îëèá - Ïîñëåäíèå íîâîñòè [ Ôîòî â íîâîñòÿõ ] | |
“Kosmonavtlar” metro bekati yo‘liga tushib qolgan mushuk xodimlar tomonidan xavfsiz tarzda qutqarib olindi. Jonivorga zarar yetmagan, hodisa poyezdlar harakatiga ham ta’sir qilmadi. gazeta.uz »
Ko‘rish bo‘yicha nogironligi bo‘lganlar notarial xizmatlardan foydalanishda tizimli kamsitishlarga duch kelyapti. Notariuslar qonunda belgilangan faksimil imzolarni qabul qilmay, Ko‘zi ojizlar jamiyatidan vakil olib kelishni talab qilmoqda. gazeta.uz »
Deputat Alisher Qodirov O‘zbekiston qurilish sohasida jiddiy korrupsiya xavflari va yirik pul oqimlari mavjudligini bildirdi. Uning so‘zlariga ko‘ra, amaldagi qonunlar yetarlicha samarali emas, shu sababli quruvchi qoidalarni chetlab o‘tishga urinish katta zararga olib kelishini oldindan tushunishi kerak. gazeta.uz »
Urush doimo uni boshlagan davlatlar chegarasidan tashqariga chiqadi. Uni davlatlar boshlaydi. Diplomatlar tugatadi. Ushbu ikki nuqta orasida esa odamlar shunchaki omon qolishga harakat qiladi. Ba’zida - pul topib, uyga qaytish uchun. Va ba’zida ular qaytib kelmaydi ham. Kolonka. gazeta.uz »
2026-yil birinchi choragida korrupsion jinoyatlar hokimliklar, ta’lim va sog‘liqni saqlash sohalarida ko‘proq sodir etildi. Antikorrupsiya agentligi salbiy ko‘rsatkichga ega 23 ta tashkilot xodimlarini qamoqxonadagi sharoitlar bilan tanishtira boshladi. Hozircha ularning orasida hokimlar, vazirlar uchramaydi. gazeta.uz »
So‘nggi ikki oyda Nukus shahriga 44 ta zamonaviy avtobus olib kelindi. Transport vazirligi ma’lumotiga ko‘ra, ularning 32 tasi “Fayz Avangard”, 12 tasi esa “Mangit lestorg” MCHJ tomonidan xarid qilingan. gazeta.uz »
Deputatlar jarima maydonlari olib qo‘yilgan avtomobillarni oylab saqlashga tayyorligiga shubha qildi. Hozirda elektromobillar uchun sharoitlar yaratilmagan, amaldagi qoidalarga ko‘ra xarajatlarni huquqbuzarning o‘zi ko‘tarishi kerak. gazeta.uz »
O‘zbekistonda ayrim YHQlarni buzganlik uchun avtomobillarni vaqtincha musodara qilish, tezlikni 80 km/soatdan ortiq oshirganlik uchun javobgarlikni kuchaytirish hamda agar og‘ir oqibatlarga olib kelgan bo‘lsa, mashinani voyaga yetmagan shaxsga topshirganlik uchun jinoiy javobgarlik joriy etish rejalashtirilmoqda. gazeta.uz »
O‘zbekiston kompaniyalari Qirg‘izistonda geologiya-qidiruv ishlarini olib borish, qo‘shma chorvachilik klasteri tashkil etish, sholi va kartoshka yetishtirishni rejalashtirmoqda, dedi ISSV rahbari Laziz Qudratov. gazeta.uz »
Qarshi shahriga Xitoydan AsiaStar rusumli 38 ta zamonaviy avtobus olib kelindi. Ular shaharda brutto-shartnoma asosida ishlaydigan ikki yangi yo‘nalishga chiqariladi. Natijada bunday tizimda xizmat ko‘rsatuvchi yo‘nalishlar soni 14 taga, avtobuslar soni esa 164 taga yetadi. gazeta.uz »
Rossiyaning Domodedovo aeroportida O‘zbekistondan uchgan yo‘lovchining yuki, cho‘ntaklari va ichki kiyimidan 2,5 mln rubl qiymatidagi zumrad va boshqa toshlar topildi. Sud kontrabandada ayblangan 54 yoshli erkakni manzil-koloniyada 10 oylik qamoq jazosiga hukm qildi. gazeta.uz »
Tadbirkor Food City Tashkent qadoqlangan va qadoqlanmagan muzni bozor hududiga olib kirish uchun to‘lovni bir necha barobar oshirib, “uni bozordan siqib chiqarishga urinayotgani"dan shikoyat qildi. gazeta.uz »
Namangan shahri jamoat transporti parki yana 12 ta Ankai rusumidagi avtobus bilan to‘ldirildi. Yangi avtobuslar shahar ichidagi yo‘nalishlarda brutto-shartnoma asosida harakatlanadi. Avvalroq prezident 1-sentabrgacha 90 ta avtobus, 50 ta elektrobus va 30 ta mikroavtobus xarid qilish vazifasini qo‘ygandi. gazeta.uz »
Toshkent metrosining harakat tarkibini yangilash doirasida 3 ta to‘rt vagonli poyezd olib kelindi. Yil yakunigacha yana 11 ta harakat tarkibi keltirilishi kutilmoqda. Bu yo‘nalishlardagi intervalni qisqartirish va eski vagonlarni almashtirish imkonini beradi. gazeta.uz »
Rossiyaga ishlashga borib, giyohvandlik jinoyati uchun qamalgan 24 yoshli o‘zbekistonlik jazodan erta ozod etilish evaziga Ukrainada Rossiya tomonida jang qilgan. Jangda oyog‘idan ayrilgach, O‘zbekistonga noqonuniy qaytgan. Sud unga 3 yil 6 oy ozodlikni cheklash jazosini tayinladi. gazeta.uz »
Buxoro viloyatiga Xitoyda ishlab chiqarilgan yana 76 ta zamonaviy avtobus olib kelindi. Ular shahar avtobus yo‘nalishlarida brutto-shartnoma asosida harakatlanadi. Yil boshidan beri viloyatga jami 101 ta avtobus keltirilgan bo‘lib, yil oxiriga qadar yana 86 tasini olib kelish rejalashtirilgan. gazeta.uz »
Toshkentning Chilonzor tumanida DXX o‘tkazgan tezkor tadbirda 22 yoshli Qozog‘iston fuqarosi ushlandi. Uning sport sumkasidan shirinliklar nomi ostida Tailanddan olib kelingan va Qozog‘istonga yetkazilishi kerak bo‘lgan 11 kg gashish moyi topildi. Holat bo‘yicha jinoyat ishi qo‘zg‘atildi. gazeta.uz »
1-avgustdan jarima maydonchasidan avtomobilni olib chiqish uchun QR kodli elektron ruxsatnoma joriy etiladi. “Jarima maydonchasi” tizimi Soliq qo‘mitasi bilan integratsiya qilinib, maydonchalarda kameralar o‘rnatiladi, talablarni buzgan operatorlar uchun neustoyka va shartnomani bekor qilish choralari belgilandi. gazeta.uz »
Chirchiq shahrida 35 ta yangi Ankai avtobusi yo‘lovchilar xizmatiga topshirildi. Ular dastlab uchta yo‘nalishda qatnaydi. Yil oxirigacha avtobuslar sonini 70 taga yetkazish, jamoat transportida validatorlar, videokuzatuv tizimlari va boshqa raqamli xizmatlarni bosqichma-bosqich joriy etish rejalashtirilgan. gazeta.uz »
Amir Temur xiyoboniga kirish uchun to‘rt tomondan svetoforli yerusti o‘tish yo‘llari ochildi. Endilikda xiyobonga Sayilgoh (“Brodvey”), Mustaqillik, Istiqlol va Amir Temur ko‘chalaridan svetoforli piyodalar o‘tish yo‘llari orqali kirib borish mumkin. Gazeta muxbiri xiyobon atrofidan reportaj tayyorladi. gazeta.uz »
O‘zbekistonga Amudaryo orqali dronda narkotik olib o‘tishga bo‘lgan urinish to‘xtatildi. Afg‘onistonlik noma’lum shaxslar uchuvchisiz uchish apparatiga 2 kg 32 gr opiy moddasini mahkamlagan bo‘lgan. gazeta.uz »
Xorazm viloyatiga Xitoyning Yutong kompaniyasida ishlab chiqarilgan 10 ta gibrid trolleybus olib kelindi. Ular Urganch xalqaro aeroporti, Urganch va Xiva temir yo‘l vokzallarini bog‘lovchi yo‘nalishda harakatlanadi. gazeta.uz »
Termiz shahri jamoat transporti parki Xitoyda ishlab chiqarilgan 15 ta Zhongtong avtobusi bilan to‘ldirildi. Transport vazirligiga ko‘ra, ular barcha toifadagi yo‘lovchilar, jumladan, imkoniyati cheklangan fuqarolar uchun moslashtirilgan bo‘lib, shahar yo‘nalishlarida brutto-shartnoma asosida xizmat ko‘rsatadi. gazeta.uz »
Qo‘qon shahri jamoat transporti parki 24 ta yangi Zhongtong avtobusi bilan to‘ldiriladi. Yaqin kunlarda ular brutto-shartnoma asosida shahar ichki yo‘nalishlariga chiqariladi. Transport vazirligiga ko‘ra, bu yo‘lovchilarga ko‘rsatiladigan xizmatlar sifati va xavfsizligini oshirishga xizmat qiladi. gazeta.uz »
Markaziy bank aprelda 1 tonna oltin sotdi, lekin yil boshidan beri 24 tonna oltin sotib olib, sof xaridorlar ro‘yxatida (Polshadan keyin) 2-o‘rinda qolmoqda. WGC hisob-kitoblariga ko‘ra, mamlakatning oltin zaxiralari 414 tonna atrofida bo‘lib, umumiy zaxiralarning 88 foizini tashkil etadi. gazeta.uz »
JCH-2026ning 2-turida Argentina, Fransiya va Norvegiya o‘z yetakchilarining dubllari evaziga pley-offga chiqdi. Gazeta sharhlovchisi Dmitriy Povarovning fikricha, yirik turnirlarda ko‘pincha taktik sxemalar emas, balki aynan buyuk futbolchilarning mahorati hal qiluvchi ahamiyatga ega bo‘ladi. gazeta.uz »
O‘zbekistonga Janubiy Koreyadan navbatdagi Hyundai Rotem tezyurar yo‘lovchi poyezdi yetib keldi. Uni keltirish uchun “Temiryo‘lkargo” tomonidan Koreya - Xitoy - Qozog‘iston - O‘zbekiston maxsus multimodal tranzit marshruti ishlab chiqilgan. gazeta.uz »
Toshkent o‘zgarishlar sur’ati bo‘yicha dunyo shaharlari uchligiga kirdi. Bu dinamikani ekologiyadan qulay jamoat makonlarigacha sohalarda hayot sifatini sezilarli yaxshilashga aylantirish mumkinmi? Nega shaharni rejalashtirishning an’anaviy vositalari bugun ishlamaydi? TXIF ekspertlari fikrlari. gazeta.uz »
Korrupsiyaga qarshi kurashish agentligi davlat xizmatchilari uchun jazoni ijro etish muassasalari va tergov hibsxonalariga profilaktik tashriflar tashkil etadi. Ular mahkumlar bilan uchrashib, korrupsiyaning shaxsiy va ijtimoiy oqibatlari haqida hayotiy misollar bilan tanishadi. gazeta.uz »
Firibgarlik va qasddan badanga og‘ir shikast yetkazish jinoyatlari bo‘yicha uzoq yillar xalqaro qidiruvda bo‘lgan ikki O‘zbekiston fuqarosi Turkiyada qo‘lga olinib, ortga qaytarildi. gazeta.uz »
Andijondagi “Do‘stlik” chegara bojxona postida tilla va zargarlik buyumlarini ruchka, kiprik bo‘yog‘i va atir idishiga yashirib, noqonuniy olib kirmoqchi bo‘lgan ikki ayol to‘xtatib qolindi. Yana bir holatda fuqaro ularni do‘ppisining ichiga joylab, olib o‘tmoqchi bo‘lgan. gazeta.uz »
Yunusobod tumani soliq inspeksiyasining ikki nafar inspektori tadbirkordan 5 ming dollar olganlikda gumonlanib ushlandi. Ular “Chilonzor buyum bozori kompleksi”dan 3 ta savdo do‘konini ijaraga olishda yordam berishni va’da qilgan. gazeta.uz »
O‘zbekistonda jismoniy va yuridik shaxslar tomonidan transport vositasini import qilishda bir kalendar yil davomida faqat bitta avtomobilga muvofiqlik sertifikati berishni nazarda tutuvchi norma bekor qilindi. gazeta.uz »
Andijon viloyatida nodavlat ta’lim muassasasi rahbari Koreya ishchi vizasini olib berish uchun 14 kishidan 44,1 ming dollar olgani aniqlandi. U boshqa bir fuqarodan o‘qishga yuborish uchun pul olayotganida ushlandi. Yana uchta hududda shu kabi holatlar fosh etildi. gazeta.uz »
Sergeli tumani hokimligi tarmoqlarda avtomobil bozori buzilishi haqida tarqalgan xabarlarni rad etdi. Hokimlikning tushuntirishicha, majmuada faoliyatini to‘xtatmagan holda infratuzilma yangilanmoqda. gazeta.uz »
O‘zbekistonda xorijdan olib kiriladigan nasldor qoramol, qo‘y va echkilar 2029-yil 1-avgustgacha QQSdan ozod qilinadi. Aholi xonadonlarida sun’iy urug‘lantirish orqali tug‘ilgan har bir nasldor buzoq uchun 500 ming so‘m, embrion transplantatsiyasi orqali olingan buzoqlar uchun 700 ming so‘m subsidiya beriladi. gazeta.uz »
Eron oliy rahnamosi qurolbop sifatga yaqin uranni mamlakat tashqarisiga olib chiqmaslikni talab qiluvchi farmon chiqardi. Urushga qadar Tehron bu uran zaxiralarining yarmini xorijga yuborishga tayyor edi, biroq AQSh prezidentining zarba berish haqidagi takroriy tahdidlaridan so‘ng o‘z pozitsiyasini o‘zgartirdi. gazeta.uz »
O‘zbekiston Kann kinofestivali kinobozorida xorijlik prodyuserlarga mamlakatda suratga olish xarajatlarining 25 foizigacha qismini kompensatsiya qilish dasturini taqdim etdi. Ushbu taklifga Fransiya, Italiya, Yaponiya va boshqa mamlakatlar kinoijodkorlari qiziqish bildirdi. gazeta.uz »
Markaziy Osiyoda iqlim o‘zgarishi qurg‘oqchilik, yer degradatsiyasi va ekstremal issiq tufayli odamlarni ketishga majbur qilmoqda. Gazeta Toshkent migratsiya forumi ekspertlari bilan ekologik inqiroz migratsiyani kuchaytirayotgani va iqlim migratsiyasi statistikasi noaniq bo‘lib qolayotganini muhokama qildi. gazeta.uz »
O‘zbekiston chegarachilari va bojxonachilari Afg‘onistondan kelayotgan qariyb 600 kg giyohvand moddani to‘xtatib qoldi. Ular yuk mashinasida olib ketilayotgan ekskavatorning ko‘tarish qismiga yashirilgan bo‘lgan. Video. gazeta.uz »
Toshkentda piyodalar yo‘laklarida, bekatlarda, yashil hududlarda qoldirilgan avtomobillar jarima maydonlariga olib ketila boshlanadi. YHTEM tartibli shaharni yaratish ishlarining keyingi bosqichida noto‘g‘ri joyda qoldirilgan avtomobillarga nisbatan qat’iy chora ko‘rish rejalashtirilayotganini ma’lum qildi. gazeta.uz »
AQSh prezidenti Donald Tramp Pekinda Si Szinpin bilan uchrashdi. Muzokaralarda Tayvan masalasi asosiy mavzu bo‘ldi: Xitoy yetakchisi bu bo‘yicha tutilgan noto‘g‘ri yo‘l nizolarga olib kelishidan ogohlantirdi. gazeta.uz »
Toshkent shahri va Yashnobod tumani hokimliklari “Kadishev bozori”dagi savdo rastalari buzilayotgani haqidagi xabarlarni rad etdi. Ma’lum qilinishicha, bozor atrofidagi tartibsiz savdo nuqtalari bartaraf etilmoqda. gazeta.uz »
Andijonning Izboskan tumanida 58 nafar bog‘cha bolasini mikroavtobusda olib ketayotgan haydovchi to‘xtatib qolindi. Holat bo‘yicha haydovchiga jarima qo‘llanilib, ta’lim muassasasi rahbariyati bilan profilaktik suhbat o‘tkazilgan. gazeta.uz »
Tramp AQSh Hurmuz bo‘g‘ozida “Ozodlik” operatsiyasini boshlaganini e’lon qildi. Uning doirasida, Trampning so‘zlariga ko‘ra, bo‘g‘ozda qolib ketgan kemalarni xavfsiz olib chiqishga ko‘maklashiladi. U operatsiyani insonparvarlik ishorasi deb atab, har qanday aralashuvga kuch bilan javob qaytarilishidan ogohlantirdi. gazeta.uz »
1-maydan Pekinda dronlar va ularning butlovchi qismlarini sotish, ijaraga berish hamda olib kirishni taqiqlovchi yangi qoidalar kuchga kiradi. Rasmiylar ushbu choralarni xavfsizlik nuqtai nazaridan kelib chiqqan holda tushuntirmoqda. gazeta.uz »
Buxoro shahriga 24 ta avtobus olib kelindi. Avtobuslar shaharda tashkil etilayotgan yangi yo‘nalishlarda brutto-shartnoma asosida ishlashi rejalashtirilmoqda. gazeta.uz »
O‘zbekistonda sovuq qurolni olib yurish bilan bog‘liq huquqbuzarlikni bir yil davomida takroran sodir etganlik uchun 10 BHM (4,12 mln so‘m)gacha jarima yoki 15 sutkagacha ma’muriy qamoq jazosi qo‘llanadi. gazeta.uz »
“Madaniyat va san’at ma’naviy tarbiya vositasi va kreativ iqtisodiyotning muhim tarmog‘i”, - dedi prezident soha xodimlariga yo‘llagan tabrigida. U, shuninglek, madaniy diplomatiyani rivojlantirishni muhim yo‘nalish sifatida qayd etdi. gazeta.uz »
Afg‘onistondan O‘zbekistonga kirib kelgan yuk mashinasida afg‘on qozonlariga yashirilgan 190,8 kg gashish aniqlandi. 750 ta qozondan 210 tasining ichida giyohvand modda bo‘lgan. Video. gazeta.uz »
