Tibbiy - Ïîñëåäíèå íîâîñòè [ Ôîòî â íîâîñòÿõ ] | |
Salomatligi tufayli xavfsizlik kamarini taqishi mumkin bo‘lmagan fuqarolar uchun tibbiy ma’lumotnomani endi my. gov. uz orqali onlayn yuklab olish mumkin. Xizmat bepul ko‘rsatiladi va qo‘shimcha hujjat talab etilmaydi. gazeta.uz »
Deputatlar hududlarda dori vositalaridagi uzilishlar va davlat tibbiy sug‘urtasi tizimini to‘liq ishga tushirish muddatlari masalasini ko‘tardi. SSVga ko‘ra, sug‘urta modeliga o‘tish uzoq jarayon bo‘lib, islohotning maqsadi “mablag‘lar tibbiyot muassasasi emas, fuqarolar orqasidan yuradigan” tizim yaratishdir. gazeta.uz »
O‘zbekistonda tibbiyot sohasiga jalb etiladigan xorijlik shifokorlar uchun ijtimoiy soliq 1 foizga tushiriladi, shuningdek, tibbiyot tashkilotlari tomonidan olib kiriladigan tibbiy jihozlar, ehtiyot qismlar va maxsus avtotransport vositalari 2029-yil 1-iyunga import bojxona bojidan ozod etiladi. gazeta.uz »
Abituriyentlar, ishga kiruvchilar va boshqalar 086-shakldagi tibbiy ma’lumotnomani my.gov.uz orqali onlayn yuklab olishi mumkin. Biroq u portalda chiqishi uchun avval tegishli tibbiyot muassasasida shifokorlar ko‘rigidan o‘tgan bo‘lish shart. Xizmat bepul ko‘rsatiladi. gazeta.uz »
Namanganda hujjatsiz dori vositalari, Andijonda yashirin sexlar, Toshkentda esa noqonuniy tibbiy buyumlar saqlanayotgan xonadonlar aniqlandi. Ularning umumiy qiymati 4 milliard so‘mdan ortiqni tashkil etadi. gazeta.uz »
Ozodlikdan mahrum qilingan Alisher Tursunovning (Mubashshir Ahmad) advokati mahkumning ahvoli og‘ir ekani va shu holatda majburiy tarzda ishga chiqarilayotganini aytgandi. Ombudsman holatni o‘rgandi. gazeta.uz »
Gruziya hukumati 1-yanvardan mamlakatga kirish uchun tibbiy sug‘urta talab qila boshlaydi. Hujjat chet ellikka chegarani kesib o‘tgan paytdan boshlab Gruziyada bo‘lishning butun davri uchun berilishi kerak. gazeta.uz »
O‘zbekiston hukumati davlat va xususiy tibbiyot muassasalarida davlat budjeti mablag‘lari hisobidan tibbiy yordam ko‘rsatish qoidalarini tasdiqladi. 2026-yildan kuchga kiradigan hujjat QR kodli elektron yo‘llanmalar, kasalxonaga yotqizishning yangi qoidalari, tibbiy komissiyalar ishi va boshqalarni joriy etadi. gazeta.uz »
Prezident TDTUda sog‘liqni saqlashni raqamlashtirishga doir ishlar bilan tanishdi. Taqdimotda 36 mln aholining tibbiy ma’lumotlarini aks ettiruvchi DMED elektron axborot tizimi, “Online-shifokor” xizmati, “Raqamli sog‘liqni saqlash markazi” va “Elektron retsept” tizimi imkoniyatlari haqida ma’lumot berildi. gazeta.uz »
Hududlarga olib kelingan uskunalar to‘liq ishlatilmayapti, ayrimlarining qadog‘i hali ochilmagan, dedi prezident tibbiyot va farmatsevtika xodimlari bilan uchrashuvda. U bunday muassasalar mas’ullari xususiy klinikalardan apparatlarni samarali ishlatishni o‘rganishi kerakligini qayd etdi. gazeta.uz »
O‘zbekistonda aholiga ko‘rsatilayotgan tibbiy xizmatlarda xususiy sektorning ulushi 30 foizga yetdi. Xususan, oftalmologiya va operativ oftalmologiyaning 60 foizi, LOR va endoskopik LOR xizmatlarining 70 foizi hamda stomatologik tashxis va muolajalarning 91 foizi xususiy klinikalar tomonidan ko‘rsatilyapti. gazeta.uz »
Saudiya Haj vazirligi “Haj - 2026” mavsumida Nusuk platformasidan olingan tibbiy guvohnoma bo‘lsagina ziyoratchilarga haj vizasi berilishini ma’lum qildi. Tibbiy ko‘riklardan o‘tmasdan va tegishli guvohnoma olmasdan haj vizasini rasmiylashtirish imkoni yo‘q. Bu hojilar xavfsizligini ta’minlashga qaratilgan. gazeta.uz »
O‘zbekistonda nikohni rasmiylashtirishda tibbiy ma’lumotnoma taqdim etish talabi bekor qilinmoqda. Boshqa o‘zgarishlar qatorida YAIDXPdagi shaxsga doir ma’lumotlar ularning qog‘oz shakliga tenglashtirilishi va avtomototransport vositasi guvohnomasida mulkdorning manzilini ko‘rsatish talab etilmasligi ham bor. gazeta.uz »
Eronning Kapa Yurt Soon kompaniyasi Sherobod tumanidagi Xo‘jaikon tuz g‘orida eko va tibbiy turizm kompleksini quradi. 15 mln dollarlik loyiha doirasida tuzli vannalar, sog‘lomlashtirish markazlari va modulli mehmonxonalar, qolaversa, tuzni qazib olish, qayta ishlash va qadoqlash liniyasi tashkil etiladi. gazeta.uz »
Toshkentda tibbiyot chiqindilarini yoqish orqali issiqlik energiyasini ishlab chiqaruvchi mamlakatdagi ilk zavod ishga tushirildi. AQShning Sayar kompaniyasi tomonidan qurilgan zavod kuniga 20 soatda 6 tonnagacha chiqindi yoqish quvvatiga ega. gazeta.uz »
Samarqand shahridagi Kongress markazida Iordaniya podshohi Abdulla II ibn al-Husayn O‘zbekistonning tibbiy asbob-uskunalardan tortib, IT yechimlarigacha bo‘lgan eksportbop mahsulotlari ko‘rgazmasi bilan tanishdi. gazeta.uz »
O‘zbekistonda 2026-yildan boshlab dori vositalari va tibbiy jihozlarni ro‘yxatdan o‘tkazish 3 bosqichda amalga oshiriladi. Ularning muvofiqlik sertifikatini rasmiylashtirishda xalqaro talablar ko‘zda tutiladi. Shundan so‘ng 5 yillik guvohnoma beriladi. gazeta.uz »
O‘zbekistonga olib kelingan falastinliklar oilaviy poliklinikalarda hisobga qo‘yilib, tibbiy yordam olishida yo‘llanma ajratiladi. Ularning bandligini ta’minlash, zamonaviy kasblarni egallashiga ko‘maklashiladi. gazeta.uz »
DXX 72 ming dona tibbiy buyumni noqonuniy ravishda 111 million so‘mga sotishni reja qilgan shaxsni qo‘lga oldi. Ushbu shaxs, shuningdek, 867 quti sifatsiz dori vositalarini saqlab kelgani aniqlandi. gazeta.uz »
Ko‘pchilik kasallik belgilari paydo bo‘lmagunicha shifokorga murojaat qilmaydi, vaholanki, ko‘p kasalliklar odatda yashirin kechadi. Gazeta umumiy amaliyot shifokori Javohir Xolmuhamedov bilan muntazam tibbiy ko‘riklar zarurati, ularga qanday tayyorgarlik ko‘rish va qayerda o‘tkazish haqida suhbatlashdi. gazeta.uz »
Hisob palatasi turli davlat tibbiyot markazlarida bir xil xizmat narxida olti barobar farq borligini aniqladi, dedi Qonunchilik palatasi deputati. Sog‘liqni saqlash vazirligi tariflar bir xil holatga keltirilishini ma’lum qildi. gazeta.uz »
Senat SSVga bolalarga tibbiy xizmat ko‘rsatish sifatini oshirish yuzasidan parlament so‘rovi yuboradi. Bunga bolalar shifoxonalarining sifatsiz jihozlangani, ularning neonatolog, ftiziopediatr va bolalar jarrohlari bilan ta’minlanmagani, aholining bepul vaksinatsiyadan yetarlicha xabardor emasligi sabab bo‘lgan. gazeta.uz »
Senat ma’qullagan qonun bilan shaxsni tergov hibsxonasiga joylashtirishdan oldin uni tergov hibsxonasining o‘zida majburiy tibbiy ko‘rikdan o‘tkazish tartibi belgilanmoqda. Tibbiy ko‘rik shaxs tergov hibsxonasiga olib kelingan paytdan e’tiboran ikki soat ichida tibbiy xodim tomonidan o‘tkazilishi kerak. gazeta.uz »
Qo‘qon shahrida 10-sonli oilaviy poliklinikaga tegishli tez tibbiy yordam mashinasida o‘tin tashildi. RTTYM holat haydovchining o‘zboshimchaligi bilan sodir etilgani va u ishdan olinganini bildirdi. Poliklinika bosh shifokoriga hayfsan jazosi berildi. gazeta.uz »
Qonunchilik palatasi deputatlari jinoyat ishini yuritish chog‘ida shaxsni qiynoqqa solish holatlarining oldini olishga qaratilgan qonun loyihasini qabul qildi. Unga ko‘ra, shaxsni tergov hibsxonasiga joylashtirishdan oldin uni tergov hibsxonasining o‘zida majburiy tibbiy ko‘rikdan o‘tkazish tartibi belgilanmoqda. gazeta.uz »
Yaponiya hukumati O‘zbekistondagi shifoxonalar uchun tibbiy uskunalar to‘plamini xarid qilish bo‘yicha 215 ming dollarlik grantlar ajratdi. Jihozlar bolalar onkologiya markazi, perinatal markaz va shoshilinch tibbiy yordam markazining Buxoro filiali uchun olinadi. gazeta.uz »
Ilyas Nurimbetov Respublika tez tibbiy yordam markazi Qoraqalpog‘iston filiali direktori etib tayinlandi. U tayinlovga qadar SSV Tibbiy xizmatlar sifatini nazorat qilish boshqarmasi Qoraqalpog‘iston bo‘limi boshlig‘i lavozimida ishlab kelayotgan edi. gazeta.uz »
Farg‘onada enaga zinadan yiqilib tushgan ikki yoshli qaramog‘idagi qizchani kasalxonaga olib bormadi. Bola og‘ir jarohat olgan. Xavf ostida qoldirish holati bo‘yicha jinoyat ishi qo‘zg‘atilib, holat Bolalar ombudsmani tomonidan nazoratga olingan. gazeta.uz »
1-oktabrdan Toshkent shahri va Sirdaryo viloyatida davlat tibbiy sug‘urtasi tizimi joriy etildi. Bu tibbiyot xodimlari va aholi uchun nimani o‘zgartirishi haqida “Gazeta.uz” “Sog‘liqni saqlash loyihalari markazi” loyiha ofisi direktori Eldor Adilov bilan suhbatlashdi. gazeta.uz »
O‘zbekistonda Tibbiy xizmatlar mehmondo‘stligi dasturi amalga oshiriladi. “Avitsenna” nomi ostida tibbiy va sog‘lomlashtirish turizmi brendi ishlab chiqiladi. Davlat tili va xorijiy tillarda tibbiyot hamda sog‘lomlashtirish muassasalarining yagona reyestri shakllantiriladi. gazeta.uz »
Shavkat Mirziyoyevning davlat tibbiy sug‘urtasi mexanizmlarini joriy etish to‘g‘risidagi qarori qabul qilindi. Tizim 1-oktabrdan boshlab Toshkent shahri va Sirdaryo viloyatida, 2025-yil 1-yanvardan Qoraqalpog‘iston Respublikasida joriy etish rejalashtirilayotgandi. gazeta.uz »
Davlat tibbiy sug‘urtasi tizimini 2024-yil 1-oktabrdan boshlab Toshkent shahri va Sirdaryo viloyatida, 2025-yil 1-yanvardan Qoraqalpog‘iston Respublikasida joriy etish taklif etilmoqda. Boshqa hududlarda esa 2026-yil yakuniga qadar yo‘lga qo‘yish rejalashtirilgan. gazeta.uz »
Namangan viloyatida tez tibbiy yordam feldsheri uyida yashirin sex ochib, “Zodak”, “Anaferon” va “Vitamin V6” dorilarini sotish uchun tayyorlab qo‘ygani ma’lum bo‘ldi. DXX feldsherni kerakli buyumlar bilan ta’minlagan boshqa shaxsni ham qo‘lga oldi. Ular 5,5 yil muddatga ozodlikdan mahrum qilindi. gazeta.uz »
Prezident Respublika shoshilinch tibbiy yordam ilmiy markazining Qoraqalpog‘iston filialida bo‘ldi. Bu mustaqillik yillarida Qoraqalpog‘istonda “noldan” qurilgan birinchi ko‘p tarmoqli shifoxona, deb ta’kidladi davlat rahbari matbuot xizmati. gazeta.uz »
2017-yilda joriy etilgan tibbiy texnika va retseptsiz beriladigan dorilarga nisbatan narx cheklovi bekor qilinadi. Hozir cheklangan ustama distribyutorlarga 15%, dorixonalarga 20% ni tashkil etadi, u faqat retsept bo‘yicha beriladigan dorilar uchun qoladi. Shuningdek, farmkorxonalar QQS to‘lovchiga aylanadi. gazeta.uz »
Yaponiya O‘zbekistonga qiymati 6 mln dollardan ortiq bo‘lgan yana to‘rtta tibbiy mobil konteyner yetkazib beradi. Ular kompyuter tomografiyasi, ultratovush, rentgen va boshqa uskunalar uchun skanerlar bilan jihozlangan va mamlakatning istalgan nuqtasiga joylashtirish mumkin. gazeta.uz »
Toshkent viloyatida bemor kasalliklar tarixi haqida so‘ragan tez tibbiy yordam shifokorining yuziga musht tushirdi. Jabrlanuvchida bosh miya yopiq jarohati, miya chayqalishi va o‘ng tomon pastki lab sohasi jarohati aniqlangan. gazeta.uz »
O‘zbekiston shifoxonalarida o‘tgan yili 60 mingdan ziyod xorijlik davolangan. Prezident ko‘rsatkichni oshirish uchun “Tibbiy xizmatlar mehmondo‘stligi” dasturi boshlanishini e’lon qildi. Endi xususiy klinikalarning xalqaro standart olish xarajatlari qoplanadi, ularda davolangan chet elliklar uchun QQS qaytariladi. gazeta.uz »
Prezident Sog‘liqni saqlash loyihalari markazi faoliyatiga doir yig‘ilishda dorilar xaridini tartibga solish, tez tibbiy yordam tizimini takomillashtirish, sohani raqamlashtirish bo‘yicha ko‘rsatmalar berdi. gazeta.uz »
