishi bilan izohladi. gazeta.uz »
2023-yilda korrupsiyaga qarshi kurashish samaradorligi “qoniqarsiz” deb baholangan guruhga kiritilgan 10 ta oliy ta’lim muassasasida keyingi ikki yil davomida korrupsiyaviy jinoyatlarga yo‘l qo‘yilmadi. gazeta.uz »
Xalqaro sport musobaqalari, mahalliy tadbirlar, san’at va madaniyat olami, ekologik muammolar, qishloqlardagi suvsiz va gazsiz hayot tarzi hamda boshqa manzaralar - bu 2025-yilning o‘zbekistonlik fotograflar ijodida aks etgan umumiy obrazi. gazeta.uz »
UzAuto Motors Chevrolet Damas’ning yangi - yo‘lovchi (Move) va yuk (Max) modellarini taqdim etdi. Bu qariyb 30 yil ichida modelning birinchi keng ko‘lamli yangilanishidir. Ular endi “zamonaviy talablarga to‘liq javob beradi”, xususan, xavfsizlik yostiqchalariga ega. Eski Damas ishlab chiqarish esa davom etadi. gazeta.uz »
Poytaxtdagi ayrim ko‘chalarda Yangi yil bayrami munosabati bilan transport vositalari uchun harakat cheklovi kiritiladi. Cheklov 15-dekabrdan 15-yanvargacha Milliy kutubxonaning old maydonida, 17-dekabrdan 5-yanvargacha Taras Shevchenko gastronomik-turizm ko‘chasida amal qiladi. Xarita. gazeta.uz »
Poytaxtdagi ayrim ko‘chalarda Yangi yil bayrami munosabati bilan transport vositalari uchun harakat cheklovi kiritiladi. Cheklov 15-dekabrdan 15-yanvargacha Milliy kutubxonaning old maydonida, 17-dekabrdan 5-yanvargacha Taras Shevchenko gastronomik-turizm ko‘chasida amal qiladi. Xarita. gazeta.uz »
Time talqiniga ko‘ra, “sun’iy intellekt me’morlari” 2025-yil odamiga aylandi. Jurnal muqovasida Mark Sukerberg, Ilon Mask, Sem Altman va boshqa texnologik kompaniyalar vakillari mashhur “Osmono‘par binodagi tushlik” fotosurati uslubida tasvirlangan. gazeta.uz »
Prezident aholi bandligi va kambag‘allikni kamaytirishni muhokama qildi. Yil oxirigacha uning darajasi (yil boshidagi 8,9% dan) 6% ga, kelgusi yil esa 4,5% gacha tushishi kerak. Eng muammoli mahallalarga e’tibor qaratish, elektr, internet, tomorqadan foydalanish imkoniyatlarini kengaytirish vazifasi qo‘yildi. gazeta.uz »
2025-yil, Yevropa iqlimshunoslari prognoziga ko‘ra, butun kuzatuvlar tarixidagi ikkinchi yoki uchinchi eng issiq yil bo‘ladi (2024 va 2023-yillardan so‘ngra). Yanvar-noyabr oylarida global harorat sanoatdan oldingi darajadan o‘rtacha 1,48 darajaga yuqori bo‘lgan. gazeta.uz »
Shavkat Mirziyoyev odamlarning umri paxta dalasida bekor o‘tganini ta’kidladi. “27 yil qiynalganmiz. Shu paxta degan baloni hammamiz dalada ko‘rdik, birimiz ikki bo‘lmadi”, - dedi u. Prezident avval paxta yetishtirish bo‘yicha tajriba bo‘lmagani, olimlarni pisand qilinmaganini qayd etdi. gazeta.uz »
O‘zbekistonda noyabr oyida inflyatsiya 0,7% ni tashkil etdi, yillik ko‘rsatkich esa 7,5% ga - 2016-yildan buyon eng past darajaga tushdi. Bodring narxi 96% ga, pomidor - 82% ga, tuxum - 2,4% ga oshdi. gazeta.uz »
O‘zbekistonda sudyalik lavozimlariga nomzodlar dastlab 5 yil muddatga, keyinchalik muddatsiz davrga tayinlanadi. Sudyalarni navbatdagi 10 yillik muddatga tayinlash (saylash) tartibi bekor qilinadi. gazeta.uz »
Joriy yilning yanvar-oktabr oylarida ichimlik va oqova suv tarmoqlariga 4,3 mingdan ortiq noqonuniy ulanish holati aniqlandi. Qonunbuzarliklar ortidan 82 mlrd so‘m zarar yetkazildi, 62 ming iste’molchi tarmoqdan uzildi. gazeta.uz »
Xitoy - Qirg‘iziston - O‘zbekiston temiryo‘lining qurilishi dastlabki grafikdan oldinda ketmoqda va 6 yil o‘rniga 4 yilda yakunlanishi mumkin, dedi “O‘zbekiston temir yo‘llari” rahbari birinchi o‘rinbosari Hikmatulla Rahmatov. gazeta.uz »
O‘zbekistonda 2025-yilning yanvaridan boshlab chiqindilarni belgilanmagan joyga tashlash bilan bog‘liq 9817 ta holat IP kameralar orqali qayd etildi. Huquqbuzarliklarning 77 foizi vodiy viloyatlariga to‘g‘ri kelmoqda (7583 ta holat). gazeta.uz »
O‘zbekistonga maishiy havo tozalagichlar importi so‘nggi yillarda keskin ko‘paydi. Gazeta’ning o‘rganishicha, 2022-yilda taxminan 2000 dona tozalagich import qilingan bo‘lsa, 2024-yilda 16 mingdan, 2025-yilda esa 18 mingdan ortiq shunday uskuna import qilingan. gazeta.uz »
Xonobod shahri sudi raisi firibgarlik va pora berishda ishtirok etishda ayblanib, 10 yil 6 oyga ozodlikdan mahrum etildi. U may oyida 30 ming dollar pora bilan qo‘lga tushgani aytilgandi. gazeta.uz »
Toshkentdagi 19 ta podstansiya va 16 ta tarmoqda modernizatsiya ishlari olib borilmoqda. “Hududiy elektr tarmoqlari” vakiliga ko‘ra, “Yunusobod” podstansiyadagi ishlar 15 kunda, “Sag‘bon” va “Botanika” podstansiyalaridagi jarayonlar esa yil oxirigacha yakunlanadi. gazeta.uz »
Collins English Dictionary 2025-yil so‘zi sifatida “vayb koding” (vibe coding)ni tanladi, bu tabiiy tilni sun’iy intellekt yordamida kompyuter kodiga aylantiradigan yangi dasturiy ishlanmani anglatadi. gazeta.uz »
O‘zbekistonda endi nashriyot tahririyati bosh muharrir lavozimiga oliy ma’lumotga va noshirlik faoliyatida kamida 3 yil ish stajiga ega bo‘lgan shaxs tayinlanishi mumkin. Shuningdek, bosh muharrir nashriyotning ijodiy faoliyati uchun qonunchilikka muvofiq javobgar ekani belgilandi. gazeta.uz »
O‘zbekistonda 22-oktabr holatiga ko‘ra quyosh va shamol elektr stansiyalari tomonidan 2025-yilda ishlab chiqarilgan elektr energiyasi 9 mlrd kVt·soatga yetdi. Bu butun 2024-yilda shunday stansiyalarda ishlab chiqarilgan quvvatdan deyarli 2 karra ko‘p. gazeta.uz »
Prezident viloyat markazlari va poytaxt tumanlarining barcha hokimlariga yil yakunigacha “Aqlli shahar” tizimini joriy qilishni topshirdi. Bunda situatsion markaz tashkil qilinib, kommunal xizmatlar, boshqaruv-servis kompaniyalari, transport, yo‘l, obodonlashtirish, chiqindi korxonalari yagona tizimga ulanadi. gazeta.uz »
Prezident Yangi Toshkent aeroporti qurilishi bilan birga, mahalliy kompaniyalarning samolyotlari sonini 105 tadan 180 taga yetkazilishini ma’lum qildi. Uning so‘zlariga ko‘ra, aeroport Yangi Toshkentning bir qismiga aylanadi va poytaxt bilan shattl-baslar va metro liniyasi orqali bog‘lanadi. gazeta.uz »
Noyabr va dekabr oylarida O‘zbekistondagi birinchi AES qurilishi bo‘yicha jamoatchilik muhokamalari o‘tkaziladi. Ularda loyihaning atrof-muhitga ta’siri muhokama qilinadi. AES qurilishi direksiyasining ma’lum qilishicha, eshituvlar barcha xohlovchilar uchun ochiq, ular ovoz berish bilan yakunlanadi. gazeta.uz »
O‘zbekistonda sentabrda oylik inflyatsiya 0,6 foizgacha tezlashdi, yillik hisobda esa 8 foizgacha sekinlashdi. Pomidor, bulg‘or qalampiri, sabzi va tuxum qimmatlashdi. Kartoshka va piyoz narxlari pasaydi. gazeta.uz »
AQSh hukumati 1-oktabr kuni Kongress yangi moliyaviy yil uchun budjetni kelisha olmaganidan keyin ishni qisman to‘xtatdi. Bu so‘nggi yetti yil ichida mamlakatdagi birinchi shatdaundir. Respublikachilar va Demokratlar shatdaunda bir-birini ayblamoqda. gazeta.uz »
Surxondaryo viloyatida fuqaro 6 yil avval taqiqlangan materialga “layk” bosgani uchun 3 yilga ozodlikdan mahrum qilindi. U 2019-yilda “Odnoklassniki.ru” saytida Abdug‘ani Umarov (Abdulloh domla)ning aqidaparastlik g‘oyalari bor deb topilgan ma’ruzasiga “klass” bosish orqali virtual do‘stlariga tarqatgan. gazeta.uz »
