Noqonuniy - Ïîñëåäíèå íîâîñòè [ Ôîòî â íîâîñòÿõ ] | |
Deputat Alisher Qodirov O‘zbekiston qurilish sohasida jiddiy korrupsiya xavflari va yirik pul oqimlari mavjudligini bildirdi. Uning so‘zlariga ko‘ra, amaldagi qonunlar yetarlicha samarali emas, shu sababli quruvchi qoidalarni chetlab o‘tishga urinish katta zararga olib kelishini oldindan tushunishi kerak. gazeta.uz »
Toshkent shahri va viloyati hududidan oqib o‘tuvchi Chirchiq daryosi o‘zanidan ruxsatnomasiz 101,2 ming kub metr qum-shag‘al qazib olingani aniqlandi. Huquqni muhofaza qiluvchi organlar bu bilan davlat va jamiyat manfaatlariga 1,9 trln so‘m zarar yetkazilganini bildirdi. gazeta.uz »
Polsha Belarus orqali noqonuniy migratsiyani tashkil etishga aloqador bo‘lgan O‘zbekiston fuqarosini mamlakatdan chiqarib yubordi. U jamoat xavfsizligi va tartibiga tahdid solgani sababli deportatsiya qilindi. gazeta.uz »
Toshkent shahrining Yunusobod tumanida kriptoaktivlarni noqonuniy aylantirishda gumon qilingan 17 yoshli o‘smir qo‘lga olindi. Toshkent shahar IIBB ma’lumotiga ko‘ra, u amalga oshirgan operatsiyalarning umumiy hajmi 578 ming AQSh dollarini, ya’ni 6,93 milliard so‘mni tashkil etgan. gazeta.uz »
Sud Gulira’no Qosimova da’vosini qanoatlantirib, uni ishdan bo‘shatish haqidagi buyruqni noqonuniy deb topdi. Sobiq maktab direktori ish joyiga tiklanadi va ishsiz yurgan uch oy uchun ish haqi to‘lanadi. gazeta.uz »
2026-yilning ikkinchi choragida O‘zbekistonda chiqindilarni belgilanmagan joylarga tashlash bilan bog‘liq 1548 ta huquqbuzarlik aniqlandi. Ularning 354 tasi transport vositalari, 1194 tasi esa fuqarolar tomonidan sodir etilgan. Holatlar bo‘yicha 123,4 mln so‘mlik jarima qo‘llandi. gazeta.uz »
Senat qurilish sohasida nazoratni kuchaytirishga oid qonunni ma’qulladi. Inspeksiya ruxsatisiz ko‘p qavatli uy qurgan fuqarolarga 400 BHM, mansabdor shaxslarga esa 450 BHM miqdorida jarima belgilanadi. gazeta.uz »
Navoiy viloyatida noqonuniy oltin qazib olish uchun kovlangan chuqurlikda tuproq bosishi oqibatida uch nafar fuqaro qolib ketdi. Ulardan biri mahalliy aholi tomonidan, yana ikki nafari esa FVB qutqaruvchilari tomonidan qutqarildi. Barcha jabrlanganlar shifoxonaga yetkazildi. gazeta.uz »
Jizzax viloyatida uch nafar fuqaro tarkibida oltin zarralari bo‘lgan toshlarni yashirin ravishda yig‘ib, qo‘lbola sexda qayta ishlagani aniqlandi. Tezkor tadbirda qariyb 10 tonna ruda, tegirmon va oltin ajratish uskunalari musodara qilindi. Holat yuzasidan tergovga qadar tekshiruv olib borilmoqda. gazeta.uz »
2026-yilning dastlabki 5 oyida o‘qotar qurollarning noqonuniy muomalasiga oid 760 dan ortiq holat aniqlandi, shundan 15 tasi kontrabanda bilan bog‘liq. Narkotiklar agentligiga ko‘ra, ularning aksariyati sovet davridan ro‘yxatga olinmay qolgan yoki meros sifatida saqlangan qurollardir. gazeta.uz »
Jondor tumanidagi fuqaro xonadonida noqonuniy saqlanayotgan ikki yovvoyi to‘ng‘iz tabiatga qo‘yib yuborildi. Qoidabuzar fuqaroga 2 mln so‘mdan ortiq jarima belgilandi. gazeta.uz »
O‘zbekistonda noqonuniy va ruxsatsiz qurilishlar uchun moliyaviy sanksiyalarni kuchaytirish taklif qilindi. 2025-yilda 1952 ta noqonuniy qurilish aniqlangan. Prezidentga bosh rejalar bilan ishlashning yangi tizimi, shaharsozlik hujjatlarining yagona elektron reyestrini yaratish bo‘yicha takliflar ham taqdim etildi. gazeta.uz »
Toshkent viloyatining Bo‘stonliq tumanida qurilish uchun ajratilgan hududda 27 tup daraxt noqonuniy yo‘q qilingani aniqlandi. Ekologiya boshqarmasi hisob-kitobiga ko‘ra, o‘simlik dunyosiga 2 mlrd so‘mdan ortiq zarar yetkazilgan. Hujjatlar huquqiy baho berish uchun prokuraturaga yuborildi. gazeta.uz »
Senatorlar narkotik, psixotrop moddalar, ularning analoglari va kuchli ta’sir qiluvchi moddalar noqonuniy muomalasi uchun javobgarlikni kuchaytiruvchi qonunni ma’qulladi. Narkolaboratoriyalar, ta’lim tashkilotlari yaqinidagi savdo va jamoat joylarida narkotiklar iste’moli uchun alohida jazolar joriy etiladi. gazeta.uz »
Angrenda joylashgan Lashkarak mahallasidagi ziplaynda ikki kishi to‘qnashib ketdi. Fuqarolar jarohatlanmagan. FVVga ko‘ra, attraksion noqonuniy faoliyat yuritib kelgan. gazeta.uz »
Buxoroning Olot tumanida 2024-yilda 154 tup turung‘ul daraxti noqonuniy kesilgani aniqlangan. Tabiatga 1 mlrd 302 mln so‘m zarar yetkazilgan. Sud da’voni qanoatlantirib, ushbu mablag‘ni javobgar yuridik shaxsdan undirishni belgiladi. gazeta.uz »
Buxoro shahrida sobiq Telefon-telegraf binosi hududida 12 tup archa noqonuniy kesilgani aniqlandi. Huquqbuzarga 10,3 mln so‘m jarima qo‘llandi, tabiatga yetkazilgan zarar 95,6 mln so‘mni tashkil etdi. gazeta.uz »
Qoraqalpog‘istondagi tumanlarning birida kadastr bo‘limi boshlig‘i bo‘lib ishlovchi shaxs pora olishda gumonlanib qo‘lga olindi. U o‘zboshimchalik bilan egallab olingan yerga qurilgan binoga nisbatan mulk huquqini e’tirof etish va uning kadastr hujjatlarini rasmiylashtirib berish evaziga 2 ming dollar olgan. gazeta.uz »
Sarmishsoy arxeologiya yodgorligi hududida noqonuniy oltin qazib olish holati aniqlandi. 40 yoshli fuqaro 19 nafar ishchini jalb qilib, qo‘lbola usulda oltin ajratib olgan. Oqibatda davlat va yodgorlikka 111 mlrd so‘mdan ortiq zarar yetkazilgan. gazeta.uz »
O‘zbekistonda portativ lazerli qurilmalardan noqonuniy foydalanish uchun jarimalar joriy etildi. Qoidabuzarliklar uchun 20,6 mln so‘mgacha jarima va musodara belgilandi. Qonun jamoat xavfsizligi va parvozlar xavfsizligini ta’minlashga qaratilgan. gazeta.uz »
Chorvoqda chiqindilarni noqonuniy tashlashga qarshi reydlarda 100 dan ortiq qoidabuzarlik aniqlandi. Ikkita noqonuniy chiqindixona bartaraf etildi, 401 tonna chiqindi olib chiqildi. Nazoratni kuchaytirish uchun hududda jami 50 ta videokamera o‘rnatiladi. gazeta.uz »
Namangan viloyatida ayollar tomonidan noqonuniy ravishda diniy ta’lim berish holatlari aniqlandi. Ular uy hamda Telegram guruhlari orqali ayol va qizlarga pul evaziga saboq bergan. Holatlar bo‘yicha jinoyat ishlari qo‘zg‘atilgan. gazeta.uz »
Navoiy viloyatida noqonuniy ravishda oltin qazib olish bilan shug‘ullanganlar qo‘lga olindi. Ular davlat manfaatlariga jami 13,1 mlrd so‘mlik zarar yetkazgan. gazeta.uz »
O‘zbekistonda onlayn kameralar orqali 3 oyda chiqindilarni noqonuniy tashlash bo‘yicha 2107 ta holat aniqlandi. Ularning 322 tasida jarima qo‘llandi, qolganlari bo‘yicha choralar ko‘rilmoqda. Respublika bo‘ylab qariyb 700 ta kamera o‘rnatilgan. gazeta.uz »
Toshkentda noqonuniy diniy ta’lim berish bilan bog‘liq ikki holat aniqlandi. Nodavlat OTM talabasi 9 nafar bolaga uyda majburiy saboq bergan, ayrimlariga tan jarohati yetkazilgan. Shuningdek, nodavlat OTM o‘qituvchisi va uning turmush o‘rtog‘i 5 nafar bolaga noqonuniy ta’lim bergan. gazeta.uz »
Toshkent viloyati Yangiyo‘l shahrida 121 tup daraxt noqonuniy kesilgani aniqlandi. O‘simlik dunyosiga 1 mlrd so‘mdan ortiq zarar yetkazilgan. Holat bo‘yicha hujjatlar prokuraturaga yuborildi. gazeta.uz »
Senat davlat organlari va mansabdor shaxslarining noqonuniy qarorlari, harakatlari yoki harakatsizligi tufayli yetkazilgan zararni qoplash to‘g‘risidagi qonunni ma’qulladi. To‘lovlar maxsus kompensatsiya jamg‘armalari orqali amalga oshiriladi va keyinchalik bu mablag‘lar aybdor shaxslardan undirib olinadi. gazeta.uz »
2026-yilning birinchi choragida O‘zbekistonda energiya resurslaridan noqonuniy foydalanish bilan bog‘liq 885 ta holat aniqlandi. Bu orqali davlat manfaatlariga qariyb 196 mlrd so‘m zarar yetkazilgan. gazeta.uz »
Samarqandda Tojikiston bilan chegaradagi “Jartepa” postida deklaratsiya qilinmagan va ruxsatnomasi bo‘lmagan Starlink qurilmasi aniqlandi. Qonunchilikka ko‘ra, ushbu qurilmani O‘zbekiston hududiga maxsus ruxsatnomalarsiz olib kirish va foydalanish taqiqlangan. Jinoyat ishi qo‘zg‘atilib, tergov boshlangan. gazeta.uz »
Toshkentning Shayxontohur tumanida noqonuniy ko‘chirib o‘tqazilgan 108 ta daraxtdan 107 tasi qurib qolgani aniqlandi. Holat oqibatida tabiatga 881 mln so‘mdan ortiq zarar yetkazilgan, materiallar huquqni muhofaza qiluvchi organlarga yuborilmoqda. gazeta.uz »
Namanganda hujjatsiz dori vositalari, Andijonda yashirin sexlar, Toshkentda esa noqonuniy tibbiy buyumlar saqlanayotgan xonadonlar aniqlandi. Ularning umumiy qiymati 4 milliard so‘mdan ortiqni tashkil etadi. gazeta.uz »
O‘zbekistonda elektr, gaz va boshqa muhandislik tarmoqlariga noqonuniy ulanganlik uchun javobgarlik kuchaytirildi. Yangi qonunga ko‘ra, jarimalar oshirildi, takroran sodir etilsa jinoiy javobgarlik qo‘llanadi. gazeta.uz »
Farg‘ona viloyatida Damas avtomashinasida Qirg‘izistonga noqonuniy olib chiqilmoqchi bo‘lgan 1,23 kg oltin quymalar aniqlandi. Ularning qiymati 2,18 mlrd so‘mga baholangan. Holat yuzasidan jinoyat ishi qo‘zg‘atilib, tergov boshlangan. gazeta.uz »
Prezident O‘zbekistonda dori vositalari aylanishi ustidan nazoratni kuchaytirish zarurligini ma’lum qildi. Uning so‘zlariga ko‘ra, kontrafakt preparatlarning tarqalishi oqibatida xorijiy kompaniyalar tomonidan 21 turdagi original dori vositalarini yetkazib berish to‘xtatilgan. gazeta.uz »
Qarshidagi bozor rahbari do‘konni rasmiylashtirish uchun tadbirkordan 80 ming dollar talab qilib, undan 30 ming dollarini olayotganda qo‘lga olindi. Buxorodagi bozor rahbari esa yer maydoni ajratish evaziga 11 ming dollar olayotganda ushlandi. gazeta.uz »
Andijon viloyatida 819 mln so‘mlik 473 gramm oltin quymalarni Qirg‘izistonga noqonuniy olib chiqishga urinish aniqlandi. DXX va bojxona xodimlari ikki nafar shaxsni chegara postida to‘xtatdi, jinoyat ishi qo‘zg‘atildi. gazeta.uz »
Surxondaryo viloyati Uzun tumanida Qizil kitobga kiritilgan Buxoro tog‘ qo‘yi noqonuniy ov qilinib, otib tashlandi. Hayvonot dunyosiga yetkazilgan zarar 412 mln so‘m etib belgilandi. Holat yuzasidan surishtiruv ishlari olib borilmoqda. gazeta.uz »
Toshkentda inson a’zolarining noqonuniy oldi-sotdisi bilan shug‘ullangan er-xotin qo‘lga olindi. Ular operatsiyani Dushanbe shahridagi “Istiqlol” klinikasida amalga oshirgan. Gumonlanuvchilarga mijoz topishda blogerlardan biri ham yordam berib kelgani aytilmoqda. gazeta.uz »
Farg‘onalik 35 yoshli shaxs Urgut tumanida hujra tashkil qilib, noqonuniy diniy ta’lim berib kelgani aniqlandi. U maxsus diniy ma’lumot va ruxsatnomasiz 10−15 yoshli yetti nafar bolaga dars bergan. Erkakka nisbatan jinoiy ish ochildi. gazeta.uz »
O‘zbekistonda garovdagi mulkni o‘zlashtirish, yashirish yoki shikast yetkazish uchun, agar zarar jinoiy javobgarlik darajasiga yetmasa, ma’muriy javobgarlik joriy etilishi mumkin. Bunga garovga qo‘yilgan mashinalarni noqonuniy ijaraga berish yoki O‘zbekistondan olib chiqib ketish holatlari ko‘paygani bunga sabab bo‘ldi. gazeta.uz »
So‘nggi bir yilda Umra ziyoratini noqonuniy tashkil etish bilan bog‘liq 178 ta jinoyat ishi qo‘zg‘atildi. Litsenziyasiz ishlagan 47 ta, reklama qoidalarini buzgan 15 ta turistik tashkilot jarimaga tortildi. gazeta.uz »
Sun’iy intellekt yordamida shaxsga doir ma’lumotlarga noqonuniy ishlov berganlik uchun javobgarlik belgilandi. “Axborotlashtirish to‘g‘risida”gi Qonunga kiritilgan tuzatishlarga ko‘ra, bu BHMning 50 baravaridan 100 baravarigacha (41 mln 200 ming so‘mgacha) jarima solishga sabab bo‘ladi. gazeta.uz »
Navoiy viloyatida Sarmishsoy tog‘ tizmasida bir necha oy davomida noqonuniy oltin qazish bilan shug‘ullanib kelgan shaxslar guruhi qo‘lga olindi. Ular tarkibida 9,9 kg miqdoridagi umumiy narxi 15,5 mlrd so‘mlik oltin mavjud bo‘lgan tog‘ jinslarini o‘zlashtirgan. gazeta.uz »
Farg‘ona viloyati Maktabgacha va maktab ta’limi boshqarmasi boshlig‘i Sherzod Dolimov jarimaga tortildi, deb xabar berdi Mehnat inspeksiyasi Gazeta’ga. Uning Buvaydadagi 37-maktab direktorini majburiy navbatchilik ortidan ishdan olish va yangi direktorni ishga tayinlashda qonunchilik talablarini buzgani aytildi. gazeta.uz »
Farg‘ona viloyatida 80 ta iPhone 16 telefonini noqonuniy o‘tkazib berish uchun 5000 dollar talab qilgan chegara-bojxona posti rahbari Bojxona qo‘mitasi tizimi va davlat tashkilotlarida mansabdor lavozimlarda ishlash huquqidan mahrum qilinib, 4 yilga qamaldi. U avgustda qo‘lga olingan edi. gazeta.uz »
Migratsiya agentligi Janubiy Koreyadagi noqonuniy O‘zbekiston fuqarolarini ogohlantirdi: 1-dekabrdan 28-fevralgacha nolegal maqomdagi shaxslar mamlakatdan ixtiyoriy chiqsa, jarimalar va qayta kirishga taqiq vaqtincha qo‘llanmaydi. gazeta.uz »
Kosonsoy tumanida Qirg‘izistondan noqonuniy aylanma yo‘llar orqali taxminiy summasi 1,1 mlrd so‘m bo‘lgan 1 kg 168 gr miqdoridagi oltin quymasi parchalarini olib kirgan fuqaro qo‘lga olindi. gazeta.uz »
Joriy yilning yanvar-oktabr oylarida ichimlik va oqova suv tarmoqlariga 4,3 mingdan ortiq noqonuniy ulanish holati aniqlandi. Qonunbuzarliklar ortidan 82 mlrd so‘m zarar yetkazildi, 62 ming iste’molchi tarmoqdan uzildi. gazeta.uz »
Jizzax viloyatida pedagogika universitetining sirtqi bo‘lim binosi tabiiy gazdan noqonuniy foydalanish oqibatida 3,5 mlrd so‘mlik zarar yetkazgani ma’lum bo‘ldi. Holat bo‘yicha dalolatnoma tuzilib, pullar qayta hisob-kitob qilindi. gazeta.uz »
Prezident yig‘ilishida kosmik monitoringdan iqtisodiy sohalarda foydalanish imkoniyatlari ta’kidlandi. Yil boshidan beri sun’iy yo‘ldosh orqali 2 mingta kondan ruxsatsiz foydalanish, 33 mingta o‘zboshimcha qurilish holati aniqlangan. gazeta.uz »
