èíè - Ïîñëåäíèå íîâîñòè [ Ôîòî â íîâîñòÿõ ] | |
Buxoroda 18 yoshli qiz o‘zining uch kunlik chaqalog‘ini 4000 dollarga sotmoqchi bo‘lganida ushlandi. U shartli xaridordan 800 dollar olayotganda qo‘lga olingan. Holat bo‘yicha odam savdosi moddasi bilan jinoyat ishi qo‘zg‘atildi. gazeta.uz »
O‘zbekistonda qurilish texnikasi parkini yangilash maqsadida maxsus texnika importiga imtiyozlarni tiklash rejalashtirilmoqda, dedi qurilish vaziri Sherzod Hidoyatov. Uning so‘zlariga ko‘ra, shuningdek, obyekt maydoniga qarab yer solig‘ini hisoblash muddatlarini differensiatsiya qilish taklif etilmoqda. gazeta.uz »
Jarqo‘rg‘on tumanidagi 33-umumta’lim maktabida o‘qituvchilardan majburiy pul yig‘ish bo‘yicha topshiriq bergan tuman hokimi o‘rinbosari Anvar Rajabov ishdan olindi. gazeta.uz »
“Milliy tiklanish” demokratik partiyasi raisi Alisher Qodirov dabdabali to‘ylar uchun cheklov sifatida hashamat solig‘ini joriy etish kerakligini aytdi. “Hashamatni xohlayapsizmi, uning solig‘ini ham hashamatli qilib to‘lang. gazeta.uz »
Venesuela muxolifati yetakchisi Mariya Machado Oq uyda Tramp bilan uchrashib, unga o‘zining tinchlik bo‘yicha Nobel mukofotini hadya qildi. Avvalroq Nobel instituti va qo‘mitasi mukofotni boshqaga o‘tkazish, bo‘lishish yoki qaytarib olish mumkin emasligini bildirgandi. gazeta.uz »
Uzun tumanida ayol va uning 5 oylik chaqalog‘ini tutqunlikda saqlab kelganlarga nisbatan sud hukmi o‘qildi. Ayolning turmush o‘rtog‘i 13 yilga ozodlikdan mahrum qilindi. Qarindoshlarining ikki nafari 9 yilga qamaldi, yana birining ozodligi 5 yilga cheklandi. gazeta.uz »
Gazeta majburiy navbatchilik topshirig‘i ortidan ishdan olingan Buvayda tumanidagi 37-maktabning sobiq direktor v.v.b. Hasanboy Nishonov bilan suhbatlashdi. U ishdan bo‘shatilgani haqida tarmoqlar orqali xabar topgani va jarimaga tortilganini aytdi. “Ishga qayta tiklashlarini so‘rayman”, - deydi Nishonov. gazeta.uz »
O‘zbekistonda mol-mulk va yer solig‘i bo‘yicha umumiy summasi 1 mln so‘mdan oshgan soliq qarzdorligini undirishda elektr energiyasining billing tizimi mexanizmidan foydalanishni joriy etiladi. Avvalroq chiqindidan qarzdorlarning elektr energiyasiga to‘lov qilish imkoniyatini cheklash yo‘lga qo‘yilgan edi. gazeta.uz »
AQSh migratsiya organlari nazorat-tekshiruv reydlarini kuchaytirgani munosabati bilan O‘zbekiston TIV mamlakatda avtomobil boshqaradigan fuqarolarga murojaat qildi. Doim huquqiy maqomni tasdiqlovchi hujjatlarni olib yurish tavsiya etildi. gazeta.uz »
Shavkat Mirziyoyev Xitoy tashqi ishlar vaziri Van I boshchiligidagi delegatsiyani qabul qildi. Uchrashuvda yuqori texnologiyalar, “yashil” va atom energetikasi, sun’iy intellekt, transport, infratuzilma, qishloq xo‘jaligi, geologiya, kimyo va boshqa yo‘nalishlardagi hamkorlikni ilgari surishga e’tibor qaratildi. gazeta.uz »
Mustaqillik bayramini nishonlash marosimida O‘zbekiston Harbiy-havo kuchlarining Su-25 hujumchi samolyotlari “Yangi O‘zbekiston” bog‘i uzra parvoz qilib, osmonni bayroq ranglariga bo‘yadi. Toshkent osmonida birinchi marta burilishli manyovr amalga oshirildi. gazeta.uz »
Farg‘onada chegara-bojxona posti boshlig‘i fuqaroning chet davlatdan olib kirilgan 80 ta iPhone 16 qurilmasini noqonuniy o‘tkazib berish evaziga 5000 dollar va ushbu telefonlardan bittasini so‘radi. DXX podpolkovnikni ashyoviy dalillar bilan qo‘lga oldi. gazeta.uz »
Farg‘ona viloyati sudida bemor ayolning sog‘lom oyog‘ini amputatsiya qilib, uning o‘limiga sabab bo‘lgan shifokorning apellyatsiya shikoyatlari ko‘rib chiqildi. Unga avvalroq Quva tuman sudi tomonidan berilgan 4 yil ozodlikdan mahrum qilish jazosi o‘zgarishsiz qoldi. gazeta.uz »
O‘zbekistonda 1-iyundan boshlab yo‘l chiziqlarini bosib qoidabuzarlik sodir etish holatlarini maxsus avtomatlashtirilgan foto va video qayd etish dasturiy-texnik vositalari orqali qayd etishga yo‘l qo‘yilmaydi. To‘xtash chizig‘i - “stop-liniya” bundan mustasno. gazeta.uz »
Oqdaryo tumanida 21 yoshli ayol yetti oylik farzandini ko‘chaga tashlab ketdi. Bolalar ombudsmaniga ko‘ra, hozirda uning harakatlariga huquqiy baho berish jarayoni bormoqda. Chaqaloq tumandagi go‘daklar uyiga joylashtirildi. gazeta.uz »
Soliq qo‘mitasi vakiliga ko‘ra, amaldagi qonunchilik bo‘yicha san’atkorlar deklaratsiya to‘ldirib, soliqqa tortilishi kerak. Ammo ularning ko‘pi bunga rioya etmay, daromadidan soliq to‘lamayapti. “2027-yildan boshlab, ular soliqlardan qochsa, tekshiruvlar o‘tkaziladi va soliq undiriladi”, - deydi Mubin Mirzayev. gazeta.uz »
Qamashi tumanida uch kunlik chaqalog‘ini 60 mln so‘mga sotmoqchi bo‘lgan ayol ikki yilga qamaldi. U 50 mln so‘m va 800 dollar olayotgan vaqtida qo‘lga olingan. Bola viloyat bolalar uyiga topshirilishi belgilandi. gazeta.uz »
Sharof Rashidov tumanida Gentra haydovchisi mashinasiga yoqilg‘i quyib, bak qopqog‘ini yopmagan zapravka xodimini kaltakladi. Jizzax viloyati IIBga ko‘ra, hozirda “zo‘ravonni javobgarlikka tortish choralari ko‘rilmoqda”. gazeta.uz »
Raqobat qo‘mitasi aslida davlat standarti talablariga mos kelmaydigan benzinni Ai-92 va Ai-95 markali benzin sifatida sotgan AYOQSHlarni aniqladi. Ularga nisbatan ish qo‘zg‘atilib, 22 mln so‘mga yaqin mablag‘ni iste’molchilarga qayta hisob-kitob qilish to‘g‘risida ko‘rsatma berildi. gazeta.uz »
Jarqo‘rg‘on tumanida olti farzandning onasi chaqaloqni 62 mln so‘mga sotmoqchi bo‘lganda qo‘lga olindi. Ayol 3 yilga ozodlikdan mahrum qilindi. gazeta.uz »
Palma yog‘i va u qo‘shilgan mahsulotlar, jumladan, sutni majburiy sinovdan o‘tkazish ilmiy asosga ega emas, JST tamoyillariga zid, raqobatni cheklaydi. Bu mahsulot haqidagi afsonalar va hukumat, agar aholi salomatligidan qayg‘ursa, aslida nima qilishi lozimligi borasida huquqshunos Umida Haqnazar mulohazasi. gazeta.uz »
Donald Tramp ma’muriyati AQSh Xalqaro taraqqiyot agentligining (USAID) xorijiy yordam uchun ajratgan grantlarining 90 foizdan ortig‘ini bekor qilishga qaror qildi. USAID`ning 6200 ta grantidan 500 dan ortig‘i saqlab qolindi. gazeta.uz »
Faollar Toshkentdagi “Anhor Lokomotiv” bog‘ini saqlab qolishni talab qilmoqda. Bu yerda 15 dan ortiq inshoot, jumladan, ko‘p qavatli turar joy majmualari, biznes markazi va apart-mehmonxona qurilishi rejalashtirilgan. gazeta.uz »
O‘zbekistonda 1-martdan palma yog‘i hamda tarkibida shunday yog‘ va transyog‘i bo‘lgan mahsulotlarni majburiy laboratoriya sinovidan o‘tkazish talabi joriy etiladi. Bundan tashqari, mamlakatda oziq-ovqat mahsulotlarida palma yog‘idan foydalanish ustidan nazorat kuchaytiriladi. gazeta.uz »
Malayziyaning Five Petroleum kompaniyasi O‘zbekistonda yoqilg‘i quyish shoxobchalari tarmog‘ini yaratishni ko‘rib chiqmoqda. Kompaniya, shuningdek, hududlarida transport-logistika infratuzilmasini qurish masalasini ham o‘rganmoqda. gazeta.uz »
O‘zbekiston prezidenti farmoniga ko‘ra, o‘simlik yog‘i importida bojxona bojining nol stavkalari 2026-yil 1-yanvargacha amal qiladigan bo‘ldi. Shu bilan birga, parranda go‘shtini olib kirish bo‘yicha imtiyozlarning amal qilish muddatini uzaytirmaslikka qaror qilindi. gazeta.uz »
Toshkent aholisi Do‘stlik (sobiq Bobur) bog‘i uchun kurashni davom ettirmoqda - ular bog‘ni investorga berish to‘g‘risidagi hokimiyat qarorlari bekor bo‘lishini talab qilyapti. Ammo uchinchi instansiya sudi ham bu talabni rad etdi. gazeta.uz »
Sirdaryo viloyati Boyovut tumani hokimi Dilfuza Uralova paxta “plan”ini bajarmagan fermerni haqoratladi. Yozib olingan audioga ko‘ra, Uralova IIBga hokimni qamab qo‘yishni buyurganini ham eshitish mumkin. gazeta.uz »
O‘zbekistonda aksiz solig‘ini tarkibida shakar bo‘lgan barcha gazsiz ichimliklar, jumladan, shirin choylar, meva sharbatlari va kompotlarga ham joriy etish rejalashtirilmoqda. Shuningdek, shirinlashtiruvchi va xushbo‘ylashtiruvchisi bo‘lgan boshqa gazli ichimliklar uchun stavkani kamaytirish taklif etilmoqda. gazeta.uz »
Rossiyaning “Gazprom neft” kompaniyasi O‘zbekistonda avtomobillarga yoqilg‘i quyish shoxobchalari tarmog‘ini qurish imkoniyatini muhokama qilmoqda, dedi kompaniya rahbari. Energetika vazirligi ushbu kompaniyani O‘zbekistonda yoqilg‘i quyish shoxobchalari qurilishiga jalb qilish rejalari haqida xabar berdi. gazeta.uz »
Bo‘stonliq tumanida profilaktika inspektori xizmat xonadonida turmush o‘rtog‘i va 7 oylik chaqalog‘ini, so‘ngra o‘zini otib o‘ldirdi. Voqeaga er-xotinning o‘rtasida kelib chiqqan kelishmovchilik sabab bo‘lgani aytilmoqda. gazeta.uz »
Ma’muriy ishlar bo‘yicha Toshkent shahar tumanlararo sudi hukumat va poytaxt hokimligining Do‘stlik (Bobur) bog‘ini investorga o‘tkazish to‘g‘risidagi qarorlarini bekor qilish to‘g‘risidagi aholining da’vosini qanoatlantirmadi. gazeta.uz »
Qarshi tumanida shar’iy nikoh asosida yashab kelgan er-xotin 8 kunlik chaqalog‘ini 190 mln so‘mga sotmoqchi bo‘lib, pulning 45 mln so‘mini olganda ushlandi. Sudda ular bu mablag‘ga uy sotib olmoqchi bo‘lganini aytdi. gazeta.uz »
Toshkent aholisi Do‘stlik (Bobur) bog‘ini tadbirkorga ijaraga berish to‘g‘risidagi qarorlarni bekor qilishni talab qilib, sudga ariza bilan murojaat qildi. Ariza beruvchilar jamoatchilikka ochiq bo‘lmagan hujjatlarda “aholining huquq va manfaatlarini buzuvchi ma’lumotlar bo‘lishi mumkin"ligidan xavotirda. gazeta.uz »
Kadastrlar palatasining Yangihayot tumani filiali boshlig‘i 25 ming dollar pora olgani aytilmoqda. Shuningdek, DXX Farg‘onada prokuror o‘rinbosari, Namanganda hokim o‘rinbosari, Toshkent viloyatida esa elektr ta’minoti korxonasi boshlig‘ini qo‘lga oldi. gazeta.uz »
“Yuksalish” harakati rahbariga ko‘ra, elektr energiyasiga yangi tariflarni joriy etish bilan bir paytda sohadagi muammolarni hal etish zarur. Isitish, gaz tizimi yo‘q hududlarni hisobga olish, shuningdek, tizimni rivojlantirishda xarajatlar shaffofligini ta’minlash va differensiyalangan tariflarni kiritish muhim. gazeta.uz »
