Ushlandi - Ïîñëåäíèå íîâîñòè [ Ôîòî â íîâîñòÿõ ] | |
Namanganda maktab direktorligiga ishga joylashtirish uchun 8,5 ming dollar pora olgan viloyat MMTB shu’ba boshlig‘i ushlandi. U 2011-yilda ham xuddi shunday jinoyatlar uchun sudlangan. Qolaversa, Davlatobodda tadbirkorga bog‘cha hujjatlarini rasmiylashtirib berish evaziga pul olgan bosh mutaxassis qo‘lga tushdi. gazeta.uz »
O‘zbekistonning bir nechta hududida fuqarolarni Janubiy Koreyaga ishga yuborishni va’da qilib, ularning mablag‘ini o‘zlashtirgan shaxslar fosh etildi. Xususan, Qashqadaryoning Koson tumanida MCHJ rahbari 48 nafar fuqarodan jami 384 ming dollar so‘rab, uning 29 ming dollarini firibgarlik yo‘li bilan qo‘lga kiritgan. gazeta.uz »
Marhamat tumanida tarkibida O‘zbekistonda taqiqlangan sibutramin moddasi bo‘lgan kofe mahsulotini sotayotgan ikki kishi ushlandi. Tezkor tadbir davomida ulardan jami 11 kg mahsulot ashyoviy dalil sifatida olindi. gazeta.uz »
Buxoroda uyushgan jinoiy guruhda ishtirok etganlikda gumonlangan 13 nafar yigit qo‘lga olindi. Ular ko‘chada mojaro chiqarib, boshqa yoshlarni shafqatsiz kaltaklagan va avtomobilni shikastlagan. Gumonlanuvchilardan biri “ko‘cha bo‘lishga” qiziqqanini, ammo hozir qilmishidan pushaymonligini aytgan. gazeta.uz »
Sirdaryo viloyatida iqtisodiy ishlar bo‘yicha sudya 3,6 ming dollar pora olganlikda gumonlanib ushlandi. U ishni MCHJ foydasiga hal qilib berish evaziga pul olgani aytilmoqda. Oliy sud tizimda korrupsiyaga qarshi kurash choralari davom etayotganini bildirdi. gazeta.uz »
Andijon viloyat hokimi o‘rinbosari Isomiddin Ismanov pora olayotganda qo‘lga olindi. U fuqaro nomiga 20 sotix yer maydonini rasmiylashtirib, kelgusida ushbu joyda qurilish uchun ruxsatnoma olib berishni va’da qilgan. Daryo xabariga ko‘ra, pora miqdori 50 ming dollar bo‘lgan. gazeta.uz »
Buxoroda bir talaba qizni Turkiyaga shahvoniy ekspluatatsiya qilish maqsadida olib chiqmoqchi bo‘lgan jinoiy guruh ushlandi. Ular aeroportda qo‘lga olingan. Guruh a’zolariga nisbatan odam savdosi moddasi bilan jinoyat ishi qo‘zg‘atilib, tergov olib borilmoqda. gazeta.uz »
Navoiyning “Qizilqum” futbol klubi U-19 jamoasi bosh murabbiyi firibgarlikda gumonlanib ushlandi. U o‘smirdan jamoaning asosiy tarkibiga o‘yinchi sifatida qabul qilish uchun 20 mln so‘m talab qilgani aytilmoqda. gazeta.uz »
Demokrat. uz nashri rahbari Fazlidinxon Mehmonov va bloger Aziz G‘oipnazarovga nisbatan jinoyat ishi ochildi. IIBBga ko‘ra, ular avtosalon haqidagi materialni o‘chirish evaziga 50 ming dollar talab qilganlikda gumonlanmoqda. gazeta.uz »
Buxoro viloyatida ikki ayolni Turkiyaga fohishalikka yuborishga uringan guruh fosh etildi. Gumonlanuvchilar ularni ish va’dasi bilan xorijga olib chiqmoqchi bo‘lgan. Ular Toshkent-Istanbul reysiga hujjatlashtirish vaqtida ushlandi. gazeta.uz »
Toshkentda Taftish.uz saytining besh nafar xodimi tovlamachilik va firibgarlikda gumonlanib protsessual tartibda ushlandi. IIBBga ko‘ra, ularga nisbatan tuhmat qilish va yolg‘on axborot tarqatish ayblovlari bo‘yicha ham tekshiruv o‘tkazilmoqda. gazeta.uz »
DXX Tojikistondan giyohvandlik vositalarini kontrabanda qilish va Toshkentda sotish bilan shug‘ullangan ayol va uning ikki o‘g‘lini qo‘lga oldi. Ulardan qariyb 8 kg yaqin gashish va opiy topildi. gazeta.uz »
Jizzax viloyatidagi tumanlardan birining favqulodda vaziyatlar bo‘limi boshlig‘i pora bilan ushlandi. U ikki holatda tadbirkordan 200 dollar va 6 mln so‘m olgan. Unga nisbatan jinoyat ishi qo‘zg‘atildi. gazeta.uz »
Samarqandda fermer xo‘jaligi rahbari 3 gektar yerni issiqxona qurish niyatidagi fuqaroga 300 ming dollarga sotmoqchi bo‘ldi. U oldindan pulning bir qismini olayotganda ushlandi. Qashqadaryoda ikki kishi zaxiradagi yerni uy qurish uchun 180 mln so‘mga sotmoqchi bo‘lganda qo‘lga olindi. gazeta.uz »
Turkiya aeroportida go‘sht qiymalagich va xamir qorish mashinasi detallariga yashirilgan, og‘irligi 61 kg dan ortiq bo‘lgan oltin kontrabandasida gumonlanuvchilar qo‘lga olindi. Oltinlar taxminan 8,5 mln dollarga baholanmoqda. gazeta.uz »
Agrosanoat majmui ustidan nazorat qilish inspeksiyasi Samarqand viloyati boshqarmasining yetakchi mutaxassisi yerning unumdorligiga zarar yetkazgan fuqaroga chora ko‘rmaslik evaziga 3 ming dollar talab qilgan. U pulni bir qismini olayotganda ushlandi. gazeta.uz »
Namanaganda sudya nizoli noturar bino bo‘yicha hal qiluv qarorini chiqarib berishni va’da qilib, fuqarodan 3,2 ming dollar pora olayotganda qo‘lga olindi. Toshkentda esa Bo‘zsuv kanaliga chiqindi to‘kkan shaxsdan 90 mln so‘m talab qilgan obodonlashtirish boshqarmasi boshliqlari ushlandi. gazeta.uz »
DXX Surxondaryoda qarzdor fermerdan uni elektr tarmog‘iga qayta ulab berish evaziga pul talab qilgan “Energosavdo” filiali xodimini qo‘lga oldi. Farg‘onada O‘zbekiston tumani Xalq qabulxonasi yetakchi mutaxassisi MIB ijro hujjatini tanishlari orqali yo‘q qilib berish evaziga fuqarodan pora olganda ushlandi. gazeta.uz »
Toshkent shahri Bektemir tumanidagi xonadonda fuqaro konserva mahsulotlari tayyorlashda 2,7 mlrd so‘mlik tabiiy gazdan noqonuniy foydalangani aniqlandi. Iste’molchi tarmoqdan uzildi, hujjatlar tegishli organlarga yuborildi. gazeta.uz »
O‘nlab fuqarolar Toshkent hokimligi binosi oldida to‘planib, Strong Cities ustidan shikoyat qildi. Ma’lum bo‘lishicha, kompaniya kvartiralarni ruxsatnomasiz sotgan. Tekshiruvdan so‘ng obyekt demontajlandi. gazeta.uz »
Jizzax viloyati Sharof Rashidov tumani hokimi Maxmud Xolbutayev hokimlik bosh mutaxassisi bilan birga tadbirkordan $30 ming pora olgani uchun qo‘lga olindi. Hokim deputatlik daxlsizligidan mahrum qilindi, unga nisbatan jinoyat ishi qo‘zg‘atildi. gazeta.uz »
Qoraqalpog‘istonning Beruniy tumani hokimi o‘rinbosari fuqaroga 150 ga yer ajratib berish uchun 12 ming dollar olgan vaqtida qo‘lga tushdi. Bundan tashqari, Agrosanoat agentligi Kosonsoy loyiha ofisi bosh mutaxassisi noqonuniy yer maydonini rasmiylaytirish evaziga 10 ming dollar olgani aniqlandi. gazeta.uz »
Toshkentda Tenge Bank’dan 90 ming dollar talon-toroj qilishda gumonlanib 9 kishidan iborat guruh ushlandi. Ular pullarni bank xodimi bilan kelishib, POS-terminalga soxta ma’lumotlar kiritgan holda qo‘lga kiritgan. gazeta.uz »
Xo‘jaobod tumanida profilaktika inspektorini pichoqlab o‘ldirib, voqea joyidan yashiringan 65 yoshli erkak qo‘lga olindi. U qabristondagi makkapoya ichida yashirinib yotgani aniqlangan. Gumonlanuvchi qo‘lga olish jarayonida o‘ziga pichoq bilan jarohat yetkazgan va shifoxonaga olib ketilgan. gazeta.uz »
Toshkentda fuqarolarni 22,5 ming dollar evaziga AQShga jo‘natishni va’da qilgan shaxs ushlandi. Yana bir holatda esa ikki kishini 2 ming dollar evaziga Yaponiyaga ishga yubormoqich bo‘lgan fuqaro qo‘lga olindi. gazeta.uz »
Misrda migratsiya qoidalarini buzganlikda gumonlanib, besh nafar O‘zbekiston fuqarosi ushlandi (keyinroq ulardan biri qo‘yib yuborilgan). O‘zbekiston elchixonasi mahalliy huquq-tartibot idoralari xorijliklar, jumladan, o‘qish maqsadida kelganlarni tekshirishni kuchaytirganini bildirdi. gazeta.uz »
Andijon va Toshkentda Haj va Umra ziyoratlariga yuborishni va’da qilib, yuzlab fuqaroning pullarini o‘zlashtirgan shaxslar qo‘lga olindi. Xususan, ulardan biri 101 nafar jabrlanuvchiga tegishli 42 ming dollardan ziyod mulkni, xususan, aviachiptalar va mehmonxona uchun mablag‘ini tortib olgan. gazeta.uz »
Davlat xavfsizlik xizmati o‘tkazgan tezkor tadbirlarda Toshkent shahri, Toshkent va Samarqand viloyatlarida maktab direktori lavozimi, bojxona hamda ekologik ruxsatlar uchun pora olayotgan mansabdor shaxslar qo‘lga olindi. gazeta.uz »
Payshanba kuni tunda Mirzo Ulug‘bek tumanida Tesla elektromobili yonib ketgandi. Poytaxt IIBBga ko‘ra, uni fuqaro o‘zaro kelishmovchilik ortidan yoqib yuborgan. Gumonlanuvchi qo‘lga olingan, hozirda tergov davom etmoqda. gazeta.uz »
Qashqadaryoda tadbirkorlarning soliq qarzdorligini bartaraf qilib berishni va’da qilib, ulardan 50 mln so‘m pora talab qilgan soliq inspektori qo‘lga olindi. gazeta.uz »
Toshkentdagi “12” barida bir nechta erkak va ayolga kuch ishlatib, ulardan biriga og‘ir jarohat yetkazishda gumonlangan va qidiruvga berilgan Akmal Shukurov Qozog‘istonda ushlandi. Hozirda uni ekstraditsiya qilish choralari ko‘rilmoqda. gazeta.uz »
Tungi reyd davomida fuqarolar Jarqo‘rg‘on tumanidan o‘tgan Surxon daryosi bo‘yidan noqonuniy ravishda qum qazib olayotgani aniqlandi. Ularga qariyb 79 mln so‘m miqdorida ma’muriy chora qo‘llandi. gazeta.uz »
To‘rtta hududda yer maydonlarini noqonuniy sotmoqchi bo‘lganlar qo‘lga olindi. Xususan, Olmaliqda 32 gektar yerni 2,4 mln dollarga, Yangiyo‘lda hokimlik zaxirasidagi yerni 60 ming dollarga sotishga urinishdi. Ularga nisbatan jinoyat ishlari qo‘zg‘atildi. gazeta.uz »
Toshkent viloyatida 28 yoshli ayol eri tomonidan o‘ldirilgani aytilmoqda. Erkak oilaviy janjaldan so‘ng ota uyiga kelgan xotinini zo‘rlik ishlatib mashinada olib qochib ketgan. Shundan so‘ng ayolning jasadi Olmaliq shahri hududidan topilgan. Marhumaning himoya orderi bo‘lgan. gazeta.uz »
Qozog‘istonning Turkiston viloyatidan Toshkentdagi Qibray tumanigacha 300 metrlik yerosti quvuri orqali Ai-92 markali benzin tashish bilan shug‘ullanganlar ushlandi. Ikki o‘zbekistonlikka jinoyat ishi qo‘zg‘atildi, ularning qozog‘istonlik sherigi bo‘yicha qo‘shni davlat hukumatiga murojaat qilindi. gazeta.uz »
Uchtepa tumanining avval ham uch marta sudlangan hokim yordamchisi 30 ming dollar olgan vaqtida ushlandi. U tadbirkorlik bilan shug‘ullanmoqchi bo‘lgan fuqaroga tanishlari orqali yer maydoni olib berishni va’da qilgan. gazeta.uz »
Samarqanddagi korxonalardan birining hisobchisi 6,4 mlrd so‘mni o‘zlashtirib, keyinchalik mablag‘ni internetdagi qimor o‘yinlarida yutqazib qo‘ydi. U soxta ma’lumotlar orqali pullarni o‘z nomiga ochilgan plastik kartalariga o‘tkazib olgan. gazeta.uz »
Chirchiq shahri hokimi o‘rinbosari hokimlik zaxirasidagi 20 ga yerni auksionga chiqarib, egalik huquqini rasmiylashtirishda yordam berishini aytgani va bu uchun 1 million dollar pora olgani aniqlandi. U qamoqqa olindi, jinoyat ishi qo‘zg‘atildi. gazeta.uz »
O‘zbekistonning 4 ta hududida jinoyat ishidagi ayblanuvchilarga mansabdor tanishlari orqali qamoqdan ozod qilish, yengilroq jazo tayinlashda yordam berishini aytib pora olgan advokatlar qo‘lga olindi. Ularga nisbatan jinoyat ishlari qo‘zg‘atildi. gazeta.uz »
Eron poytaxtida talaba qiz norozilik namoyishi sifatida universitet hovlisiga ichki kiyimda chiqqach, qo‘lga olindi. Jarayonda unga kuch ishlatilgani aytilmoqda. Qiz avvalroq hijobni noto‘g‘ri o‘ragani uchun (yoki umuman o‘ramagani uchun) hujumga uchragan. Huquq himoyachilari qizni ozod etishni talab qilmoqda. gazeta.uz »
Ichida Komil Allamjonov bo‘lgan yo‘ltanlamasga o‘q uzishda gumonlanganlardan biri ushlandi, deb xabar bermoqda O‘zbekiston Bosh prokuraturasi. gazeta.uz »
Toshkent shahri Yashnobod tumanida ikki nafar 20 yoshli yigit o‘zgalarga tegishli bo‘lgan ikkita Damas avtomashinasini olib qochdi. Ular qo‘lga olinib, 7 yilga ozodlikdan mahrum qilindi. gazeta.uz »
Toshkent shahrida oktabr oyi boshida 32 nafar giyohvandlik vositalarini yashirish yo‘li bilan tarqatuvchi shaxs qo‘lga olindi. Ularga nisbatan jinoyat ishlari qo‘zg‘atilib, qamoqqa olish ehtiyot chorasi qo‘llangan. gazeta.uz »
Toshkent xalqaro aeroporti chegara-bojxona postida Sankt-Peterburgdan uchib kelgan shaxs pnevmatik to‘pponcha olib o‘tmoqchi bo‘lgani aniqlandi. gazeta.uz »
O‘rta Chirchiq va G‘allaorol tumanlaridagi mahallalarda hokim yordamchisi bo‘lib ishlovchi ikki nafar shaxs pora bilan ushlandi. Biri fuqaroga ijaraga yer olib berish uchun 15 ming dollar so‘ragan, boshqasi - shifoxonaga ishga kiritib qo‘yish uchun 1200 dollar. Ularga nisbatan jinoyat ishlari qo‘zg‘atildi. gazeta.uz »
DXX Farg‘ona, Samarqand va Qashqadaryo viloyatlarida noqonuniy yer sotish holatlarini aniqladi. Uchko‘prik tumanida 56 yoshli shaxs o‘ziniki bo‘lmagan 12 sotix yerni 130 ming dollarga sotmoqchi bo‘lganida ushlandi. gazeta.uz »
Urganch davlat universiteti dekani abituriyentni ijodiy imtihondan o‘tkazib qo‘yish uchun taxminan 35 mln so‘m olayotganda qo‘lga olindi. Unga nisbatan jinoyat ishi qo‘zg‘atildi. gazeta.uz »
DXX Taxiatosh, Bo‘ston va Bo‘ka tumanlari hokimlari o‘rinbosarlarini pora olishda gumonlab qo‘lga oldi. Xususan, Taxiatosh hokimi o‘rinbosari fuqaroga hokimlik balansidagi buzilishga tushgan uyni fuqaroga rasmiylashtirib berish evaziga 35 mln so‘m talab qilgan. gazeta.uz »
Samarqandda fuqarolarni 18 ming dollar evaziga Angliyaga, Andijonda 3 ming evaziga Kanadaga noqonuniy ishga yubormoqchi bo‘lganlar ushlandi. Qoraqalpog‘istonda esa 1,5 ming dollarga Serbiya yoki Bolgariyaga viza olib berishni va’da qilgan shaxs qo‘lga tushdi. gazeta.uz »
Ichki ishlar vazirligi xodimlari 1000 dollar olayotgan ikki shaxsni qo‘lga oldi. Ular mahkumni tanishi orqali Bo‘ka tumanidagi 43-sonli manzil koloniyadan Ohangaron yoki Olmaliqdagi koloniyaga ko‘chirishni va’da qilgan. gazeta.uz »
