îëèá - Ïîñëåäíèå íîâîñòè [ Ôîòî â íîâîñòÿõ ] | |
Sirdaryoda o‘zlari yo‘lovchi sifatida ketayotgan mashinani olib qochib, yo‘lda ularni to‘xtatmoqchi bo‘lgan ichki ishlar xodimini pichoqlagan ikki yigit sudlandi. Hukmga ko‘ra, ularning biri 9 yil 6 oy, ikkinchi esa 15 yil 6 oy muddatga ozodlikdan mahrum qilindi. gazeta.uz »
Surxondaryo viloyatida qadimiy tangalarni xorijga olib chiqmoqchi bo‘lgan shaxs ushlandi. Tangalar XVI asrga oid bo‘lib, ularda arab yozuvida diniy iboralar va hukmdor nomlari bitilgan. Ular Termiz arxeologiya muzeyiga topshirildi, tergovga qadar tekshiruv harakatlari olib borilmoqda. gazeta.uz »
Surxondaryo viloyatiga Xitoyning Zhongtong Bus kompaniyasida ishlab chiqarilgan 35 ta zamonaviy avtobus yetkazib kelindi. Yangi avtobuslar to‘liq brutto-shartnomasi asosida shahar ichki yo‘nalishlarida qatnovni boshlaydi. gazeta.uz »
Turkiya aeroportida go‘sht qiymalagich va xamir qorish mashinasi detallariga yashirilgan, og‘irligi 61 kg dan ortiq bo‘lgan oltin kontrabandasida gumonlanuvchilar qo‘lga olindi. Oltinlar taxminan 8,5 mln dollarga baholanmoqda. gazeta.uz »
Toshkent viloyati “Farhod” postida 2 ta holatda jami 5,2 mlrd so‘mlik valyutalarni Tojikistonga olib o‘tmoqchi bo‘lganlar ushlandi. Bir holatda pullar 34 kishiga bo‘lib berilgan holda o‘tishi reja qilingan bo‘lsa, boshqasida fuqaroning mashinasidan rubl, somoni, yevro, dollar, yuan, som kabi valyutalar aniqlangan. gazeta.uz »
Prezident Islom sivilizatsiyasi markazidagi ekspozitsiyalar bilan tanishib, xalqning tarixiy va ma’naviy merosini keng namoyish etishga qaratilgan ishlar samaradorligini baholadi. Davlat rahbari markaz faoliyatini mazmunan boyitish, mutaxassis va gidlar sonini ko‘paytirish bo‘yicha ko‘rsatmalar berdi. gazeta.uz »
Toshkent viloyatidagi “Chinor” postida Cobalt yo‘lovchida 4,8 kg gashish borligi aniqlandi. U buni Buxorodagi maxfiy joydan olganini ma’lum qildi. Hudud ko‘zdan kechirilganda, u yerda yana 45 kg gashish moddasi topildi. gazeta.uz »
Andijon viloyati Buloqboshi tumanidagi korxona o‘ziga ajratilgan hududdan tashqaridagi maydondan noqonuniy ravishda tuproq qazib olib, tabiatga 31,9 milliard so‘m zarar yetkazgani aniqlandi. Korxonaga 7,7 milliard so‘m miqdorida kompensatsiya to‘lovi hisoblandi. Hujjatlar Bosh prokuraturaga yuborildi. gazeta.uz »
13-oktabr kuni Toshkent Xitoydan keltirilgan 202 ta yangi Yutong elektrobuslarini qabul qilib oldi. 2030-yilgacha Toshkent shahrida elektrobuslarning jamoat transportidagi ulushini 50 foizgacha oshirish belgilangan. gazeta.uz »
Bojxona qo‘mitasi xorijdan olib kiriladigan mobil qurilmalar uchun to‘lovlar haqida ma’lumot berdi. Bojsiz me’yor havo transportida $1000, temiryo‘lda $500, avtomobil (piyoda) $300 dollar bo‘lib, oshgan summa uchun 30 foiz boj va 103 ming so‘mlik yig‘imi undiriladi. To‘lovlar iPhone 17 Pro Max misolida. gazeta.uz »
Farg‘ona, Andijon va Toshkent viloyatlarida narkotikni olib o‘tishda gumon qilingan olti nafar shaxs qo‘lga olindi. IIV, DXX va bojxona xodimlari tomonidan 111 kg giyohvand moddalar, jumladan, gashish va opiy musodara qilindi. gazeta.uz »
Markaziy Osiyo tog‘larida qor kam yog‘moqda va erta erib ketmoqda. Bu oqimning mavsumiy taqsimlanishini o‘zgartiradi va suv xavfsizligiga tahdiddir. Mintaqa olimlari isish va o‘zgaruvchan iqlim qor qoplamini qanday o‘zgartirishi, jarayonni bashorat qilishda qanday texnologiyalar yordam berishini muhokama qildi. gazeta.uz »
Farg‘ona viloyatidagi “Rovot” chegara postida Cobalt avtomashinasining gaz balloniga yashirib qo‘yilgan 57,7 kg dan ortiq narkotik moddalarni Tojikistondan olib kirishga urinishning oldi olindi. gazeta.uz »
Qatardan jami 230 million so‘mlik 9 ta iPhone 17 smartfonlarini O‘zbekistonga olib kirmoqchi bo‘lgan fuqaro ushlandi. Holat yuzasidan fuqaroga nisbatan tegishli protsessual hujjatlar rasmiylashtirilib, bojxona surishtiruv jarayonlari olib borilmoqda. gazeta.uz »
O‘zbekistonga olib kiriladigan M va N toifalardagi transport vositalarining ekologik toifa talablariga muvofiqligini ekologik sertifikatlash tartibi bekor qilinadi. gazeta.uz »
Janubiy Koreyada bo‘lib o‘tgan xalqaro merganlar musobaqasida O‘zbekiston Mudofaa vazirligi jamoasi birinchi o‘rinni qo‘lga kiritdi. Musobaqada 10 ta mamlakatdan jami 54 ta merganlar jamoasi qatnashdi. Jamoalarning mahorati bir qator shartlar asosida baholandi. gazeta.uz »
Dzyudo bo‘yicha O‘zbekiston yoshlar terma jamoasi Jakartadagi (Indoneziya) Osiyo chempionatida 14 medal - 8 oltin, 3 kumush va 3 bronzani qo‘lga kiritib, birinchi o‘rinni egalladi. Ikkinchi o‘rin Janubiy Koreyaga, uchinchi o‘rin Hindistonga nasib etdi. gazeta.uz »
“Tolibon” 2021-yilda Afg‘oniston hukumati qulagach O‘zbekiston va Tojikistonga olib ketilgan harbiy vertolyotlarni Afg‘onistonga qaytarishga yana bir bor chaqirdi. “Biz ushbu vertolyotlarni afg‘on xalqiga qaytarishni so‘raymiz, toki ular gumanitar maqsadlarda foydalanilsin”, - dedi TIV rahbari Muttaqiy. gazeta.uz »
“Tashabbusli budjet”ning 2025-yilgi 2-mavsumi yakunlariga ko‘ra, g‘olib bo‘la olmagan 35 ta loyiha qo‘shimcha g‘olib deb topildi. Ushbu loyihalarni moliyalashtirish uchun 47 mlrd 657 mln so‘m mablag‘ Xalq deputatlari tuman (shahar) Kengashlari tomonidan mahalliy budjetning qo‘shimcha mablag‘lari hisobidan ajratildi. gazeta.uz »
Farg‘onada fuqaro qirg‘izistonlik shaxsning aylanma yo‘llar orqali olib kirgan 5,7 mlrd so‘mlik zargarlik buyumlarini Andijonga yetkazish jarayonida qo‘lga olindi. Tillalarning umumiy og‘irligi 5,7 kg ni tashkil qiladi. gazeta.uz »
Surxondaryo viloyati Sariosiyo tumanida hokim o‘rinbosari Dilfuza Toshmatova mahalla faollaridan odamlarni paxta terimiga jalb qilishni talab qildi. “Ayolmisan, yo‘qmi, vijdonsiz?!” - degan u murojaatida. gazeta.uz »
Toshkentda ikki shaxs fuqaroga mansabdor tanishlari orqali ko‘p qavatli uy qurishga ruxsat olib berish uchun $900 ming so‘raganlikda gumonlanmoqda. Ular puldan 220 ming dollarini olgan vaqtida ushlandi. gazeta.uz »
Andijonda Qirg‘izistondan 2 kilogrammga yaqin gashish olib kirib, sotishga uringan guruh a’zolari qo‘lga olindi. Ular narkotik moddani 15 ming dollarga xarid qilishga kelishib, pulning bir qismini boshlang‘ich badal sifatida qo‘shni mamlakat fuqarosiga yetkazib bergan. gazeta.uz »
2026-yildan boshlab “Tashabbusli budjet” jarayonlari doirasida g‘olib bo‘lmagan ikkita loyihani (har mavsumda bittadan) deputatlar tashabbusiga ko‘ra g‘olib deb e’lon qilish amaliyoti joriy etiladi. G‘olib bo‘lmagan loyihalarni moliyalashtirish uchun har bir deputatga salkam 3,3 mlrd so‘m ajratiladi. gazeta.uz »
Farg‘ona viloyatida Qirg‘izistondan noqonuniy olib kelingan 20 mlrd so‘mga teng 19 kg 119 g tilla buyumlar to‘xtatib qolindi. Ularni 34 va 32 yoshli ikki nafar fuqaro davlat chegarasi orqali Qirg‘izistondan O‘zbekistonga olib o‘tgan. gazeta.uz »
O‘zbekiston-Qozog‘iston chegarasidagi yerosti quvuri orqali neft mahsulotlari kontrabandasi bilan shug‘ullangan 5 nafar Qozog‘iston fuqarosiga hukm o‘qildi. Ular jami 420 tonna Ai-92 markali benzinni olib o‘tgan. gazeta.uz »
DXX tomonidan o‘tkazilgan tezkor tadbirlar davomida xorijdan olib kelingan jami 79 kg 744 gr giyohvandlik vositalarining noqonuniy aylanmasiga chek qo‘yildi. Hozirda mazkur shaxslarning barchasiga nisbatan jinoyat ishlari qo‘zg‘atilib, qamoq ehtiyot chorasi qo‘llanildi. Tergov harakatlari olib borilmoqda. gazeta.uz »
Toshkent hokimi “Maxsustrans” korxonasining 45 mlrd so‘m zarar ko‘rganini ma’lum qildi, shu sababli mahallalarda chiqindilar kunlab qolib ketgan. Buni hal qilish uchun chiqindilarni olib chiqish jarayoni raqamlashtirildi, qo‘shimcha texnikalar sotib olindi va haydovchilarning ish haqi oshirildi. gazeta.uz »
Poytaxtda chiqindi tashuvchi avtomashinalar harakati, chiqindi hajmi va tozalash sifatini kuzatish imkonini beruvchi “Toza poytaxt” tizimi ishga tushirilmoqda. 1-sentabrgacha loyihani shaharning barcha tumanlarida kengaytirish rejalashtirilgan. gazeta.uz »
Janubiy Koreya chegara bo‘ylab Shimoliy Koreyaga qarshi radioeshittirishlar uchun mo‘ljallangan karnaylarni olib tashlamoqda. Shu orqali Pxenyan bilan keskinlikni yumshatish ko‘zlangan. O‘tgan hafta KXDR tomoni Janubiy Koreya bilan muloqotdan manfaatdor emasligini ma’lum qilgan. gazeta.uz »
Avtomobilni boshqarish uchun ishonchnomaga uni chet davlatga olib chiqishga ruxsat beradigan bandni kiritish taklif etilmoqda. Bu qaror so‘nggi paytlarda O‘zbekistondan avtotransport vositalarining olib chiqilishi va ularning chet elda sotilishi holatlari ko‘paygani bilan izohlanmoqda. gazeta.uz »
Xitoyda o‘tgan “O‘tkir tig‘-2025” xalqaro merganlar musobaqasida O‘zbekiston Milliy gvardiyasi eng murakkab shartlarda birinchi o‘rinni egallab, umumiy hisobda 8 ta medal va musobaqa kubogini qo‘lga kiritdi. gazeta.uz »
O‘zbekistonda iyul oxirigacha Yagona interaktiv davlat xizmatlari portali orqali avtomototransport vositalarini jarima maydonchasidan olib chiqish uchun elektron ruxsatnoma olish xizmatini yo‘lga qo‘yish rejalashtirilmoqda. gazeta.uz »
Toshkent shahrida Patrul-post xizmati inspektori fuqaroga haydovchilik guvohnomasi olib berishni va’da qilib, uning evaziga 1500 dollar talab qilgan. U pullarni olayotganda qo‘lga olindi. gazeta.uz »
Iqtisodchi Behzod Hoshimov deputatlar UZIMEI’ni olib tashlash orqali o‘zbekistonliklarni milliardlab dollarga boyitishi mumkinligini ta’kidladi. U IMEI sabab iste’molchilar ham puli bilan, ham vaqti bilan to‘layotganini aytdi. gazeta.uz »
Davlat bojxona qo‘mitasi 20-iyuldan shaxsiy ehtiyoj uchun tovarlarni bojsiz olib kirishda chet elda bo‘lishning minimal muddati joriy etilishini eslatdi. Xususan, endi piyoda yoki avtomobilda mamlakatga kelayotgan fuqarolar bojsiz tovar olib kirish uchun chetda kamida 2 kun, samolyotdagilar esa 3 kun bo‘lishi kerak. gazeta.uz »
1-apreldan O‘zbekistonda 1500 ga yaqin dori vositalari uchun 2 foizlik bojxona to‘lovi joriy etildi. Farmtarmoqni rivojlantirish agentligi direktoriga ko‘ra, ushbu qaror narxlarga ta’sir qilmasligi kerak, chunki boj 1,2 foizni tashkil etgan eski ro‘yxatga olish to‘lovi o‘rnini bosadi. gazeta.uz »
O‘zbekiston bo‘ylab 843 nafar odamni aldab, ularning 50,1 mlrd so‘m pulini o‘zlashtirgan guruh qo‘lga olindi. Ular vtomobillarni arzon kredit yoki lizingda yetkazib berishni va’da qilgan. IIV guruhdan jabrlanganarni 102 qisqa raqamiga murojaat qilishlarini so‘radi. gazeta.uz »
1-iyuldan O‘zbekistonda uy-joy qurilishida eskrou-hisoblar tizimi ishga tushadi. Qurilish vazirligining ta’kidlashicha, bu kvartiralar narxining keskin oshishiga olib kelmaydi. gazeta.uz »
24-iyun kuni Iordaniyaning Aqaba shahridan Toshkentga charter reys tashkil etilmoqda. Isroildagi elchixona chegaradan o‘tishda amaldagi xorijga chiqish pasporti va boshqa zarur hujjatlar bo‘lishi lozimligini eslatdi. gazeta.uz »
Xorazm viloyatida DXX xodimlari Tojikistondan kontrabanda yo‘li bilan olib kirilgan 49 kilogramm 599 gramm giyohvandlik vositasi musodara qilindi. gazeta.uz »
O‘zbekiston prezidenti Shavkat Mirziyoyev va Slovakiya bosh vaziri Robert Fitso Strategik sheriklik munosabatlarini o‘rnatish to‘g‘risidagi qo‘shma deklaratsiyani imzoladi. gazeta.uz »
Qurbon hayiti arafasida Ukrainadagi jangovar hududlardan bolalar Toshkentga olib kelindi. Ular uchun 12 kunlik maxsus dastur ishlab chiqilgan bo‘lib, unda bolalarning ruhiy holatini tiklash, jangovar harakatlardan chalg‘itish va tinch muhitda hordiq chiqarish maqsad qilingan. gazeta.uz »
O‘zbekistonda 5,3 mlrd so‘mlik kontrabanda dori vositalari muomalasi to‘xtatildi. Rossiya va Qozog‘istondan olib kelingan va qonuniy tovarlar orasiga yashirilgan preparatlar “Yallama” postida bojxonachi yuk mashinalarini qarovsiz qoldirishi oqibatida Yuqori Chirchiq tumanidagi uylardan birida tushirilgan. gazeta.uz »
“Yallama” chegara bojxona postida Rossiya va Qozog‘istondan noqonuniy olib kelingan 5,3 mlrd so‘mlik dori vositalari aniqlandi. Ular kitob, aksessuar va kiyimlar orasiga yashirilgan holda olib o‘tilgan. gazeta.uz »
Toshkent temiryo‘l texnikasi muzeyi ovqatlanish shoxobchasiga aylantirilgan elektrovozdan “Sosiskaxona bekati” yozuvini olib tashladi. Qaror tarmoqlardagi tanqidlardan so‘ng qabul qilindi. Biroq muzey ma’muriyati ekspozitsiyalar tijoratlashuvi ko‘proq tashrif buyuruvchini jalb qilishga yordam beradi, deb hisoblaydi. gazeta.uz »
Yevropa Ittifoqi Suriyadan barcha iqtisodiy, shuningdek, mamlakatning 24 ta tuzilmasiga nisbatan qo‘yilgan sanksiyalarni bekor qildi. Xavfsizlik masalalari bilan bog‘liq bo‘lganlari bundan mustasno. gazeta.uz »
O‘zbekistonlik grossmeyster Javohir Sindarov Shvetsiyada o‘tkazilgan shaxmat bo‘yicha TePe Sigeman & Co nomli nufuzli turnirda 7 o‘yinda 4,5 ochko jamg‘arib, birorta ham mag‘lubiyatga uchramagan holda g‘olib chiqdi. gazeta.uz »
Toshkent xalqaro aeroportida 22 yoshli qizni Sankt-Peterburg shahriga fohishalikka yubormoqchi bo‘lgan ayol ushlandi. U qizni aldab, katta pul topishga ishontirgan. gazeta.uz »
O‘zbekistonda “xufiyona” iqtisodiyot ulushi yuqori bo‘lgan zargarlik sanoatini “soya”dan olib chiqish reja qilinmoqda. Zargarlarga YATT sifatida tilla sotishga ruxsat beriladi, rastalar qonuniylashtiriladi, uskunalar bojxona to‘lovlaridan ozod etiladi, oltinni bo‘lib to‘lash asosida sotib olish muddati uzaytiriladi. gazeta.uz »
