Mln - Ïîñëåäíèå íîâîñòè [ Ôîòî â íîâîñòÿõ ] | |
Jizzax viloyatida xizmatlar va turizm sohasini rivojlantirish bo‘yicha qator loyihalar rejalashtirildi. BAA bilan hamkorlikda 11 mln dollar investitsiya hisobiga Arnasoy aeroporti kengaytiriladi. Shuningdek, turizm komplekslari, mahallalarda servis obyektlari va yo‘l bo‘yi infratuzilmasi barpo etiladi. gazeta.uz »
Buxoro, Surxondaryo va Namanganda xitoylik investorlar hamkorligida chiqindidan energiya oluvchi zavodlar qurilishi boshlandi. Zavodlar chiqindini yoqish orqali Buxoroda yiliga 230 mln kVt/soat, Surxondaryoda - 75 mln kVt/soat, Namanganda esa 310 mln kVt/soat qo‘shimcha elektr energiyasi ishlab chiqaradi. gazeta.uz »
2026-yilda O‘zbekistonda ko‘mir qazib olish hajmini 11 mln tonnagacha yetkazib, yangi konlar hisobidan uran ishlab chiqarishni ham kengaytirish rejalashtirilgan. Xususan, Angrendagi 233 mln tonna zaxiraga ega Nishbosh ko‘mir koni ishga tushirilishi hisobiga 880 ta ish o‘rni yaratilishi kutilmoqda. gazeta.uz »
Germaniyaning KfW banki O‘zbekistonga kichik va o‘rta biznesni rivojlantirish uchun umumiy qiymati 26,5 mln yevro bo‘lgan kredit va grant ajratadi. Loyiha olti yilga mo‘ljallangan. gazeta.uz »
15-yanvardan beri O‘zbekistonda qariyb 2,5 mln xonadon, shuningdek, 31 ming fermer xo‘jaligi va agrar korxonalar onlayn tarzda ro‘yxatga olindi, deya ma’lum qilindi prezidentga. Ro‘yxatga olish tadbirlarini o‘tkazish uchun asosan “mahalla yettiligi” a’zolaridan iborat 60 mingga yaqin mutaxassis o‘qitildi. gazeta.uz »
2025-yilda O‘zbekistondagi 114 ta muzeyga 6,1 mln nafar mahalliy va xorijiy sayyoh tashrif buyurdi. Bu 2024-yilga nisbatan 12,5 foizga ko‘p. Samarqand davlat muzey qo‘riqxonasi va Registon ansamblining har biriga milliondan ortiq odam kelgan. gazeta.uz »
Surxondaryoda bo‘riga shafqatsiz munosabatda bo‘lib, uning o‘limiga sabab bo‘lgan fuqaroga chora ko‘rildi. U qo‘ylarini o‘tlatib yurganida bo‘ri hujum qilgan. Fuqaro esa yirtqichni ta’qib qilib, o‘ldirgan. Holat bo‘yicha unga nisbatan 8,2 mln so‘m jarima qo‘llandi. gazeta.uz »
Jahon banki O‘zbekistonning 16 ta tuman va shahrida hayot sifatini yaxshilashga $250 mln dollar ajratdi. Munitsipal infratuzilma: yo‘llar, suv ta’minoti va kanalizatsiya, jamoat transporti, maktablar, poliklinikalar va bog‘larni rivojlantirish rejalashtirilmoqda. Kutilayotgan qamrov - salkam 1 mln kishi. gazeta.uz »
O‘zbekiston qishloq xo‘jaligidagi islohotlarni davom ettirish uchun YIdan 7 mln yevro miqdorida grant oldi. Grant YIning 2026-yilgacha mo‘ljallangan 20 mln yevrolik paketining bir qismi bo‘lib, mamlakat qishloq xo‘jaligi sektori barqarorligini mustahkamlashga qaratilgan. gazeta.uz »
Qo‘shni davlatning gaz infratuzilmasidagi avariya O‘zbekiston tizimida 6 mln kub metr taqchillikka olib keldi, dedi energetika vaziri Jo‘rabek Mirzamahmudov. Bu kunlik iste’molning deyarli 4 foizi. gazeta.uz »
Toshkentda yirik infratuzilma loyihalari, xususan, 57,5 kilometrdan ortiq avtobus yo‘laklari, yo‘l o‘tkazgich, tunnel qurish va yo‘l ta’mirlash ishlari amalga oshiriladi. Buning uchun Bank of China`dan 271,1 mln dollar kredit mablag‘lari jalb etiladi. Ishlar Xitoy kompaniyasi bilan hamkorlikda olib boriladi. gazeta.uz »
O‘zbekistonda OIV infeksiyasiga qarshi kurashish uchun yiliga 20 mln dollar sarflanmoqda, deb ma’lum qildi OITSga qarshi kurashish markazi direktori. Mablag‘larning 75 foizi davlat budjetidan, qolgani xalqaro tashkilotlarning beg‘araz ko‘magidir. gazeta.uz »
Gulistonda kafedagi portlashda qurbon bo‘lganlarning oilalariga 100 mln so‘mdan moddiy yordam ajratiladi. Prezident mutasaddilarga buning uchun uch kun muddat berdi. “Ushbu fojia favqulodda vaziyatlar tizimi uchun katta saboq bo‘lishi kerak”, - dedi u. gazeta.uz »
O‘zbekiston Osiyo infratuzilmaviy investitsiyalar bankidan yashil o‘sish dasturi uchun $500 mln oladi. U hukumatga yanada samarali boshqaruv tizimini yo‘lga qo‘yishga yordam berishi, kam emissiyali rivojlanishga o‘tishni qo‘llab-quvvatlashi va iqlimiy tahdidlarga chidamlilikni oshirishi kutilmoqda. gazeta.uz »
Global ekologik fond O‘zbekistonga o‘rmonlardan yaylovlargacha bo‘lgan 1,3 mln gektardan ortiq landshaftni tiklash uchun 6 mln dollar ajratmoqda. Milliy EcoLand loyihasi GEFning Amerika va Afrikadagi 20 ta davlatni qamrab olgan global dasturining bir qismiga aylandi. gazeta.uz »
O‘zbekistonda besh yilga mo‘ljallangan Milliy fintex strategiyasi ishlab chiqiladi. Markaziy bank huzurida 50 mln dollarlik venchur fondi va innovatsion hab tashkil etiladi. 2030-yilgacha moliyaviy texnologiyalar sohasidagi startaplarga 1 mlrd dollar miqdorida xorijiy investitsiyalar jalb qilinadi. gazeta.uz »
Toshkentda Transkaspiy yo‘lagi bo‘yicha yangi kelishuvlar to‘plami taqdim etildi. YI, YeTTB, YeIB va Jahon banki Qozog‘iston, Qirg‘iziston va O‘zbekistondagi yirik transport loyihalarini qo‘llab-quvvatlaydi. gazeta.uz »
O‘zbekiston texnologik metallar kombinati Samarqand viloyatidagi Sariko‘l konida volfram majmuasini barpo etish ishlarini boshladi. Quvvati - yiliga 1 mln tonna ruda va 4000 tonna konsentrat. Kondan foydalanish muddati taxminan 20 yilga baholanmoqda. gazeta.uz »
Toshkent viloyati hokimligining boshqarma bosh mutaxassisi sheriklari bilan fuqarodan 7,3 mln dollar talab qilgani aniqlandi. Ular pulni 8,5 gektar yerni fuqaroga sotish va nomiga rasmiylashtirib berish evaziga so‘ragan, biroq 160 ming dollarni olgan vaqtlarida ashyoviy dalillar bilan qo‘lga olingan. gazeta.uz »
Toshkentda bozorlar hududidan tijorat maqsadida video/tasvirga olishda foydalanish uchun 1 soatga 5 mln so‘m to‘lov belgilandi. Hokimlik aniqlik kiritishicha, yangi qoidalar oddiy tashrif buyuruvchilarga tegishli emas. gazeta.uz »
Prezident Shavkat Mirziyoyevga ko‘mir qazib chiqarish natijalari va oldindagi vazifalar taqdimot qilindi. 2025/2026-yillar kuz-qish mavsumida 10 million tonna ko‘mir ishlab chiqarish, aholini ko‘mir bilan kafolatli ta’minlash, mahsulot tannarxini tushirish rejalashtirilmoqda. gazeta.uz »
Osiyo taraqqiyot banki bilan O‘zbekiston maktablarida STEM ta’limni modernizatsiya qilishga qaratilgan “O‘rta ta’limda STEM” loyihasi uchun 100 mln dollarlik kredit kelishuvi imzolandi. gazeta.uz »
“O‘zbekiston temir yo‘llari”ning sof foydasi 2025-yil oxirigacha 1,2 trln so‘mga (taxminan $100 mln) yetishi mumkin. Ikki yil ichida kompaniya 2,23 trln so‘m zarardan to chiptalar narxi oshishi fonida daromadning keskin o‘sishigacha bo‘lgan yo‘lni bosib o‘tdi. gazeta.uz »
Osiyo taraqqiyot banki O‘zbekistonga 300 mln dollar qarz ajratdi. Mablag‘ mikro, kichik va o‘rta korxonalar uchun moliyalashtirishdan foydalanish imkoniyatlarini kengaytirishni qo‘llab-quvvatlash va mamlakatning mikromoliyalash sektorini mustahkamlashga yo‘naltiriladi. gazeta.uz »
Prezident TDTUda sog‘liqni saqlashni raqamlashtirishga doir ishlar bilan tanishdi. Taqdimotda 36 mln aholining tibbiy ma’lumotlarini aks ettiruvchi DMED elektron axborot tizimi, “Online-shifokor” xizmati, “Raqamli sog‘liqni saqlash markazi” va “Elektron retsept” tizimi imkoniyatlari haqida ma’lumot berildi. gazeta.uz »
Akfa kompaniyasi Kentukki shtatida yirik ishlab chiqarish majmuasi qurishni boshladi. U yerda alyuminiy mahsulotlari, avtomobil butlovchi qismlari va boshqa mahsulotlar ishlab chiqariladi, dedi kompaniya asoschisi Jahongir Ortiqxo‘jayev. Jami investitsiya hajmi 600 mln dollarga yetishi mumkin. gazeta.uz »
Toshkent aeroportida erkak ziyoratchi ko‘rinishida kiyinib, noqonuniy yuk olib kirishga urindi. Bojxonachilar undan qariyb 205 mln so‘mlik 1798 o‘ram turli dori vositasini olib qo‘ydi. gazeta.uz »
O‘zbekiston Amerikaning John Deere korporatsiyasi bilan 300 mln dollarlik qishloq xo‘jaligi texnikasini yetkazib berish bo‘yicha shartnoma imzoladi. Mablag‘ning yarmi paxta terish uskunalarini xarid qilishga yo‘naltirildi. gazeta.uz »
2026−2027-yillarda Tiklanish va taraqqiyot jamg‘armasidan sun’iy intellekt texnologiyalariga asoslangan startap va ustuvor loyihalarni moliyalashtirish uchun qo‘shimcha $100 mln ajratiladi. Mablag‘lar davlat tizimida AI yechimlarini joriy etish va venchur jamg‘armalarni qo‘llab-quvvatlashga yo‘naltiriladi. gazeta.uz »
Yanvar-sentabrda O‘zbekistonda o‘rtacha ish haqi 6,17 mln so‘mni tashkil etdi. Eng yuqori o‘rtacha ish haqi Toshkent shahrida (10,4 mln so‘m), eng pasti esa Qashqadaryo viloyatida (4,27 mln so‘m) qayd etildi. gazeta.uz »
Qoraqalpog‘istonda Sulton Uvays tog‘ tizmalari hududida 75 million yil avval yashab o‘tgan dinozavr suyaklari topildi. Suyak qoldiqlarining aynan qaysi turga mansubligini aniqlash bo‘yicha olimlar tomonidan izlanishlar davom etmoqda. gazeta.uz »
Oilaviy poliklinika hamshirasi 3 yoshli qizchani onasi bilan kelishib, 19,7 mln so‘mga sotib yuborgan. Oradan 2 yil o‘tib, o‘sha qizni boshqa fuqaroga 15 ming dollarga sotayotgan vaqtda qo‘lga olingan. gazeta.uz »
UzPost pochta operatoriga 31,45 mlrd so‘mlik (2,6 mln dollar) QQS to‘lash majburiyati yuklandi, bu kompaniya sof foydasidan 37 baravar ko‘pdir. Soliq qo‘mitasiga ko‘ra, kompaniya 2021 va 2023-yillarda xorijiy kompaniyalarga ko‘rsatilgan tranzit xizmatlari uchun QQSni to‘liq to‘lamagan. gazeta.uz »
O‘zbekiston sun’iy intellekt bo‘yicha loyihalarni amalga oshirish uchun 50 million dollar evaziga 16 ta super kompyuter sotib oladi. 2026-yil bu mablag‘ 2 karra oshiriladi. gazeta.uz »
O‘zbekistonda 2025-yilda 5,2 mln kishini daromadli mehnat bilan ta’minlash rejalari e’lon qilingandi. Kambag‘allikni qisqartirish va bandlik vaziri Botir Zohidov ushbu ko‘rsatkich qanday shakllangani va uning ijrosi qay tariqa olib borilayotgani haqida Gazeta muxbiriga gapirib berdi. gazeta.uz »
Hindistonning Glokal Yevroaziya kompaniyasi Surxondaryoning Uzun tumanida mis qazib olish loyihasi uchun $650 mln investitsiya kiritadi. Yiliga 10 ming tonna mis qazib olish va qayta ishlash quvvatiga ega korxona barpo etilishi ko‘zda tutilmoqda. gazeta.uz »
Prezident Toshkentdagi East Can Solutions korxonasi bilan tanishdi. Bu yerda O‘zbekistonda ilk bor alyumin qadoq ishlab chiqarish yo‘lga qo‘yilgan, 2026-yilda esa ichimliklar quyishni boshlash rejalashtirilgan. gazeta.uz »
Britaniyaning BAT Uzbekistan Investment kompaniyasi O‘zbekistonning UzBAT tamaki kompaniyasidagi 2,6 foiz ulushini 22,3 mln dollarga sotib oldi. Kompaniya aksiyalarni sotib olishda o‘zining imtiyozli huquqidan foydalangan. gazeta.uz »
Osiyo taraqqiyot banki O‘zbekistonga davlat sektori samaradorligini oshirish, davlat korxonalari boshqaruvini modernizatsiya qilish va JSTga a’zo bo‘lishga tayyorgarlik ko‘rishga qaratilgan iqtisodiy islohotlarni qo‘llab-quvvatlash uchun 500 million dollar miqdorida kredit ajratishni ma’qulladi. gazeta.uz »
Sentabr oyida O‘zbekistonga 114,4 mln dollarlik 11,5 mingta elektromobil import qilindi, bu qiymat jihatdan o‘tgan yilga nisbatan 7,4 baravar ko‘p. Benzinli mashina olib kelish ham ko‘paya boshladi. gazeta.uz »
Amerikaning Gulf Oil kompaniyasi va “O‘zbekneftgaz” mamlakat bo‘ylab avtozapravkalar tarmog‘i qurish bo‘yicha memorandum imzoladi. Energetika vaziriga ko‘ra, loyiha 100 mln dollarga baholanyapti. 800 mln dollarlik kompressor stansiyalarini modernizatsiyalash va ko‘mir gazifikatsiyasi loyihalari ham rejalashtirilgan. gazeta.uz »
O‘zbekistonda “Yashil makon” dasturi doirasida bahorda ekilgan 137 mln tup daraxt va butalarning 27,5 mln tasi (20 foiz) qurib qolgan. Sabablar qatorida jaziramaning erta boshlanishi aytilmoqda. Prezident kuzgi ekinlarni ko‘paytirish, hisobotlarda qo‘shib yozishni bekor qilish bo‘yicha topshiriq berdi. gazeta.uz »
Samarqand avtomobil zavodining (SamAuto) davlat ulushi Turkiyaning Anadolu Isuzu kompaniyasiga 80 mln dollarga sotildi. Kelishuvga ko‘ra, investor avtobus va elektrobuslar ishlab chiqarish va servis markazlari tarmog‘ini yo‘lga qo‘yish, eksportni rivojlantirishga qo‘shimcha 80 mln dollar investitsiya kiritadi. gazeta.uz »
Shveysariyada musodara qilingan Gulnora Karimova pullarining 20 mln dollari ta’lim olish imkoniyatlarini yaxshilash uchun ajratiladi. Loyiha doirasida 45 ta qishloq maktabini ta’mirlash, xavfsiz suv, zamonaviy sanitariya, ishonchli isitish tizimlari va ekologik toza energiya bilan ta’minlash qo‘zda tutilgan. gazeta.uz »
Xitoyning CITIC Construction kompaniyasi Farg‘ona vodiysidagi eng tirband yo‘llardan biri hisoblangan Pungon - Namangan yo‘lining 75 kilometrlik qismini rekonstruksiya qilmoqda. Loyiha yakunlangach, yo‘l beton qoplamali va to‘rt tasmali bo‘ladi, uning o‘tkazuvchanlik qobiliyati esa 3 barobarga oshadi. gazeta.uz »
Namanganning Pop tumanidagi Arashan ko‘li atrofida yiliga 1 mln sayyohni qabul qila oladigan yirik turizm kompleksi quriladi. Shuningdek, “Furqat” bog‘i rekonstruksiya qilinadi, “Chortoq” suv ombori atrofida turizm kompleksi, mehmonxona, restoran, dam olish va ko‘ngilochar maskanlar tashkil qilinadi. gazeta.uz »
Toshkentda 3,2 million donadan ortiq “Dok-1 Maks” va “Ambronol” dorisini utilizatsiya qilish boshlandi, ulardan foydalanish oqibatida O‘zbekistonda kamida 69 nafar bola halok bo‘lgandi. Dorilarni yoqish maxsus pechda amalga oshiriladi, bu ekologiyaga zarar yetkazmaydi, dedi MIB. gazeta.uz »
O‘zbekistonda isitish mavsumida aholining ehtiyojmand qatlamini qo‘llab-quvvatlash maqsadida noyabr oyida ayrim oilalarga 1 mln so‘m miqdorida bir martalik moddiy yordam beriladi. IHMA uni kimlar olishi mumkinligini tushuntirdi. gazeta.uz »
Raqobat qo‘mitasi “Toshkent - Xatirchi” yo‘nalishida avtobusda yo‘lovchi tashish xizmatini ko‘rsatuvchi “Hunarmand” MCHJga 2022-yil avgustidan 2025-yil mart oyigacha bo‘lgan davrda yo‘lovchilardan ortiqcha olingan 710 mln so‘mni qaytarish haqida ko‘rsatma berdi. gazeta.uz »
Afg‘onistonda O‘zbekiston bilan qiymati 250 mln dollarlik qo‘shma energoloyihalar boshlandi. Unga yangi elektr uzatish liniyalari va nimstansiyalar, jumladan, 500 kV quvvatli “Surxon - Puli-Xumri” hamda Nangarhor va Kobuldagi obyektlarni qurish kiradi. Ishlarni 2027-yil 1-aprelgacha yakunlash rejalashtirilgan. gazeta.uz »
