Shilqimlik - Ïîñëåäíèå íîâîñòè [ Ôîòî â íîâîñòÿõ ] | |
Farg‘ona viloyati Rishton tumanida maktab o‘qituvchisi voyaga yetmagan o‘quvchi qizga Telegram orqali shahvoniy mazmunda xabarlar yuborgani uchun 5 sutkaga ma’muriy qamoq jazosiga tortildi. Sudda o‘qituvchi qiz bilan yozishib yurganini tan olgan va ayrim xabarlarni uni “tinch qo‘yishi” uchun yozganini aytgan. gazeta.uz »
Ohangaronda PPX xodimini 14 yoshli qizga shilqimlik qilganlikda ayblab, yolg‘on video tarqatgan 18 yoshli yigit va uning ikki sherigi yetti sutkaga qamaldi. IIBBga ko‘ra, u boshqarma binosida janjal ko‘tarib, xodimlarning qonuniy talablariga ham bo‘ysunmagan. gazeta.uz »
IIV tunda PPX xodimi 14 yoshli qizni dugonasi bilan birga Ohangaronning tog‘li hududiga olib borib, ularga shilqimlik qilgani aytilgan xabarlar yuzasidan tekshiruv boshladi. Xodim ishdan bo‘shatildi, hozirda vazirlik prokuratura bilan o‘rganish o‘tkazmoqda. gazeta.uz »
Shahvoniy shilqimlik uchun 5 sutkalik ma’muriy qamoq yetarli emas va juda formal jazo hisoblanadi, bu esa “jamoatchilikning katta noroziligiga” sabab bo‘lmoqda. Bu haqda jazoni kuchaytirish rejalarini izohlagan Prezident administratsiyasi rahbarining o‘rinbosari Nodira Hakimova gapirib o‘tdi. gazeta.uz »
Uchtepa tumanida ko‘chada va yerosti yo‘lida ayol kishiga nisbatan shahvoniy shilqimlik qilgan erkak 15 sutkaga qamaldi. Mast holatda huquqbuzarlik sodir etgan shaxs, shuningdek, IIO xodimlarining qonuniy talablariga bo‘ysunmagani uchun ham javobgarlikka tortildi. gazeta.uz »
Toshkent shahrida 54 yoshli erkak avtobusda shahvoniy shilqimlik qilib, yo‘lovchi qizlarning orqasini ushlagan. “O‘zimni ushlolmay, nafsimni tiyolmasdan orqa tomoniga qo‘lim ketib qoldi. Sharmanda bo‘ldim”, - deydi ayblanuvchi. U sud hukmiga ko‘ra 5 sutkaga qamaldi. gazeta.uz »
Farg‘ona viloyatida 48 yoshli mahalla raisi mashq qildirish bahonasida 17 yoshli qizni belidan ushlab, yuzidan o‘pmoqchi bo‘lgan. Sud erkakni shahvoniy shilqimlik qilishda ayblab, 4 sutkaga ozodlikdan mahrum qildi. gazeta.uz »
O‘zbekistonda 2025-yilning birinchi yarmida 4952 kishi oiladagi zo‘ravonlikda ayblanib ma’muriy javobgarlikka tortildi. Shuningdek, bu vaqt davomida 986 nafar shaxs shahvoniy shilqimlik qilishda, 99 nafar fuqaro esa shaxsning sha’nini va qadr-qimmatini kamsituvchi ma’lumotlarni oshkor qilishda ayblangan. gazeta.uz »
Toshkent shahridagi rassomchilik to‘garagida o‘qituvchi bo‘lib ishlovchi 24 yoshli erkak 9 yoshli o‘quvchisiga shilqimlik qilgan. Unga nisbatan sud tomonidan 5 sutka ma’muriy qamoq jazosi tayinlandi. gazeta.uz »
Toshkent shahridagi avtobusda 2012-yilda tug‘ilgan qizga shilqimlik qilgan konduktorga 5 sutka ma’muriy qamoq jazosi tayinlandi. 43 yoshli erkak sudda qizning boshidan o‘pmoqchi bo‘lganini aytgan. gazeta.uz »
Sochi - Toshkent yo‘nalishi bilan uchib kelayotgan samolyotda mast erkak bort kuzatuvchi qizning tanasini bir necha marta ushlab, shahvoniy shilqimlik qildi. Sud unga nisbatan 5 sutka ma’muriy qamoq jazosini tayinladi. gazeta.uz »
Samarqand shahrida yashovchi 38 yoshli erkak ko‘chada o‘ynab yurgan voyaga yetmagan qizga nisbatan shahvoniy xususiyatga ega bo‘lgan harakatlar qilishda ayblanib, 5 sutkaga qamaldi. Erkak aybiga iqror bo‘lib, suddan yengillik so‘ragan. gazeta.uz »
Urgut tumanidagi maktabda o‘qituvchi bo‘lib ishlovchi 27 yoshli yigit o‘quvchi qizga nisbatan shahvoniy xususiyatga ega bo‘lgan harakatlar qilishda ayblanib, 3 sutkaga qamaldi. Sudda yigit hech kimga shilqimlik qilmagani, faqat o‘quvchisiga tanbeh berganini aytib ko‘rsatuv berdi. gazeta.uz »
Shaharlararo avtobusda uxlab qolgan ayolning kiyimini yechib, ko‘krak qismiga tegingan 45 yoshli erkak 15 sutkaga qamaldi. Erkak sudda ayolga qo‘li tegib ketganini aytgan. gazeta.uz »
Toshkentda metro vagoni ichida qizning beldan pastki qismiga teginib, shilqimlik qilgan 25 yoshli yigit 5 sutkaga qamaldi. Ayblanuvchi sudda tiqilinchda qizga bilmay tegib ketganini aytdi. Qiz yigit bu ishni qilayotganida qo‘lidan ushlab olganini va gaplashib olmoqchi bo‘lganida yigit qochib ketganini bildirdi. gazeta.uz »
Yilning dastlabki uch oyida O‘zbekistonda 318 kishi shahvoniy shilqimlik qilishda ayblanib, sudlandi. Yana 40 kishi shaxsning sha’ni va qadr-qimmatini kamsituvchi hamda inson hayotining sir tutiladigan tomonlarini aks ettiruvchi ma’lumotlarni oshkor qilishda aybdor deb topildi. gazeta.uz »
Toshkentda metro vagoni ichida o‘ziga notanish bo‘lgan ayolning beli va belidan past qismini ushlab, shilqimlik qilgan yigit 5 sutkaga qamaldi. gazeta.uz »
Bandixon tumanida voyaga yetmaganga uylanishini aytib shilqimlik qilgan 22 yoshli yigit 5 sutkaga qamaldi. Sudda yigit qizni yaxshi ko‘rib qolgani, lekin qizga shilqimlik qilmaganini aytib ko‘rsatuv berdi. gazeta.uz »
Toshkentda 15 yoshli qizga yo‘l bo‘yi shahvoniy xususiyatga ega bo‘lgan so‘zlar aytib, shilqimlik qilgan taksi haydovchisi 5 sutkaga qamaldi. gazeta.uz »
Toshkent shahrida 69-sonli avtobusda ayolga yaqinlashib, jinsiy a’zosini chiqarib shilqimlik qilgan 26 yoshli erkak 5 sutkaga qamaldi. Ayol suddan ma’naviy zarar uchun 10 million so‘m undirib berishni so‘radi. gazeta.uz »
