Narxlari - Ïîñëåäíèå íîâîñòè [ Ôîòî â íîâîñòÿõ ] | |
May oyida Toshkentda uy-joy ijarasi o‘rtacha 550 dollar bo‘ldi. Yil davomida ushbu ko‘rsatkich 10 foizga oshdi. E’lonlar soni bir oy ichida qariyb 21 foizga qisqardi. Poytaxtda bir xonali xonadonlar ijarasi yil davomida 14,3 foizga qimmatladi, to‘rt va undan ortiq xonali kvartiralar esa 20 foizga arzonladi. gazeta.uz »
Aprelda aholi va tadbirkorlarning yillik inflyatsion kutilmalari mos ravishda 10,6% va 10,3% gacha pasaydi. Kommunal xizmatlar va yoqilg‘i-energiya qimmatlashishidan xavotirlar ketma-ket ikkinchi oy ortdi. gazeta.uz »
Energetika vazirligi bosh mutaxassisi Nasibullo Muhammadjonov O‘zbekistonda elektr energiyasi va gaz tariflari yuqori ekani haqidagi fikrlarni noto‘g‘ri deb hisoblashini aytdi. U O‘zbekistondagi energiya narxlari dunyoning eng arzon narx belgilangan 20 ta mamlakati qatoriga kirishini ma’lum qildi. gazeta.uz »
Yanvarda O‘zbekistonda ikkilamchi uy-joy o‘rtacha narxlari nisbatan mo‘’tadil saqlanib, 0,9% ga o‘sdi, yillik hisobda o‘sish 8% ga yetdi. Toshkentda ikkilamchi uy-joy narxlari 0,6% gacha sekinlashdi, ayni paytda yillik hisobda o‘sish 2% gacha tezlashdi. gazeta.uz »
Jahonda oltin narxlari o‘sishi nafaqat O‘zbekiston budjeti daromad bazasini mustahkamlayapti, balki davlat xarajatlari ortishi xavfini ham yaratyapti, dedi senator. Iqtisodiyot vazirligiga ko‘ra, qimmatbaho metall narxi rekord darajada oshganiga qaramay, hukumat budjeti konservativ ssenariylarga asoslangan. gazeta.uz »
So‘nggi bir yilda O‘zbekistonda propan narxi 48% ga oshdi, 2026-yil boshida o‘sish yanada tezlashdi. Hukumat buni import gaz ulushining ortishi (20% dan 90% gacha) va mahalliy gazning aholi ehtiyojlariga yo‘naltirilishi bilan izohladi. gazeta.uz »
Xalq demokratik partiyasi Toshkentdagi pulli to‘xtash joylari narxlarini qayta ko‘rib chiqilishini ta’kidladi. Partiya qayd etishicha, tariflar iqtisodiy asoslanishi va mablag‘lar qayerga tushayotgani, ularning qanday sarflanishi haqida ma’lumotlar ochiqlanishi kerak. gazeta.uz »
ITIM tahliliga ko‘ra, oktabrda ikkilamchi uy-joy bozoridagi narxlar dinamikasi biroz tezlashdi. Bir oy ichida 1 kv metr uchun o‘rtacha narx 2,4 foizga oshdi, sentabrda bu ko‘rsatkich 0,6 foiz bo‘lgan edi. gazeta.uz »
Raqobat qo‘mitasi mobil aloqa tariflari ko‘tarilgani sabablarini o‘rganishga kirishdi. Noyabr oyida operatorlarga narxlar oshgani asoslari bo‘yicha so‘rovlar yuborildi. Operatorlarning kelishilgan harakatlari alomatlari aniqlansa, antimonopol organ tekshiruv o‘tkazish niyatida. gazeta.uz »
To‘qqiz oy yakunlariga ko‘ra, O‘zbekiston ko‘chmas mulk bozoridagi bitimlar soni 11 foizga oshib, 274 mingtaga yetdi, deya xabar berdi Markaziy bank. Ikkilamchi uy-joy narxlarining o‘sishi milliy valyutaning mustahkamlanishi fonida so‘mda 1,7 foizni, dollarda esa 5 foizni tashkil etdi. gazeta.uz »
Oktabrda aholi va tadbirkorlik subyektlarining inflyatsion kutilmalari o‘tgan oyga nisbatan pasayib, mos ravishda 11,7 va 11,1 foizni tashkil etdi. Kommunal xizmatlar va yoqilg‘i-energiya narxlari oshishi asosiy xavotirligicha qolmoqda. gazeta.uz »
Sentabrda O‘zbekistonda uy-joy oldi-sotdisi yillik hisobda 13,7% ga, to‘qqiz oyda o‘tgan yilning mos davriga nisbatan 11,5% ga o‘sdi. Ikkilamchi uy-joy narxi o‘tgan yilning sentabriga nisbatan 4,6% ga oshdi. gazeta.uz »
MB tahlillariga ko‘ra, avgustda umumiy inflyatsiya darajasi yillik 8,8 foizni tashkil etdi. Inflyatsiya o‘sishida energiya narxlari oshishi asosiy rolni o‘ynamoqda. Meva-sabzavotlar inflyatsiyasi o‘sishi umumiy inflyatsiya pasayishiga to‘sqinlik qilmoqda. gazeta.uz »
2025-yil birinchi yarmi yakunlari bo‘yicha MB Toshkentda ikkilamchi uy-joy, ijara va yer uchastkalari narxlari pasayishi davom etayotganini qayd etdi. Ikkilamchi uy-joy narxi 1 kv m uchun 15,4 mln so‘mdan 14,9 mln so‘mga tushdi. gazeta.uz »
O‘zbekistonda IMEI kodlarini ro‘yxatdan o‘tkazish narxi sezilarli darajada oshganiga doir xabarlar haqiqatga to‘g‘ri kelmaydi; rasmiy to‘lov - hali ham 20% BHM (75 ming so‘m). Bojxona qo‘mitasi tushuntirdi: yuzlab dollar miqdoridagi summalar deklaratsiya qilinmagan telefonlar uchun 30% bojxona to‘loviga taalluqli. gazeta.uz »
Hisob palatasi turli davlat tibbiyot markazlarida bir xil xizmat narxida olti barobar farq borligini aniqladi, dedi Qonunchilik palatasi deputati. Sog‘liqni saqlash vazirligi tariflar bir xil holatga keltirilishini ma’lum qildi. gazeta.uz »
O‘zbekistonda 3000 turdagi dori vositasi narxi qayta ko‘rib chiqilib, 490 tasida narx pasaytirilishi nazarda tutilgan, dedi Farmagentlik rahbari. Uning so‘zlariga ko‘ra, bu jarayon referent davlatlar misolida amalga oshirilmoqda. gazeta.uz »
O‘zbekistonda ko‘chmas mulk narxlari pasayishni boshladi. 2024-yilda uy-joy narxining o‘sishi aholi ish haqi dinamikasiga deyarli tenglashdi, bozor va “adolatli” narxlar o‘rtasidagi tafovut qisqardi. gazeta.uz »
Samarqand viloyatida 1-apreldan ichimlik va oqova suv narxlari oshiriladi. Bunda aholi uchun bir metr kub ichimlik suvi narxi 2800 so‘mni, yuridik tashkilotlar uchun esa 6700 so‘mni tashkil etadi. gazeta.uz »
Yanvar oyida shakar va o‘simlik moyi narxlarining keskin pasayishi tufayli oziq-ovqat tovarlarining jahon narxi tushdi, deb xabar berdi FAO. Jumladan, oylik hisobda shakar (6,8%), o‘simlik moyi (5,6%), go‘sht (1,7%) kabilarning narxi arzonlagan. Sut va boshoqli mahsulotlar narxi esa oshgan. gazeta.uz »
Toshkentdagi bozorlarda kunlik bir martalik yig‘imlar va ijara to‘lovlari (patta) narxlari oshishi kutilmoqda. Bu borada hokimlik qarori loyihasi e’lon qildi. Savdoning qator turlaridagi patta narxini 29 foizgacha oshirish ko‘zda tutilmoqda. gazeta.uz »
Surxondaryo viloyatining barcha shahar va tumanlari hamda Toshkent viloyatining aksariyat tumanlarida maishiy chiqindilarni olib chiqish uchun tariflar oshirildi. gazeta.uz »
“O‘ztemiryo‘lovchi” kompaniyasi bo‘lim boshlig‘i Fozilbek Masharipov “Afrosiyob” chipta narxlarining qimmatligiga e’tiroz bildirayotgan odamlarga arzon poyezdlardan foydalanishni tavsiya qildi. “Baland narxli poyezdlarimizdan norozi bo‘lishsa, marhamat, bizda oddiy poyezdlarimiz ham o‘sha joyga boradi”, - dedi u. gazeta.uz »
MHTI mutaxassislari 2024-yilning noyabr oyida Toshkent shahrida uy-joylar uchun o‘rtacha ijara narxlarini tahlil qildi. Mazkur davrda o‘rtacha ta’mirlangan xonadonlar narxlari oktabr oyiga nisbatan biroz pasaydi. gazeta.uz »
Tabiiy gazdan foydalanadigan idoraviy va munitsipal uy-joy fondidagi, yuridik shaxslar yotoqxonalaridagi, ko‘p kvartirali uylarni boshqarish organlaridagi lokal qozonxonalarga yetkazib beriladigan tabiiy gaz narxi pasaytirildi. gazeta.uz »
Oktabrda ikkilamchi bozorda Chevrolet Lacetti, Damas va Labo avtomobillarining narxi pasayishda davom etdi, deyiladi MHTI sharhida. Spark`ning o‘rtacha narxi biroz oshdi, Cobalt va Nexia`niki esa deyarli o‘zgarmadi. gazeta.uz »
Iqtisodiyot va moliya vazirligi hamda Soliq qo‘mitasi qarori bilan vino, konyak, aroq va boshqa alkogol mahsulotlarining minimal sotish narxlari belgilandi. gazeta.uz »
Avgustda O‘zbekiston aholisiga sezilgan inflyatsiya 13,6 foizgacha o‘sdi, deb xabar berdi MB. Go‘sht va sut, benzin, metan va propan, neft narxlari keskin oshganini aytgan respondentlarning ulushi sezilarli darajada ortdi. gazeta.uz »
Avgust oyida Toshkent shahrida uy-joy ijarasi narxi o‘rtacha ta’mirlangan xonadonlar uchun 1,9 foizga, to‘liq ta’mirlanganlari uchun esa 0,3 foizga oshdi, deya xabar berdi MHTI. Narxlarning ko‘tarilishiga universitetlarda yangi o‘quv yili boshlanishi bo‘yicha kutilmalar asosiy sabab bo‘ldi. gazeta.uz »
Toshkent-Samarqand pulli yo‘lini qurish ishlari 2024-yilda boshlanadi. Toshkent-Andijon pulli yo‘lini qurish esa 2026-yilda boshlash rejalashtirilgan. gazeta.uz »
EastFruit portali tahlilchilari sabzavot va mevalar eksportiga minimal narxlar joriy etilishi O‘zbekiston eksportiga zarar yetkazadi, deb hisoblamoqda. SSP rahbari buni tadbirkorlar eksport narxlarini pasaytirish orqali daromadlarini yashirishga urinayotgani bilan izohlagandi. gazeta.uz »
O‘zbekiston aholisining yillik inflyatsion kutilmasi kommunal xizmatlar narxlari ko‘tarilishidan so‘ng keskin oshdi, deyiladi Markaziy bankning martda o‘tkazgan so‘rovi natijasida. Korxonalar ham bu omilni qayd etgan, ammo ular valyuta kursi o‘zgarishining inflyatsiyaga ta’siridan ko‘proq tashvishlanmoqda. gazeta.uz »
Birinchi chorakda ikkilamchi uy-joy narxlari o‘sishi sekinlashdi, lekin birlamchi bozorda yuqori o‘sish sur’atlari saqlanib qoldi, deya xabar berdi Markaziy bank. Mamlakat bo‘ylab ijara narxi (dollarda) biroz oshdi (+1,4 foiz), Toshkentda esa 9,2 foizga pasaydi. Poytaxtda yer narxi sotixiga 364 mln so‘mga yetdi. gazeta.uz »
Makroiqtisodiy va hududiy tadqiqotlar institutiga ko‘ra, Toshkent shahrida ijara narxlari pasayishda davom etmoqda. Mart oyida o‘rtacha ta’mirlangan xonadonlar ijara narxida fevralga nisbatan 0,61 foiz, to‘liq ta’mirlangan uy-joylar ijara narxida esa 0,76 foiz tushish kuzatildi. gazeta.uz »
Fevral oyida sezilgan inflyatsiya darajasi 12,7 foizga tushdi. Gaz tanqisligi tufayli metan “zapravka"lar yopilishi fonida MB o‘tkazgan so‘rovnomada benzin narxi va yo‘lkira xarajatlari keskin oshganini ta’kidlagan respondentlar ulushi ortdi. gazeta.uz »
