Yuzasidan - Ïîñëåäíèå íîâîñòè [ Ôîòî â íîâîñòÿõ ] | |
O‘zbekistonlik bloger Temurmalik Tojiddinzoda otasi ichki ishlar xodimlari tomonidan ruhiy shifoxonaga olib borilgach, uyiga qaytarilgandan so‘ng vafot etganini ma’lum qildi. Bosh prokuratura holat yuzasidan tekshiruv boshlanib, sud-tibbiy ekspertiza tayinlanganini bildirdi. gazeta.uz »
O‘zbekistondagi Beeline abonentlari tunda raqamlaridan (o‘zlariga bog‘liq bo‘lmagan holda) qo‘ng‘iroqlar bo‘lganidan shikoyat qildi. Kompaniyaning bildirishicha, servislardan birining texnik xususiyati sababli qo‘ng‘iroqlar bir necha soat kechikish bilan yetib borgan. Operator aloqada uzilishlar bo‘lmaganini ta’kidladi. gazeta.uz »
O‘zbekiston Xalq demokratik partiyasi deputati poytaxt yo‘llariga yangi panjaralar o‘rnatilgani yuzasidan Toshkent shahri hokimiga deputatlik so‘rovi yubordi. Unda, jumladan, panjaralarning piyodalar bilan bog‘liq yo‘l-transport hodisalarining oldini olishga xizmat qilishi qanday asoslangani so‘ralgan. gazeta.uz »
Toshkentda YHXB Ma’muriy amaliyot markazida jarimalar va ma’muriy qarorlardan shikoyatlarni qabul qiluvchi koll-markaz ishga tushdi. Fuqarolar telefon yoki Telegram orqali murojaat qilib, qarorlarni tekshirtirishi, savol va takliflarini yo‘llashi mumkin. gazeta.uz »
O‘zbekiston prezidenti Shavkat Mirziyoyev Islomobodda juma namozi paytida sodir etilgan terroristik hujum yuzasidan Pokiston rahbariyatiga ta’ziya yo‘lladi. Masjiddagi portlash oqibatida kamida 31 kishi halok bo‘ldi, yuzlab odamlar jarohat oldi. gazeta.uz »
Raqobat qo‘mitasi propan qimmatlashgani yuzasidan izoh berib, bu bozorda import mahsulot ulushi va narxining oshishi hisobiga yuzaga kelayotganini bildirdi. Qo‘mita ijtimoiy tarmoq faollarini ichki bozorda narxlar oshishiga sabab bo‘lishi mumkin bo‘lgan har qanday axborotlarni tarqatmaslikka chaqirdi. gazeta.uz »
Guliston shahridagi ovqatlanish shoxobchasida gaz balloni portlashida jabrlanganlarga yordam ko‘rsatish, hodisa sabablarini aniqlash hamda kelgusida bunday baxtsiz hodisalarni oldini olish maqsadida hukumat komissiyasi tuzildi. gazeta.uz »
Toshkentda 174 ta daraxt va butalar kesilishi yuzasidan Obodonlashtirish boshqarmasi mansabdorlari va boshqalarga jinoyat ishi qo‘zg‘atildi. Daraxtlar kesilishi jamoatchilik noroziligiga sabab bo‘lgan, hokimlik mas’ullarga nisbatan qat’iy choralar ko‘rilishini va’da qilgandi. gazeta.uz »
2024-yilda 271 mingdan ortiq nikoh qayd etilgan bo‘lsa, 45 mingta oila ajrashgan - bu ko‘rsatkichning 28 foizi 30 yoshgacha bo‘lganlar hissasiga to‘g‘ri keladi. Senatorlar oilaviy munosabatlarni mustahkamlash choralarini kuchaytirish zarurligini ta’kidladi va Oila qo‘mitasiga parlament so‘rovi yubordi. gazeta.uz »
Korrupsiyaga qarshi kurashish agentligi Davaktiv agentligiga UzPost`dagi davlat ulushini xususiylashtirishda qonunchilik talablariga, xususan, ochiqlik va shaffoflik tamoyillariga qat’iy rioya etilishini ta’minlash yuzasidan taqdimnoma kiritdi. gazeta.uz »
Raqobat qo‘mitasi tijorat banklari kredit karta amaliyotlarida asossiz komissiyalar undirilayotgani yuzasidan Markaziy bankka so‘rov yubordi. Unda foiz masalalarini qayta ko‘rib chiqish va asossiz olingan xizmat haqini iste’molchilarga qaytarish so‘ralgan. gazeta.uz »
Toshkent viloyatida bog‘cha tarbiyalanuvchilari zaharlanishi yuzasidan qo‘zg‘atilgan jinoyat ishi bo‘yicha bir nechta autsorsing kompaniyalari ustidan tergov harakatlari olib borilmoqda. Jinoyat ishi Bosh prokuratura tomonidan nazoratga olinib, bosh prokuror birinchi o‘rinbosari rahbarligida maxsus ishchi guruh tuzilgan. gazeta.uz »
Qonunchilik palatasidagi “Adolat” partiyasi fraksiyasi Toshkent viloyatida bolalarning ommaviy zaharlangani yuzasidan Bosh prokuraturaga deputatlik so‘rovi yubordi. Partiya hodisa sabablarini tekshirish va aybdorlarni javobgarlikka tortish zarurligini bildirdi. gazeta.uz »
Primore o‘lkasi Tergov qo‘mitasi Vladivostokda O‘zbekiston fuqarolari kaltaklangani va haqorat qilingani yuzasidan bezorilik bo‘yicha jinoyat ishi qo‘zg‘atdi. Holat bo‘yicha bir kishi qo‘lga olingan, ikki kishi qidirilmoqda. gazeta.uz »
O‘zbekiston Rossiya TIVga o‘zbekistonlik ekani aytilgan taksi haydovchisining haqoratlanishi ortidan nota yubordi. Tarqalgan videolarda erkak “Sen ruslarning qulisan, O‘zbekistonda hech narsa yo‘q, shuning uchun bizga kelgansan”, deya baqirgandi. gazeta.uz »
Tashqi ishlar vaziri Baxtiyor Saidov Afg‘onistonda sodir bo‘lgan halokatli zilzila munosabati bilan hamdardlik bildirdi. U O‘zbekiston tabiiy ofat oqibatlarini bartaraf etishda “har tomonlama yordam berishga” tayyorligini aytdi. gazeta.uz »
Senator Malika Qodirxonova Nurafshon va Zangiotadagi maktablarda tashqi devor va sport zali yetishmasligi bo‘yicha Toshkent viloyati hokimligiga senator so‘rovi yubordi. U joylardagi infratuzilma muammolari o‘quv jarayoniga to‘sqinlik qilayotganini qayd etdi. gazeta.uz »
Deputatlar chiqindi poligonlarini yopish va rekultivatsiya qilish, chiqindilarni saralashni joriy etish, elektromobillar akkumulyatorlarini utilizatsiya qilish loyihalarining kechikishi yuzasidan Ekologiya vazirligiga parlament so‘rovi yubordi. gazeta.uz »
O‘zbekiston elchixonasi Rossiya TIVga yaqinda Moskvadagi reyd chog‘ida kuch ishlatar tuzilmalar mehnat migrantlariga nisbatan qo‘pol muomala qilgani yuzasidan nota yubordi. “Bunday holatlar mamlakatlarimiz o‘rtasidagi do‘stona munosabatlarga aslo to‘g‘ri kelmaydi”, - ta’kidladi O‘zbekiston TIV. gazeta.uz »
Senat SSVga bolalarga tibbiy xizmat ko‘rsatish sifatini oshirish yuzasidan parlament so‘rovi yuboradi. Bunga bolalar shifoxonalarining sifatsiz jihozlangani, ularning neonatolog, ftiziopediatr va bolalar jarrohlari bilan ta’minlanmagani, aholining bepul vaksinatsiyadan yetarlicha xabardor emasligi sabab bo‘lgan. gazeta.uz »
Chilonzor tuman sudida Dunyo bo‘ylab telekanali jurnalisti Ramina Yagafarovaning o‘limi yuzasidan sud hukmi chiqarildi. Unga ko‘ra, Doctor Service klinikasi ikki shifokori marhuma o‘limida aybdor deb topildi va ularga nisbatan 4 yil muddatga ozodlikni cheklash jazosi tayinlandi. gazeta.uz »
Andijonning Izboskan tumanida masjid hududida portlash sodir bo‘lgani yuzasidan hukumat komissiyasi tuzildi, unga bosh vazir o‘rinbosari Achilbay Ramatov boshchilik qiladi. Hodisa oqibatida 3 kishi halok bo‘lgan, 10 kishi jarohatlangan. gazeta.uz »
Toshkentda “12” barida Boris Avakyanga og‘ir tan jarohati yetkazganlikda gumonlanayotgan Akmal Shukurov qidiruvga berildi. Jinoyat ishi og‘irroq modda bilan to‘ldirildi. U avval ham firibgarlik ishi bo‘yicha qidiruvda bo‘lgan. gazeta.uz »
O‘zbekiston prezidenti AQShning Vashington shahridagi aeroportda aviahalokat yuz berishi oqibatida bir necha o‘nlab insonlar halok bo‘lgani yuzasidan Donald Trampga ta’ziya yo‘lladi. gazeta.uz »
O‘zbekiston prezidenti Xitoy janubi-g‘arbidagi kuchli zilzila oqibatida yuzga yaqin inson halok bo‘lgani yuzasidan mamlakat raisi Si Szinpinga ta’ziya yo‘lladi. U qurbonlar oila a’zolariga hamdardlik bildirib, jabrlanganlar tezroq shifo topishini tiladi. gazeta.uz »
Surxondaryo viloyatida avtomaktablarga litsenziya berilmayapti. Avtodromlarga qo‘yilgan yangi talablar sabab nomzodlarni imtihonlardan o‘tkazish ishlari to‘xtatilgan. Shu munosabat bilan YHXXga senator so‘rovi yuborildi. gazeta.uz »
Shavkat Mirziyoyev telefon orqali muloqotda bir necha kun avval Rossiya QK generali Igor Kirillov o‘ldirib ketilgani yuzasidan Vladimir Putinga hamdardlik bildirdi va mamlakat “ushbu jirkanch terrorchilik harakatini keskin qoralashini” ta’kidladi. General o‘limida O‘zbekiston fuqarosi gumon qilinmoqda. gazeta.uz »
Toshkent viloyati Parkent tumanidagi xususiy hayvonot bog‘ida 3 ta sher qafasdan chiqib ketib, qorovulga tashlangan, oqibatda u tan jarohatlari olib, halok bo‘lgandi. Bosh prokuratura holat yuzasidan jinoyat ishi qo‘zg‘atilganini ma’lum qildi. gazeta.uz »
Senatning Sud-huquq masalalari va korrupsiyaga qarshi kurashish qo‘mitasi og‘ir surunkali kasallikka chalingan shaxslar subsidiya olishda muammolarga duch kelayotganini ma’lum qildi. Bu yuzasidan Sog‘liqni saqlash vazirligiga senator so‘rovi yuborildi. gazeta.uz »
10 oy davomida ombudsmanga ozodlikdan mahrum etish joylarida huquq-tartibot idoralari tomonidan turli tazyiqlar yuzasidan 158 ta shikoyat kelib tushgan. 14 ta shikoyat bo‘yicha tergovga qadar tekshiruv tayinlangan, 3 tasi bo‘yicha jinoyat ishlari qo‘zg‘atilgan va 10 nafar xodim intizomiy javobgarlikka tortilgan. gazeta.uz »
Istanbul prokuraturasi Turkiyaga 600 mln dollardan ortiq qalbaki dollarlar kirib kelgani haqidagi xabarlar yuzasidan tergov boshladi. O‘zbekistonning Istanbuldagi bosh konsulxonasi fuqarolarni dollarni faqat rasmiy banklar yoki litsenziyali valyuta ayirboshlash nuqtalaridan olishga chaqirdi. gazeta.uz »
Oliy sud vakili deputatlik saylovlarida Toshkent shahri va Samarqand viloyatida saylov qonunchiligi buzilishi yuzasidan ikkita ma’muriy ish ko‘rib chiqilganini ma’lum qildi. Bitta holatda fuqaro jarimaga tortilgan. gazeta.uz »
Samarqand viloyati Qo‘shrabot tumanida kvartiralardan birida gaz portlashi oqibatida bir oilaning 4 nafar a’zosi halok bo‘lgandi. Bosh prokuratura gaz ta’minoti bo‘limi mansabdorlariga nisbatan jinoyat ishi qo‘zg‘atilganini ma’lum qildi. gazeta.uz »
Toshkentda fuqaro shifokor tavsiyasisiz “Seftriakson” va “Lidokain” aralashmasidan ukol olgach, ahvoli yomonlashib, shifoxonaga yotqizildi. Farmxavfsizlik markaziga ko‘ra, bu dori sifati bilan bog‘liq emas. gazeta.uz »
O‘zbekistonda endilikda yo‘l harakati qoidalari buzilishi bilan bog‘liq chiqarilgan qaror va xabarnomalar bo‘yicha my.gov.uz portali orqali shikoyat yo‘llash mumkin. gazeta.uz »
Raqobat qo‘mitasi “O‘ztemiryo‘lyo‘lovchi” AJ Farg‘ona filiali vositachilik yig‘imi sabab yo‘lovchilardan 660 mln so‘mga yaqin ortiqcha mablag‘ undirganini, shu sababli jarima jazosi qo‘llanishini aytgandi. gazeta.uz »
Ma’naviyat va ma’rifat markazi o‘tkazgan boshlang‘ich summasi 1,4 mlrd so‘mlik tenderda qonun buzilishi alomatlari aniqlandi, deb xabar qildi Raqobat qo‘mitasi. Tashkilotga nisbatan ish qo‘zg‘atildi. gazeta.uz »
“Gazeta. uz”dagi maqoladan so‘ng Bosh prokuratura Chilonzor tuman prokuraturasining jurnalist Ramina Yagafarovaning o‘limi yuzasidan jinoyat ishi qo‘zg‘atishni rad etish haqidagi qarorini o‘rganishga kirishdi. gazeta.uz »
Toshkent viloyatida o‘zini 16 qavatli bino tomidan tashlab, halok bo‘lgan 19 yoshli qiz ishi bo‘yicha tergovga qadar tekshiruv ishlari boshlandi. Holat yuzasidan sud-tibbiy ekspertiza tayinlandi. gazeta.uz »
Toyloq tumanida 15 yoshli qiz o‘zi bilan yaqin munosabatda bo‘lgan 18 yoshli yigitdan farzand ko‘rdi. Holat yuzasidan 16 yoshga to‘lmagan shaxs bilan jinsiy aloqa qilish moddasi bo‘yicha jinoyat ishi qo‘zg‘atildi. gazeta.uz »
O‘zbekiston Tashqi ishlar vazirligi Braziliya va Xitoyda yuz bergan suv toshqinlari munosabati bilan hamdardlik yo‘lladi. 29-aprel kuni boshlangan yomg‘irlar sababli Braziliyada 29 kishi halok bo‘lgan, 60 kishi bedarak yo‘qolgan. Xitoyda esa yuz minglab aholi evakuatsiya qilingan. gazeta.uz »
Toshkent hokimligi Do‘stlik bog‘idagi daraxt va yashillikni saqlab qolishlari, attraksionlar o‘rnatilmasligi va bog‘ni rekonstruksiya qilish loyihasini jamoatchilikka taqdimot qilishlari lozim, deya ta’kidladi Ekologik partiya. gazeta.uz »
Toshkent viloyati Bekobod tumanida 28 yoshli ayol 5-qavatdan qulab vafot etgandi. U eri tomonidan muntazam zo‘ravonlikka uchragani aytilgan. Bosh prokuratura holat yuzasidan JKning “homilador ayolni o‘zini o‘zi o‘ldirishga undash” qismi bilan jinoyat ishi ochilganini ma’lum qildi. gazeta.uz »
Buxoroda 15 yoshli bola onasi unga doimiy tazyiq o‘tkazib kelishi, otasi esa aliment to‘lamagani sabab ozodlikdan mahrum qilinganini aytib, bolalar ombudsmanidan o‘zi va singlisini onasi qaramog‘iga bermaslik bo‘yicha amaliy yordam so‘radi. Holat o‘rganilgach, bolalarga buvisi vasiy etib belgilandi. gazeta.uz »
