àââàë - Ïîñëåäíèå íîâîñòè [ Ôîòî â íîâîñòÿõ ] | |
Toshkentda BYD Han avtomashinasini hujjatlarsiz boshqargan haydovchi YPX inspektorining to‘xtash talabini bajarmasdan uni urib yuborgan. Inspektor og‘ir jarohat olgan. Sud haydovchini aybli deb topib, unga 6 yilga ozodlikdan mahrum qilish jazosini tayinladi. gazeta.uz »
Iqtisodiyot va moliya vazirligi budjetga trillionlab so‘mlik tuzatishlar parlamentga yil oxirida, mablag‘lar sarflab bo‘linganidan keyin kiritilishini “budjet jarayoni xususiyatlari” va moliyalashtirish manbalarini aniqlash zarurati bilan izohladi. gazeta.uz »
O‘zbekistonda ishga tushgan elektron retsept tizimi odamlar dorilarni bemalol sotib olishga odatlangani uchun norozilik keltirib chiqardi. SSV va Farmagentlik tizimning maqsadi va ishlashi, qaysi dorilar retsept bo‘yicha qabul qilinishi va shoshilinch vaziyatda nima qilish kerakligi haqidagi savollarga javob berdi. gazeta.uz »
Tunda Toshkentning Mirobod tumanida avtobus tartibga solinmagan “peshexod”dan o‘tayotgan ayolni urib yubordi. U zarba kuchidan qarama-qarshi yo‘nalishga yiqildi va Haval mashinasiga urildi. Jabrlanuvchi voqea joyida vafot etdi, jinoyat ishi qo‘zg‘atildi. gazeta.uz »
Tunda Toshkentning Mirobod tumanida avtobus tartibga solinmagan “peshexod”dan o‘tayotgan piyodani urib yubordi. U zarba kuchidan qarama-qarshi yo‘nalishga yiqildi va Haval mashinasiga urildi. Jabrlanuvchi voqea joyida vafot etdi, jinoyat ishi qo‘zg‘atildi. gazeta.uz »
Surxondaryo viloyatida fuqaro 6 yil avval taqiqlangan materialga “layk” bosgani uchun 3 yilga ozodlikdan mahrum qilindi. U 2019-yilda “Odnoklassniki.ru” saytida Abdug‘ani Umarov (Abdulloh domla)ning aqidaparastlik g‘oyalari bor deb topilgan ma’ruzasiga “klass” bosish orqali virtual do‘stlariga tarqatgan. gazeta.uz »
3 yil avval Toshkent hayvonot bog‘ida farzandini ayiq qafasiga tashlab yuborgan ayol uni pichoqlab o‘ldirdi. Ayol 2-avgust kuni ruhiy asab kasalliklari shifoxonasida davolanib chiqqan. Mahalla vakili ma’lum qilishicha, ayolning holati yaxshi bo‘lgan. gazeta.uz »
Kiyevda turar joy binosi vayronalari ostidan yana 11 kishining jasadi topildi. Rossiyaning 31-iyulga o‘tar kechasi berilgan zarbasi tufayli pod’ezd vayron bo‘lgan. Hujum oqibatida jami 28 kishi, jumladan, uch bola halok bo‘ldi. gazeta.uz »
O‘zbekistonda qamoqqa olingan shaxsni tergov hibsxonasiga joylashtirishdan oldin uni tergov hibsxonasining o‘zida majburiy tibbiy ko‘rikdan o‘tkazish tartibi joriy etildi. Jarohat, shikastlanish va yaralar aniqlanganda, bu haqda qamoqqa olinganga ma’lum qilinadi va zudlik bilan prokurorga xabar beriladi. gazeta.uz »
“Agrobank”da korrupsiya alomatlari kuzatilayotgani haqida bir yil avval e’lon qilingan material uchun Uzdiplomat.uz nashri va jurnalist Nodir Norto‘rayevga chora ko‘rildi. Ular bankning ishchanlik obro‘siga putur yetkazuvchi ma’lumotlar tarqatishda aybdor deb topildi. Nashrga raddiya chiqarish majburiyati yuklandi. gazeta.uz »
Savdo-sanoat palatasi “Oziqovqatsanoat” uyushmasini tiklash taklifi bilan chiqdi. Bu tashkilot olti yil avval prezident tomonidan tugatilgan edi. Moliyachining ogohlantirishicha, agar uyushma tuzilsa, u ma’muriy resurslar oladi va “klassik vazirlik”ka aylanadi. gazeta.uz »
Qonunchilik palatasi deputatlari jinoyat ishini yuritish chog‘ida shaxsni qiynoqqa solish holatlarining oldini olishga qaratilgan qonun loyihasini qabul qildi. Unga ko‘ra, shaxsni tergov hibsxonasiga joylashtirishdan oldin uni tergov hibsxonasining o‘zida majburiy tibbiy ko‘rikdan o‘tkazish tartibi belgilanmoqda. gazeta.uz »
Sirdaryo viloyatida 13 yil avval jinoyat sodir etganlikda aybdor deb topilgan sobiq IIB xodimi kassatsiya instansiya sudida oqlandi. Sudlanuvchi o‘sha vaqtda 3 yilga axloq tuzatish ishlariga hukm qilingan, jazo o‘tab bo‘lingandan so‘ng, sudlanganligi vaji bilan ishga olinmagan. gazeta.uz »
Toshkent metropolitenining “Milliy bog‘” bekatida ikkinchi vestibyulni ochish ishlari boshlandi. Avvalroq metropoliten hukumat beshta stansiyaning bir necha o‘n yillar oldin foydalanishga topshirilgan paytda qurilishi tugallanmay qolgan ikkinchi chiqish yo‘llarini ochishga ruxsat berganini ma’lum qilgandi. gazeta.uz »
“Ovrupo va Amriqoga o‘quvchilar yuborishimiz lozim”, “Xalqimizni qanday bo‘lsa ham yorug‘liqqa chiqorish niyatidaman”, “Turkiston butunlik istaydi”. Bu - 1922-yilda Germaniyaga o‘qishga ketgan turkistonliklarning xatlaridan iqtiboslar. gazeta.uz »
O‘zbekiston OTJ bosh murabbiyi Timur Kapadze Misr bilan bo‘lib o‘tadigan o‘yindan avval fikrlarini bildirib o‘tdi. U bo‘lajak raqibning kuchli tomonlari hamda imkoniyatlarini yaxshi bilishlarini va oldingi o‘yindan kerakli xulosalar chiqarilganini ta’kidladi. gazeta.uz »
1992-yilda qabul qilingan “Toshkent aeroportini ko‘chirish haqida”gi hukumat qarori 1-sentabrda o‘z kuchini yo‘qotadi. Bu Vazirlar Mahkamasi tomonidan bekor qilinayotgan 493 ta qarordan birida nazarda tutilgan. gazeta.uz »
