òàêëèô - Ïîñëåäíèå íîâîñòè [ Ôîòî â íîâîñòÿõ ] | |
Migratsiya agentligi Slovakiyada kara (pogruzchik) haydovchilari uchun 70 ta bo‘sh ish o‘rniga tanlov boshlanganini ma’lum qildi. Nomzodlarga oyiga 1000 yevro maosh taklif etilmoqda. Ish beruvchi turar joy va tibbiy sug‘urta xarajatlarini qoplaydi, viza va aviachipta xarajatlari esa keyinchalik kompensatsiya qilinadi. gazeta.uz »
Prezidentga logistikani rivojlantirish bo‘yicha takliflar taqdim etildi. Xonabodni “Xitoy yo‘li darvozasi”, Olotni “O‘rta yo‘lak darvozasi”, Termizni esa “Transafg‘on yo‘li darvozasi” sifatida ixtisoslashtirish taklif qilinmoqda. gazeta.uz »
Migratsiya agentligi Latviyaning Sia Kreiss kompaniyasi bilan hamkorlikda o‘zbekistonlik SE toifali yuk mashinasi haydovchilari uchun 500 ta bo‘sh ish o‘rni e’lon qildi. Nomzodlarga 2800 yevrogacha maosh va xarajatlarni qoplab berish va’da qilinmoqda. gazeta.uz »
O‘zbekistonda tadbirkorlarning MFY binolarini DXSH asosida qurishi taklif qilindi. Binolarning bir qismiga mahalla “yettiligi”ni bepul joylashtirish, qolganidan kichik sexlar va servis obyektlari sifatida foydalanish rejalashtirilmoqda. gazeta.uz »
Xorijiy investorlar kengashida xalqaro kompaniyalar vakillari investitsiya muhitini yaxshilash bo‘yicha takliflar berdi. Bular muqobil investitsiya jamg‘armalari to‘g‘risidagi qonun, qayta tiklanuvchi energiya loyihalari uchun tartibni soddalashtirish, DXSh loyihalar uchun soliq rejimi va boshqalar. gazeta.uz »
Xorijiy investorlar kengashi yig‘ilishida prezident maxsus iqtisodiy zonalar to‘g‘risidagi qonunning qabul qilinishini tezlashtirishni topshirdi. IFC direktori Liza Kestner O‘zbekiston yangi avlod MIZlarini yarata olishini ta’kidlab, Toshkent yaqinida va Sirdaryoda ikkita istiqbolli maydon taklif etdi. gazeta.uz »
O‘zbekiston prezidenti huzuridagi Xorijiy investorlar kengashi 120 ta yangi taklif va tashabbusni tayyorladi, dedi Shavkat Mirziyoyev. Ular investitsiya muhitini yaxshilash, soliq va bank-moliya tizimi, kadastr, energetika, korporativ boshqaruv, SI va raqamli iqtisodiyot masalalarini qamrab oladi. gazeta.uz »
O‘zbekistonda ayrim qo‘pol yo‘l harakati qoidabuzarliklari uchun avtomobilni vaqtincha olib qo‘yish, ayrim hollarda esa musodara qilish choralarini joriy etish taklif qilindi. Shuningdek, voyaga yetmaganlarga transportni boshqarishga ruxsat berganlik uchun jinoiy javobgarlik belgilanishi mumkin. gazeta.uz »
O‘zbekistonda noqonuniy va ruxsatsiz qurilishlar uchun moliyaviy sanksiyalarni kuchaytirish taklif qilindi. 2025-yilda 1952 ta noqonuniy qurilish aniqlangan. Prezidentga bosh rejalar bilan ishlashning yangi tizimi, shaharsozlik hujjatlarining yagona elektron reyestrini yaratish bo‘yicha takliflar ham taqdim etildi. gazeta.uz »
O‘zbekistonlik farmatsevtika sohasi xodimlari Qatarga ishga taklif etilmoqda. Ish beruvchi viza, aviachipta, turar joy va ichki transport xarajatlarini zimmasiga olishi kerak. Oylik daromad 2000 dollargacha bo‘lishi kutilmoqda. gazeta.uz »
Deputatlar 13 ta normativ-huquqiy hujjatdagi chet tildan kelgan 7 ta so‘zni o‘zbekchasiga almashtirishni muhokama qilmoqda. Deputat Narimon Umarov “svetofor” va “parol” so‘zlari nega o‘zgartirilayotganini so‘radi. gazeta.uz »
O‘zbekiston fuqarolari dunyodagi yirik dengiz boshqaruv kompaniyalaridan biri bo‘lgan V.Ships Global Recruitment kompaniyasining kruiz kemalariga ishga taklif qilinmoqda. Qabul qilinganlar 1650 dollargacha maosh va AQSh ishchi vizasini olishi mumkin. gazeta.uz »
Qozog‘iston parlamenti korrupsiyaga qarshi yangi qonunlarni ma’qulladi. Unga ko‘ra, pora olish va berishdan tashqari, uni va’da qilish yoki taklif etishning o‘zi ham jinoiy javobgarlikka sabab bo‘ladi. gazeta.uz »
Qozog‘istonnda Turkiy davlatlar tashkilotining norasmiy sammiti bo‘lib o‘tdi. Unda Shavkat Mirziyoyev sun’iy intellekt sohasida strategik hamkorlik tarmog‘ini shakllantirish, “Raqamli turkiy koridor konsepsiyasi”ni ishlab chiqish va kiberxavfsizlik bo‘yicha Turkiy alyans tuzishni taklif qildi. gazeta.uz »
Migratsiya agentligi oliy ma’lumotli hamshiralarni Italiyaga ishga taklif qilmoqda. 45 yoshgacha bo‘lgan nomzodlar 7 oylik bepul onlayn italyan tili kursini o‘taydi. Kursni tugatganlar Milandagi klinikalarga oyiga 1800 yevro maosh bilan ishga joylashtiriladi. gazeta.uz »
Globogate dasturi doirasida 800 nafar o‘rta tibbiyot xodimi Germaniya klinikalariga ishga taklif etilmoqda. Dastur bepul bo‘lib, 10 oylik o‘qishdan so‘ng ishga joylashish imkoni beriladi. Maosh 1900 yevrodan boshlanib, keyin 2500 yevrogacha oshadi. Qabul ikki bosqichli tanlov asosida amalga oshiriladi. gazeta.uz »
Germaniyaning Premium Food Group tashkiloti qassoblik sohasida ishlash uchun 300 nafar O‘zbekiston fuqarosini ishga taklif qilmoqda. Nomzodlardan xalqaro til sertifikati talab etilmaydi, biroq ular maxsus tayyorlov kurslarida ishtirok etishlari lozim. Ish haqi taxminan 1700 yevroni tashkil qiladi. gazeta.uz »
O‘zbekistonda nikohni bekor qilishda yarashish muddatini 1 yilgacha uzaytirish taklif qilinmoqda. Voyaga yetmagan farzandlari yo‘q oilalar ajrimini sudsiz, FHDYOda qayd etishi uchun ular kamida 1 yil nikohda bo‘lgan bo‘lishi talabi qo‘shilmoqda. Alimentning eng kam miqdorini oshirish ham reja qilingan. gazeta.uz »
AQSh prezidenti Donald Tramp O‘zbekiston prezidenti Shavkat Mirziyoyevni Tinchlik kengashining navbatdagi yig‘ilishi va Mayamida o‘tadigan G20 sammitiga taklif etdi. gazeta.uz »
Energoresurslar defitsiti va gaz ta’minotidagi cheklovlar sharoitida Markaziy bank hukumat bilan birgalikda qator takliflar tayyorladi. Muhokamadagi choralar - energoresurslar taklifini ko‘paytirish, tariflarni va davlat regulyatsiyasidagi narxlarni oshirishga bo‘lgan yondashuvlarni o‘zgartirish. gazeta.uz »
Bloomberg Trampning G‘azo bo‘yicha Tinchlik kengashiga a’zolik taklifini olgan davlatlar ro‘yxatini e’lon qildi. Unda 49 ta davlat (jumladan, O‘zbekiston) va Yevropa komissiyasi ko‘rsatib o‘tilgan. Bu ro‘yxatdan joy olmagan Xitoy ham taklifni qabul qilganini tasdiqladi, ammo qanday to‘xtamga kelgani aniq emas. gazeta.uz »
Qirg‘iziston Konstitutsiyaviy sudi o‘lim jazosini qaytarishni huquqiy jihatdan mumkin emas va nomaqbul deb topdi. Organ prezidentning bolalarni zo‘rlash, zo‘rlash bilan bog‘liq qotillik uchun o‘lim jazosini qo‘llashni nazarda tutuvchi qonun loyihasi taqdimnomasiga shunday xulosa berdi. gazeta.uz »
GlobalHR xususiy bandlik agentligi o‘zbekistonlik burg‘ilovchi, elektrik va payvandchilar uchun Bolgariyada bo‘sh ish o‘rinlarini taklif qilmoqda. Tanlovda ish tajribasiga ega, rus tilini biladigan 45 yoshgacha bo‘lgan erkaklar qatnashishi mumkin. gazeta.uz »
BMT Xavfsizlik kengashi G‘azoda o‘tish davri hukumati va vaqtinchalik xalqaro harbiy kontingent tuzishni nazarda tutuvchi AQSh tomonidan taklif qilingan rezolyutsiyani ma’qulladi. Ovoz berishda Rossiya va Xitoy betaraf qoldi. gazeta.uz »
Workmall xususiy bandlik agentligi o‘zbekistonlik elektriklarni Janubiy Koreyada kemasozlik korxonasiga ishga taklif qilmoqda. Nomzodlar soha bo‘yicha diplomga va ushbu yo‘nalishda 1 yildan ortiq rasmiy ish tajribasiga ega bo‘lishi kerak. Oylik maosh 2 571 000 von (1750 AQSh dollari)ga teng. gazeta.uz »
Raqobat qo‘mitasi “Reklama to‘g‘risida”gi qonunning 43-moddasiga kredit oqibatlari haqida ogohlantirish bo‘yicha o‘zgartirish kiritishni taklif qilmoqda. Unga ko‘ra, kredit va mikroqarzlar reklamasida reklama maydoni va vaqtining kamida 10 foizi ehtimoliy moliyaviy xatarlar to‘g‘risida ogohlantirishga ajratiladi. gazeta.uz »
Qashqadaryo viloyati Ko‘kdala tumanidagi 17-maktab direktori ishga joylashtirish evaziga ayolga jinsiy aloqa taklif qilgani uchun vazifasidan ozod etildi. gazeta.uz »
Oq uy Amerikaning to‘qqiz universitetiga qo‘shimcha moliyalashtirish evaziga Donald Trampning siyosiy dasturini qo‘llab-quvvatlashni taklif qildi. Universitetlar talabalarni qabul qilish, ayollar sporti, so‘z erkinligi va boshqa masalalarda ma’muriyatning ustuvor yo‘nalishlariga mos kelishi talab qilinadi. gazeta.uz »
Germaniya o‘zbekistonlik qurilish, muhandislik va texnika sohasidagi malakali mutaxassislarni ishga taklif qilmoqda. Nomzodlar kamida 2 yillik tajribaga va yo‘nalish bo‘yicha diplomga ega bo‘lishi lozim. Oylik maosh 2050 yevrodan boshlanadi. gazeta.uz »
Slovakiyadagi Volkswagen zavodi avtomobil yig‘ish va bo‘yash kabi yo‘nalishlarda ishlash uchun 40 yoshgacha bo‘lgan o‘zbekistonlik erkaklarni ishga taklif qilmoqda. Ish haqi dastlabki ikki oyda $1274, keyin - $1514. Ish jadvali 3 smena va haftada 5 kundan iborat. gazeta.uz »
Buyuk Britaniya kompaniyasi mavsumiy qishloq xo‘jaligi ishlari uchun nomzodlar tanlovini ochdi. Soatiga 12,21 funt (bugungi kunda 16,55 dollar) maosh taklif qilinmoqda, ish esa haftasiga kamida 32 soat bo‘ladi. gazeta.uz »
Kap Depo investitsiya kompaniyasi rahbari Farrux Xo‘jayev omonatlarga raqobatdosh “xalqchil obligatsiyalar”ni yaratishni taklif qildi. “Shaffof emitentlar, omonatlardan yuqoriroq daromadlilik, asosiy likvidlik va qulayligi jihatidan bank ilovalaridan qolishmaydigan mobil ilovalar zarur”, - deya ta’kidladi u. gazeta.uz »
Samarqandda Registon maydoni oldidagi piyodalar o‘tish joyi o‘rniga yerosti o‘tish joyi qurilishi mumkin. Viloyat hokimi vazifasini bajaruvchi piyodalar soni ko‘pligini ta’kidlab, shunday topshiriq bergan. gazeta.uz »
Ikkinchi chorakda O‘zbekistonda bo‘sh ish o‘rinlari soni qariyb 29 foizga oshdi, biroq ish izlovchilarning faolligi pasayli. Biznes muayyan malakaga ega mutaxassislarni qidirmoqda, biroq bozorda shu malakaga ega kadrlar yetishmayapti, deyiladi Markaziy bank sharhida. gazeta.uz »
Rossiya hukumati qurilish, umumiy ovqatlanish, tamaki va spirtli ichimliklar chakana savdosi kabi 9 ta sohada xorijlik ishchilarni yollashga qo‘shimcha cheklovlar kiritmoqchi. Jumladan, qurilishda xorijliklar ulushini 80 foizdan 50 foizgacha tushirish taklif qilinmoqda. gazeta.uz »
Tojikiston hukumati nafaqat folbin va sehrgarlarga, balki ularning mijozlariga ham ma’muriy jazo qo‘llashni taklif qilmoqda (81 dollargacha jarima). Mamlakatda 2025-yilning ilk 6 oyida sehrgarlik va folbinlik bilan shug‘ullanishning 495 ta holati aniqlangan. gazeta.uz »
Italiyaning Milan shahriga o‘zbekistonlik hamshiralar ishga taklif qilmoqda. Oylik maosh 2200 yevrogacha bo‘lib, nomzodlar 45 yoshgacha, oliy ma’lumotli va 3 yillik ish tajribasiga ega bo‘lishi lozim. gazeta.uz »
Toshkentda shaxsiy ma’lumotlar to‘g‘risidagi qonunning shaxsiy ma’lumotlarni mamlakat ichida saqlash majburiyatini yuklovchi moddasi yuzaga keltirayotgan huquqiy xatarlar muhokama qilindi. Uchrashuv ishtirokchilari ma’lumotlarni lokalizatsiya qilishga bo‘lgan yondashuvni qayta ko‘rib chiqishni taklif etdi. gazeta.uz »
Slovakiya o‘zbekistonlik yuk mashina haydovchilarini ishga taklif qilmoqda. Nomzodlar 1 yillik tajribaga ega bo‘lishi hamda rus va ingliz tillarini bilishi lozim. Qabul qilinganlar viza, sug‘urta va turar joy xarajatlari qoplab beriladi. gazeta.uz »
Deputatlar birinchi marta sodir etilgan kichik YHQ buzganlik uchun ma’muriy ogohlantirish (jarima o‘rniga) joriy etish to‘g‘risidagi qonun loyihasini birinchi o‘qishda ma’qulladi. Shuningdek, kamera qayd etoladigan 13 ta qoidabuzarlik ro‘yxatini belgilash taklif qilinmoqda. Unga yo‘l chizig‘ini bosish qo‘shilmagan. gazeta.uz »
×åëÿáèíñê âèëîÿòè ¡çáåêèñòîí áèëàí òîâàð àéèðáîøëàø á¢éè÷à Ìîñêâàäàí êåéèí èêêèí÷è ¢ðèíãà ê¢òàðèëãàí. ru.sputniknews-uz.com »
O‘zbekistondagi eng qimmat avtomobil raqami auksionda 1,56 mlrd so‘mga ($122,2 ming) sotildi. gazeta.uz »
Prezident Shavkat Mirziyoyev Xorijiy investorlar kengashi majlisida sarmoyadorlar ilgari surayotgan har bir taklif va mulohaza batafsil ko‘rib chiqilishini ta’kidladi. Investorlar soliq qonunchiligi barqarorligini ta’minlash, to‘g‘ridan-to‘g‘ri amal qiladigan qonunlarni ko‘paytirish bo‘yicha takliflar bergan. gazeta.uz »
¡çáåêèñòîí ïðåçèäåíòè Æàíóáèé Êîðåÿíèíã ÿíãè ïðåçèäåíòèãà ìàêòóá é¢ëëàäè. ru.sputniknews-uz.com »
Germaniya o‘zbekistonlik hamshiralarni ishga taklif qilmoqda. Oylik maosh 2800 yevrodan boshlanib, nomzodlar kamida 1 yillik tajribaga va diplomga ega bo‘lishi lozim. Qabul qilinganlarga til kurslari, vizaga ariza topshirish va aviachipta kabilar bo‘yicha imtiyoz beriladi. gazeta.uz »
Shavkat Mirziyoyev Turkiy davlatlar tashkiloti norasmiy sammitidagi nutqida o‘zaro savdo ulushini keskin ko‘paytirish, “yagona darcha” va “yashil koridorlar” tizimlarini yaratish, qo‘shma venchur kompaniyasini tashkil etish, qurg‘oqchilikning oldini olishda hamkorlik va boshqa takliflarni ilgari surdi. gazeta.uz »
Germaniya o‘zbekistonlik qassoblarni ishga taklif qilmoqda. Oylik maosh 1750 yevro bo‘lib, nomzodlar kamida 1 yillik tajribaga va nemis tilidan sertifikatga ega bo‘lishi lozim. Qabul qilinganlarning bilet, viza va til sertifikati xarajatlari Migratsiya agentligidan kompensatsiya qilib berilishi mumkin. gazeta.uz »
XVJ O‘zbekiston Markaziy bankiga so‘m bozor sharoitlarini yanada aniqroq aks ettirishi va tashqi zarbalardan himoya qiluvchi samarali vositaga aylanishi uchun valyuta kursi tebranishlari oralig‘ini asta-sekin kengaytirishni tavsiya etdi. gazeta.uz »
Prezident Andijon viloyatiga tashrifi doirasida Yangi Andijon shaharchasiga Zahiriddin Muhammad Bobur sharafiga Bobur shahri nomini berishni taklif qildi. “Nega deganda, hazrati Bobur - shunday ulug‘ zotki, uning sharafiga nafaqat ko‘cha va maydonlar, balki alohida shahar bunyod etsak, albatta, arziydi”, - dedi u. gazeta.uz »
Slovakiya o‘zbekistonlik kara haydovchilarni ishga taklif qilmoqda. Oylik maosh 950 yevro bo‘lib, nomzodlar 45 yoshgacha, “B” toifadagi haydovchilik guvohnomasiga ega bo‘lishi, rus tilini yozma va og‘zaki bilishi lozim. gazeta.uz »
