Turkiyadagi - Ïîñëåäíèå íîâîñòè [ Ôîòî â íîâîñòÿõ ] | |
Turkiyaning Denizli viloyatida yuz bergan avtobus halokatida 8 kishi (jumladan, bir go‘dak) halok bo‘ldi, 33 kishi jarohatlandi. Dastlabki ma’lumotlarga ko‘ra, haydovchi hodisadan 20 daqiqa oldin transportdagi nosozlikni tekshirib, yo‘lda davom etgan. O‘zbekiston prezidenti hamdardlik bildirdi. gazeta.uz »
Turkiyaning Kahramanmarash shahridagi maktabda 8-sinf o‘quvchisi otishma sodir etdi: 4 kishi (bir o‘qituvchi va uch o‘quvchi) halok bo‘ldi, 20 kishi yaralandi. Holat yuzasidan prokuratura tergov boshladi. gazeta.uz »
Turkiya janubi-sharqidagi kasb-hunar litseyiga qilingan hujum oqibatida 16 kishi, asosan, o‘quvchilar tan jarohati oldi. Rasmiy ma’lumotlarga ko‘ra, o‘t ochish mazkur litseyning sobiq o‘quvchisi tomonidan sodir etilgan. gazeta.uz »
Turk OAVda Aksaray viloyatida 13 yoshli yigit opasining sevgilisini pichoqlagani, ular o‘zbekistonlik ekani haqida yozdi. Istanbuldagi Bosh konsulxonaning aniqlik kiritishicha, voqea ishtirokchilarining hech biri O‘zbekiston fuqarosi emas. Vatandoshlardan mahalliy qonunlarga rioya etish so‘raldi. gazeta.uz »
Turkiyaning Balikesir viloyatida 6,1 magnitudali zilzila sodir bo‘ldi. 29 kishi jarohatlandi, 81 yoshli fuqaro halok bo‘ldi. 16 ta bino shikastlangan, ularning ko‘pi tashlandiq. Hududda tonggacha o‘nlab aftershok qayd etildi. Video. gazeta.uz »
Turkiyaning Aydin viloyatida sodir bo‘lgan otishmada 35 yoshli o‘zbekistonlik ayol boshdan olingan jarohat sabab halok bo‘ldi. 5 nafar gumonlanuvchi qo‘lga olindi. Marhum jasadini O‘zbekistonga yuborish choralari ko‘rilmoqda. gazeta.uz »
Migratsiya agentligi Turkiya deportatsiya markazlaridagi o‘zbekistonlik 50 nafar ayolga vatanga qaytishda yordam ko‘rsatilganini ma’lum qildi. 28 nafar ayolga esa vatanga qaytish guvohnomasi rasmiylashtirilib, repatriatsiya jarayoni boshlangan. gazeta.uz »
O‘zbekistonning Turkiyadagi yangi elchisi Ilhom Haydarov Anqarada ish boshladi. U O‘zbekiston tashqi ishlar vazirining o‘rinbosari lavozimida ishlab kelayotgandi. Diplomat ilgari Ukrainada ham elchilik qilgan. gazeta.uz »
2017-yildan buyon O‘zbekistonning Turkiya va Bolgariyadagi elchisi lavozimida ishlab kelayotgan Alisher A’zamxo‘jayev Senat qo‘mitasi raisi bo‘ldi. gazeta.uz »
Turkiyaning Isparta shahrida 15 davlatning 48 ta jamoasi ishtirokida merganlar bellashuvi o‘tkazildi. Unda O‘zbekiston Mudofaa vazirligi jamoasi oltin medalni qo‘lga kiritdi. Bu musobaqada jamoa 4-marta qatnashmoqda: oldin ikki marta ikkinchi va bir marta birinchi o‘ringa sazovor bo‘lingan. Foto, video. gazeta.uz »
Qrim-tatar siyosatchisi, jurnalist va huquq himoyachisi Nariman Jelal Ukrainaning Turkiyadagi yangi elchisi bo‘ldi. U O‘zbekistonning Navoiy shahrida tug‘ilgan va bolaligida Qrimga ko‘chib ketgan. Rossiya uni 2022-yilda 17 yillik qamoq jazosiga hukm qilgandi, ammo u 2024-yilda mahbuslar almashinuvida ozod etilgan. gazeta.uz »
Istanbulda 151 nafar fuqaro zilzilalardan so‘ng qo‘rquv sababli balandlikdan sakrab, jarohat oldi. Bosh konsulxonaga ko‘ra, hodisa oqibatida O‘zbekiston fuqarolari orasida jabrlanganlar haqida ma’lumot kelib tushmagan. gazeta.uz »
“Yevropa maktablari ilm bergan, lekin o‘z millati va qadriyatlaridan nafratlanadigan qatlam ham yaratishga erishgan”, - dedi “Milliy tiklanish” partiyasi yetakchisi Alisher Qodirov Turkiyadagi namoyishlarga munosabat bildirib. gazeta.uz »
Turkiyada 19−25-mart oralig‘ida o‘tkazilgan namoyishlarda 1418 nafar gumondor qo‘lga olindi, deya ma’lum qildi mamlakat ichki ishlar vaziri. U, shuningdek, prezident Erdog‘anning marhum onasi va oilasiga qilingan haqoratlarni qoraladi. gazeta.uz »
Turkiyadagi vaziyat tufayli O‘zbekistonning Istanbul shahridagi Bosh konsulxonasi mamlakat fuqarolarini ehtiyotkorlikka chaqirdi. Provokatsion postlar joylashtirmaslik, norozilik namoyishlari va mitinglardan uzoqroq bo‘lish, odam gavjum joylarga bormaslik shular jumlasidan. gazeta.uz »
Turkiyada tog‘-chang‘i kurortidagi mehmonxonada chiqqan yong‘in qurbonlari soni 66 taga yetdi, 51 kishi jarohatlangani ma’lum bo‘ldi. Tergov doirasida 4 kishi, jumladan, biznes egasi ham qo‘lga olingan. gazeta.uz »
Turkiyadagi Kartalkaya tog‘-chang‘i kurortida mehmonxonada yong‘in chiqishi oqibatda 10 kishi halok bo‘ldi, 32 kishi jarohatlandi. Hodisa vaqtida binoda 234 nafar mehmon bo‘lgan. Yong‘in sababi hozircha noma’lum. gazeta.uz »
Migratsiya agentligi va Kalyon Insaat turk qurilish kompaniyasi 1410 nafar O‘zbekiston fuqarosini Turkiyadagi yirik loyihalarga ishga joylashtirishga kelishib oldi. Dastlabki 20 mutaxassis ishga kirishish uchun Istanbulga jo‘nab ketdi. gazeta.uz »
Turkiyada bo‘lib turgan O‘zbekiston fuqarolari, ayniqsa, odamlar gavjum joylarda ehtiyot bo‘lishga chaqirildi. Mamlakatdan ketayotganlardan aeroportlarga bir soat oldin yetib kelish so‘raldi. Terakt ortidan Anqarada xavfsizlik choralari kuchaytirildi. gazeta.uz »
Oila va xotin-qizlar qo‘mitasining Turkiyada qiyin vaziyatga tushib qolgan o‘zbekistonlik ayollar bilan uchrashuvlari davomida Silivri deport markazidan 34 nafar ayol ozod etilib, vatanga qaytarildi. Yana 3 nafari ozodlikka chiqarildi. gazeta.uz »
Turkiyada o‘tkazilgan xalqaro musobaqada O‘zbekiston merganlari besh marta rekord natija qayd etib, birinchi o‘rinni egalladi. Musobaqada 11 ta davlatdan jami 36 ta jamoa ishtirok etdi. Video. gazeta.uz »
Istanbuldagi bosh konsulxona Turkiyadagi o‘zbekistonliklarni telefon orqali o‘zini advokat, politsiya yoki maxsus kuchlar xodimi sifatida tanishtirib, hisobraqamga pul o‘tkazishni so‘rayotganlardan ogohlantirdi. gazeta.uz »
Mart oyida Turkiyada o‘zbekistonlik fuqaro ISHIDga aloqadorlikda gumonlanib, qo‘lga olingandi. Biroq ayblov tasdiqlanmagach, u qo‘yib yuborildi. Turkiyadagi bosh konsulxona ijtimoiy tarmoqlardagi ekstremistik kanallarga kirmaslik, mutaassiblik ruhidagi nashida va ma’ruzalarni saqlamaslikni tavsiya qildi. gazeta.uz »
Turkiyadagi munitsipal saylovda 20 yil ichida ilk bor muxolif partiya g‘olib bo‘ldi. Barcha yirik shaharlar, jumladan, Anqara va Istanbulda muxolifat nomzodlari g‘alaba qozondi. Prezident Erdo‘g‘an partiyasi mag‘lubiyatga uchraganini tan oldi va xalq irodasini e’tiborsiz qoldirmaslikka va’da berdi. gazeta.uz »
Azon Global portali asoschisi Mubashshir Ahmad Turkiyadagi deportatsiya markazidan chiqarildi. Avvalroq O‘zbekistonning Istanbuldagi bosh konsulxonasi unga huquqiy yordam ko‘rsatilayotganini ma’lum qilgan edi. gazeta.uz »
