Limi - Ïîñëåäíèå íîâîñòè [ Ôîòî â íîâîñòÿõ ] | |
Qoraqalpog‘istondagi tumanlarning birida kadastr bo‘limi boshlig‘i bo‘lib ishlovchi shaxs pora olishda gumonlanib qo‘lga olindi. U o‘zboshimchalik bilan egallab olingan yerga qurilgan binoga nisbatan mulk huquqini e’tirof etish va uning kadastr hujjatlarini rasmiylashtirib berish evaziga 2 ming dollar olgan. gazeta.uz »
Yangihayot tumanida Favqulodda vaziyatlar bo‘limi kichik inspektori korxona hududiga o‘rnatilgan yong‘in xavfsizligi jihozlarini qabul qilish bo‘yicha bayonnoma rasmiylashtirib berish evaziga pul so‘ragan. gazeta.uz »
Sankt Peterburgda o‘tgan bitiruvchilar bayramiga o‘z farzandi va jiyanini ham yuborgan Samarqand viloyati maktab ta’limi boshqarmasi boshlig‘i Muzaffar Hamdamov ishdan olindi. Shuningdek, boshqarmaning yana 5 xodimiga intizomiy jazo ko‘rilishi mumkin. gazeta.uz »
Hilola Umarova maktabgacha va maktab ta’limi vazirining pedagogik ta’limni rivojlantirish masalalari bo‘yicha o‘rinbosari etib tayinlandi. U bir vaqtda O‘zbekiston milliy pedagogika universitetiga rektorlik qiladi. gazeta.uz »
Olmaliqdagi maktabda 10-sinfda o‘qigan qiz vafot etdi. Guvohlar voqea huquq-tartibot idoralari ishtirokidagi tarbiyaviy soatdan so‘ng sodir bo‘lganini aytmoqda, IIBB voqea yig‘ilishdan oldin bo‘lganini bildirdi. gazeta.uz »
Surxondaryoda tuman ekologiya bo‘limi boshlig‘i 500 dollar pora bilan ushlangani aytilmoqda. U korxona hududida ruxsatsiz kesilgan 22 tup daraxat bo‘yicha zararni kamaytirib bermoqchi bo‘lgan. gazeta.uz »
BBC bir yillik surishtiruvini e’lon qildi, unga ko‘ra, “Tolibon” ichida Afg‘oniston kelajagi bo‘yicha ikki xil qarashga ega guruhlar shakllangan. Qandahordagi oliy rahbar va Qobuldagi vazirlar o‘rtasida yashirin kurash mavjud bo‘lib, ayollar ta’limi, dunyoga ochilish va internetdan foydalanish borasida keskinlik bor. gazeta.uz »
Qashqadaryoda gaz ta’minoti bo‘limi xodimi yer uchun fuqarodan $20 ming olgani aytilmoqda. U Ko‘kdala tumanidagi 1 gektar yerni 500 mln so‘mga sotishga kelishgan. Boshqa bir holatda Ohangarondagi korxona yuristi bo‘sh turgan 90 sotix yerni 250 ming dollarga sotmoqchi bo‘lgan. gazeta.uz »
Attestatsiya jarayonidan norozi bo‘lib, Maktab ta’limi vazirligini sudga bergan 4 nafar tarix o‘qituvchisining shikoyati sud tomonidan rad etildi. Da’vogarlarning advokatiga ko‘ra, sudya hujjatlarni tahlil qilmay, ishni yuzaki ko‘rib chiqqan, appelyatsiya shikoyati kiritish reja qilinmoqda. Batafsil. gazeta.uz »
Sud attestatsiya jarayonidan norozi bo‘lib, Maktabgacha va maktab ta’limi vazirligini sudga bergan 4 o‘qituvchining shikoyatini qanoatlantirmadi. Da’vogarlarga bosim bo‘lgani sababli ulardan bittasi oxirigacha sudda qatnashgani aytilmoqda. gazeta.uz »
Farg‘ona viloyatida gaz ta’minoti bo‘limi boshlig‘i va qurilish inspeksiyasi mutaxassisi pora bilan ushlandi. Har ikkala holat bo‘yicha jinoyat ishi qo‘zg‘atilib, qamoq ehtiyot chorasi qo‘llanildi. gazeta.uz »
O‘zbekistonda 12 yillik maktab ta’limi tizimiga o‘tishga tayyorgarlik boshlandi. 6 yoshli bolalar uchun bir yillik tayyorlov davrini maktab ta’limi tizimiga kiritish rejalashtirilmoqda. Bu milliy ta’limni xalqaro standartlarga yaqinlashtirishi, xususan, xorijiy OTMlarga kirishni osonlashtirishi kutilmoqda. gazeta.uz »
Toshkent viloyati Zangiota tumani qishloq xo‘jaligi bo‘limi bosh mutaxassisi 20 ming dollar olayotgan vaqtida qo‘lga olindi. Ma’lum qilinishicha, u davlat zaxirasidagi yer uchastkasini tadbirkor nomiga rasmiylashtirib berish uchun 40 ming dollar talab qilgan. gazeta.uz »
To‘rt nafar tarix fani o‘qituvchisi Maktab ta’limi vazirligini sudga berdi. Ular malaka toifasi uchun o‘tkazilgan attestatsiya natijalaridan norozi: natijalarni qayta ko‘rib chiqish, shuningdek, ma’naviy zararni qoplash talab qilinmoqda. gazeta.uz »
Attestatsiya jarayonidan norozi bo‘lib, Maktabgacha va maktab ta’limi vazirligini sudga bergan 5 o‘qituvchining shikoyati ko‘rib chiqilmoqda. Vazirlik yuristi Gazeta muxbirining suddan foto va audio qayd etmasligini so‘rab, iltimos kiritdi. gazeta.uz »
Prezident E’zozxon Karimovani maktabgacha va maktab ta’limi vaziri etib tayinladi. Uning nomzodi deputatlar tomonidan ma’qullandi. Qonunchilik palatasiga ko‘ra, nomzod ta’lim sohasini isloh qilish dasturini taqdim etgan, biroq an’anaviy ravishda bu jarayon ham jamoatchilik uchun jonli efirga uzatilmadi. gazeta.uz »
Besh nafar ona tili va adabiyot o‘qituvchisi Maktab ta’limi vazirligini attestatsiya imtihonlarini qayta o‘tkazish va ma’naviy zararni qoplash talabi bilan sudga berdi. Bu vazirlik uchun 2025-yil hisobidan attestatsiya natijalari bo‘yicha oltinchi suddir. Dastlabki besh sudning to‘rttasida vazirlik yutgan. gazeta.uz »
YHXX boshlig‘i Sherzod Ibragimov bolalar o‘limi bilan tugayotgan avariyalar eng og‘riqli masala ekanini ta’kidladi. “Har bitta shunday YTHni eshitsak, o‘zimizni qo‘yarga joy topa olmaymiz”, - dedi Ibragimov. gazeta.uz »
Toshkent davlat pedagogika universitetini Milliy pedagogika universitetiga aylantirish rejalashtirilmoqda. Bu yil PISA maktab o‘quvchilarini baholash xalqaro dasturida 9000 nafar o‘quvchi ishtirok etadi. gazeta.uz »
Chilonzor tuman sudida Dunyo bo‘ylab telekanali jurnalisti Ramina Yagafarovaning o‘limi yuzasidan sud hukmi chiqarildi. Unga ko‘ra, Doctor Service klinikasi ikki shifokori marhuma o‘limida aybdor deb topildi va ularga nisbatan 4 yil muddatga ozodlikni cheklash jazosi tayinlandi. gazeta.uz »
Saudiya Arabistonidagi forumda O‘zbekiston Maktabgacha va maktab ta’limi vazirligi va Islom taraqqiyot banki o‘rtasida 40 mln dollarlik grant shartnomasi imzolandi. Loyiha 6 ta asosiy yo‘nalishni, jumladan, inklyuziv maktablar qurish va o‘quv dasturlarini takomillashtirishni o‘z ichiga oladi. gazeta.uz »
Kadastr agentligining Andijon tumani bo‘limi sobiq boshlig‘i va xodimi bog‘dorchilik uchun ajratilgan 1 gektar yer toifasini turar joy sifatida o‘zgartirib berish evaziga 10 ming dollar pora olgan vaqtida ushlandi. gazeta.uz »
O‘zbekiston prezidenti XXR Kommunistik partiyasi Markaziy qo‘mitasi Xalqaro aloqalar bo‘limi mudiri Lyu Szyanchao boshchiligidagi delegatsiyani qabul qildi. Uchrashuvda O‘zbekistonda Xitoyning yetakchi oliy ta’lim muassasalari filiallarini ochish muhimligi qayd etildi. gazeta.uz »
Maktabgacha va maktab ta’limi vazirligi, uning tizimidagi agentlik hamda markazlar, Qoraqalpog‘iston Maktabgacha va maktab ta’limi vazirligi, viloyatlar va Toshkent shahar maktabgacha va maktab ta’limi boshqarmalari xodimlariga har oylik ustama to‘lash belgilandi. gazeta.uz »
Maktabgacha va maktab ta’limi vaziri Hilola Umarova pedagoglarni “Tashabbusli budjet” doirasida ovoz yig‘ishga majburlash va ulardan bu uchun pul yig‘ish noqonuniy ekanini eslatdi. Agar pedagoglar shunday holatlarga duch kelsa, vazirlikka murojaat qilishlari mumkin, dedi vazir. gazeta.uz »
O‘zbekistonda xizmat ko‘rsatgan xalq ta’limi xodimi Xayriddin Ma’sudov 88 yoshida vafot etdi. Marhum uzoq yillar xalq ta’limi vazirining o‘rinbosari, 2017-yildan hozirgacha “Barkamol avlod” jamiyati kengashi rais o‘rinbosari sifatida ishlagan. gazeta.uz »
Farg‘ona neftni qayta ishlash zavodini modernizatsiya qilish bo‘yicha loyiha menejeri, rossiyalik Ilya Puts olti oydan beri ish haqi to‘lamagani uchun Enter Engineering ustidan shikoyat qildi. Chilonzor tumani bandlik bo‘limi yordami bilan unga 57 ming dollar to‘lab berildi. gazeta.uz »
Rossiyalik jurnalist Inessa Papernaya, uning hamrohi va o‘zbekistonlik fuqaroning Toshkent mehmonxonasidagi o‘limida gumonlanib 4 kishi qamoqqa olindi. Ular orasida mehmonxona egasi, santexnik va eski, nosoz isitish qozonini sotgan sotuvchilar bor. Qozon xavfsizlik qoidalarini buzgan holda o‘rnatilgan. gazeta.uz »
Shavkat Mirziyoyev telefon orqali muloqotda bir necha kun avval Rossiya QK generali Igor Kirillov o‘ldirib ketilgani yuzasidan Vladimir Putinga hamdardlik bildirdi va mamlakat “ushbu jirkanch terrorchilik harakatini keskin qoralashini” ta’kidladi. General o‘limida O‘zbekiston fuqarosi gumon qilinmoqda. gazeta.uz »
Farg‘ona viloyati hududiy elektr tarmoqlari korxonasining korrupsiyaga qarshi kurashish bo‘limi boshlig‘i pora bilan qo‘lga tushdi. U tuman bosh muhandisidan yo‘l qo‘ygan kamchiliklari uchun ishdan bo‘shatilmasligi evaziga 1000 dollar olgan. Jinoyat ishi qo‘zg‘atildi. gazeta.uz »
Huquqni muhofaza qiluvchi idoralar vakillari Qoraqalpog‘iston, Xorazm va Andijonda korrupsiyaviy jinoyatlarda gumonlangan qator mansabdorlarni qo‘lga oldi. Bir holatda Asaka tumani Ekologiya bo‘limi bosh inspektori fuqarodan 20 ming dollar olayotganida ushlandi. gazeta.uz »
Usmon Sharifxo‘jayev o‘rniga maktabgacha va maktab ta’limi vazirining birinchi o‘rinbosari lavozimiga Sherzod Karimov tayinlandi. Bungacha u Vazirlar Mahkamasining “Mahalla yettiligi”, yoshlar siyosati va ma’naviyat masalalari departamentida ishlagan. gazeta.uz »
Namanganda Gentra avtomashinasini ijaraga olgan 5 nafar o‘quvchi katta tezlikda yo‘lning qarama-qarshi qismiga chiqib ketib, yuk mashinasi bilan to‘qnashgandi. Ulardan 3 nafari vafot etdi. Bu yil boshidan buyon shaharda mashina ijaraga olgan o‘quvchilar ishtirokida sodir bo‘lgan to‘rtinchi YTH bo‘ldi, deb yozadi Kun.uz. gazeta.uz »
“Ochiq budjet” portalida “Mahalla budjeti” bo‘limi ishga tushirildi. U orqali mahallalar kesimida Mahallaning ijtimoiy-iqtisodiy muammolarini hal etish jamg‘armasiga o‘tkazilgan mablag‘lar va ularning sarflanishini kuzatish mumkin. gazeta.uz »
Maktab ta’limi vaziri Hilola Umarova mamlakatda qo‘shimcha maktablar qurilishi prioritetdaligini ta’kidladi. Rejaga ko‘ra, bu yil 180 mingdan ziyod o‘quvchi o‘rni uchun maktab qurib bitkaziladi. Bu uchun 11 taga yaqin loyiha bor. gazeta.uz »
Poytaxt YHXBning Yunusobod tumanidagi ro‘yxatdan o‘tkazish, imtihon olish bo‘limi (“Gvardeyskaya”) rekonstruksiya qilish uchun yopiladi. Haydovchilar shahardagi boshqa bo‘linmalarga murojaat qilishlari mumkin. gazeta.uz »
Urganch hokimligi yerini berish komissiyasi mansabdorlari, xususan, qurilish bo‘limi sobiq boshlig‘iga nisbatan jinoyat ishi ochildi. Ular 1,5 ga ekin maydonini savdo shoxobchasi qurish uchun ajratib bergan. gazeta.uz »
“Gazeta. uz”dagi maqoladan so‘ng Bosh prokuratura Chilonzor tuman prokuraturasining jurnalist Ramina Yagafarovaning o‘limi yuzasidan jinoyat ishi qo‘zg‘atishni rad etish haqidagi qarorini o‘rganishga kirishdi. gazeta.uz »
Maktabgacha va maktab ta’limi vazirligi maktablarda “So‘nggi qo‘ng‘iroq”ni o‘tkazish bo‘yicha tavsiyalarni e’lon qildi. Unda restoran, xonadonlarda “Bitiruv oqshomi”ni o‘tkazish, sovg‘aga pul yig‘ish, bayramga qimmat kiyim sotib olish, yengil mashinalarda sayr, guruh bo‘lib bog‘ va suzish joylariga borish taqiqlanadi. gazeta.uz »
Qashqadaryoda fuqaro shifoxonadagi 2 yoshli farzandi vafot etganini aytgan jarrohni urdi. “Otasi to‘g‘ridan-to‘g‘ri yuzimga musht bilan urdi. Hushimni yo‘qotdim, qolganini to‘liq eslolmayman”, - deydi shifokor. gazeta.uz »
BMT hisobotida aytilishicha, 2022-yilda dunyoda besh yoshgacha bo‘lgan bolalar o‘limi soni tarixiy eng past darajaga yetgan, biroq o‘sish, ayniqsa, qashshoq mamlakatlarda sekinligicha qolmoqda. gazeta.uz »
Andijon viloyatida Ichki ishlar bo‘limi tergov bo‘linmasining sobiq xodimi, tuman prokurori o‘rinbosari va tuman o‘rinbosari pora olishda gumonlanib qo‘lga olindi. gazeta.uz »
Toshkent viloyatining Bekobod tumanida kambag‘allikni qisqartirish va bandlikka ko‘maklashish bo‘limi boshlig‘i va bosh hisobchisi tadbirkorlar bilan kelishib, rasmiy hujjatlarga soxta ma’lumotlar kiritish evaziga 950 mln so‘m pulni talon-toroj qilganlikda gumonlanmoqda. Ularga nisbatan jinoyat ishi qo‘zg‘atildi. gazeta.uz »
Toshkent viloyati Ohangaron shahriga Muzaffar Rajabboyev hokim etib tayinlandi. U bungacha Kambag‘allikni qisqartirish va bandlik vazirligida bo‘lim boshlig‘i lavozimida ishlagan. Shaharning sobiq hokimi fevral boshida lavozimini tark etganini e’lon qilib, aholiga minnatdorlik bildirgandi. gazeta.uz »
