âèëîÿòè - Ïîñëåäíèå íîâîñòè [ Ôîòî â íîâîñòÿõ ] | |
Jizzax va Surxondaryo viloyatlarida hokimlarning yoshlar siyosati, ijtimoiy rivojlantirish va ma’naviy-ma’rifiy ishlar bo‘yicha o‘rinbosarlari lavozimiga yangi tayinlovlar amalga oshirildi. Dilmurod Xudayshukurov Jizzax viloyati hokimi o‘rinbosari, Oybek Ashurov esa Surxondaryo viloyati hokimi o‘rinbosari bo‘ldi. gazeta.uz »
PPX xodimining 14 yoshli qizga shilqimlik qilgani haqidagi xabarlar o‘z tasdig‘ini topmadi, deya qayd etdi Toshkent viloyati IIBB. Surishtiruvlarda tarmoqlardagi iddaolar haqiqatga to‘g‘ri kelmasligi ma’lum bo‘lgan. gazeta.uz »
Prezident Toshkent viloyati boshqa hududlarga namuna bo‘lishi, bu yerda bandlik darajasi, daromadlar va hayot sifati Toshkent bilan teng bo‘lishi kerakligini ta’kidladi. Shuningdek, turli sohalarda qator loyihalar amalga oshirilishi ma’lum qilindi. gazeta.uz »
DXX Andijon viloyati hokimi o‘rinbosarining 50 ming dollar olayotgan vaqtda gumonlanuvchi sifatida qo‘lga olinishi aks etgan videoni e’lon qildi. Kadrlarda amaldor pullarni sanayotgani, so‘ngra dollar kupyuralarini topshirgan shaxsga: “Bu qarz deyiladi. Shunaqa narsasi bor, bilasiz-a?” - deb aytgani ko‘rinadi. gazeta.uz »
Toshkent viloyati prokuraturasining devonxona noziri tadbirkordan 9 ming dollar olayotganida ushlandi. U buning evaziga savdo do‘konidagi elektrdan qarzdorlikni vakolatli tanishlari orqali bartaraf etib bermoqchi bo‘lgan. gazeta.uz »
2026-yil noyabridan Toshkent shahri va viloyati sudlarida o‘ta og‘ir jinoyatlarga oid ishlarni xalq vakillari hay’ati ishtirokida ko‘rib chiqish amaliyoti joriy etiladi. Shuningdek, tergov sudyalariga qamoqqa olish yoki uy qamog‘i tarzidagi ehtiyot choralarini o‘zgartirish yoki bekor qilish huquqi beriladi. gazeta.uz »
Sankt Peterburgda o‘tgan bitiruvchilar bayramiga o‘z farzandi va jiyanini ham yuborgan Samarqand viloyati maktab ta’limi boshqarmasi boshlig‘i Muzaffar Hamdamov ishdan olindi. Shuningdek, boshqarmaning yana 5 xodimiga intizomiy jazo ko‘rilishi mumkin. gazeta.uz »
Anvar Davletov Xorazm viloyati hokimining moliya-iqtisodiyot va kambag‘allikni qisqartirish masalalari bo‘yicha birinchi o‘rinbosari, Alisher Duschanov viloyat hokimi o‘rinbosari lavozimiga tayinlandi. gazeta.uz »
Baxrom Yusupov Jizzax viloyati hokimining tog‘li hududlar va yaylovlarni rivojlantirish, investitsiya va savdo masalalari bo‘yicha, Bekzod Egamov esa hokimning dasht va cho‘l hududlarda sanoatni rivojlantirish, investitsiya va savdo masalalari bo‘yicha o‘rinbosari lavozimiga tayinlandi. gazeta.uz »
Farg‘ona viloyati Maktabgacha va maktab ta’limi boshqarmasi boshlig‘i Sherzod Dolimov jarimaga tortildi, deb xabar berdi Mehnat inspeksiyasi Gazeta’ga. Uning Buvaydadagi 37-maktab direktorini majburiy navbatchilik ortidan ishdan olish va yangi direktorni ishga tayinlashda qonunchilik talablarini buzgani aytildi. gazeta.uz »
Akmaljon To‘lanov Andijon viloyati hokimning moliya-iqtisodiyot va kambag‘allikni qisqartirish masalalari bo‘yicha birinchi o‘rinbosari bo‘ldi. Isomiddin Ismanov esa hokimning turizm, madaniyat, madaniy meros va ommaviy kommunikatsiyalar masalalari bo‘yicha o‘rinbosari etib tayinlandi. gazeta.uz »
Erkinjon Turdimov Sirdaryo viloyati hokimi etib tasdiqlandi. U kelasi yil viloyatga jami 3 mlrd dollar investitsiya kiritishi, eksportni 500 mln dollarga yetkazishi, 185 ming odamni band qilishi lozimligi ko‘rsatib o‘tildi. gazeta.uz »
2024-yilning dekabridan buyon Jizzax viloyati hokimi vazifasini bajaruvchi sifatida ishlab kelayotgan Ulug‘bek Mustafoyev viloyat hokimi etib tasdiqlandi. Prezident uning oldiga 2026-yilda viloyatga 4,5 mlrd dollar xorijiy investitsiya olib kelish, 15 ming oilani kambag‘allikdan chiqarish kabi vazifalarni qo‘ydi. gazeta.uz »
Samarqand viloyati hokimi vazifasini bajaruvchi sifatida ishlab kelayotgan Adiz Boboyev viloyat hokimi lavozimiga tasdiqlandi. gazeta.uz »
Poytaxt va Toshkent viloyatidagi issiqxonalarni barqaror gaz bilan ta’minlash imkonini beradigan takliflar ishlab chiqiladi. Bu haqdagi topshiriq ekologik islohotlar dasturiga kiritilgan. Energiyani tejaydigan isitish texnologiyalarini joriy etish masalalari ham muhokama qilinmoqda. gazeta.uz »
Turkiyaning Aksa Enerji kompaniyasi Samarqand viloyati elektr taqsimlash tarmog‘ini boshqarish va modernizatsiya qilish bo‘yicha xalqaro tenderda g‘olib chiqdi. Kompaniya 30 yillik boshqaruv davomida $1 mlrd investitsiya kiritmoqchi. Yana 9 ta ishtirokchi loyihaga qiziqish bildirgan. gazeta.uz »
Toshkent shahri “Janubiy vokzal” bekatidan Toshkent viloyati “Niyozboshi mahallasi” bekatigacha harakatlanadigan 194-sonli avtobus yo‘nalishi 15-noyabrdan ishga tushadi. Yo‘nalishda Mercedes-Benz LF avtobuslari xizmat ko‘rsatadi. gazeta.uz »
AQShning Florida shtati Gollivud shahrida Toshkent viloyatining vakolatxonasi ochildi. Vakolatxona orqali viloyatdagi tadbirkorlar va eksportyorlar uchun AQSh bozoriga chiqishda amaliy ko‘mak ko‘rsatish, ishbilarmon doiralar o‘rtasida hamkorlik ko‘priklarini yaratish ko‘zda tutilgan. gazeta.uz »
Navoiy viloyati sobiq hokimi Abduxoliq Aydarqulov 83 yoshida vafot etdi. U faoliyatini sovxozlarni ta’mirlash ustaxonalarida boshlagan. 1991-yildan 1995-yil 5-yanvargacha Navoiy viloyati hokimi bo‘lgan. 1994-yilda “Shuhrat” medali bilan mukofotlangan. gazeta.uz »
Samarqand viloyati hokimi v. b. Adiz Boboyev rahbarlarni korrupsiyaga qarshi qanday kurashishni o‘rnak ko‘rsatishga taklif qildi. “Xalq hamma narsani biladi - kim uy qurgan, kim mashina sotib olgan. gazeta.uz »
Toshkent viloyatining rivojlanishi poytaxtsiz, poytaxtniki esa viloyatsiz bo‘lmaydi, dedi hokim Zoyir Mirzayev. Poytaxt uchun sanoatni rivojlantirish maqsadida tayyor kommunikatsiyalarga ega 200 gektar va Ohangaron suv ombori hududida turistik eko-klaster uchun yana 168 gektar yer taklif etilmoqda. gazeta.uz »
Jalaquduq tumani hokimi o‘rinbosari va Andijon viloyati Ekologiya boshqarma mansabdori pora olishda ayblanmoqda. Ular fermer ustidan sudga da’vo arizasi kiritmaslik evaziga uning dala hovlisini hokim o‘rinbosarining qarindoshi nomiga o‘tkazib olishga uringan. gazeta.uz »
IIV rahbari o‘rinbosari Bekmurod Abdullayev Farg‘ona viloyati YHXB sobiq boshlig‘i Akmal Ahmedov turmush o‘rtog‘iga tegishli Malibu’ning 100 dan ortiq jarimalari bekor qilingan holatga munosabat bildirdi. gazeta.uz »
Buxoro viloyatida Toshkentda o‘zini oqlagan Xalq Nazorati platformasi joriy etilmoqda. U orqali 98 toifa - gaz va suvdagi uzilishlardan tortib, chiqindi olib ketilmasligigacha bo‘lgan arizalarni yuborish mumkin bo‘ladi. gazeta.uz »
Samarqand viloyati hokimligida qator rahbarlik lavozimlariga yangi tayinlovlar amalga oshirildi. Jumladan, sobiq Narpay hokimi Sherbek Bo‘ronov viloyat hokimining birinchi o‘rinbosari etib tayinlandi, Urgut tumani hokimi vazifasidan ozod etilgan Botir Jabborov qishloq xo‘jaligi bo‘yicha o‘rinbosar bo‘ldi. gazeta.uz »
Senator Malika Qodirxonova Nurafshon va Zangiotadagi maktablarda tashqi devor va sport zali yetishmasligi bo‘yicha Toshkent viloyati hokimligiga senator so‘rovi yubordi. U joylardagi infratuzilma muammolari o‘quv jarayoniga to‘sqinlik qilayotganini qayd etdi. gazeta.uz »
Prezident 7-iyul kuni Jizzax viloyatini rivojlantirish masalalariga bag‘ishlangan yig‘ilish o‘tkazdi. U Do‘stlik, Zafarobod, Paxtakor va Mirzacho‘l hududiy o‘sish sur’atlaridan ortda qolayotganini ta’kidladi. gazeta.uz »
Farg‘ona viloyati YHXB boshlig‘i Akmal Ahmedov turmush o‘rtog‘iga tegishli Malibu`ning 100 dan ortiq jarimalari bekor qilingani ortidan ishdan bo‘shatildi. YHXX barcha jarimalar davlat foydasiga to‘liq undirilganini va qo‘shimcha surishtiruv olib borilayotganini ma’lum qildi. gazeta.uz »
Atoqli davlat arbobi, Buxoro viloyati sobiq hokimi, “Mehnat shuhrati” ordeni sohibi Damir Yadgarov uzoq hastalikdan so‘ng 88 yoshida vafot etdi. gazeta.uz »
Buxoro viloyati hokimligi hokim Botir Zaripovning bog‘cha hududidagi binoni sud qarorini kutmasdan buzishni talab qilgani aks etgan video yuzasidan munosabat bildirdi. Unga ko‘ra, hokim bog‘cha hududidagi noqonuniy tarzda qurilgan umumiy ovqatlanish obyektiga maxfiy kirish-chiqish yo‘lagi haqida gapirgan. gazeta.uz »
O‘zbekistonda taksi haydovchilari faqat o‘z hududi va qo‘shni viloyatlarda ishlashi mumkin bo‘lgan cheklovlar qo‘llanila boshlandi. Bu yangi litsenziyalash qoidalariga asoslangan. Iqtisodchining fikricha, bunday cheklovlar fuqarolarning konstitutsiyaviy huquqlarini buzadi va tirbandlikka qarshi kurashda samarasizdir. gazeta.uz »
Otabek Bazarov Namangan viloyati hokimining yoshlar siyosati, ijtimoiy rivojlantirish va ma’naviy-ma’rifiy ishlar bo‘yicha o‘rinbosari bo‘ldi. U bungacha Oliy ta’lim vazirligi boshqarma boshlig‘i lavozimida ishlab kelayotgandi. gazeta.uz »
Tarmoqlarda Andijon viloyati hokimi Shuhrat Abdurahmonov 15 yoshli qizga jinsiy harakatlar sodir etgani va bu bo‘yicha dalillar borligi aytib chiqildi. Viloyat hokimligi bu ma’lumotni “ig‘vogarona va shaxs sha’niga tajovuz” deya rad etdi. gazeta.uz »
Zuxriddin Baxriddinov Namangan viloyati hokimining moliya-iqtisodiyot va kambag‘allikni qisqartirish masalalari bo‘yicha birinchi o‘rinbosari bo‘ldi. U bungacha Iqtisodiyot va moliya vazirligi departamenti direktori bo‘lgan. gazeta.uz »
Suhrob Tavboyev Sirdaryo viloyati soliq boshqarmasi boshlig‘i lavozimiga tayinlandi. U bu lavozimda 2023-yil avgustidan beri ishlab kelgan Ulug‘bek Xatamovni almashtirdi. gazeta.uz »
Shuhrat Djo‘rayev Jizzax viloyati hokimining qurilish, to‘siqlarsiz muhit yaratish, kommunikatsiyalar, kommunal xo‘jalik, ekologiya va ko‘kalamzorlashtirish masalalari bo‘yicha yangi o‘rinbosari vazifasini bajaruvchi etib tayinlandi. gazeta.uz »
Ulug‘bek Jo‘rayev Andijon viloyat hokimi o‘rinbosari etib tayinlandi. U bunga qadar hokimlikda kotibiyat mudiri lavozimida ishlagan. gazeta.uz »
Podpolkovnik Farrux Haydarov Sirdaryo viloyati IIB boshlig‘i etib tayinlandi. Bungacha u IIV akademiyasining magistratura bosqichi tinglovchisi edi. gazeta.uz »
Sanjar Djabarov Andijon viloyati Ichki ishlar boshqarmasi boshlig‘i bo‘ldi. U bungacha Sirdaryo viloyati IIBga rahbarlik qilgan. gazeta.uz »
Toshkentning Yunusobod tumani ichki ishlar organlari faoliyatini muvofiqlashtirish boshqarmasi boshlig‘i lavozimida ishlagan Abdumajid Shermuxamedov Xorazm viloyati IIB rahbari etib tayinlandi. gazeta.uz »
Toshkent viloyati CSB xodimi boshqarmaga qarashli tibbiyot buyumlarini 57 ming dollarga sotishga kelishib, oldindan 40 ming dollar olayotgan vaqtida qo‘lga tushdi. Yana bir holatda Namangan shahridagi maktab direktori o‘rinbosari 8 ming dollar va 156 mln so‘m olgan vaqtida ushlandi. gazeta.uz »
Toshkent viloyati SSB xodimi boshqarmaga qarashli tibbiyot buyumlarini 57 ming dollarga sotishga kelishib, oldindan 40 ming dollar olayotgan vaqtida qo‘lga tushdi. Yana bir holatda Namangan shahridagi maktab direktori o‘rinbosari 8 ming dollar va 156 mln so‘m olgan vaqtida ushlandi. gazeta.uz »
Faxriddin Kushakov Sirdaryo viloyati hokiminingmoliya-iqtisodiyot va kambag‘allikni qisqartirish masalalari bo‘yicha birinchi o‘rinbosari etib tayinlandi. U bunga qadar iqtisodiyot va moliya bosh boshqarmasi boshlig‘i o‘rinbosari lavozimida faoliyat olib borgan. gazeta.uz »
Prezident farmoyishi bilan Bobur Ismailov Jizzax viloyati Soliq boshqarmasi boshlig‘i etib tayinlandi. U tayinlovga qadar Yirik soliq to‘lovchilar bo‘yicha hududlararo inspeksiya boshlig‘i o‘rinbosari lavozimida ishlab kelayotgandi. gazeta.uz »
Maktabgacha va maktab ta’limi vazirining buyrug‘i bilan Muzaffar Hamdamov Samarqand viloyati MMTB boshlig‘i etib tayinlandi. U bunga qadar Paxtachi tumani hokimi lavozimida ishlab kelayotgandi. gazeta.uz »
Hukumat qarori bilan Xorazm viloyati sholi yetishtiruvchilariga texnika sotib olish va yerlarni tekislash uchun subsidiya beriladi. To‘lovlarni olish uchun arizalarni “Agrosubsidiya” tizimi orqali 2026-yil oxirigacha topshirish mumkin. gazeta.uz »
Sirdaryo viloyati prokurori katta yordamchisining mashinasidan 50 dona “Zardeks” kuchli ta’sir qiluvchi dori vositasi topildi. Tezkor tadbirda dorilarni unga sotgan 27 yoshli fuqaro ham qo‘lga olindi. gazeta.uz »
Samarqand viloyatining sobiq hokimi Erkinjon Turdimov Sirdaryo viloyati hokimi vazifasini bajaruvchi etib tayinlandi. gazeta.uz »
Toshkent viloyati va shahrida atmosferaga zarar yetkazayotgan 46 ta issiqxonaning faoliyati to‘xtatildi. Bundan tashqari, 426 ta issiqxona egalari chang-gaz tozalash uskunalarini o‘rnatish zarurligi, shuningdek, chiqindilardan yoqilg‘i sifatida foydalanish taqiqlangani haqida ogohlantirildi. gazeta.uz »
Farg‘ona viloyati hokimligi kapital qurilish sohasida buyurtmachi xizmati direktori vazifasida ishlagan Hakim Dolimov hokimning qurilish, to‘siqlarsiz muhit yaratish, kommunikatsiyalar, kommunal xo‘jalik, ekologiya va ko‘kalamzorlashtirish masalalari bo‘yicha o‘rinbosari lavozimiga tayinlandi. gazeta.uz »
