òîøêåíò - Ïîñëåäíèå íîâîñòè [ Ôîòî â íîâîñòÿõ ] | |
1-maydan boshlab Toshkent, Nukus va viloyat markazlarida ekologiyaga salbiy ta’sir ko‘rsatuvchi yangi loyihalarni amalga oshirish taqiqlanadi. Ular orasida asbest va sement ishlab chiqarish, parrandachilik fabrikalari va boshqalar bor. gazeta.uz »
Anorbank Toshkent markazidagi Energetika vazirligi va “O‘ztransgaz” kompaniyasi binolarini 439,6 mlrd so‘mga (34 mln dollar) sotib oldi. Dekabr oyi oxirida Energetika vazirligi Yangi Toshkentga ko‘chib o‘tishi, u yerda davlat organi va uning tuzilmalari uchun yangi bino qurilayotgani haqida xabar berilgan edi. gazeta.uz »
Toshkent shahri va Toshkent viloyatining chegaradosh hududlarida viloyat Ekologiya boshqarmasi havo sifatini tahlil qilib, ifloslantiruvchi moddalar miqdori me’yorida ekanini aniqladi. So‘nggi haftalarda havoni monitoring qiluvchi platformalar va ijtimoiy tarmoqlarda havo sifati yomonlashgani ta’kidlanmoqda. gazeta.uz »
Toshkent hokimi Shavkat Umurzoqov va Turkiya elchisi Olgan Bekar poytaxt ko‘chalaridan biriga Turkiyaning birinchi prezidenti Mustafo Kamol Otaturk nomini berish, turk maktabini kengaytirish va turk bog‘i barpo etish masalalarini muhokama qildi. gazeta.uz »
Yangiyo‘l tumanida ikki fuqaro 4 tup shumtol daraxtini noqonuniy ravishda kesib tashladi. Ular bu orqali tabiatga 412 mln so‘m zarar yetkazgani aniqlandi. Holat yuzasidan to‘plangan hujjatlar prokuraturaga yuborildi. gazeta.uz »
Yangiyo‘l tumanidagi avtomobillarga gaz to‘ldirish shoxobchasida Isuzu rusumli avtobus gaz ballonida portlash sodir bo‘ldi. Hodisa oqibatida hech kim jarohat olmagan. gazeta.uz »
Toshkent Botanika bog‘ida olmaxonlar shu qadar ko‘paydiki, endi fotosuratchilar ham - xuddi “Gazeta.uz” muxbiri Murod Yusuf kabi - ularni bemalol fotohikoya qahramonlariga aylantiryapti. Qizig‘i, olmaxonlar O‘zbekistonga xos tur emas, ularning ko‘payishi esa “yashash sharoitlarining yaxshilanishi” bilan bog‘liq. gazeta.uz »
Angren shahrida 31 yoshli telefon ustasi tuzatish uchun qoldirilgan telefondan 9 mln so‘m yechib oldi. Erkak pulni shaxsiy ehtiyojlari uchun sarflab yuborgan. Gumonlanuvchi protsessual tartibda ushlandi va jinoyat ishi qo‘zg‘atildi. gazeta.uz »
Piskent tumanidagi 7-sonli davlat bog‘chasida kobra ilonlari bilan tomosha ko‘rsatildi. Sud tomosha uyushtirgan ikki shaxsga jarima jazosi qo‘lladi. Tuman maktabgacha va maktab ta’limi bo‘limi rahbari o‘rinbosari ularning dasturi bilan to‘liq tanishib chiqmagani uchun ishdan olindi. gazeta.uz »
Toshkent Fotosuratlar uyida 70 ga yaqin porofessional va havaskor fotorassomlarning 500 ga yaqin ishi namoyishga qo‘yildi. Ularda tabiat, sport, milliy an’analar, madaniyat kabi mavzular aks etgan. Ko‘rgazma 2-fevralga qadar davom etadi. gazeta.uz »
Izzatulla Ziyavidenov Toshkent shahri hokimining yordamchisi etib tayinlandi. Mazkur lavozimda u Boburjon Abdurahimov o‘rnini egalladi. gazeta.uz »
2024-yilda Toshkent metrosi 270,3 million yo‘lovchini tashidi, 2023-yilgiga qaraganda 98,3 million kishiga ko‘p. gazeta.uz »
Oqqo‘rg‘on tumanida 23 yoshli ayol 37 yoshli turmush o‘rtog‘i tomonidan ayovsiz kaltaklanganidan so‘ng komaga tushib, vafot etdi. Ayrim xabarlarga ko‘ra, kaltaklashda erning onasi va boshqa qarindoshi ham ishtirok etgan bo‘lishi mumkin. gazeta.uz »
Olmaliq shahrida yashagan 51 yoshli ayol o‘tkir is gazidan zaharlanish ortidan yuzaga kelgan o‘tkir yurak-qon tomir va nafas yetishmovchiligi oqibatida vafot etdi. Prokuratura tomonidan tekshiruv harakatlari olib borilmoqda. gazeta.uz »
Nemis arxitektori va noshiri Filipp Moyzer rus tilida Toshkent arxitekturasi qo‘llanmasining uchinchi nashri, poytaxt mozaikalari va aka-uka Jarskiylar haqidagi kitoblar chop etilishini e’lon qildi. gazeta.uz »
Bo‘stonliq tumanida “Chinorkent” temiryo‘l bekati 22-yanvar kuni foydalanishga topshirildi. Shu munosabat bilan Toshkentdan Xo‘jakentgacha bo‘lgan elektropoyezd qatnovi 1,5 km masofaga - Chorvoq shaharchasida yaqinida joylashgan “Chinorkent” bekatigacha uzaytirildi. gazeta.uz »
Toshkent xalqaro aeroportida ikki qizni Turkiyaga fohishalikka yubormoqchi bo‘lgan ayol ushlandi. U 21 yoshli qizlarni aldab, katta pul topishga ishontirgan. gazeta.uz »
Toshkent viloyati va shahrida atmosferaga zarar yetkazayotgan 46 ta issiqxonaning faoliyati to‘xtatildi. Bundan tashqari, 426 ta issiqxona egalari chang-gaz tozalash uskunalarini o‘rnatish zarurligi, shuningdek, chiqindilardan yoqilg‘i sifatida foydalanish taqiqlangani haqida ogohlantirildi. gazeta.uz »
Toshkent metropolitenida 19 yoshli yigit o‘zini elektropoyezd tagiga tashladi. Xodimlar jabrlangan fuqaroni tirik holda vagon ostidan olib chiqqan. Hozirda tekshirish ishlari olib borilmoqda. gazeta.uz »
Toshkent avtobuslarida naqd pulsiz to‘lov tizimiga o‘tish yo‘lovchilarning haqiqiy sonini ko‘rish imkonini beradi. Olingan ma’lumotlar asosida poytaxt yo‘nalishlarni optimallashtirish va tariflarni joriy etish mumkin bo‘ladi, deya ta’kidladi TSHTX va Transport boshqarmasi mas’ullari. gazeta.uz »
Ankhor Invest Toshkent metallurgiya zavodi aksiyalarining nazorat paketi egasiga aylandi. 2025-yil oxirigacha 2023-yilda kiprlik ta’sischilarning “harakatsizligi” tufayli bankrotlik xavfi ostida qolgan TMZdagi davlat ulushini sotish rejalashtirilmoqda. gazeta.uz »
Transport vaziri Ilhom Mahkamov Toshkentga yana 1000 ta avtobus kelishini aytgandi. Poytaxt transport boshqarmasi boshlig‘i shaharda avtobuslarga bo‘lgan ehtiyoj, yangi mashinalar qaysi yo‘nalishlarga berilishi va ularning kelishiga qanday tayyorgarlik ko‘rish kerakligini tushuntirib berdi. gazeta.uz »
Shavkat Mirziyoyev BAA bosh vaziri bilan uchrashuvda boshqaruv kadrlarini tayyorlash, raqamlashtirish, sun’iy intellekt sohalarida yaqindan hamkorlik masalalarini ko‘rib chiqdi. U Dubayning ilg‘or yechimlarini O‘zbekiston shaharsozlik sohasiga, jumladan, Yangi Toshkentda joriy etishga qiziqish bildirdi. gazeta.uz »
Toshkent shahridagi harakat tarkibida hozir 1847 ta avtobus bor, ularning 1557 tasi kunlik yo‘nalishga chiqariladi. “Toshshahartransxizmat” rahbari o‘rinbosarining aytishicha, shahar maydoni, aholi, har yuz ming kishiga taqsimlangan avtobus sonidan kelib chiqib, poytaxtga 3000 ta avtobus yetarli bo‘ladi. gazeta.uz »
“G‘ishtko‘prik” chegara bojxona postida ikki holatda 717 dona bug‘u shohini noqonuniy olib kirmoqchi bo‘lgan shaxslar aniqlandi. Ular shohlarni deklaratsiyada yozib ko‘rsatmagan va og‘zaki so‘rovda ham ma’lum qilmagan. gazeta.uz »
Toshkent markazida joylashgan, bir vaqtlar shahar ramzi va me’morlar iftixori hisoblangan “Chorsu” mehmonxonasi bugun qarovsiz qolib, buzilmoqda. “Gazeta.uz” rekonstruksiyasi amalga oshmagan sovet modernizmi yodgorligining tarixi, taraqqiyoti va tanazzuli haqida hikoya qiladi. gazeta.uz »
Xalq nazorati xizmati 2024-yildagi faoliyati natijalarini taqdim etdi. Toshkent aholisi o‘tgan yilgidan 1,5 karra ko‘p murojaat yubordi, 89,6 foizi ko‘rib chiqildi va yopildi. Aksariyati kommunal xo‘jaligi muammolari bilan bog‘liq, 20 foizi daraxt kesish va chiqindi, 10 foizga yaqini yo‘l va trotuar holatiga oid. gazeta.uz »
Toshkent xalqaro aeroportida mushuklar uchun uylar o‘rnatildi. Ekologik materiallardan yig‘ilgan uyda isitish va sovitish tizimlari o‘rnatilgan. “Mamlakat haqidagi tasavvur aeroportdan boshlanadi va bunday uychalar butun mamlakatning munosabati ko‘rsatkichidir”, - deya qayd etdi Uzbekistan Airports. gazeta.uz »
Toshkent hayvonot bog‘i kolleksiyasi uchta alpaka, bitta lama va har xil turdagi beshta turna bilan to‘ldirildi. gazeta.uz »
Rossiyalik jurnalist Inessa Papernaya, uning hamrohi va o‘zbekistonlik fuqaroning Toshkent mehmonxonasidagi o‘limida gumonlanib 4 kishi qamoqqa olindi. Ular orasida mehmonxona egasi, santexnik va eski, nosoz isitish qozonini sotgan sotuvchilar bor. Qozon xavfsizlik qoidalarini buzgan holda o‘rnatilgan. gazeta.uz »
Toshkent hayvonot bog‘idagi jirafa halok bo‘ldi. Uning o‘limiga oshqozon buralishi sabab bo‘ldi. Hozirda zooparkda ikkita jirafa qolgan. 2022-yilda olib kelingan birinchi jirafa ham kasallik tufayli nobud bo‘lgandi. gazeta.uz »
23-dekabr kuni Bo‘stonliq tumanida 4 yoshli qiz onasining kaltaklashi oqibatida shifoxonaga yotqizilgandi. Bola 15 kun o‘tib tibbiy muolajalarga qaramasdan vafot etdi. Holat bo‘yicha jinoyat ishi qo‘zg‘atilgan. gazeta.uz »
Xalq deputatlari Toshkent viloyati kengashi qarori bilan 2025-yil fevral oyidan aholi va yuridik shaxslar uchun issiqlik va issiq suv ta’minoti tariflari narxi oshirilmoqda. Ro‘yxat. gazeta.uz »
O‘zA Toshkent avtobuslarida yo‘l haqini naqd pulda to‘laydigan yo‘lovchilar “chiptasiz sayohat” moddasi bo‘yicha jarimaga tortilishi haqida xabar berdi. Xabarni aksariyat OAV va “Toshshahartransxizmat” qayta chop etdi. Transport vazirligi esa ma’lumotni rad etdi. gazeta.uz »
Toshkent hokimi Shavkat Umurzoqov issiqlik ta’minotiga subsidiya uchun 100 mlrd so‘m ajratish bo‘yicha qaror imzoladi va hujjatni cheklashni talab qiluvchi ma’lumotlar bo‘lmasa-da, uni yashirib qo‘ydi, yozdi Daryo. gazeta.uz »
10-yanvardan Toshkent - Xo‘jakent yo‘nalishidagi elektropoyezdlar Janubiy vokzaldan harakatlana boshlaydi. Ular shu paytgacha Shimoliy vokzaldan yurgan. gazeta.uz »
Toshkent avtobuslarida yo‘l haqi endi faqat karta va QR-kodli chiptalar bilan to‘lanadi. Bir martalik QR-kodli chiptani Paynet, MultiPay yoki Oson infokiosklaridan sotib olish mumkin. “Gazeta.uz” avtobus bekatida chipta olish amaliyotini sinab ko‘rdi. Bu vaqtda tizimdagi ayrim kamchiliklar ham yuzaga chiqdi. gazeta.uz »
Toshkent shahrida 5-yanvar kuni Qurolli Kuchlar 33 yilligi munosabati bilan Mudofaa vazirligi va Milliy gvardiya harbiy bo‘linmalarining namoyishkorona piyoda yurishlari o‘tkaziladi. Parad “G‘alaba bog‘i”dan boshlanib, Magic City’gacha davom etadi. Soat 11:00 dan 13:00 gacha bir qator ko‘chalar yopiladi. gazeta.uz »
AES qurish direksiyasi direktori Otabek Amanov kichik quvvatli atom elektr stansiyasi qurilishi loyihasi jarayonida Toshkent va Jizzax viloyatlarida jamoatchilik eshituvi o‘tkazilishini ma’lum qildi. gazeta.uz »
Toshkent metropoliteni 2024-yil oxirida Rossiyada ishlab chiqarilgan uchta yangi tarkibni oldi. O‘tgan yili jami 11 ta to‘rt vagonli poyezd olib kelindi. gazeta.uz »
Har yili 1-yanvarda “Gazeta.uz” muxbirlari poytaxtning Yangi yil kutib olinganidan keyingi manzaralarini suratga olish uchun erta tongdan shahar kezadi. Bayram izlari qolgan hovlilar va kimsasiz maydonlar, kamyob o‘tkinchilaru jamoat transportidagi sanoqli yo‘lovchilar - Iskandar Mirzaahmedov obyektivida. gazeta.uz »
31-dekabr kuni Toshkent shahrida bir tasmada ketayotgan BMW, Lacetti, Cobalt, Matiz va Spark oldinma-ketin bir biriga urildi. Hech kim jarohat olmadi. gazeta.uz »
Yangi yil munosabati bilan 28-dekabrdan 5-yanvargacha Toshkentdan Chorvoqqa mavsumiy avtobus qatnovi yo‘lga qo‘yildi. Yutong transportlari soat 9:00 va 16:00 da “Mashinasozlar” bekatidan jo‘naydi. Yo‘lkira narxi - 20 ming so‘m. gazeta.uz »
Hukumat Toshkent shahrining 2045-yilgacha bo‘lgan bosh rejasini tasdiqladi. U aholi ehtiyojlari, ekologik zonalar va madaniy merosni muhofaza qilishni hisobga olgan holda shaharni rivojlantirishni nazarda tutadi. gazeta.uz »
“O‘zbekiston temir yo‘llari” Koreyaning Saman Corporation kompaniyasi bilan Toshkent - Samarqand yangi tezyurar temiryo‘lining texnik-iqtisodiy asoslarini tayyorlashni boshladi va ishchi guruh tuzishga kirishdi. Jarayon 2026-yilning mart oyigacha davom etishi kutilmoqda. gazeta.uz »
Uzbekistan Airports Toshkent xalqaro aeroporti hududida joylashgan maydonlarni ijaraga berish uchun tegishli lotlarni auksionga joylashtirdi. Tez kunlarda poytaxt aeroportining mahalliy aviaqatnovlar terminalida kitob do‘koni tashkil etilishi rejalashtirilmoqda. gazeta.uz »
Yirik miqdorda to‘lov evaziga O‘zbekiston fuqarolarini xorijda ishga joylashtirishni va’da qilgan shaxslar qo‘lga olindi. Ulardan biri tanishidan AQShga ishlashga jo‘natish uchun 9000 dollar, ikkinchisi esa Polshaga yuborish uchun 1000 dollar va 6,3 mln so‘m olgan. gazeta.uz »
Toshkent metrosi ilk marta Yangi yil bayrami munosabati bilan 31-dekabr kuni soat 05:00 dan 1-yanvar soat 02:00 gacha yo‘lovchilarga xizmat ko‘rsatadi. gazeta.uz »
Toshkent viloyati Bo‘stonliq tumanida bir oilaning uch a’zosi is gazidan zaharlanib vafot etdi. Holat yuzasidan tekshiruv harakatlari olib borilmoqda. gazeta.uz »
Toshkent shahar IIBB energetika vaziri Jo‘rabek Mirzamahmudovning shikoyat arizasi bo‘yicha moliyachi Otabek Bakirovga qarshi jinoyat ishi qo‘zg‘atishni rad etdi. Boshqarmaning bu qaroriga, xususan, AOKAning shikoyat arizasida ko‘rsatilgan vajlar mavjud emasligi haqida tegishli ekspertiza xulosasi asos bo‘lgan. gazeta.uz »
