Inspektori - Ïîñëåäíèå íîâîñòè [ Ôîòî â íîâîñòÿõ ] | |
Samarqand shahrida sobiq xodimni qayta ishga joylashtirish evaziga 7 ming dollar olishda gumonlangan profilaktika inspektori qo‘lga olindi. Namangan viloyatining Chust tumanida fuqarodan arizani ko‘rmaslik va chegaradan chorva olib o‘tishda yordam uchun 3300 dollar talab qilgan inspektor ushlandi. gazeta.uz »
Yunusobod tumani soliq inspeksiyasining ikki nafar inspektori tadbirkordan 5 ming dollar olganlikda gumonlanib ushlandi. Ular “Chilonzor buyum bozori kompleksi”dan 3 ta savdo do‘konini ijaraga olishda yordam berishni va’da qilgan. gazeta.uz »
Andijon viloyatida voyaga yetmaganlarga ijtimoiy-huquqiy yordam ko‘rsatish inspektori 15 yoshli qiz bilan jinsiy aloqada bo‘lganlikda gumon qilinmoqda. Jinoyat ishi qo‘zg‘atilgan moddaga ko‘ra, unga 8 yildan 10 yilgacha ozodlikdan mahrum qilish jazosi berilishi mumkin. gazeta.uz »
Navoiy viloyatida mast haydovchining otasi YPX xodimiga 1000 dollar pora berayotganda ushlandi. Puldan bosh tortib, tizimga xabar bergan inspektorga 12,3 mln so‘m miqdorida pul mukofoti berildi. gazeta.uz »
Uchtepa tumanida profilaktika katta inspektori fuqarodan boshqa kishiga nisbatan jinoyat ishi qo‘zg‘atish va’dasi bilan 10 ming dollar talab qilib, pulni olayotgan vaqtda qo‘lga olindi. gazeta.uz »
Yangihayot tumanida Favqulodda vaziyatlar bo‘limi kichik inspektori korxona hududiga o‘rnatilgan yong‘in xavfsizligi jihozlarini qabul qilish bo‘yicha bayonnoma rasmiylashtirib berish evaziga pul so‘ragan. gazeta.uz »
Samarqandda profilaktika inspektori mansabga sovuqqonlik bilan qarash va firibgarlikda ayblanib, 2,5 yilga ozodlikdan mahrum qilindi. Hukmga ko‘ra, inspektorning qo‘rqitishlari 17 yoshli yigitning o‘ziga o‘t qo‘yib, vafot etishiga sabab bo‘lgan. Detallar. gazeta.uz »
Toshkent shahri Soliq boshqarmasining Soliq auditi bo‘limi bosh inspektori sud tomonidan yuklangan qo‘shimcha soliqni bekor qilib berishni va’da qilib, korxonadan pora talab qilgan. U soliqni to‘liq bekor qilmay, pulni qaytarib berayotganda DXX xodimlari tomonidan ushlandi. gazeta.uz »
Toshkent shahri Soliq boshqarmasining Soliq auditi bo‘limi bosh inspektori sud tomonidan yuklangan qo‘shimcha soliqni bekor qilib berishni va’da qilib, korxonadan pora talab qilgan. U soliqni to‘liq bekor qilmay, pulni qaytarib berayotganda DXX xodimlari tomonidan ushlandi. gazeta.uz »
Olmazor tumanidagi profilaktika inspektorining xizmat uyida narkolaboratoriya tashkil etilgani aniqlandi. Uning Toshkent viloyatidagi xonadonidan ham yerga ko‘milgan narkotik modda topildi. IIO xodimi Telegram orqali moddalarni qabul qilib olib, tayyorlab, tarqatish bilan shug‘ullangan. gazeta.uz »
Davlat soliq qo‘mitasining Farg‘ona viloyati boshqarmasi katta inspektori fuqarodan o‘z ukasiga tegishli 48 sotix yer maydonini xaridor nomiga rasmiylashtirib berish evaziga 30 000 AQSh dollari talab qildi. Gumonlanuvchi DXX va BP xodimlari tomonidan ushlandi. gazeta.uz »
Buxoroda soliq inspektoriga nisbatan jinoyat ishi qo‘zg‘atildi. U korxona rahbarining mol-mulkiga qo‘yilgan taqiqni bekor qilish evaziga 400 dollar olishda gumonlanib ushlandi. gazeta.uz »
Toshkentning Yakkasaroy tumanida ko‘p qavatli uy tomidan o‘zini tashlamoqchi bo‘lgan o‘smir qiz qutqarib qolindi. Voqea joyiga yetib borgan mahalla profilaktika inspektori boshqa xonadonlardan birining balkoni orqali qizga yaqinlashib, FVV xodimlari ko‘magida uni tomdagi xavfsiz joyga chiqarib olgan. gazeta.uz »
Toshkent shahrida Patrul-post xizmati inspektori fuqaroga haydovchilik guvohnomasi olib berishni va’da qilib, uning evaziga 1500 dollar talab qilgan. U pullarni olayotganda qo‘lga olindi. gazeta.uz »
Andijonda 65 yoshli mast fuqaro tomonidan pichoqlanishi oqibatida vafot etgan profilaktika inspektori “Jasorat” medali bilan taqdirlandi. Medal viloyat hokimi tomonidan marhumning oila a’zolariga topshirildi. gazeta.uz »
Xo‘jaobod tumanida uyida janjal chiqargan mast fuqaro uni zararsizlantirish maqsadida kelgan profilaktika inspektorini pichoqladi. Oqibatda xodim shifoxonaga olib ketilayotganida vafot etdi. Hozirda 65 yoshli gumonlanuvchi qidirilmoqda. gazeta.uz »
Muborak tumanida uxlab qolgan Nexia haydovchisi uch nafar profilaktika inspektori bo‘lgan mashina bilan to‘qnashdi. Oqibatda bir xodim voqea joyida va biri esa shifoxonada vafot etdi, yana biri kasalxonada davolanmoqda. gazeta.uz »
Qashqadaryoda tadbirkorlarning soliq qarzdorligini bartaraf qilib berishni va’da qilib, ulardan 50 mln so‘m pora talab qilgan soliq inspektori qo‘lga olindi. gazeta.uz »
2024-yilda IIV profilaktika inspektorlari kesimida navbatdan tashqari attestatsiya o‘tkazilib, sohaga dog‘ tushiradigan va fuqarolar bilan qo‘pol munosabatda bo‘lgan 300 ga yaqin xodim ishdan olindi. gazeta.uz »
Navoiy shahrida yo‘l harakati qoidalarini buzib harakatlangan Kia Sonet avtomobilining 16 yoshli haydovchisi to‘xtash ishorasiga amal qilmay, YPX inspektorini urib yubordi. Bola voqea joyidan qochib ketgan, inspektor esa o‘sha yerda halok bo‘lgan. gazeta.uz »
Sirdaryo viloyatida YTH sodir etgan haydovchiga dastlabki tekshiruv materiallarini uning foydasiga hal qilish va avtomobilni jarima maydonchadan qaytarib olishga ko‘maklashishni aytib, 400 dollar so‘ragan YHXB katta inspektori 4 yilga ozodlikdan mahrum qilindi. gazeta.uz »
Bo‘stonliq tumanida profilaktika inspektori xizmat xonadonida turmush o‘rtog‘i va 7 oylik chaqalog‘ini, so‘ngra o‘zini otib o‘ldirdi. Voqeaga er-xotinning o‘rtasida kelib chiqqan kelishmovchilik sabab bo‘lgani aytilmoqda. gazeta.uz »
Ko‘kdala tumani IIB katta inspektori mast haydovchining pichoq bilan jarohat yetkazgani oqibatida vafot etdi. Holat yuzasidan Jinoyat ishi qo‘zg‘atildi, gumonlanuvchi ushlandi. gazeta.uz »
Qoraqalpog‘istonda profilaktika inspektori o‘ziga biriktirilgan mahallada istiqomat qiluvchi keksa yoshdagi fuqaroni majburan shifoxonaga joylashtirib, uning uyi va pulini o‘zlashtirib olgani aniqlandi. gazeta.uz »
