òîøêåíò - Ïîñëåäíèå íîâîñòè [ Ôîòî â íîâîñòÿõ ] | |
Aziz Abduhakimov boshchiligidagi maxsus komissiya Toshkent viloyatidagi 4 ta tumanda issiqxonalarni demontaj qilib, ularni sun’iy isitish tizimlaridan uzmoqda. Tadbirkorlarga o‘z xo‘jaliklarini “Surxon-Agro” EIZga ko‘chirish taklif etilmoqda. gazeta.uz »
O‘zbekiston-Gruziya munosabatlari 1990-yillarda qisqa yaqinlashuvni, so‘ng uzoq tanaffusni va 2017-yildan tiklanishni boshdan kechirdi. Hozir ularni savdo-sotiq, logistika hamda Janubiy Kavkaz orqali Qora dengiz va Yevropaga olib chiquvchi yo‘nalishlar yaqinlashtiryapti. Ikki davlat munosabatlari - Gazeta obzorida. gazeta.uz »
Toshkent viloyatida uchta - Yangiyo‘lda, Qibrayda hamda Angren va Ohangaronda logistika markazlari qurilmoqda, deya ma’lum qildi viloyat hokimi Zoyir Mirzayev. Ulardan biri qozog‘istonlik tadbirkorlar bilan amalga oshirilmoqda. gazeta.uz »
Toshkent shahridagi Rayyona kids xususiy bog‘chasida tarbiyalovchilar bolalarga tazyiq o‘tkazgani videosi tarqaldi. Ular tarbiyalanuvchilardan birining og‘ziga mato tiqqan, yana biri eshik bilan bola qo‘lini siqib qo‘ygan. gazeta.uz »
Toshkent viloyatida O‘simliklar karantini va himoyasi agentligi xodimlari 20 gektar davlat yeridan tabiiy chim ko‘chirib olishga ruxsat beruvchi hujjatlar uchun 2200 dollar olayotganda ushlandi. Navoiyda esa “Suv ta’minoti” tizimiga ishga kiritish evaziga 500 dollar olgan xodimlar qo‘lga olindi. gazeta.uz »
“Yuksak” podstansiyasidagi avariya oqibatida Toshkent shahri va Zangiota tumanidagi 55 ming iste’molchining elektr ta’minoti uzildi, deya xabar qildi Energetika vazirligi. Bu poytaxtdagi jami abonentlar sonining taxminan 6,2 foiziga teng. Vazirlik elektr ta’minoti to‘liq tiklanganini bildirgan. gazeta.uz »
30-iyundan Royal Jordanian Airlines Toshkent va Amman o‘rtasida muntazam to‘g‘ridan-to‘g‘ri aviaqatnovlarni yo‘lga qo‘yadi. Yangi reysni ochish bo‘yicha kelishuvga 2025-yil avgustida Samarqandda O‘zbekiston va Iordaniya rahbarlari muzokaralari chog‘ida erishilgan edi. gazeta.uz »
28-iyun kuni kechqurun Toshkent shahri va Toshkent viloyatining ayrim hududlarida keng ko‘lamli elektr uzilishi sodir bo‘ldi. Energetiklarning ma’lumotlariga ko‘ra, bunga “Yuksak” podstansiyasidagi nosozlik sabab bo‘lgan va buning oqibatida 110 kV kuchlanishli ikkita elektr uzatish tarmog‘i favqulodda o‘chib qolgan. gazeta.uz »
Toshkent viloyatida huquqni muhofaza qilish organlari davlat zaxirasidagi yer uchastkasini 400 ming dollarga sotishga uringan uch nafar erkakni qo‘lga oldi. Holat yuzasidan ularga nisbatan jinoyat ishi qo‘zg‘atildi. gazeta.uz »
23-iyun oqshomida yuzlab muxlislar O‘zbekiston terma jamoasini Portugaliyaga qarshi o‘yinda birgalikda qo‘llab-quvvatlash uchun poytaxtning qator hududlarida yig‘ildi. Hayajonli lahzalar, jamoadan faxrlanish tuyg‘usi va mamlakat uchun tarixiy voqeaga daxldorlik hissi - Gazeta fotoreportajida. gazeta.uz »
Toshkent Markaziy Osiyo aviatsiya habiga aylanishi mumkin, ammo buning uchun faqat yangi aeroportning o‘zi yetarli emas, deb hisoblaydi investitsiya forumi sessiyasi ishtirokchilari. Kuchli bazaviy aviakompaniya, flot, kadrlar, to‘g‘ri tartibga solish, raqamlashtirish, yagona master-reja kerak. Batafsil - Gazeta sharhida. gazeta.uz »
Beshinchi Toshkent xalqaro investitsiya forumida 43,1 mlrd dollarlik 166 ta investitsiya bitimi imzolandi, deya xabar qildi Investitsiyalar vazirligi. Forumda 10,4 mingdan ortiq kishi, shu jumladan, 102 mamlakatdan 3802 nafar xorijiy delegat ishtirok etdi. gazeta.uz »
Toshkent o‘zgarishlar sur’ati bo‘yicha dunyo shaharlari uchligiga kirdi. Bu dinamikani ekologiyadan qulay jamoat makonlarigacha sohalarda hayot sifatini sezilarli yaxshilashga aylantirish mumkinmi? Nega shaharni rejalashtirishning an’anaviy vositalari bugun ishlamaydi? TXIF ekspertlari fikrlari. gazeta.uz »
Poytaxt hokimligi Toshkent shahri aholisi va mehmonlarini kuchli shamol hamda chang-to‘zonlar kuzatilishidan ogohlantirdi. Hokimlik kuchli shamol vaqtida ochiq hududlarda qolmaslik, avtomobillarni daraxtlar ostida qoldirmaslik va chang-to‘zon vaqtida imkon qadar derazalarni yopiq saqlashni tavsiya etdi. gazeta.uz »
16−18-iyun kunlari o‘tadigan beshinchi Toshkent xalqaro investitsiya forumi barcha yillar ichidagi eng yirigi bo‘ladi. 2026-yilgi forum mavzusi - “Investitsiyalar barqarorligi: yangi ufqlar, yangi sheriklik” deb nomlandi. gazeta.uz »
Senat “Toshkent xalqaro moliya markazi to‘g‘risida”gi konstitutsiyaviy qonunni takomillashtirish uchun Qonunchilik palatasiga qaytardi. E’tirozlar xalqaro tijorat sudi sudyalariga qo‘yiladigan talablar, uning arbitraj va ma’muriy nizolar bo‘yicha vakolatlari hamda moliya markazini boshqarish tizimiga taalluqlidir. gazeta.uz »
Toshkent chekkasidagi Chirchiq daryosida xalq orasida “sharshara” nomi bilan mashhur bo‘lgan suv tartibga soluvchi beton to‘g‘on qisman qulab tushdi. Tezkor shtab tashkil etilib, qirg‘oqni mustahkamlash choralari ko‘rilmoqda. gazeta.uz »
13-iyundan boshlab Toshkent metrosinining “Chinor” bekati rekonstruksiya ishlari sababli 50 kunga yopiladi. Bu davrda bekatning kirish-chiqish joylari kengaytirilib, lift va qo‘shimcha turniketlar o‘rnatiladi. gazeta.uz »
AQShdagi JM Group kompaniyalari bosh direktori Jahongir Mamajonov Toshkent viloyati hokimi o‘rinbosari - Investitsiyalar, sanoat va savdo boshqarmasi boshlig‘i etib tayinlandi. Ruslan Kunarov esa hokimning sanoat korxonalarini rivojlantirish masalalari bo‘yicha o‘rinbosari bo‘ldi. gazeta.uz »
Toshkent metrosi vagonlaridan birida yo‘lovchiga tegishli bo‘lgan mobil qurilmadan tutun chiqdi. Metropoliten xabariga ko‘ra, buyum yaqin oradagi bekatda vagondan olib tashlangan va poyezdlar harakati jadval bo‘yicha davom etgan. gazeta.uz »
Tarmoqlarda Toshkent metrosi bekatlaridagi elektron panduslar ishlamayotgani haqida xabarlar tarqaldi. Metropoliten bayonotiga ko‘ra, Texnopark tomonidan o‘rnatilayotgan qurilmalar hali to‘liq sozlab bo‘linmagan, jarayonni tezlashtirish uchun esa tegishli idoralarga bir necha bor rasmiy xatlar chiqarilgan. gazeta.uz »
Toshkentning Mirobod tumanida joylashgan Davlat aktivlarini boshqarish agentligi binosi 165,5 mlrd so‘m boshlang‘ich narxda elektron auksionga qo‘yilgan edi, biroq 4-iyun kuniga belgilangan savdolar bo‘lib o‘tmadi. gazeta.uz »
Payshanba kuni poytaxtning bir qator tumanlarida elektr ta’minoti vaqtincha bo‘lmadi. Energetika vazirligi bunga Toshkent IESdagi transformatorning nosozligi sabab bo‘lganini ma’lum qildi. Shaharda svetoforlar ishlamadi, uylarda suv ta’minotida uzilishlar kuzatildi. Uzilish metroga ham ta’sir ko‘rsatdi. gazeta.uz »
Toshkent shahrida avtomobillar uchun 40 ta yonilg‘i quyish stansiyalari soddalashtirilgan tartibda quriladi. Shuningdek, Olmazor tumanida savdo-ko‘ngilochar kompleks, Chilonzor tumanining vohadan Toshkentga kirish qismida 2 ta avtoturargoh barpo etiladi. gazeta.uz »
Armanistonning Shirak Avia aviakompaniyasi Yerevan - Toshkent yo‘nalishi bo‘yicha muntazam parvozlarni yo‘lga qo‘ydi. 2-iyun kuni Toshkentga ilk reys yetib keldi. Bu so‘nggi o‘n yilliklardagi ilk to‘g‘ridan-to‘g‘ri parvoz bo‘ldi. gazeta.uz »
28-may kuni Surxondaryo viloyatining Denov tumanida Leapmotor, Toshkent shahri Mirobod tumanida esa Gentra avtomobilida yong‘in sodir bo‘ldi. Har ikki holatda ham yong‘in qisqa vaqtda o‘chirildi, jabrlanganlar yo‘q. gazeta.uz »
Xitoyning Sian shahrida o‘tgan III O‘zbekiston-Xitoy hududlararo forumi doirasida Toshkent shahri uchun 3,5 mlrd dollardan ortiq investitsiyaviy va eksport kelishuvlari imzolandi. Ular orasida drenaj tizimi (400 mln dollar), BRT va yo‘l infratuzilmasi (1 mlrd dollar) bo‘yicha loyihalar ham bor. gazeta.uz »
O‘zgidromet Toshkent shahrining aksariyat qismida yomg‘ir jadallashishi va do‘lga aylanishi kutilayotganidan ogohlantirdi. Tarmoqlarda shahar janubida allaqachon yomg‘ir va do‘l yog‘ayotgani aks etgan videolar tarqaldi. gazeta.uz »
27-may kuni g‘arbdan nam havo oqimlari Toshkent hududiga kirib kelishi oldidan havodagi chang miqdori qisqa muddatga ko‘tarilishi mumkin, deb ogohlantirmoqda ekologik vaziyatni yaxshilash bo‘yicha maxsus komissiya. gazeta.uz »
Senat transport vaziriga senator so‘rovi yuborib, Toshkent tumanidagi Zargar, Majnuntol, Xiyobon, Sohibkor va Nurhayot mahallalarini poytaxt bilan bog‘lovchi muntazam avtobus yo‘nalishlari yo‘qligini ko‘tardi. gazeta.uz »
Aprelda Toshkentda ko‘p kvartirali uy-joy sotilishi bo‘yicha e’lonlar soni 44,5 mingtagacha kamaydi - bu mart oyiga nisbatan 13,4 foizga, o‘tgan yilning apreliga qaraganda esa 17,7 foizga kam. Takliflar tarkibida yangi qurilgan uylar ulushi deyarli 48 foizga yetdi. Narxlarning keskin o‘zgarishi kuzatilmadi. gazeta.uz »
O‘monning Oman Air milliy aviakompaniyasi 2-iyundan Toshkent va Maskat o‘rtasida muntazam aviaqatnovlarni boshlaydi. Reyslar haftasiga uch marta Boeing 737 samolyotlarida amalga oshiriladi. Yangi yo‘nalish Maskat orqali Osiyo, Yevropa va Afrika davlatlariga qulay tranzit imkoniyatlarini yaratadi. gazeta.uz »
Toshkent xalqaro aeroportida Dubayga uchayotgan reys yo‘lovchisi to‘xtatib qolindi. Tekshiruv davomida uning chemodanidan noqonuniy olib chiqib ketilayotgan salkam 2 kg oltin quymalari topildi. Mazkur ishga muqaddam sudlangan yana bir fuqaroning aloqadorligi aniqlandi. gazeta.uz »
Parkent tumanida 10 sotix davlat yerini noqonuniy sotmoqchi bo‘lgan mahalla raisi, kadastr xodimi va fuqaro ushlandi. Gumonlanuvchilar 20 ming dollar talab qilib, 17 ming dollar va 37 mln so‘m olayotganida qo‘lga olindi. gazeta.uz »
Gazeta muxbiri Toshkent shahri hokimi Shavkat Umurzoqovga hamrohlik qilib, uning bir kunlik ish jarayonini tasvirga oldi. Hokim xalq bilan muloqot muhimligi, nima uchun kichik muammolarni ham prezident hal qilayotgani, nega amaldorlar jamoat transportida yurmasligi haqida fikr bildirdi. gazeta.uz »
Toshkent metrosida 2027-yildan yo‘lkira haqini bosib o‘tilgan masofa yoki bekatlar soniga qarab to‘lash tizimi joriy etiladi. Abonementlar va imtiyozlar tizimi paydo bo‘ladi. 2028-yil oxirigacha bekatlarga vending apparati va kichik savdo nuqtalari joylashtiriladi. gazeta.uz »
Prezidentga avtomobil sanoatini rivojlantirish, jumladan, O‘zbekistonda Volkswagen avtomobillarini ishlab chiqarish loyihasi bo‘yicha takliflar taqdim etildi. Birinchi bosqichda Toshkentda yirik uzelli yig‘ish, keyingi bosqichda esa Angren EIZ hududida to‘liq ishlab chiqarish siklini tashkil etish ko‘zda tutilmoqda. gazeta.uz »
Toshkent metrosining “Shahriston” bekati platformasida shishali himoya to‘siqlarini o‘rnatish taklif qilindi. 2030-yilgacha metro bekatlari sonini 79 taga yetkazish rejalashtirilmoqda. Shuningdek, metropolitenda reklama, vending, savdo va kovorking yo‘nalishlarini rivojlantirish ko‘zda tutilgan. gazeta.uz »
15−24-may kunlari poytaxtda “Toshkent bahori” xalqaro opera va balet festivali bo‘lib o‘tadi. Navoiy nomidagi DAKTda La Scala, Metropolitan Opera yulduzlari hamda Gruziya, Ruminiya, Chernogoriya va boshqa davlatlar san’atkorlari chiqish qiladi. gazeta.uz »
Toshkent viloyatining Olmaliq shahrida yo‘lni kesib o‘tayotgan 2 nafar 9 yoshli bolani mashina urib ketdi. Buning oqibatida piyodalarning biri og‘ir jarohat olib, shifoxonada vafot etdi. Holat bo‘yicha jinoyat ishi qo‘zg‘atildi. gazeta.uz »
9-may munosabati bilan Toshkent ko‘chalarida o‘zbek xalqining II jahon urushidagi g‘alabaga qo‘shgan hissasi haqida roliklar namoyish etilmoqda. Urushda 2 millionga yaqin o‘zbekistonlik qatnashgan. Mamlakat 1,5 mln evakuatsiya qilinganlarni qabul qilib, minglab samolyot va harbiy texnikalar yetkazib bergan. gazeta.uz »
Toshkentda yo‘lovchilarning avtobuslarda sovitish tizimi yo‘qligi bo‘yicha shikoyatlariga javoban, rasmiylar 7-maydan bosqichma-bosqich konditsionerlar ishga tushirilishini ma’lum qildi. Nosoz transport vositalarini yo‘nalishga chiqarmaslik, shikoyatlarni esa tezkorlik bilan ko‘rib chiqish va’da qilinmoqda. gazeta.uz »
O‘zbekiston Transport vazirligi Toshkent - Samarqand yangi tezyurar temiryo‘l loyihasi TIAning so‘nggi versiyasini qabul qildi, dedi vazir o‘rinbosari Jasurbek Choriyev. Uning so‘zlariga ko‘ra, tenderni boshlashdan oldin loyiha investitsion jozibadorlik nuqtai nazaridan yana takomillashtiriladi. gazeta.uz »
Uzbekistan Airports Toshkent xalqaro aeroporti hududidagi maydoni 40 ming kvadrat metrdan ortiq, 1,5 mingga yaqin avtomobil sig‘adigan oltita avtoturargohni auksionga qo‘ydi. Asosiy talab - to‘liq raqamlashtirish, xususan, joylarni band qilish imkoniyati bo‘lgan mobil servisni ishga tushirish. gazeta.uz »
Poytaxtda gullar festivali o‘tkazilishi munosabati bilan Milliy kutubxona atrofidagi ko‘chalar transport harakati uchun yopildi. Cheklovlar 11-mayga qadar amal qiladi. gazeta.uz »
Toshkent metrosining “G‘afur G‘ulom” bekatida ayol poyezd kirib kelayotganida uning yo‘liga tushib ketdi. Mashinist harakat tarkibini tezkor to‘xtatib qoldi, yo‘lovchi jiddiy jarohat olmadi. Hodisa poyezdlar harakati jadvaliga ta’sir qilmagan. gazeta.uz »
Toshkent viloyati Oqqo‘rg‘on tumanida Ohangaron daryosi o‘zanida qum-shag‘alni ruxsat etilgan hududdan tashqarida qazish holati aniqlandi. Oqibatda tabiatga 3,6 mlrd so‘mdan ortiq zarar yetkazilgan. Hujjatlar prokuraturaga yuborildi. gazeta.uz »
Toshkent metropolitenining yerusti halqa yo‘li yo‘nalishida poyezdlar harakati 1-maydan boshlab bir soat ertaroq - soat 05:00 dan boshlanadi. Ta’kidlanishicha, yangi jadval yo‘lovchilarga qo‘shimcha qulaylik yaratish va xizmat ko‘rsatish sifatini oshirish maqsadida joriy etilmoqda. gazeta.uz »
Toshkent xalqaro aeroportida samolyotlar parvozini qushlardan himoya qiluvchi intellektual qurilma ishga tushdi. U bir vaqtda 256 tagacha qushni aniqlab, samolyotlar yo‘lidan xavfsiz zonalarga haydash imkonini beradi. gazeta.uz »
PPX xodimining 14 yoshli qizga shilqimlik qilgani haqidagi xabarlar o‘z tasdig‘ini topmadi, deya qayd etdi Toshkent viloyati IIBB. Surishtiruvlarda tarmoqlardagi iddaolar haqiqatga to‘g‘ri kelmasligi ma’lum bo‘lgan. gazeta.uz »
