Urushida - Ïîñëåäíèå íîâîñòè [ Ôîòî â íîâîñòÿõ ] | |
Toshkentda Rossiya armiyasi safida Ukrainadagi urushda qatnashganlikda ayblangan 45 yoshli O‘zbekiston fuqarosi 5 yilga qamaldi. Sud hujjatlariga ko‘ra, u Rossiya Mudofaa vazirligi bilan shartnoma tuzib janglarda qatnashgan, O‘zbekistonga qaytgach esa singlisi va uning farzandlariga tahdid qilgan. gazeta.uz »
Andijonda Rossiya-Ukraina urushida qatnashgan 26 yoshli fuqaro 3 yilga qamaldi. Sudlanuvchi avval Qozog‘istondagi universitet o‘qigan va ishlagan, keyin qarzlari sabab Rossiyaga ketib, u yerda armiya bilan shartnoma tuzganini aytdi. U Luganskdagi janglarda qatnashib, dron hujumida yaralangan. gazeta.uz »
Namanganda Rossiya-Ukraina urushida qatnashgan 33 yoshli fuqaro 4 yilga ozodlikni cheklashga hukm qilindi. U Rossiyada giyohvandlik bilan bog‘liq jinoyat uchun jazo o‘tayotganda, o‘zining aytishicha, bosim va qiynoqlardan keyin, urushga jalb etilgan. gazeta.uz »
Ikkinchi jahon urushi davrida Jersi orolidagi fashistlar konslageridan qochib chiqqan o‘zbek askari Boqijon Akramovga uyidan joy berib, uning hayotini saqlab qolgan Buyuk Britaniya fuqarolari - marhum Jon va Fillis Emili Le Bretonlar “Do‘stlik” ordeni bilan mukofotlandi. Prezident bu bo‘yicha farmon imzoladi. gazeta.uz »
Qashqadaryoda Ukrainadagi urushda Rossiya tomonida turib qatnashgan 38 yoshli fuqaro 3 yilga qamaldi. Uning aytishicha, Rossiyada jazo o‘tayotganida bosim va qiynoqlardan so‘ng harbiy shartnoma imzolagan. gazeta.uz »
Samarqandda Rossiyaning Ukrainaga qarshi urushida qatnashgan 22 yoshli fuqaro 5 yilga ozodlikni cheklash jazosiga hukm qilindi. U Rossiyada narkotiklarga oid jinoyat uchun qamoqda bo‘lgan vaqtida harbiy shartnoma imzolab, Donetskda janglarda ishtirok etgan. Jarohatlangach, gospitaldan qochib, O‘zbekistonga qaytgan. gazeta.uz »
Farg‘onada Rossiya armiyasi safida Ukrainaga qarshi janglarda qatnashgan 53 yoshli fuqaro 2 yilga qamaldi. U Rossiyada giyohvandlik bilan bog‘liq jinoyat uchun jazo o‘tayotganda pul evaziga urushga yollangan. gazeta.uz »
Qashqadaryoda Rossiya-Ukraina urushida qatnashgan 25 yoshli fuqaro 4 yil 1 oyga ozodlikni cheklash jazosiga hukm qilindi. U Rossiyaga ishlash uchun borib, giyohvandlik ishi bilan qamalgan. Jazoni o‘tashda aldanib hujjatga imzo qo‘ygan va urushga jalb etilgan. gazeta.uz »
Rossiya armiyasi bilan 3 oyga shartnoma tuzib, Ukrainadagi janglarda qatnashgan fuqaro yollanishda aybdor deb topilib, 3 yilga ozodlikdan mahrum qilindi. U sudda qurol ishlatmagani, oshxonada ishlaganini ma’lum qildi. gazeta.uz »
Guliston sudida Rossiya-Ukraina urushida qatnashgan fuqaro 4 yilga ozodlikni cheklash jazosiga hukm qilindi. U Rossiyaga ishlashga borib, patent muddati tugagani sababli majburan urushga yollangan. 1 oycha xizmat qilgach, dronlar hujumi oqibatida yaralanib, gospitalga yuborilgan. So‘ng O‘zbekistonga qaytib kelgan. gazeta.uz »
Samarqand viloyatida Ukrainadagi urushda Rossiya tomonidan qatnashgan 27 yoshli fuqaro 3 yilga qamaldi. U Rossiyaga ishlash uchun borgan, biroq narkotiklar savdosida ayblanib qamalgan. Koloniyada Ukrainadagi urushda qatnashish uchun Rossiya qurolli kuchlari safiga yollangan. gazeta.uz »
Jinoyat ishlari bo‘yicha Namangan shahar sudida Rossiya-Ukraina urushida qatnashgan 55 yoshli fuqaroga hukm o‘qildi. U Ukrainaning “Xochu jit” Telegram kanalida e’lon qilingan, urushda ishtirok etgan 1100 nafar o‘zbekistonliklar ro‘yxatida bo‘lgan. gazeta.uz »
AQShning O‘zbekiston va Qozog‘istondagi sobiq elchisi Deniyel Rozenblyum AQSh Markaziy Osiyodagi axborot urushida “taslim bo‘lib”, Moskva va Pekinga yo‘l ochganini aytdi. U buni Trampning USAID dasturlarini yo‘q qilgani, OAVni moliyalashtirishni to‘xtatgani bilan bog‘lab: “Hozir eng katta muammomiz - o‘zimiz”, - dedi. gazeta.uz »
Rossiyaning Ukrainaga qarshi urushida qatnashgan 20 yoshli o‘zbekistonlik sudlandi. Sudda u Rossiya armiyasi bilan shartnoma imzolaganini pul yetishmovchiligi va qarzlari bilan izohladi. Yigit yaralangach, bo‘linmasini tark etgan, qo‘mondoni esa qo‘shimcha davolashdan bosh tortgan. U uyiga qaytib, DXXga aybini tan olgan. gazeta.uz »
Rossiya-Ukraina urushida qatnashib, jang maydonida harbiy istehkom qurish ishlariga jalb etilgan O‘zbekiston fuqarosiga 4 yil ozodlikni cheklash jazosi tayinlandi. U Rossiyada yashash qoidalarini buzganlikda ayblangan, jazo berilmasligi evaziga Rossiya qurolli kuchlari tarkibiga harbiy xizmat qilishga rozi bo‘lgan. gazeta.uz »
AQSh prezidenti Donald Trampning dunyoning barcha mamlakatlaridan tovarlar importiga bojlar joriy etish to‘g‘risidagi qarori jahon yetakchilari va hukumatlarining keskin munosabatiga sabab bo‘ldi. “Gazeta.uz” ularni bir materialga to‘pladi. gazeta.uz »
Sud 51 yoshli o‘zbekistonlikni Rossiyaning Ukrainaga qarshi urushida ishtirok etgani uchun besh yilga ozodlikdan mahrum qilish haqida hukm chiqardi. U advokat Rossiya Mudofaa vazirligi bilan shartnoma imzolashni taklif qilganini aytdi. gazeta.uz »
