Fuqarolari - Ïîñëåäíèå íîâîñòè [ Ôîòî â íîâîñòÿõ ] | |
Indoneziyaning Sharqiy Nusa-Tenggara provinsiyasida 7,7 magnitudali zilzila sodir bo‘ldi. Oqibatda kamida 38 kishi halok bo‘ldi. O‘zbekiston TIV xabariga ko‘ra, qurbonlar va jabrlanganlar orasida mamlakat fuqarolari yo‘q. gazeta.uz »
Rossiyaning Mordoviya Respublikasida yuk mashinasi O‘zbekiston davlat raqamidagi Spark avtomobiliga urilishi oqibatida 2 o‘zbekistonlik vafot etdi, yana 3 fuqaro jarohat oldi. Bosh konsulxona jasadlarni vatanga qaytarish choralarini ko‘rmoqda. gazeta.uz »
AQSh 50 ta davlat, jumladan, Qirg‘iziston, Tojikiston va Turkmaniston fuqarolaridan sayyohlik (B-2) yoki ishbilarmonlik (B-1) vizalarini rasmiylashtirishda doimiy asosda garov undirishni boshladi. Garov miqdori 20 ming dollargacha yetishi mumkin. O‘zbekiston bu davlatlar ro‘yxatiga kiritilmagan. gazeta.uz »
Tailandning Bangkok shahrida yuk poyezdi va yo‘lovchi avtobusi to‘qnashib ketishi oqibatida 8 kishi halok bo‘ldi, 33 nafar jabrlanuvchi shifoxonaga yotqizildi. Tashqi ishlar vazirligi jabrlanganlar orasida O‘zbekiston fuqarolari yo‘qligini ma’lum qildi. gazeta.uz »
TIV ma’lumotiga ko‘ra, Yaqin Sharqdagi vaziyatda 4-mart holatiga ko‘ra O‘zbekiston fuqarolari orasida halok bo‘lganlar yoki jabrlanganlar yo‘q. Mintaqadagi elchixonalar vaziyatni 24/7 monitoring qilmoqda, fuqarolarga konsullik va moliyaviy yordam ko‘rsatilmoqda, evakuatsiya reyslari tashkil etilmoqda. gazeta.uz »
AQSh 21-yanvardan O‘zbekiston va yana 74 ta davlat fuqarolari uchun immigratsiya vizalarini rasmiylashtirish noma’lum muddatga to‘xtatilishini e’lon qildi. Bunda arizalar qabul qilinaveradi. Amaldagi immigratsiya vizalari bekor qilinmaydi. Turistik vizalar avvalgi tartibda beriladi. gazeta.uz »
Yuqori maoshli ish tufayli Tailandga borgan bir guruh o‘zbekistonliklar Myanmaga olib ketilib, zo‘ravonlik bilan noqonuniy ishlatildi. Ular bilan birga shunday ahvolga tushib qolgan Qozog‘iston va Qirg‘iziston fuqarolari Bangkokdagi Bosh konsulxona yordami bilan vatanlariga qaytarildi. gazeta.uz »
O‘zbekiston va Turkmaniston fuqarolari “Shovot-Toshhovuz” chegaraoldi savdo zonasiga vizasiz kirish va chiqish huquqiga ega bo‘ladi. Hozirda savdo zonasi 6 gektarni tashkil etadi, zarurat tug‘ilganda hudud alohida xalqaro kelishuv orqali kengaytirilishi mumkin. gazeta.uz »
1-yanvardan boshlab O‘zbekiston AQSh fuqarolari uchun 30 kunlik vizasiz rejimni joriy etadi. Prezident bu haqdagi farmonni imzoladi. Ushbu rejim hozirda 55 yosh va undan katta bo‘lgan sayyohlarga nisbatan qo‘llanadi. gazeta.uz »
Rossiya OAV Amur viloyatida yengil avtomobil va yo‘lovchi avtobusi to‘qnashgani, yo‘lovchilar Turkiya, Tojikiston va O‘zbekiston fuqarolari ekanini yozgandi. O‘zbekiston Migratsiya agentligi bu hodisada vatandoshlar bo‘lmaganini bildirdi. Hodisa tufayli 46 kishi jarohatlangan, 1 kishi vafot etgan. gazeta.uz »
Chernogoriya Armaniston, O‘zbekiston va Misr fuqarolari uchun vaqtinchalik vizasiz rejimni bekor qildi. Respublika hukumati bu qarorni mamlakat viza siyosatini YeI viza siyosati bilan muvofiqlashtirish ishlari bilan izohladi. gazeta.uz »
Prezident farmoniga muvofiq, O‘zbekistonda chet el fuqarolari uchun maxsus soliq rejimi joriy etiladi. 50 ming dollar miqdorida maxsus yig‘im to‘lagan va O‘zbekistonda bank hisobvarag‘ini ochgan chet el fuqarolarining O‘zbekistondan tashqaridagi manbalardan olingan daromadlari daromad solig‘idan ozod qilinadi. gazeta.uz »
Rossiyada maxsus kuchlar banket zalida noqonuniy migratsiyaga va giyohvand moddalarga qarshi reyd o‘tkazgandi. Migratsiya agentligi u yerdagilar O‘zbekiston fuqarolari bo‘lganini, ularning huquq va manfaatlarini himoya qilish uchun litsenziyaga ega advokat yuborilganini bildirdi. gazeta.uz »
O‘zbekistonning Vladivostokdagi Bosh konsulxonasi bir guruh yoshlarning o‘zbekistonliklarga hujumi munosabati bilan Rossiya TIV va prokuraturasiga notalar yubordi. gazeta.uz »
Polsha va AQShdan og‘ir jinoyatlarni sodir etganlikda ayblanib, xalqaro qidiruvga berilgan O‘zbekiston fuqarolari ekstraditsiya qilindi. Zo‘rlash va o‘ta yirik miqdordagi firibgarlik jinoyatlari uchun qidiruvda bo‘lgan fuqarolar Interpolning O‘zbekistondagi Milliy markaziy byurosi xodimlariga topshirildi. gazeta.uz »
Iordaniya 25-sentabrdan O‘zbekiston fuqarolari uchun viza talabini bekor qiladi. Tegishli bitimga ko‘ra, o‘zbekistonliklar Iordaniyada 30 kungacha vizasiz qolishlari mumkin bo‘ladi. Shuningdek, Toshkent-Amman yo‘nalishi bo‘yicha aviaqatnovlarni yo‘lga qo‘yish rejalashtirilgan. gazeta.uz »
Turk OAVda Aksaray viloyatida 13 yoshli yigit opasining sevgilisini pichoqlagani, ular o‘zbekistonlik ekani haqida yozdi. Istanbuldagi Bosh konsulxonaning aniqlik kiritishicha, voqea ishtirokchilarining hech biri O‘zbekiston fuqarosi emas. Vatandoshlardan mahalliy qonunlarga rioya etish so‘raldi. gazeta.uz »
1-avgust holatiga ko‘ra, O‘zbekiston fuqarolari 34 ta davlatga vizasiz, 42 ta mamlakatga esa soddalashtirilgan tartibda kira oladi, deb ma’lum qildi TIV. Viza masalasini ustuvor yo‘nalishlardan biri deya atagan vazirlik yana o‘nlab davlat bilan jarayonni osonlashtirishga oid muzokaralar ketayotganini bildirdi. gazeta.uz »
Rossiyaning Kamchatka o‘lkasi qirg‘oqlari yaqinida yuz bergan zilzila oqibatida O‘zbekiston fuqarolari orasida jarohatlangan yoki vafot etganlar yo‘q. Vladivostokdagi bosh konsulxona ushbu hududlarda vaqtincha bo‘lib turgan fuqarolarni FVV ko‘rsatmalariga rioya qilishga va xotirjamlikni saqlashga chaqirdi. gazeta.uz »
AQShning Nyu York shtati Manhetten shahrida otishma yuz berdi va 5 kishi, jumladan, hujum qilgan shaxsning o‘zi halok bo‘ldi. O‘zbekistonning Nyu-Yorkdagi Bosh konsulxonasi qurbonlar orasida mamlakat fuqarolari yo‘qligini bildirdi. gazeta.uz »
O‘zbekistonning Isroildagi elchixonasi mamlakatdan chiqib ketmoqchi bo‘lgan O‘zbekiston fuqarolari uchun nazorat-o‘tkazish punktlari va transport yo‘nalishlari bo‘yicha ma’lumot berdi. Shuningdek, elchixona Isroil rasmiylari va front orti tuzilmalarining ko‘rsatmalariga qat’iy amal qilishni so‘radi. gazeta.uz »
Eron bilan qayta boshlangan harbiy harakatlar fonida O‘zbekistonning Isroildagi elchixonasi ogohlantirish bilan chiqdi. Dipmissiya fuqarolarga ehtimoliy raketa hujumlari paytida bomba boshpanalariga kirish, shaxsni tasdiqlovchi hujjatlar va elchixonaning aloqa ma’lumotlarini olib yurishni so‘ramoqda. gazeta.uz »
O‘zbekistonning Abu Dabidagi elchixonasi va Dubaydagi Bosh konsulxonasi BAAning tegishli tashkilotlari bilan O‘zbekiston fuqarolari mamlakat aeroportlarida ushlab turilgani yuzasidan muzokara o‘tkazdi. gazeta.uz »
Shavkat Mirziyoyev Tashqi ishlar vazirligiga 3 oy ichida AQSh fuqarolari uchun O‘zbekistonga 30 kunlik vizasiz kirish rejimini joriy etish bo‘yicha topshiriq berdi. Prezident, shuningdek, O‘zbekiston fuqarolari AQSh hududiga kirishi uchun viza talablarini yengillashtirish yuzasidan muzokaralar boshlashni buyurdi. gazeta.uz »
1-iyundan Bahrayn, Kuvayt va O‘mon fuqarolari uchun O‘zbekistonda 30 kunlik vizasiz rejim amal qiladi. Bundan tashqari, har yili noyabr oyining 3-haftasida Xalqaro turizm haftaligi tashkil etiladi. Har oy 2-haftasining shanba va yakshanba kunlari “Oila va jamoa bilan sayohatga chiqish kuni” etib belgilanadi. gazeta.uz »
Misrda migratsiya qoidalarini buzganlikda gumonlanib, besh nafar O‘zbekiston fuqarosi ushlandi (keyinroq ulardan biri qo‘yib yuborilgan). O‘zbekiston elchixonasi mahalliy huquq-tartibot idoralari xorijliklar, jumladan, o‘qish maqsadida kelganlarni tekshirishni kuchaytirganini bildirdi. gazeta.uz »
1-iyundan boshlab O‘zbekiston fuqarolari Xitoyga vizasiz safar qilishlari mumkin. Bunda muddat 30 kundan oshmasligi lozim. Vizasiz rejim o‘qish, mehnat va media faoliyati bilan shug‘ullanishga nisbatan tatbiq etilmaydi. gazeta.uz »
Istanbulda 151 nafar fuqaro zilzilalardan so‘ng qo‘rquv sababli balandlikdan sakrab, jarohat oldi. Bosh konsulxonaga ko‘ra, hodisa oqibatida O‘zbekiston fuqarolari orasida jabrlanganlar haqida ma’lumot kelib tushmagan. gazeta.uz »
Istanbuldagi Bosh konsulxonaga ko‘ra, Turkiyada ayrim shaxslar O‘zbekiston fuqarolariga AQShga yuborish va Yevropa vizalarini rasmiylashtirishni va’da qilib, firibgarlik sodir etmoqda. “Bunga ishongan fuqarolarimiz Osiyo va Afrika davlatlariga borib, u yerda sarson-sargardon bo‘lmoqda”, - deyiladi ogohlantirishda. gazeta.uz »
O‘zbekiston o‘z fuqarolarining vatanga xavfsiz deportatsiyasini ta’minlash uchun AQSh bilan yaqindan hamkorlik qilib kelmoqda, dedi TIV matbuot kotibi. Vazirlik Amerika tomoniga Kosta Rika va Panamaga yuborilayotgan o‘zbekistonliklar haqida ma’lumot so‘rab murojaat qildi. gazeta.uz »
AQSh hukumati joriy yilning 9 oyida 572 nafar O‘zbekiston fuqarosini vataniga deportatsiya qildi. Bu 2023-yilning shu davridagidan 6,5 barobar ko‘p. gazeta.uz »
O‘zbekiston fuqarolarining Qozog‘iston va Tojikiston chegaralarini faqatgina ID karta orqali kesib o‘tishi tartibini joriy etish rejalashtirilmoqda. Bu haqda Shavkat Mirziyoyev ma’lum qildi. Avvalroq shunday tartib Qirg‘iziston bilan joriy etilgandi. gazeta.uz »
Rossiyaning Penza viloyatida O‘zbekiston fuqarolari YTHga uchrab, 3 kishi halok bo‘ldi. Shundan 1 kishi o‘zbekistonlik, 2 kishining esa O‘zbekiston fuqaroligiga mansubligi aniqlanmoqda. Shuningdek, 2 fuqaro jarohat olib, shifoxonaga yotqizildi. gazeta.uz »
Turkiyada bo‘lib turgan O‘zbekiston fuqarolari, ayniqsa, odamlar gavjum joylarda ehtiyot bo‘lishga chaqirildi. Mamlakatdan ketayotganlardan aeroportlarga bir soat oldin yetib kelish so‘raldi. Terakt ortidan Anqarada xavfsizlik choralari kuchaytirildi. gazeta.uz »
Qozog‘istonning Mang‘istau viloyatida sodir bo‘lgan yo‘l-transport hodisasida 6 nafar O‘zbekiston fuqarosi halok bo‘ldi. Ularning barchasi Xorazm viloyatidan bo‘lgan. Vafot etganlar orasida ikki nafar bola ham bor. gazeta.uz »
O‘zbekistonning Qozon shahridagi bosh konsulxonasi vatandoshlarni xorijiy davlatlar hududida jinoiy javobgarlik belgilangan harbiy harakatlarda ishtirok etishdan ogohlantirdi. gazeta.uz »
Tailand hukumati O‘zbekiston fuqarolari uchun 60 kungacha vizasiz kirish rejimini rasman joriy qildi. Bunday reja may oyi oxirida e’lon qilingandi. gazeta.uz »
Moskva viloyatidagi yotoqxonada yong‘in yuz berib, oqibatda 8 kishi halok bo‘ldi. Elchixona ularning orasida O‘zbekiston fuqarolari ham borligi, vafot etganlarning shaxsini aniqlash ishlari olib borilayotganini bildirdi. gazeta.uz »
Yevrokomissiya ma’lumotlariga ko‘ra, 2023-yilda O‘zbekiston fuqarolari Shengen vizasini olish uchun 46,5 mingta ariza topshirdi (+17,7 foiz), shundan 38,33 ming nafar murojaatchi ijobiy javob oldi, bu 2022-yilgi ko‘rsatkichdan 16,7 foizga ko‘proq. Shuningdek, rad etilgan arizalar ulushi biroz oshgan. gazeta.uz »
Moskvadagi qurilish maydonida sodir bo‘lgan ommaviy mushtlashuvda o‘zbekistonlik 10 nafar, tojikistonlik 13 nafar migrant qo‘lga olindi. Janjal qurilish materiallarining noto‘g‘ri taqsimoti sababli kelib chiqqan. gazeta.uz »
Turkiya prezidenti Rajab Toyyib Erdog‘an qarori bilan Tojikiston fuqarolari uchun vizasiz rejim bekor qilindi. gazeta.uz »
O‘zbekistonning Moskvadagi elchixonasi Moskva viloyatidagi “Krokus siti holl” binosida ro‘y bergan portlash va otishmada jabrlangan O‘zbekiston fuqarolari haqida ma’lumot kelib tushmaganini ma’lum qildi. gazeta.uz »
Tashqi ishlar vazirligi O‘zbekiston fuqarolari vizasiz kirishlari mumkin bo‘lgan 31 davlat ro‘yxatini e’lon qildi. Bundan tashqari kirib kelganda viza olish kerak bo‘lgan va elektron viza olish mumkin bo‘lgan davlatlar ro‘yxati ham keltirib o‘tildi. gazeta.uz »
