íàìàíãàíäà - Ïîñëåäíèå íîâîñòè [ Ôîòî â íîâîñòÿõ ] | |
Rossiyada taksichilik qilib yurgan 45 yoshli namanganlik giyohvandlik bilan bog‘liq ayb bilan ushlanganidan so‘ng Rossiya armiyasi bilan shartnoma tuzib, Ukrainadagi jangovar harakatlarda qatnashgan. gazeta.uz »
Shavkat Mirziyoyev Yangi Namanganda IT park qurilishiga tamal toshini qo‘yib berdi. Loyihaga ta’lim va eksport markazlari, kovorking va ofis maydonlari hamda startap akseleratori joylashgan 17 qavatli bino kiradi. gazeta.uz »
Namanganda uch nafar fuqaro muomalaga qalbaki dollar kiritishga uringanlikda ushlandi. Tergov ma’lumotlariga ko‘ra, ular xorijda tayyorlangan 100 ming dollar qalbaki valyutani sotishni rejalashtirgan va 80 ming dollarini haqiqiy 40 ming dollarga sotish vaqtida qo‘lga olingan. gazeta.uz »
Namanganda maktab direktorligiga ishga joylashtirish uchun 8,5 ming dollar pora olgan viloyat MMTB shu’ba boshlig‘i ushlandi. U 2011-yilda ham xuddi shunday jinoyatlar uchun sudlangan. Qolaversa, Davlatobodda tadbirkorga bog‘cha hujjatlarini rasmiylashtirib berish evaziga pul olgan bosh mutaxassis qo‘lga tushdi. gazeta.uz »
28-may kuni 24 yoshli yigit Pop tumanidagi Chodaksoy soyning cho‘milish taqiqlangan hududiga tushib suvda oqib ketdi. Uning jasadi oradan sakkiz kun o‘tib qidiruv-qutqaruv ishlaridan so‘ng soydan topildi. gazeta.uz »
Rossiyaga ishlashga borib, giyohvandlik bilan bog‘liq jinoyat uchun qamalgan namanganlik fuqaro qamoqdan chiqish evaziga Rossiya Mudofaa vazirligi bilan shartnoma tuzib, Ukrainaga qarshi urushda qatnashgan. gazeta.uz »
Namanganda to‘xtash ishorasiga bo‘ysunmay qochgan Onix haydovchisi YPX inspektori Vaxobjon Muminovni urib ketib, uning o‘limiga sabab bo‘lgandi. Sud haydovchiga 6 yil ozodlikdan mahrum qilish jazosi tayinladi. Marhum inspektor “Jasorat” medali bilan taqdirlangandi. gazeta.uz »
Namangan viloyati Uychi tumanida Rossiya-Ukraina urushida qatnashgan 32 yoshli fuqaro sudlandi. U Rossiyada hujjatlarsiz ishlab yurganida ushlanib, keyin urushga jalb qilingan. Yaralanib, davolangan. gazeta.uz »
Namangan viloyatining Kosonsoy va Yangiqo‘rg‘on tumanlarida may oyida do‘l bulutlariga qarshi 57 dona “Alazan-6” vositasi qo‘llanilib, do‘l jarayoni zaiflashtirildi. O‘zgidromet qishloq xo‘jaligi ekinlarini salbiy gidrometeorologik hodisalardan himoya qilish ishlari olib borilyotganini ta’kidladi. gazeta.uz »
Namanganda gilos yeyman deb yuqori kuchlanishli transformator ustiga chiqqan 13 yoshli bola tok urishi oqibatida vafot etdi. Bolaning qarindoshlari transformator atrofi o‘ralmagani va xavfsizlik choralari ko‘rilmaganidan norozi. gazeta.uz »
Kosonsoy tumanida 28 yoshli yigit 18 yoshli unashtirilgan qizini rashk tufayli pichoqlab o‘ldirdi. Tarqalgan videoda IIB xodimi janjalga qizning bitiruv oqshomi uchun ko‘ylagi sabab bo‘lganini aytgan va maktab ma’muriyatlarini qizlar bilan ishlashda hushyorlikka chaqirgan. Jinoiy ish ochilib, yigit ushlandi. gazeta.uz »
Namanganda Rossiya-Ukraina urushida qatnashgan 33 yoshli fuqaro 4 yilga ozodlikni cheklashga hukm qilindi. U Rossiyada giyohvandlik bilan bog‘liq jinoyat uchun jazo o‘tayotganda, o‘zining aytishicha, bosim va qiynoqlardan keyin, urushga jalb etilgan. gazeta.uz »
Namanganda bank bosh yuristkonsulti 3 ming dollar pora olayotganda ushlandi, deya ma’lum qildi DXX. U pulni xususiy klinikaning garovga qo‘yilgan mulkini auksionga chiqarishni kechiktirib berish evaziga so‘ragan. gazeta.uz »
Chust tumanida hokim yordamchisi kichik sanoat zonasi hududidagi 20 sotix yerni 23 ming dollarga sotmoqchi bo‘lgani aniqlandi. U puldan 10 ming dollar olayotganida qo‘lga olindi. gazeta.uz »
Namangan viloyati qurilish boshqarmasi mutaxassislari tadbirkorga bino hujjatlarini rasmiylashtirib berish evaziga 22 ming dollar talab qilgani aniqlandi. Ular tezkor tadbirda qolgan 15 ming dollarni olayotgan vaqtida ashyoviy dalillar bilan ushlangandi. gazeta.uz »
Namanganda Hajga noqonuniy yo‘llar bilan yuborish evaziga 4 nafar fuqarodan 26 ming dollar talab qilgan shaxs ushlandi. U 6 ming dollarni olgan vaqtida qo‘lga tushdi. Unga nisbatan firibgarlik moddasi bilan jinoyat ishi qo‘zg‘atildi. gazeta.uz »
Namangan viloyatida ayollar tomonidan noqonuniy ravishda diniy ta’lim berish holatlari aniqlandi. Ular uy hamda Telegram guruhlari orqali ayol va qizlarga pul evaziga saboq bergan. Holatlar bo‘yicha jinoyat ishlari qo‘zg‘atilgan. gazeta.uz »
Namangan viloyatida 53 yoshli maktab o‘qituvchisi 6-sinf o‘quvchisiga nisbatan jinsiy zo‘ravonlik sodir etganlikda gumonlanmoqda. Holat yuzasidan jinoiy ish qo‘zg‘atildi, gumonlanuvchiga qamoq ehtiyot chorasi qo‘llandi. Holat bolalar ombudsmani nazoratiga olindi. gazeta.uz »
16-apreldan Namangan viloyatida yer va mol-mulk solig‘i bo‘yicha qarzi 1 mln so‘mdan oshgan jismoniy shaxslarga nisbatan elektr energiyasi billingi orqali qarzdorlikni undirish mexanizmi sinov tariqasida joriy etiladi. gazeta.uz »
Namanganda Rossiya-Ukraina urushida Rossiya tomonidan qatnashgan 57 yoshli fuqaro 3 yilga qamaldi. U avval o‘qituvchi bo‘lib ishlagan, keyin Rossiyaga ketgan. Qarzlari va moddiy ahvoli sabab Rossiya armiyasi bilan shartnoma imzolab, Ukrainada jang qilgan, yaralangan va mukofot olgan. So‘ng O‘zbekistonga qaytgan. gazeta.uz »
Buxoro, Surxondaryo va Namanganda xitoylik investorlar hamkorligida chiqindidan energiya oluvchi zavodlar qurilishi boshlandi. Zavodlar chiqindini yoqish orqali Buxoroda yiliga 230 mln kVt/soat, Surxondaryoda - 75 mln kVt/soat, Namanganda esa 310 mln kVt/soat qo‘shimcha elektr energiyasi ishlab chiqaradi. gazeta.uz »
Yangi Namangan shaharchasida umumiy qiymati 750 mln dollarlik China Town Namangan majmuasi qurilishi boshlandi. 84 gektar maydonda turar joy massivlari, biznes markazlari, mehmonxonalar, savdo va ko‘ngilochar maskanlar bo‘ladi. gazeta.uz »
Bag‘dod tumani hokim o‘rinbosari 8 ming dollar olgan vaqtida ushlangani aytilmoqda. U 2,4 sotix yerni fuqaroga mulk huquqi asosida o‘tkazib berishni va’da qilgan. Namanganda esa ikki hokim yordamchisi jami 12 ming dollar olganlikda gumonlanmoqda. gazeta.uz »
Kosonsoy tumanida Qirg‘izistondan noqonuniy aylanma yo‘llar orqali taxminiy summasi 1,1 mlrd so‘m bo‘lgan 1 kg 168 gr miqdoridagi oltin quymasi parchalarini olib kirgan fuqaro qo‘lga olindi. gazeta.uz »
Chust tumanidagi 10 gektar yerda chiqindini yoqish orqali elektr energiyasi ishlab chiqaruvchi zavod qurilishi boshlandi. Loyihaga China Everbright International kompaniyasi tomonidan 141,5 mln dollar investitsiya kiritilgan bo‘lib, korxona yiliga 227,5 mln kVt/soat elektr ishlab chiqarilishi kutilmoqda. gazeta.uz »
Yangi Namangan tumanida “prava"si bo‘lmagan 18 yoshli haydovchi yo‘ldan o‘tayotgan YHXB xodimini urib ketdi. Navoiy viloyatidan Namanganga davolanish uchun borgan xodim voqea joyida halok bo‘ldi. gazeta.uz »
Davlatobod tumanida tegishli hujjatga ega bo‘lmagan Onix haydovchisi uni to‘xtatishga uringan katta serjant Vaxobjon Mo‘minovni urib ketgan. Oqibatda tan jarohati olgan xodim shifoxonada vafot etdi. gazeta.uz »
DXX Namanganda attestatsiya imtihonlari paytida o‘qituvchilarga pul evaziga masofadan yordam berib kelgan “bunker”ni aniqladi. Tezkor tadbirda 12 nafar o‘qituvchi, jumladan, maktab direktori o‘rinbosari va universitet bo‘limi boshlig‘i ushlandi. Ular ikki oyda $25 ming ishlagan. gazeta.uz »
Yangiqo‘rg‘on tumanida 38 yoshli erkak o‘z qarindoshi bo‘lgan 7 yoshli qizni zo‘rladi. Erkak 2 kunlik qidiruvdan so‘ng ushlangan. U avval jinsiy ehtiyojni zo‘rlik ishlatib g‘ayritabiiy usulda qondirish va nomusga tegish jinoyatlarini sodir qilib, sudlangan. gazeta.uz »
Jinoyat ishlari bo‘yicha Namangan shahar sudida Rossiya-Ukraina urushida qatnashgan 55 yoshli fuqaroga hukm o‘qildi. U Ukrainaning “Xochu jit” Telegram kanalida e’lon qilingan, urushda ishtirok etgan 1100 nafar o‘zbekistonliklar ro‘yxatida bo‘lgan. gazeta.uz »
Namangan shahri va Kosonsoy hamda Uychi tumanlarida umumiy qiymati 15 mlrd so‘mdan ziyod bo‘lgan sifat sertifikatlariga ega bo‘lmagan dori vositalari aniqlandi. Ba’zi dorilarning yaroqlilik muddati ham o‘tgani ma’lum bo‘ldi. gazeta.uz »
Namangan viloyatida Gentra’ni poyezd urib ketdi. Voqea oqibatida mashina ichidagi barcha - besh ayol va kichik bola vafot etdi. Mashina haydovchisi yaqinlashib kelayotgan poyezd oldidan temiryo‘lni kesib o‘tishga uringan. gazeta.uz »
Namangan viloyatida yashirin omborlardan hujjatsiz 102 640 quti, jami 7,2 mlrd so‘mlik kontrafakt dori topildi. 3 nafar shaxs ushlandi. Dorilar Qirg‘izistondan aylanma yo‘llar orqali olib kelingani aniqlandi. gazeta.uz »
Ombudsman Namangan shahrida fuqaroni kaltaklab, uni qiynoqqa solgani aytilgan profilaktika inspektori ishdan olinganini bildirdi. U xizmat vazifasiga e’tiborsiz va bepisandlik bilan yondashib, biriktirilgan hududiga sababsiz bormasdan, xizmat intizomi kodeksi talablarini buzgani aniqlangan. gazeta.uz »
Namanganda IIB binosida qiynoqqa solingan aytilgan fuqaro ishi bo‘yicha jinoyat ish qo‘zg‘atildi. Gazeta`ga bir kun avval erkak va uning onasi uch xodim uni dubinka va elektroshoker ishlatib qiynagani haqida aytib bergandi. gazeta.uz »
Namanganda fuqaroning IIB binosida qiynoqqa solingani aytilmoqda. Erkakka ko‘ra, uch nafar ichki ishlar xodimi unga dubinka va elektroshoker ishlatib, qiynagan. “O‘tkazib turg‘izib, ermak qilishdi, navbat bilan ko‘tarib polga tashlashdi. gazeta.uz »
DXX Namangan viloyatida “Islom davlati” (ISHID) terrorchilik tashkiloti g‘oyalariga berilgan 21 nafar shaxsni qo‘lga oldi. Jamoat yetakchisi bo‘lgan qiz tarmoqlarda kanallar ochib, terrorchilarning da’vatlari va qo‘poruvchiliklari aks etgan video va darsliklarini tarqatib kelganlikda ayblangan. gazeta.uz »
Namanganda sudda yengil jazo tayinlanishiga erishishni va’da qilib, fuqarodan 30 ming dollar talab qilgan shaxs qo‘lga olindi. Toshkentda esa Ijtimoiy moslashtirish markazi rahbari O‘zbekiston fuqaroligini olib berishni aytib, 1200 dollar olganda ushlandi. gazeta.uz »
Namangan shahrida “Islom davlati Xuroson viloyati” xalqaro terroristik tashkilotining yashirin guruhi aniqlandi. Guruh a’zolaridan biri Namanganda joylashgan xususiy universitet ta’sischisi ekani ma’lum bo‘ldi. gazeta.uz »
Namangan viloyatida “Uchqo‘rg‘on” chegara bojxona posti inspektori mobil qurilmalarni noqonuniy ro‘yxatga o‘tkazib berishni va’da qilib pora olayotgan vaqtida qo‘lga olindi. Holat yuzasidan bojxona inspektoriga nisbatan jinoyat ishi qo‘zg‘atilib, qamoq ehtiyot chorasi qo‘llanildi. Tergov harakatlari boshlangan. gazeta.uz »
Kosonsoyda qalbaki 20 ming AQSh dollarini haqiqiy 14 ming dollarga sotmoqchi bo‘lgan shaxs aniqlandi. Tezkor tadbir davomida unga qalbaki valyutani bergan shaxslar ham qo‘lga olindi. gazeta.uz »
Namangan shahrida 19 yoshli haydovchi Nexia 3 mashinasida yo‘l chetidagi archaga urilishi sababli yong‘in sodir bo‘ldi. Oqibatda u mashina ichida qolib halok bo‘ldi. gazeta.uz »
YHXX xodimlari Namangan viloyatida o‘tkazgan reydlarda bir kunda 2 mingdan ortiq qo‘pol yo‘l harakati qoidabuzarliklarini aniqladi. 760 ga yaqin avtomobil jarima maydoniga qo‘yildi, 45 ta holatda ijaraga olingan avtomobillarni bolalar boshqargan. Prezident yaqinda bu masalani ko‘tarib chiqqandi. gazeta.uz »
Kosonsoy tumanida haydovchi Damas avtomobilida 25 nafar bog‘cha bolasini olib ketayotgani aniqlandi. Holat yuzasidan ma’muriy bayonnoma rasmiylashtirilib, avtomobil jarima maydonchasiga joylashtirildi. gazeta.uz »
Namangan viloyati YHXB boshlig‘i Mansur Gaziyev avtomobillarni ijaraga beruvchi “Namangan yezda” Telegram kanalining 90 foizi voyaga yetmaganlar, asosan, maktab o‘quvchilari ekanini ma’lum qildi. Avtomobilni ijaraga berayotgan shaxslarning ko‘pchiligi esa o‘zi avtomobilini ijaraga olgan yoki kredit to‘layotganlar. gazeta.uz »
Uchqo‘rg‘on tumanida 10-sinf o‘quvchisi otasining Cobalt mashinasini haydab, yo‘lda 4-sinf o‘quvchisini urib yubordi. Oqibatda piyoda shifoxonada vafot etdi. Holat bo‘yicha jinoiy ish ochildi. gazeta.uz »
Namangan viloyati Uchqo‘rg‘on tumanida 16 yoshli qiz Spark avtomashinasini minib ketayotib, kanalga tushib ketdi. Oqibatda orqa o‘rindiqdagi onasi va singlisi cho‘kib ketdi. Haydovchi qiz va otasi shifoxonada. gazeta.uz »
Davlatobod tumanida ikki maktab o‘quvchisi Nexia 3 mashinasida YTHga uchrab, og‘ir ahvolda shifoxonaga yotqizildi. Ular mashinani 150 ming so‘mga vaqtincha ijaraga olgan. O‘tgan yili ijaradagi avtomobilda avariyaga uchragan 4 nafar bola vafot etgandi. gazeta.uz »
Namanganning Yangiqo‘rg‘on tumanida yong‘in oqibatida vafot etgan bolalar soni 3 nafarga yetdi. Ular yerto‘lada sellofan, o‘tin va xashaklarni yoqqani uchun yong‘in chiqqandi va bir bola voqea joyidayoq halok bo‘lgandi, ikki bola shifoxonaga yotqizilgandi. gazeta.uz »
Yangiqo‘rg‘on tumanida 3 nafar bola xonadonning yerto‘lasida o‘tinlarni yoqishi oqibatida yong‘in yuzaga keldi. Hodisa sabab ulardan biri - 4 yoshli bola voqea joyida halok bo‘ldi, ikki nafari tanasining turli qismlaridan kuyish jarohatini oldi. gazeta.uz »
