Qamaldi - Ïîñëåäíèå íîâîñòè [ Ôîòî â íîâîñòÿõ ] | |
Toshkentning Mirzo Ulug‘bek tumanida itlarga nisbatan shafqatsiz munosabatda bo‘lingani bilan bog‘liq ish bo‘yicha veterinar 7 sutkaga qamaldi. Uning o‘g‘li va omborxona xodimiga BHMning 10 barobari miqdorida jarima solindi. gazeta.uz »
O‘zbekistonning bir nechta hududida Suriyadagi terroristik tashkilot media blogeriga pul o‘tkazib, terrorizmni moliyalashtirishda ayblangan 8 nafar fuqaroga nisbatan sud hukmi o‘qildi. Ularning 7 nafari 3 yildan 8 yilgacha muddatga ozodlikdan mahrum etildi. gazeta.uz »
Andijonlik 25 yoshli fuqaro Rossiya qamoqxonasida jazo o‘tayotganida Ukrainadagi urushda qatnashish uchun harbiy shartnoma imzolagan. Sud hujjatlariga ko‘ra, u frontda jarohat olgan, keyin harbiy gospitaldan qochib O‘zbekistonga qaytgan. Sud unga 3 yil qamoq jazosi tayinladi. gazeta.uz »
Toshkentda Rossiya armiyasi safida Ukrainadagi urushda qatnashganlikda ayblangan 45 yoshli O‘zbekiston fuqarosi 5 yilga qamaldi. Sud hujjatlariga ko‘ra, u Rossiya Mudofaa vazirligi bilan shartnoma tuzib janglarda qatnashgan, O‘zbekistonga qaytgach esa singlisi va uning farzandlariga tahdid qilgan. gazeta.uz »
Samarqandda eshitish qobiliyati zaif haydovchini tahqirlash aks etgan videoni suratga olganlar jazolandi. Aniqlanishicha, rulda aslida kar haydovchi bo‘lmagan, holat uyushtirilgan. Mashinani boshqargan yigitning haydovchilik guvohnomasi yo‘qligi ma’lum bo‘ldi. U 8 sutkaga, ikki yo‘lovchi 10 sutkaga qamaldi. gazeta.uz »
Toshkent shahrining Olmazor tumanida tunda poyga uyushtirgan va fuqarolarning hayotini xavfga qo‘ygan ikki yigit 10 sutkaga qamaldi. Mashinalar jarima maydoniga qo‘yildi. gazeta.uz »
Sud Bo‘stonliqdagi mehmonxona xodimini mushuklarni qiynab o‘ldirgani uchun 15 sutkaga qamadi. Mushuklarga zo‘ravonlik qilgan mehmonxonaning boshqa xodimiga noqonuniy qurol savdosi uchun 10 sutka qamoq jazosi tayinlandi. gazeta.uz »
Toshkent viloyati Bekobod shahrida kelin qaynonasiga 14 marta pichoq urib o‘ldirdi. Ular o‘rtasidagi janjal beshik to‘yi masalasida kelib chiqqan. Sud uni qasddan odam o‘ldirishda aybdor deb topib, 10 yilga ozodlikdan mahrum qildi. gazeta.uz »
Samarqandda profilaktika inspektori mansabga sovuqqonlik bilan qarash va firibgarlikda ayblanib, 2,5 yilga ozodlikdan mahrum qilindi. Hukmga ko‘ra, inspektorning qo‘rqitishlari 17 yoshli yigitning o‘ziga o‘t qo‘yib, vafot etishiga sabab bo‘lgan. Detallar. gazeta.uz »
Sud Alisher Tursunov (Mubashshir Ahmad)ni 2 yil 6 oy muddatga ozodlikdan mahrum qildi. Jazoni umumiy tartibli koloniyalarda o‘tash belgilandi. Shuningdek, uning internetdagi sahifalari va Azon Global faoliyati to‘xtatilib, bloklanadigan bo‘ldi. gazeta.uz »
Toshkentda 33 yoshli erkak DXX guvohnomasini soxtalashtirib, o‘zini Prezident administratsiyasi vakili sifatida ko‘rsatib yurgani aniqlandi. Sud hukmi bilan u 3 yil 6 oy muddatga ozodlikdan mahrum etildi. gazeta.uz »
Toshkentda mushukka shafqatsiz munosabatda bo‘lgan Xitoy fuqarosi javobgarlikka tortildi. U mushukka qayta-qayta qaynoq suv quygan va uni idishda ushlab, tashqariga chiqishga qo‘ymagan. Erkakka 5 sutka ma’muriy qamoq jazosi tayinlandi. gazeta.uz »
Toshkent viloyatida 16 yoshli o‘smir sinfdoshini pichoq bilan o‘ldirgani uchun 8,5 yilga ozodlikdan mahrum etildi. Hodisa yozda Chinoz tumanidagi futbol maydonida sodir bo‘lgan. gazeta.uz »
Ijtimoiy tarmoqlarda Abdulloh taxallusi bilan tanilgan tiktoker Yugay Valeriy 3 yil 1 oyga ozodlikdan mahrum qilindi. U O‘zbekiston prezidentini omma oldida haqoratlash yoki unga tuhmat qilish hamda milliy, irqiy, etnik yoki diniy adovat qo‘zg‘atish jinoyatlarini sodir etganlikda ayblandi. gazeta.uz »
Mirzacho‘l tumanida 19 yoshli yigit internet orqali aqidaparastlik materiallarini tarqatib kelgani aniqlandi. Sud hukmi bilan unga 5 yil 2 oy ozodlikdan mahrum qilish jazosi tayinlandi. gazeta.uz »
Sud Toshkent viloyatida yashovchi 17 yoshli yigitni fevral oyida Kelesda 18 yoshli Asqar Gulmatovni o‘ldirgani uchun 8 yilga ozodlikdan mahrum etdi. Marhumning onasi ayblanuvchi yolg‘iz harakat qilganiga shubha bildirdi va tergovni davom ettirishga chaqirdi. gazeta.uz »
Farg‘ona viloyatida Telegram orqali aqidaparastlik g‘oyalari bilan to‘ldirilgan materiallarni e’lon qilgan shaxs 6 yilga ozodlikdan mahrum qilindi. U Suriyadagi xalqaro terrorchilik tashkilotining instruktori va media targ‘ibotchisi bilan bog‘lanib, u bilan doimiy muloqot olib borgan. gazeta.uz »
Toshkent viloyatida o‘z qizini zo‘rlab kelgan otaga nisbatan 12 yil ozodlikdan mahrum etish jazosi tayinlandi. Ijtimoiy himoya milliy agentligi qiz doimiy himoya ostida ekanini qayd etib, tiklanish jarayonidan o‘tayotganini ma’lum qildi. gazeta.uz »
Farg‘onadagi AYOQSHda 2024-yil dekabrida sodir bo‘lgan portlash ishi bo‘yicha sud yakunlandi. Unga ko‘ra, 3 kishi turli muddatlarga qamaldi, bir kishining ozodligi cheklandi. 4 nafar qurbonning qonuniy vakillariga ma’naviy zarar, 12 nafar fuqaroviy da’vogarlarga esa moddiy zarar undirish belgilandi. gazeta.uz »
Denov tumani sudi sobiq raisi mast holda sodir etilgan halokatli YTH uchun besh yilga ozodlikdan mahrum etildi. Baxtsiz hodisa mashinada u bilan birga bo‘lgan advokatning o‘limiga sabab bo‘lgandi. gazeta.uz »
Urgut tumanidagi maktab direktori va uning sherigi qariyb 1 kg opiy giyohvand moddasini sotmoqchi bo‘lgan vaqtida tezkor tadbirda ushlandi. Ular sudda aybiga qisman iqrorligini bildirdi. Avval ham firibgarlik jinoyati bilan sudlangan direktor 10 yilga, sherigi esa 11 yilga qamaldi. gazeta.uz »
Tarmoqlarda Urgut tumanida erkak yo‘l o‘rtasidagi chuqurda hosil bo‘lgan ko‘lmakda cho‘milgani aks etgan video tarqaldi. Samarqand viloyati IIBga ko‘ra, u “jamiyatda yurish-turish qoidalarini qasddan buzgan”. Sud qarori bilan fuqaro 10 sutkaga qamaldi. gazeta.uz »
G‘allaorol tumanida mast holdagi yuk mashinasi haydovchisi Damas bilan to‘qnashdi. Oqibatda yengil avtomobildagi er-xotin vafot etdi. Sud haydovchini 9 yil muddatga ozodlikdan mahrum qildi. gazeta.uz »
Jarqo‘rg‘on tumanida olti farzandning onasi chaqaloqni 62 mln so‘mga sotmoqchi bo‘lganda qo‘lga olindi. Ayol 3 yilga ozodlikdan mahrum qilindi. gazeta.uz »
Ijtimoiy tarmoqlarda viloyatliklarni haqoratlab, ularga Toshkentga kelmasligini aytgan yigitlarning videosi tarqaldi. Jinoyat ishlari bo‘yicha Yunusobod tumani sudi 20 va 21 yoshli bu yigitlarga 10 sutka ma’muriy qamoq jazosi tayinladi. gazeta.uz »
Toshkent shahridagi rassomchilik to‘garagida o‘qituvchi bo‘lib ishlovchi 24 yoshli erkak 9 yoshli o‘quvchisiga shilqimlik qilgan. Unga nisbatan sud tomonidan 5 sutka ma’muriy qamoq jazosi tayinlandi. gazeta.uz »
Narpay tumanida ayol o‘z kelinini telefon zaryadlovchi shnur bilan bo‘g‘ib, keyin pichoq va qaychida jarohat yetkazib o‘ldirgan. U 13 yilga ozodlikdan mahrum etildi. Ayol farzandini 3 yoshligida bolalar uyiga tashlab ketgan, yillar o‘tib yashashga joyi yo‘qligi vaji bilan farzandi yoniga qaytgan bo‘lgan. gazeta.uz »
Instagram orqali Toshkent shahri aholisini haqorat qilgan qiz 10 sutka ma’muriy qamoq bilan jazolandi. Qiz videoni taksi haydovchisi uni qayerdan kelgani haqidagi savolidan so‘ng jahli chiqib tasvirga tushirganini aytgan. gazeta.uz »
Toshkentda Jasjan nomi bilan tanilgan bloger Instagram`ga video olish uchun jamoat joyida bir qiz bilan janjal uyushtirdi. Sud unga 5 sutka ma’muriy qamoq jazosi, qizga esa 375 ming so‘m jarima tayinladi. Bloger avval ham bir necha bor qamoq jazosini o‘tab chiqqan. gazeta.uz »
Gaz zapravkadan mas’ullarga yo‘llangan keskin murojaat muallifining 15 sutkaga qamalishi jamoatchilik tanqidiga va haydovchiga yordam berishga chorlovlarga sabab bo‘ldi. 3-yanvarda ish bo‘yicha apellyatsiya sudi o‘tishi kutilmoqda. “Gazeta.uz” ishga doir ma’lumotlarni bir sahifaga jamladi. gazeta.uz »
Toshkent shahrida avtobusda ustidagi kiyimini yechgan ayolni haqoratlab, yuziga tuflagan erkak 10 sutkaga qamaldi. gazeta.uz »
Samarqandning Nurobod tumanida yashovchi yigit Telegram orqali diniy ekstremistik materiallarni tarqatib kelgani aniqlandi. Sud hukmi bilan unga 3 yilga ozodlikdan mahrum qilish jazosi tayinlandi. gazeta.uz »
Qo‘qon shahrida “Tavhid va jihod katibasi” xalqaro terroristik tashkilotini qo‘llab-quvvatlashda aybdor deb topilgan 11 kishi 6 yildan 12 yilgacha ozodlikdan mahrum etildi. gazeta.uz »
Samarqand viloyati Bulung‘ur tumanida yashovchi 56 yoshli erkak Rossiyaga ishlash uchun borib, u yerda moddiy manfaat evaziga Ukrainaga qarshi urushda qatnashgan. U sud qarori bilan uch yilga ozodlikdan mahrum qilindi. gazeta.uz »
Yunusobod tumani sudi ikki bloger va brbalo musiqiy guruhi artistlarini yumoristik klipi uchun 15 sutkaga hibsga olish haqida qaror chiqardi. Sudga ariza bilan murojaat qilgan mahalla raisi video odob-axloq me’yorlari va an’analarga zid ekani, yoshlar tarbiyasiga salbiy ta’sir ko‘rsatayotganini aytdi. gazeta.uz »
Toshkentdagi 188-maktabda o‘quvchini urgan sinov muddatidagi o‘qituvchi voqeaning ertasi kuni qizi o‘qiyotgan boshqa maktabda direktor o‘rinbosari bilan tortishib, unga kuch ishlatdi. Ayol Milliy gvardiya va IIO xodimlari talablariga ham bo‘ysunmagan. Buning ortidan unga 7 sutka ma’muriy qamoq jazosi berildi. gazeta.uz »
Inbazar kiyim do‘konining qorovuli sotuvchini so‘kib, kaltaklagani uchun 7 sutkaga qamaldi. Holatni “qolgan xodimlarga o‘rnak bo‘lishi uchun” videoga olgan katta menejerga esa 5 sutka ma’muriy qamoq jazosi tayinlandi. gazeta.uz »
Namangan viloyati hokimining qurilish, kommunikatsiyalar va kommunal xo‘jalik masalalari bo‘yicha sobiq o‘rinbosari Saidahmad Sultonov 7 yil 6 oyga qamaldi. U juda ko‘p miqdordagi mablag‘larni o‘zlashtirish, talon-toroj, shuningdek, firibgarlikda aybdor deb topildi. gazeta.uz »
Termiz shahrida 26 yoshli yigit Telegram’da guruh ochib, 37 kishiga noqonuniy diniy saboq berib kelgani aniqlandi. Sud hukmi bilan unga 15 sutka ma’muriy qamoq jazosi tayinlandi. gazeta.uz »
Uy-joy kommunal xizmat ko‘rsatish vazirligi rahbari va Toshkent viloyati Nurafshon shahri hokimi vazifalarida ishlagan Muzaffar Saliyev 7 yilga ozodlikdan mahrum etildi. U talon-toroj qilish va mansab soxtakorligi jinoyatlarida aybli deb topilgan. gazeta.uz »
Sud muntazam zo‘ravonlik orqali xotinini o‘z joniga qasd qilish darajasiga yetkazgan erkakka hukm o‘qidi. Ayol mart oyida Bekobod shahridagi turar joy binosining beshinchi qavatidan sakragandi. gazeta.uz »
“Saidaziz medgorodok” nomi bilan tanilgan Saidaziz Saidaliyev 20 yil muddatga ozodlikdan mahrum qilindi. Jazoni umumiy koloniyada o‘tash belgilandi. gazeta.uz »
Toshkentda YPX inspektorini avtomashinasi kapotida sudragan haydovchi 15 sutkaga qamaldi. U xodimning to‘xtash ishorasiga bo‘ysunmasdan harakatni davom ettirib, bir necha qoidabuzarliklar sodir etgan. gazeta.uz »
Toshkent shahrida Notcoin savdosi bilan shug‘ullangan 21 yoshli shaxs 10 sutkaga qamaldi. Ayblanuvchining smartfoni tegishli tartibda yo‘q qilindi. gazeta.uz »
Sud “Baxti Tashkentskiy” nomi bilan tanilgan Baxtiyor Qudratullayevga nisbatan 20 yilga ozodlikdan mahrum etish jazosini tayinladi. gazeta.uz »
Telegram orqali notkoin yig‘ib, uni 800 ming so‘mga sotgan 24 yoshli talaba yigit 10 sutkaga qamaldi. Kriptoaktivlar aylanmasidagi qonunchilikni buzishda ayblangan surxondaryolik yigit bu ishi noqonuniy ekanini bilmaganini ta’kidladi. gazeta.uz »
Bloger Murod Maxsudov 7,5 yilga hukm qilindi, u jazoni umumiy tartibli koloniyada o‘taydi. Sud uni tuhmat, tovlamachilik va o‘zlashtirish yoki rastrata yo‘li bilan talon-toroj qilishda aybdor deb topdi. gazeta.uz »
Instagram orqali Toshkentga kelgan viloyatliklarni haqoratlagan 21 yoshli qiz 15 sutkaga qamaldi. U “jahl ustida ortiqcha gapirib yuborganini” aytib, uzr so‘radi. Video. gazeta.uz »
Toshkentdagi “Ashxobod” ko‘ngilochar bog‘i direktori, uning o‘rinbosari va reklama bo‘limi boshlig‘i ommaviy tadbirlar o‘tkazish qoidalarini buzgani va boshqa huquqbuzarliklar uchun 15 sutkaga qamaldi. gazeta.uz »
Yarim tunda Toshkent shahridagi ko‘p qavatli uy xonadonlarini poylab, ko‘z tirqishidan qaragan 24 yoshli yigit 5 sutkaga qamaldi. U sudda uy yaqinidan o‘tib ketayotganida kimdir yordam so‘rab chaqirgani, shuning uchun o‘sha qavatga chiqib, eshiklarni poylaganini aytgan. gazeta.uz »
