Mln - Ïîñëåäíèå íîâîñòè [ Ôîòî â íîâîñòÿõ ] | |
Shavkat Mirziyoyev Xorazmda 176 mln dollarlik 12 ta loyiha qurilishiga start berdi. Ular orasida xorijlik hamkorlar bilan ekologik aviayoqilg‘i, optik tolali kabellar va bioetanol ishlab chiqarish, viloyat markazida zamonaviy qozonxona, universitet, mehmonxona, savdo va turistik majmualar qurish kabilar bor. gazeta.uz »
Migratsiya agentligiga ko‘ra, O‘zbekistonning 1,4 millionga yaqin fuqarosi dunyoning 40 ga yaqin mamlakatida mehnat qilmoqda. Ularning taxminan 60 foizi Rossiyada. Shu bilan birga, mehnat migratsiyasi geografiyasida MDH davlatlarining ulushi kamaygan, Yevropa va Sharqiy Osiyo yo‘nalishlari esa o‘sgan. gazeta.uz »
Surxondaryoda iqtisodiy qiyinchilikni vaj qilib, 11 yoshli o‘g‘lini 40 mln so‘mga sotmoqchi bo‘lgan ayol sudlandi. U kelishilgan pulning 20 mln so‘mini olayotganida ushlangan. Sud uni odam savdosida aybdor deb topib, 3 yil 6 oyga ozodlikdan mahrum qildi. gazeta.uz »
Paxta va bug‘doy yetishtiruvchi fermerlar 2026-yil 1-apreldan 1-iyulgacha birja savdolari orqali xarid qilgan dizel yoqilg‘isi narxi 1 tonnasi uchun 13 mln so‘mdan qimmat bo‘lsa, oshgan summaning 2 mln so‘mgacha bo‘lgan qismini davlat subsidiya sifatida qoplaydi. Subsidiya avtomatik tartibda ajratiladi. gazeta.uz »
Instagram’da “Kelajakda xotinim faqat aniq zarbalarni qabul qilishi uchun mashq qilyapman” mazmunidagi postni joylagan sportchi Solihjon Ibragimov ma’muriy javobgarlikka tortildi. Sud unga 24,7 mln so‘m jarima tayinlab, huquqbuzarlik sodir etishda foydalanilgan telefonni davlat foydasiga musodara qildi. gazeta.uz »
Toshkentda bir necha oydan beri avtobus bekatlarini yangilash loyihasi davom etyapti. Yo‘lovchilar savollari ko‘pligi sababli Gazeta muxbiri poytaxt hokimligi vakillari va bekatlarni o‘rnatayotgan EWI Snacks kompaniyasi rahbari bilan birga yangi bekatlarni ko‘zdan kechirib, suhbatlashdi. gazeta.uz »
2026-yilning dastlabki olti oyida Toshkentga 3,2 mln nafar xorijiy va 4,1 mln nafar mahalliy sayyoh tashrif buyurdi. Bu davrda turizm xizmatlari eksporti 1,3 mlrd dollarga yetdi, shaharda 140 ta yangi joylashtirish vositasi ishga tushirildi. gazeta.uz »
2027-yilda o‘rtacha pensiya miqdori 2026-yildagi 1,7 mln so‘mga nisbatan 1,8 mln so‘mni tashkil etishi mumkin. Iqtisodiyot va moliya vazirligi shunday ko‘rsatkichni kutmoqda. Yaxlitlangan raqamlardan kelib chiqilsa, o‘sish taxminan 5,9 foizni tashkil etadi, biroq fiskal strategiyada aniq o‘sish sur’ati keltirilmagan. gazeta.uz »
Ijtimoiy muammolarni yechish, obodonlashtirish va aholi daromadini oshirishga oid loyihalar uchun har “mahalla yettiligi”ga 10 mln so‘mdan grant beriladi. Prezident mahalla raisi “o‘z hududining haqiqiy boshqaruvchisi” bo‘lishi lozimligini aytdi. gazeta.uz »
2026-yilning birinchi yarmida O‘zbekistonga 6,5 milliondan ortiq xorijlik sayyoh tashrif buyurdi. Statistika qo‘mitasi ma’lumotiga ko‘ra, bu ko‘rsatkich 2025-yilning mos davriga nisbatan qariyb 25 foizga yuqori. gazeta.uz »
Navoiy viloyatida zararli APK ilovalar orqali fuqarolarning bank ma’lumotlarini qo‘lga kiritib, ularning hisobidan pul o‘g‘irlagan guruh aniqlandi. Tergovga ko‘ra, gumonlanuvchilar respublika bo‘ylab 21 nafar fuqaroning jami 336 mln so‘mini o‘zlashtirgan. Holat bo‘yicha uch nafar shaxs ushlangan. gazeta.uz »
O‘zbekistonda 2030-yilgacha 1,27 mln gektar maydonda o‘rmonlar barpo etish va tiklash, himoya o‘rmonzorlari tashkil qilish hamda cho‘l iqtisodiyotini rivojlantirish rejalashtirilmoqda. Tegishli takliflar Shavkat Mirziyoyevga taqdim etildi. gazeta.uz »
Yanvar-mayda O‘zbekiston $724,7 millionlik tabiiy gaz import qildi, bu o‘tgan yilga nisbatan 84,1% ko‘p. Shuningdek, yangilangan statistikada 2025-yilning 5 oylik ko‘rsatkichi o‘tgan yili e’lon qilingan hisobotga nisbatan $108,1 millionga yuqori bo‘lib chiqdi. Gaz eksporti esa qariyb uchdan bir qismga qisqardi. gazeta.uz »
Toshkent viloyatida uchta - Yangiyo‘lda, Qibrayda hamda Angren va Ohangaronda logistika markazlari qurilmoqda, deya ma’lum qildi viloyat hokimi Zoyir Mirzayev. Ulardan biri qozog‘istonlik tadbirkorlar bilan amalga oshirilmoqda. gazeta.uz »
O‘zbekistonda qurilish materiallari ishlab chiqaruvchi 457 ta korxonani moliyaviy sog‘lomlashtirish bo‘yicha qisqa muddatli dastur ishlab chiqilib, ayni maqsadlar uchun 50 mln dollar ajratiladi. Mablag‘lar mavjud ishlab chiqarish quvvatlarini modernizatsiya qilish orqali tannarxni pasaytirishga yo‘naltiriladi. gazeta.uz »
Farg‘ona tumanida qurilish mahsulotlari ishlab chiqarish sexiga elektr tarmog‘i tortib berish evaziga 100 mln so‘m talab qilgan muhandis hamda Jizzaxning Sharof Rashidov tumanida fermer xo‘jaligining 122 mln so‘mlik elektr qarzini yo‘qotib berishni va’da qilib 50 mln so‘m so‘ragan muhandis ushlandi. gazeta.uz »
Yaponiya O‘zbekistonga energiya samaradorligini oshirish uchun ikkita kredit taqdim etadi. 136 mln dollarli birinchi kredit maktab va sog‘liqni saqlash muassasalariga mo‘ljallangan, ikkinchisi - 93,4 mln dollarligi - energiya tejovchi texnologiyalarga investitsiya kiritayotgan korxonalarni qo‘llab-quvvatlash uchun. gazeta.uz »
Andijonda ichimlik suvidan noqonuniy foydalanish oqibatida yetkazilgan zarar miqdorini kamaytirib berishni va’da qilgan qurilish inspeksiyasi mansabdori 30 mln so‘m olayotganda ushlandi. Asakada esa bank xodimi kredit ajratishda yordam berish evaziga 8 ming dollar talab qilgani aniqlandi. gazeta.uz »
Milliy statqo‘m ma’lumotlariga ko‘ra, O‘zbekiston yanvar-aprelda $508,3 mlnlik tabiiy gaz import qildi. Bu o‘tgan yilga nisbatan 53,6 foizga ko‘p. Shu bilan birga, yangilangan statistikada 2025-yilning 4 oyi bo‘yicha ko‘rsatkich o‘tgan yilgi hisobotdagidan $180,4 mlnga yuqori bo‘lib chiqdi. Gaz eksporti qisqargan. gazeta.uz »
YUNISEF hisobotiga ko‘ra, O‘zbekiston aholisi 2050-yilga borib 52 mln kishidan oshadi. Hisobotda O‘zbekiston demografik dividendning ilk bosqichida turgani, mehnatga layoqatli aholi sonining ortishi iqtisodiy o‘sish uchun qo‘shimcha imkoniyatlar yaratishi va bundan foydalanib qolish kerakligi ta’kidlanadi. gazeta.uz »
Ijod sohasida yuqori natija ko‘rsatgan san’atkor va adabiyot vakillarga bir yil davomida har oy 5 mln so‘mdan qalam haqi to‘lanadi. Shuningdek, ular mamlakat bo‘ylab transportdan bepul foydalanish, davolanish xarajatlarini budjet hisobidan qoplatish kabi imtiyozlarga ega bo‘ladi. gazeta.uz »
Navoiy viloyatida mast haydovchining otasi YPX xodimiga 1000 dollar pora berayotganda ushlandi. Puldan bosh tortib, tizimga xabar bergan inspektorga 12,3 mln so‘m miqdorida pul mukofoti berildi. gazeta.uz »
2026-yilning 4 oyida O‘zbekistonga 4 mln sayyoh tashrif buyurdi. Bu o‘tgan yilning shu davriga nisbatan 30 foizga ko‘p. Ularga 1,6 mlrd dollar miqdorda xizmatlar ko‘rsatilgan. Mahalliy sayyohlarning esa hududlarga 6 million 844 ming safarlari tashkil etildi. gazeta.uz »
Navoiyning Zarafshon shahrida kuyoviga suiqasd uyushtirish uchun 40 mln so‘m va’da qilgan ayol qo‘lga olindi. “Ruhiy xasta bo‘lib qolsin, kim urdi, nima bo‘ldi, aytib berolmasin”, - degan gumonlanuvchi yollangan shaxslarga. Holat yuzasidan jinoiy ishi ochildi. gazeta.uz »
Buxoro shahrida sobiq Telefon-telegraf binosi hududida 12 tup archa noqonuniy kesilgani aniqlandi. Huquqbuzarga 10,3 mln so‘m jarima qo‘llandi, tabiatga yetkazilgan zarar 95,6 mln so‘mni tashkil etdi. gazeta.uz »
O‘zbekistonning oltita hududida har yili 3,6 mln tonna chiqindilarni qayta ishlaydigan chiqindi yoqish korxonalari quriladi. Navoiyda 260 mln dollarga xavfli chiqindilarni qayta ishlash bo‘yicha MDHdagi ilk platforma tashkil etiladi. 2030-yilga borib poligonlar soni ikki baravarga qisqaradi. gazeta.uz »
O‘zbekistonda, jumladan, chekka hududlarda yangi klinika tashkil etish uchun Milliy bank 200 mln dollarli kredit liniyasi ochadi. 2027-yil 1-maydan akkreditatsiyadan o‘tgan xususiy tibbiyot muassasalari transplantatsiya bilan shug‘ullana oladi. Xorijlik shifokorlar uchun ijtimoiy soliq stavkasi pasayadi. gazeta.uz »
Tomdi, Konimex va Xatirchi tumanlarida oltinni noqonuniy qazib olish bilan shug‘ullangan shaxslar qo‘lga olindi. Reyd davomida 315,1 gramm oltin va 5,2 tonna ma’danli toshlar noqonuniy qazib olingani aniqlandi. gazeta.uz »
O‘zbekistonda 24 mln dollarlik GPU klasteri negizida SI infratuzilmasi yaratilib, yil oxirigacha uni yana 45 mln dollarga kuchaytirish rejalashtirilgan. Prezidentga $200 mln qiymatga ega tadqiqot va ishlanmalar markazi tashkil etish, hududlarda IT Park Uzbekistan tarmog‘ini kengaytirish loyihasi taqdim etildi. gazeta.uz »
Yanvar-mart oylarida O‘zbekistonda o‘rtacha oylik nominal ish haqi 6,8 mln so‘mdan oshdi (yillik o‘sish - 17,4%). Eng yuqori o‘rtacha oylik poytaxtda (11,7 mln), eng past - Qashqadaryo viloyatida (4,7 mln) qayd etildi. gazeta.uz »
Sirdaryo viloyati soliq boshqarmasi shu’ba boshlig‘i tadbirkordan 10 mln so‘mlik tilla taqinchoq olayotganda ushlandi. U buni sun’iy ravishda 145 mln so‘m jarima shakllantirib, uni bekor qilish evaziga talab qilgani aytilmoqda. gazeta.uz »
KOICA O‘zbekistonda AT ta’lim ekotizimini rivojlantirish uchun 14 mln dollar grant ajratdi. Loyiha doirasida yoshlar zamonaviy IT yo‘nalishlarda o‘qitiladi, mutaxassislar malakasi oshiriladi va bir qator hududlarda AT markazlar hamda hablar tashkil etiladi. gazeta.uz »
2026-yilning yanvar-mart oylarida O‘zbekiston aeroportlari 4 millionga yaqin yo‘lovchiga xizmat ko‘rsatdi, bu o‘tgan yilning shu davriga nisbatan 19 foizga ko‘pdir. Uzbekistan Airports hisobotiga ko‘ra, aviareyslar soni 30 mingdan oshgan, yuk tashish hajmida esa 14 foizlik o‘sish qayd etilgan. gazeta.uz »
Qashqadaryoda bir guruh erkaklar lolazorni avtomobillarda payhon qilgani aks etgan video tarqaldi. Holat o‘rganilib, huquqbuzarlar aniqlangan. Ekologiya qo‘mitasiga ko‘ra, ularga jami 61,8 mln so‘m jarima tayinlandi. gazeta.uz »
Namangan viloyatidagi tibbiyot muassasalarida bemorlardan qariyb 300 mln so‘m asossiz undirilgani aniqlandi. Raqobat qo‘mitasiga ko‘ra, mablag‘larni qayta hisoblab, iste’molchilarga qaytarish bo‘yicha majburiy ko‘rsatma berilgan. gazeta.uz »
9-may - Xotira va qadrlash kuni munosabati bilan Ikkinchi jahon urushi qatnashchilari va nogironlarining har biriga 30 mln so‘mdan bir martalik mukofot puli beriladi. gazeta.uz »
Dunyoning yirik fondlari, jumladan, BlackRock va Franklin Resources, O‘zMIFning “anchor investorlari” sifatida ishtirok etadi. Ular London va Toshkent fond birjalarida kutilayotgan aksiyalarni joylashtirish doirasida jamg‘armaning 300 mln dollardagi qimmatli qog‘ozlarini sotib olish majburiyatini oldi. gazeta.uz »
Farg‘onada 800 o‘rinli ko‘p tarmoqli shifoxona qurish bo‘yicha bitim imzolandi. 300 mln dollarlik loyiha 36 oyda amalga oshiriladi. Xususiy sherik sifatida Saudiya Arabistonidagi Vision International Investment Company va O‘zbekistondagi KOC Construction Mekanik Elektrik Fe LLC kompaniyalari ishtirok etadi. gazeta.uz »
Farg‘onaning So‘x tumani turizm sohasiga $60 mln sarmoya kiritish ko‘zda tutilmoqda. Xususan, So‘x daryosi bo‘yida reabilitatsiya va fizioterapiya yo‘nalishidagi tibbiyot klasteri, turizm maskanlari barpo etish taklif qilindi. gazeta.uz »
O‘zbekiston Afg‘oniston bilan farmatsevtika savdosini 500 mln dollarga yetkazishni rejalashtirmoqda. Kobulda sanoat va savdo, sog‘liqni saqlash vazirlari va AFDA bilan uchrashuvlarda eksportni oshirish, ro‘yxatdan o‘tkazishni soddalashtirish, GDP standartlari va qo‘shma loyihalar masalalari muhokama qilindi. gazeta.uz »
O‘zbekistonda pul o‘tkazmalariga talablarni kuchaytirish taklif etilmoqda. Banklar jo‘natuvchi va oluvchi haqida to‘liq ma’lumot to‘plashi shart bo‘lgan operatsiyalar chegarasi 30 dan 25 BHMgacha - 10,3 mln so‘mgacha tushirilishi mumkin. gazeta.uz »
Namangan viloyati Pop tumanida qiymati 150 mln dollar bo‘lgan Arashan Resort turistik majmuasi qurilishi boshlandi. Loyiha Arashan ko‘llari yaqinidagi tog‘ oldi hududida 600 gektar maydonni qamrab oladi va ekoturizm, tog‘-chang‘i infratuzilmasi hamda dam olish zonalariga ega kurort barpo etishni nazarda tutadi. gazeta.uz »
Eron Markaziy banki mamlakat tarixidagi eng yirik nominal - 10 mln rialli banknotani muomalaga chiqardi. Qiymati 7 dollardan sal ko‘proq bo‘lgan ushbu kupyura inflyatsiya va aholining naqd pulga bo‘lgan keskin ehtiyoji fonida joriy etilgani ta’kidlandi. gazeta.uz »
O‘zbekistonda fuqarolarga rasmiy platforma orqali xorijiy kompaniyalar aksiyalariga sarmoya kiritishga ruxsat berish rejalashtirilmoqda. ILMA ma’lumotlariga ko‘ra, “shubhali platformalar” orqali xorijga qariyb 180 million dollar olib chiqilgan. gazeta.uz »
Shavkat Mirziyoyev Samarqandda elektrobuslar va quvvatlash stansiyasi bilan tanishdi. Shaharga 100 ta elektrobus keltirilgan, yana 250 tasini xarid qilish rejalashtirilmoqda. Buning uchun YeTTBdan 120 mln dollar jalb etiladi. gazeta.uz »
16-apreldan Namangan viloyatida yer va mol-mulk solig‘i bo‘yicha qarzi 1 mln so‘mdan oshgan jismoniy shaxslarga nisbatan elektr energiyasi billingi orqali qarzdorlikni undirish mexanizmi sinov tariqasida joriy etiladi. gazeta.uz »
“O‘zkimyosanoat” “Samarqandkimyo” kimyo zavodining 16,92 foiz ulushini 30 mln dollarga sotib oldi. 2020-yilda korxona investorga “nol” qiymatda majburiyatlar, shu jumladan, 2023-yil 1-iyulgacha yangi majmuani ishga tushirish sharti bilan berilgan, biroq bu amalga oshirilmagan. Qurilish ishlari 34,6% ga bajarildi. gazeta.uz »
O‘zbekistonda majburiy ekspertiza faqat qiymati 15 mln dollardan yuqori bo‘lgan loyihalar uchun o‘tkaziladi. Ilgari korporativ buyurtmachilar uchun $5 mln, budjet buyurtmachilari uchun esa taxminan 1,6 mln dollarni tashkil etardi. gazeta.uz »
Amerikaning Gulf kompaniyasi O‘zbekistonda kamida 100 ta zapravka ochib, aviatsiya sohasiga qariyb 50 mln dollar yo‘naltirmoqchi. Kompaniya vitse-prezidentining aytishicha, ular yuqori sifatli yoqilg‘i bilan ta’minlanadi. gazeta.uz »
Bir guruh kompaniyalar 2022-yildan buyon OKMKning 200 mln dollardan ortiq davlat shartnomalarini qo‘lga kiritgan. OCCRP va Finance Uncovered tadqiqotlari shuni ko‘rsatdiki, g‘olib bo‘lgan britaniyalik firmalar rasman faoliyat yuritmagan. OKMK qoidabuzarlikka yo‘l qo‘yilmaganini bildirdi. gazeta.uz »
