Istonda - Ïîñëåäíèå íîâîñòè [ Ôîòî â íîâîñòÿõ ] | |
Qoraqalpog‘istondagi tumanlarning birida kadastr bo‘limi boshlig‘i bo‘lib ishlovchi shaxs pora olishda gumonlanib qo‘lga olindi. U o‘zboshimchalik bilan egallab olingan yerga qurilgan binoga nisbatan mulk huquqini e’tirof etish va uning kadastr hujjatlarini rasmiylashtirib berish evaziga 2 ming dollar olgan. gazeta.uz »
Prezident qarori bilan Besqala Mining Valley maxsus mayning zonasi tashkil etiladi. Maxsus zonaning hududi Qoraqalpog‘iston Respublikasining butun hududi hisoblanadi. Rezidentlar daromadlari 2035-yilgacha soliqlar va yig‘imlardan ozod qilinadi. gazeta.uz »
Atamurat Shamuratov Qoraqalpog‘iston iqtisodiyot va moliya vaziri lavozimiga, Kamiljan Aytbayev esa qishloq xo‘jaligi vaziri lavozimiga tayinlandi. Taxiatosh tumaniga Islambek Sdikov hokim bo‘ldi. gazeta.uz »
Qozog‘istonning yangi Konstitutsiyasi bo‘yicha referendum 15-mart kuni bo‘lib o‘tadi. Qasim-Jomart Toqayev bu haqdagi farmonni imzoladi. Mamlakatda konstitutsiyaviy islohotlar jarayoni Qozog‘iston prezidentining bir palatali parlamentga o‘tish tashabbusi bilan boshlangandi. gazeta.uz »
Innovatsion markazlarga ega “Yangi avlod” bog‘chalari prezident maktablari kabi maktabgacha ta’lim sifatini oshirishda “lokomotiv” vazifasini o‘taydi, dedi maktabgacha va maktab ta’limi vaziri. Ularni ochish Toshkent shahri va Qoraqalpog‘istondan boshlanib, 2028-yilda butun O‘zbekiston hududlarini qamrab oladi. gazeta.uz »
Qoraqalpog‘istonda chiqindidan elektr ishlab chiqaradigan zavod qurilishi boshlandi. 80 mln dollarlik loyiha yiliga 274 ming tonna chiqindini qayta ishlab, 80 mln kVt/soat energiya ishlab chiqaradi va 100 ta ish o‘rni yaratadi. gazeta.uz »
Xo‘jayli tumanida fuqaro hamda uning 10 va 14 yoshli nabiralari is gazidan zaharlanib vafot etdi. Marhum qo‘lbola isitish pechini mo‘risiz holda gaz tarmog‘iga ulagan va oqibatda gaz sizib chiqqan. gazeta.uz »
Qozog‘istonning Aqtobe viloyatida yo‘lovchi avtobusi ariqqa ag‘darilib ketdi. Oqibatda 5 kishi, xususan, 2 nafar o‘zbekistonlik halok bo‘ldi. O‘zbekiston FVV marhumlarning jasadini vatanga olib kelish choralari ko‘rilayotganini bildirdi. gazeta.uz »
Qozog‘istonda 16 yoshgacha bo‘lgan bolalarni ijtimoiy tarmoqlarda ro‘yxatdan o‘tkazishni taqiqlash taklif qilinmoqda (messenjerlar mustasno). Onlayn platformalardan ham mamlakatda o‘z vakolatxonalarini ochishni talab qilishmoqchi. gazeta.uz »
Qozog‘istonning Aqtobe viloyatida salonida yo‘lovchilar, jumladan, 54 nafar O‘zbekiston fuqarosi bo‘lgan avtobus YTHga uchradi. Aqtobedagi Bosh konsulxona ularga zarar yetmaganini ma’lum qildi. Yo‘lovchilarga oziq-ovqat va boshpana berilgan, ular boshqa avtobusda mamlakatga qaytadi. gazeta.uz »
Qozog‘iston sudi 23 yoshli Yana Legkodimovaga nisbatan shov-shuvli qotillik ishi bo‘yicha hukm chiqardi. Ishda ayblanuvchilar begona emas - Yana bilan munosabatda bo‘lgan Rizuan Xayrjanov va uning do‘sti Altinbek Katimov. Ular umrbod qamoq jazosiga hukm qilindi. gazeta.uz »
Qozog‘istonning Pavlodar viloyatidagi avtomobil yo‘lida to‘xtab qolgan avtobusdan 36 nafar yo‘lovchi (13 nafari bolalar) evakuatsiya qilindi, ularning barchasi O‘zbekiston fuqarolari bo‘lgan. Yomg‘ir va sovuq havo sharoitida sayohatchilar isitish punktiga yetkazilib, issiq ovqat bilan ta’minlangan. gazeta.uz »
Qoraqalpog‘istondagi “Barsakelmes” tuz koni hududida chegaralarda tuzni qayta ishlashga ixtisoslashtirilgan Kungrad Salt Free Zone sanoat zonasi tashkil etiladi. 2030-yilgacha jami 200 mln dollar investitsiya hisobiga konning mavjud imkoniyatlaridan samarali foydalanish rejalashtirilgan. gazeta.uz »
Qozog‘istonning Olmaota shahrida ota-ona qaramog‘isiz qolgan bolalar O‘zbekistonga olib kelindi. Ulardan ikki nafari yaqinlari bag‘riga qaytariladi, boshqasi esa oilaviy bolalar uyiga joylashtiriladi. gazeta.uz »
Prezident Administratsiyasi rahbari Saida Mirziyoyeva ma’lum qilishicha, Qoraqalpog‘istonda 2 mlrd dollarlik 27 ta loyiha amalga oshirilishi rejalashtirilgan. Ushbu loyihalar sanoat, logistika, qishloq xo‘jaligi va sog‘liqni saqlash sohalarini qamrab oladi hamda qariyb 10 mingta ish o‘rni yaratiladi. gazeta.uz »
Qoraqalpog‘istonda To‘rtko‘l - Ellikqal’a stansiyalari oralig‘ida signal belgilariga e’tibor bermagan “KamAZ” yo‘lovchi poyezdiga borib urildi. Yuk mashinasi haydovchisi shifoxonaga yotqizildi. Poyezd yo‘lovchilariga esa zarar yetmadi, ular boshqa teplovozda harakatni davom ettirdi. gazeta.uz »
Telegram asoschisi Pavel Durov prezident Qosim-Jomart Toqayev bilan uchrashdi. Ma’lum bo‘lishicha, kompaniya rasman Astana Hub a’zosiga aylandi, Qozog‘istonda o‘z ofisini ochdi va AIem.Ai. markazida sun’iy intellekt laboratoriyalarini ishga tushirdi. gazeta.uz »
Qozog‘iston prezidenti Qosim-Jomart Toqayev AQShga tashrifidan so‘ng tashqi ishlar vazirini almashtirdi, AQShdagi elchini lavozimidan oldi. Shuningdek, 3 maslahatchisi va 3 yordamchisini ishdan bo‘shatdi. gazeta.uz »
DXX Farg‘ona viloyati va Qoraqalpog‘istonda Afg‘onistondan olib kelingan yirik miqdordagi narkotik moddalar musodara qilinganini xabar berdi. Bir necha kishi qamoqqa olindi, ehtimoliy sheriklarni qidirish ishlari olib borilmoqda. gazeta.uz »
Qozog‘istonda nikoh tuzishga majburlaganlik uchun jinoiy javobgarlik kuchga kirdi. Jazo jinoyat holatiga bog‘liq bo‘lib, katta miqdorda jarima, axloq tuzatish ishlari va 2 yildan 10 yilgacha ozodlikdan mahrum qilishni nazarda tutadi. gazeta.uz »
Qozog‘istonning Olmaota viloyatida metall qabul qilish korxonasida portlash yuz berdi, oqibatda uch nafar O‘zbekiston fuqarosi halok bo‘ldi. Migratsiya agentligi marhumlarning jasadini vatanga qaytarish ishlarini tashkil etmoqda. gazeta.uz »
Osiyo taraqqiyot banki va ACWA Power Qorao‘zak tumanida shamol elektr stansiyasi va akkumulyator asosida energiyani saqlash tizimini qurish uchun 51 mln dollar miqdoridagi qarz paketini imzoladi. U Markaziy Osiyodagi birinchi kommunal miqyosdagi energiyani akkumulyator yordamida saqlash tizimiga ega SHES hisoblanadi. gazeta.uz »
Qozog‘istonning Turkiston viloyati Keles tumanida 35 yoshli O‘zbekiston fuqarosi 8-sinf qizni zo‘rlagani uchun umrbod qamoqqa hukm qilindi. U qizchaning ojizligidan foydalanib, uni bir necha marta o‘z xohishiga qarshi jinsiy aloqaga majburlagan. Qiz homilador bo‘lib qolgach, onasi voqeadan xabar topgan. gazeta.uz »
Osiyo taraqqiyot banki Qoraqalpog‘istondagi A380 avtomobil yo‘lining 87 km qismini rekonstruksiya qilish uchun $233,1 mln qarz ajratdi. Loyihada uzunligi 75 km bo‘lgan To‘rtko‘l - Ellikqal’a - Beruniy yangi aylanma yo‘lini qurish va mavjud avtomobil yo‘lining 12 km qismini rekonstruksiya qilish ko‘zda tutilgan. gazeta.uz »
Qoraqalpog‘istonda mayningga ixtisoslashgan maxsus zona tashkil etish rejalashtirilmoqda. U yerda qayta tiklanuvchi energiya manbalaridan foydalanishga ruxsat beriladi, yagona tizimdan elektr olinsa, maxsus tariflar qo‘llanadi. gazeta.uz »
Qozog‘istonda hokimiyatda endi oila-klan tizimi yo‘q, davlat xizmatida meritokratiya tamoyili qaror topmoqda, dedi prezident Qosim-Jomart Toqayev. Uning ta’kidlashicha, mamlakat o‘z taraqqiyotining sifat jihatidan yangi bosqichiga qadam qo‘ydi. gazeta.uz »
Qozog‘istonda 13-avgustdan boshlab Starlink sun’iy yo‘ldosh interneti rasman ishlay boshladi. Uy tariflari 42 dollardan 57 dollargacha turadi. Starlink O‘zbekistonda 2026-yilda ishga tushirilishi kutilmoqda. gazeta.uz »
Qoraqalpog‘istonda qoidalarga amal qilmagan “KamAZ” yuk mashinasi temiryo‘l kesishmasidan o‘tish vaqtida poyezd bilan to‘qnashdi. Oqibatda teplovoz relsdan chiqib ketdi. Jabrlanganlar yo‘q. gazeta.uz »
Qozog‘istonda tibbiyot xodimlariga nisbatan jismoniy zo‘ravonlik va shafqatsizlik uchun jazo kuchaytirilmoqda. Tashabbusni mamlakat prezidenti Qosim-Jomart Toqayev qo‘llab-quvvatladi. gazeta.uz »
Qozog‘istonda YTH sababli onasidan ajralgan va ota-ona qaramog‘isiz qolgan 15 yoshli qiz O‘zbekistonga qaytarildi. U xolasi hamrohligida vatanga olib kelindi va buvisining qaramog‘iga topshirildi. gazeta.uz »
Xorazm va Qoraqalpog‘istonda turizm yagona konsepsiya asosida rivojlantiriladi va “Xorazm - Qoraqalpog‘iston” turistik halqasi loyihasi ishlab chiqiladi, deya ma’lum qildi prezident. Hududlarni bog‘laydigan yo‘lni rivojlantirish dasturi boshlanadi hamda Urganch - Gurlan - Mang‘it yo‘li to‘liq ta’mirlanadi. gazeta.uz »
Qozog‘istonda ota-ona qaramog‘idan mahrum bo‘lgan o‘zbekistonlik bola vatanga qaytarildi. U aeroportda o‘ziga vasiy etib tayinlangan yaqin qarindoshiga topshirildi. gazeta.uz »
Olmaota shahrida ota-ona qaramog‘isiz qolgan 9 nafar o‘zbekistonlik bola vatanga qaytarildi. Yaqin qarindoshlarini topish uchun ular IIV Huquqbuzarliklar profilaktikasi bosh boshqarmasi xodimlariga topshirildi. gazeta.uz »
Qoraqalpog‘istonning Qorao‘zak tumanida gaz shoxobchasi o‘lchov qurilmalariga tashqi ta’sir o‘tkazib, 2,9 mlrd so‘mlik tabiiy gazni talon-toroj qilgani aniqlandi. Zapravka mansabdorlariga nisbatan jinoyat ishi qo‘zg‘atildi. gazeta.uz »
Toshkentdagi “12” barida bir nechta erkak va ayolga kuch ishlatib, ulardan biriga og‘ir jarohat yetkazishda gumonlangan va qidiruvga berilgan Akmal Shukurov Qozog‘istonda ushlandi. Hozirda uni ekstraditsiya qilish choralari ko‘rilmoqda. gazeta.uz »
Qozog‘istonning Aqto‘be viloyatida yuk mashinasi ichida 33 nafar O‘zbekiston fuqarosi bo‘lgan, Ufa-Samarqand yo‘nalishida ketayotgan avtobus bilan to‘qnashdi. FVV xodimlari fuqarolarni evakuatsiya qildi. Jabrlanganlar yo‘q. gazeta.uz »
Qozog‘istonning Mang‘istau viloyatida yetti kishi, jumladan, besh nafar bola gazdan zaharlanib vafot etdi. Viloyat hokimligi halok bo‘lganlar O‘zbekiston fuqarolari ekanini ma’lum qildi. O‘zbekiston FVVning aniqlik kiritishicha, halok bo‘lganlarning faqat bir nafari o‘zbekistonlik. gazeta.uz »
Qozog‘istonning Mang‘istau viloyatida o‘zbekistonlik oilaning 7 a’zosi is gazidan zaharlanib vafot etdi. Ularning 5 nafari bolalardir. Ular mamlakatda vaqtincha yashayotgan bo‘lgan. Viloyat hokimligi hodisa yuzasidan komissiya tuzilgani, dafn marosimi o‘tkazilishini ma’lum qildi. gazeta.uz »
Qozog‘istonda Parlament Majlisi deputati xorijiy agentlar to‘g‘risidagi tegishli qonunni qabul qilishni taklif etdi. “Qozog‘istonliklar o‘zgalar o‘yinining asiri bo‘lishni istamaydi”, - degan deputat mamlakatda 200 ga yaqin nodavlat tashkilot xorijdan moliyalashtirilishini ta’kidladi. gazeta.uz »
Qozog‘iston FVV nosozlik tufayli yo‘lda qolib ketgan mikroavtobusdagi 24 nafar chet el fuqarosi (jumladan, 4 bola)ni evakuatsiya qildi. Ular O‘zbekiston va Tojikiston fuqarolaridir. Hech kim jarohat olmagan. gazeta.uz »
Qozog‘istondagi birinchi AES uchun texnologiya yetkazib beruvchilar short-listiga to‘rt mamlakat, jumladan, Rossiyaning “Rosatom” va Xitoyning CNNC kompaniyalari kiritildi. Avvalroq prezident Qosim-Jomart Toqayev hukumatga AES qurilishini jadallashtirish va yadro klasterini yaratishni boshlashni buyurgandi. gazeta.uz »
Qozog‘istonda “budjet inqirozi” fonida qo‘shilgan qiymat solig‘i stavkasini 12 dan 20 foizgacha oshirish muhokama qilinmoqda. Ayni vaqtda ish beruvchilarning ijtimoiy solig‘i va majburiy pensiya to‘lovlarini bekor qilish taklif qilinmoqda. gazeta.uz »
Qoraqalpog‘istonning Qorao‘zak tumanidagi gaz to‘ldirish shohobchasi elektron hisoblagichga tashqi ta’sir o‘tkazib, 2,8 mlrd so‘mlik gazdan noqonuniy foydalanib kelgani aniqlandi. Holat yuzasidan jinoyat ishi qo‘zg‘atildi. gazeta.uz »
Qozog‘iston Energetika vazirligi qo‘shni davlatlar bilan narxlardagi tafovutni bartaraf etish va “kulrang” eksport xavfini minimallashtirish maqsadida benzin va dizel narxlarini bosqichma-bosqich erkinlashtirish rejalarini e’lon qildi. gazeta.uz »
Qozog‘istonda korrupsionerlarga oid oshkora reyestr paydo bo‘ladi. Unga og‘ir va o‘ta og‘ir korrupsiyaga oid jinoyatlarni sodir etganlik uchun sudlangan shaxslar to‘g‘risidagi ma’lumotlar kiritiladi. gazeta.uz »
Nukus shahridagi FVVga qarashli harbiy qismda bir yillik xizmatni o‘tayotgan 19 yoshli askar 5 kishini pichoqladi. Oqibatda ulardan biri vafot etdi, qolganlariga shifoxonada tibbiy yordam ko‘rsatilmoqda. gazeta.uz »
Qozog‘iston prezidenti Qosim-Jomart Toqayev mamlakatda ikkinchi va uchinchi AES qurilishini istisno qilmadi. “Men Qozog‘iston atom energetikasi rivojlangan davlatga aylanishi kerak, deb hisoblayman. Uning kelajagi porloq”, - dedi u. gazeta.uz »
Qozog‘istonning Aqtau shahrida Azerbaijan Airlines aviakompaniyasiga tegishli Boku-Grozniy reysi samolyoti halokatga uchradi. Samolyot bortida 67 kishi, jumladan, ekipaj a’zolari bo‘lgan. Dastlabki ma’lumotlarga ko‘ra, 25 kishi tirik qolgan, ulardan 22 nafari shifoxonaga yotqizilgan. gazeta.uz »
Qoraqalpog‘istonda 3 ta asosiy yo‘nalish - qishloq xo‘jaligi, sanoat va turizmni rivojlantirish bo‘yicha loyiha ofisi tashkil etilib, takliflar tayyorlanadi va hokimlarga yetkaziladi. Prezident ko‘p energiya talab qiluvchi yirik loyihalarni ushbu hududda joylashtirish kerakligini ta’kidladi. gazeta.uz »
Qozog‘iston Milliy banki tenge kursining keskin tushishi sababli asosiy foiz stavkasini 14,25 foizdan 15,25 foizgacha ko‘tarishga qaror qildi. Shuningdek, inflatsiya va iqtisodiy o‘sish bo‘yicha bashoratlar salbiy tomonga o‘zgartirildi. gazeta.uz »
