Hisobiga - Ïîñëåäíèå íîâîñòè [ Ôîòî â íîâîñòÿõ ] | |
O‘zbekiston prezidenti Shavkat Mirziyoyev Bokuda bo‘lib o‘tgan Butunjahon urbanizatsiya forumida xalqaro “Aqlli va xavfsiz shaharlar alyansi”ni tashkil etish, BMT-Xabitatning “Yashil shahar” mukofotini ta’sis etish va forumning 15-sessiyasini 2030-yilda Yangi Toshkentda o‘tkazishni taklif qildi. gazeta.uz »
2026-yilda O‘zbekiston yangi konlarni ishga tushirish orqali gaz qazib olish hajmining ko‘p yillik pasayishini barqarorlashtirishni rejalashtirmoqda, dedi energetika vaziri Jo‘rabek Mirzamahmudov. Bunda Mo‘ynoq tumanida mamlakatdagi eng yuqori debitli quduq burg‘ilangan yangi kon muhim ahamiyatga ega bo‘ladi. gazeta.uz »
Akfa kompaniyasi Kentukki shtatida yirik ishlab chiqarish majmuasi qurishni boshladi. U yerda alyuminiy mahsulotlari, avtomobil butlovchi qismlari va boshqa mahsulotlar ishlab chiqariladi, dedi kompaniya asoschisi Jahongir Ortiqxo‘jayev. Jami investitsiya hajmi 600 mln dollarga yetishi mumkin. gazeta.uz »
Markaziy bank raisi Timur Ishmetov 2025-yilda jahon bozorida oltin “narxi oshishi hisobiga o‘tgan yilgiga nisbatan ko‘proq sterilizatsiya bo‘lishini” ta’kidladi - bu MB valyuta intervensiyalari hajmi ko‘proq bo‘lishini anglatadi. gazeta.uz »
2025-yil 1-yanvar holatiga ko‘ra, Yevropa Ittifoqi aholisi soni 450,4 mln kishini tashkil qilmoqda, bu ketma-ket to‘rtinchi yil o‘sishdir. O‘sish asosan migratsiya harakatlarining ko‘payishi bilan bog‘liq. gazeta.uz »
Soliq qo‘mitasi soliq keshbekini 1% dan 2% gacha oshirish imkoniyatini o‘rganmoqda. Biznesni qonuniylashtirish va yashirin aylanmani qisqartirish bo‘yicha amaldagi chora-tadbirlar samaradorligi tahlil qilingandan so‘ng qaror qabul qilinadi. gazeta.uz »
Fevralda aholining inflyatsion kutilmalari oxirgi ikki yildagi eng yuqori darajaga yetdi. Toshkentliklar kelasi 12 oy davomida inflyatsiya 19,1% darajasida bo‘lishini kutmoqda, respondentlarning 63 foizi kommunal xizmatlar qimmatlashi hisobiga narxlar oshishidan xavotirda. gazeta.uz »
Iqtisodiy tadqiqotlar va islohotlar markazi Toshkent shahrida bir kishining daromadi hisobiga uy-joy sotib olish uchun 14,9 yil kerak bo‘lishini ma’lum qildi. So‘nggi 3 yilda mazkur narx-daromad ko‘rsatkichi mamlakat bo‘yicha 11 yildan 9,9 yilgacha pasaygan. gazeta.uz »
O‘zbekiston va Misr 15 yil ichida hukumatlararo komissiyaning ilk yig‘ilishini Toshkentda o‘tkazdi. Tomonlar to‘siqlarni bartaraf etish orqali tovar ayirboshlash hajmini 500 mln dollarga (hozir qariyb $42 mln) yetkazishga, shuningdek, O‘zbekiston-Misr ishbilarmonlar kengashini tuzishga kelishib oldi. gazeta.uz »
Prezidentga avtomobil sanoatining 2025-yilgi rejalari taqdim qilindi. Unda BYD avtomobillarining 60 ta detalini mahalliylashtirish hisobiga elektromobil tannarxini pasaytirish mumkinligi qayd etildi. gazeta.uz »
2024-yilda sement ishlab chiqaruvchilarga yer qa’ridan foydalanganlik uchun soliq rejalashtirilgan 2 barobar o‘rniga 4 barobar kamaytirilgandi. Bu imtiyoz hisobiga joriy yilda ularning ixtiyorida 250 mlrd so‘m qoladi. gazeta.uz »
Prezident Toshkent viloyatida kambag‘allikka qarshi kurashish rejalarini ma’qullamadi. U hudud kichik biznes orqali aholini ishli qilishda eng oxirgi o‘rinlarda turganini tanqid qildi. “Bor imkoniyatlar va yaratib berilayotgan sharoitlar hisobiga viloyatda kambag‘al oila qolishining o‘zi uyat”, - dedi davlat rahbari. gazeta.uz »
Prezident issiq oylarda obyektlarni sovutishga qishdagi bilan bir xil energiya sarflanayotganini ta’kidlab, ayrim binolar uchun energiya samaradorligi bo‘yicha texnik shartlar ishlab chiqishni topshirdi. gazeta.uz »
