áìò - Ïîñëåäíèå íîâîñòè [ Ôîòî â íîâîñòÿõ ] | |
Sadir Japarov jahon yetakchilarini iyundagi saylovlarda Qirg‘izistonni BMT Xavfsizlik kengashining doimiy bo‘lmagan a’zoligiga saylashga chaqirdi. U o‘z mamlakati “pragmatik va siyosiylashtirilmagan qarorlar”ni ilgari surishga tayyorligini hamda MO davlatlarining yakdil qo‘llab-quvvatloviga ega ekanini ta’kidladi. gazeta.uz »
BMT Xavfsizlik kengashi G‘azoda o‘tish davri hukumati va vaqtinchalik xalqaro harbiy kontingent tuzishni nazarda tutuvchi AQSh tomonidan taklif qilingan rezolyutsiyani ma’qulladi. Ovoz berishda Rossiya va Xitoy betaraf qoldi. gazeta.uz »
BMT Xavfsizlik kengashi Suriya muvaqqat prezidenti Ahmad al-Sharaa hamda mamlakat ichki ishlar vaziri Anas Xattobdan sanksiyalarni olib tashladi. Al-Sharaa 10-noyabr kuni Vashingtonda Donald Tramp bilan uchrashishi kutilmoqda. gazeta.uz »
BMT Samarqanddagi Moturidiy maqbarasi ta’miri doirasida Jahon merosi obyekti bo‘lmish mahallaning bir qismi buzilgani, 1200 kishi joyidan ayrilganini aytib, O‘zbekiston va YUNESKOni tanqid qildi. Tashkilot bosim, qo‘rqitish, majburiy ko‘chirish yuz bergani va obyektning ro‘yxatdan o‘chirilish xavfini qayd etdi. gazeta.uz »
BMT inson huquqlari bo‘yicha oliy komissari Folker Tyurk Qirg‘izistonni o‘lim jazosini qaytarmaslikka chaqirdi. Mamlakatda 17 yoshli qiz zo‘rlanishi va vafotidan so‘ng Sadir Japarov bu jazoni tiklashni taklif qilgandi. gazeta.uz »
BMT 10 yillik tanaffusdan so‘ng mamlakat yadro dasturi tufayli Eronga qarshi sanksiyalarni qayta tikladi. Sanksiyalarni tiklash tashabbuskorlari Buyuk Britaniya, Germaniya va Fransiya bo‘ldi. Ular Tehronni “yadroviy eskalatsiya”da va 2015-yilgi kelishuv bo‘yicha majburiyatlarni buzishda aybladi. gazeta.uz »
BMT Bosh assambleyasining 80-sessiyasida MO davlatlari rahbarlari BMTni, xususan, Xavfsizlik kengashini isloh qilishni yoqlab chiqdi. Besh davlat ham tinchlik va hamkorlik sari harakat qilishga chaqirdi. gazeta.uz »
Nyu Yorkda BMT Bosh assambleyasining 80-sessiyasi bo‘lib o‘tmoqda. Gazeta ekspertlardan tashkilot o‘z yubileyini qanday holatda kutib olayotgani, unga qanday islohotlar kerakligi (ular o‘zi kerakmi), shuningdek, tashkilotning samaradorligini oshirishda qanday choralar ko‘rish mumkinligi haqida so‘radi. gazeta.uz »
Shavkat Mirziyoyev BMT Bosh assambleyasining 80-sessiyasida nutq so‘zlab, Xavfsizlik Kengashini transformatsiyalash va tarkibini kengaytirishni taklif qildi. U, shuningdek, yangi Markaziy Osiyoni shakllantirish jarayoni boshlanganini e’lon qilib, mintaqa bo‘yicha alohida rezolyutsiya qabul qilishni ilgari surdi. gazeta.uz »
Shavkat Mirziyoyev BMT Bosh assambleyasining 80-sessiyasida nutq so‘zlab, Xavfsizlik Kengashini transformatsiyalash va tarkibini kengaytirishni taklif qildi. U, shuningdek, yangi Markaziy Osiyoni shakllantirish jarayoni boshlanganini e’lon qilib, mintaqa bo‘yicha alohida rezolyutsiya qabul qilishni ilgari surdi. gazeta.uz »
O‘zbekiston prezidenti matbuot kotibi BMT bosh kotibining global kommunikatsiyalar bo‘yicha o‘rinbosari va BMT matbuot kotibi bilan uchrashuvlar o‘tkazdi. Ularda axborot sohasidagi hamkorlik, dezinformatsiyaga qarshi kurashish, jurnalistlarni tayyorlash va boshqa masalalar muhokama qilindi. gazeta.uz »
O‘zbekiston prezidenti Nyu Yorkda BMT Bosh assambleyasining 80-sessiyasida ishtirok etadi. Davlat rahbarining tashrifi oldidan Vashington va Nyu Yorkda “Yangi O‘zbekiston: Shavkat Mirziyoyev yo‘li” kitobining taqdimotlari bo‘lib o‘tdi. gazeta.uz »
BMT tergov komissiyasi Isroil G‘azoda genotsid sodir etgan, degan xulosaga keldi. Buning uchun sektorda genotsidning beshta harakatidan to‘rttasi yuz bergani aytiladi. Isroil buni “HAMAS gumashtalari tayyorlagan feyk hisobot” deb atadi. gazeta.uz »
BMT Bosh assambleyasi Falastin muammosini tinch yo‘l bilan hal etish va ikki davlat - Isroil va Falastin tuzish to‘g‘risidagi “Nyu York deklaratsiyasi”ni ma’qulladi. O‘zbekiston 142 davlat qatorida deklaratsiya to‘g‘risidagi rezolyutsiyani qo‘llab-quvvatladi. Isroil, AQSh va yana sakkizta davlat bunga qarshi chiqdi. gazeta.uz »
BMT Dengizga chiqish imkoni bo‘lmagan rivojlanayotgan davlatlar konferensiyasi doirasida davlat rahbarlari Turkmanistondagi MO va Ozarbayjon milliy kunlariga bag‘ishlangan tadbirlarda ishtirok etdi. Foto. gazeta.uz »
O‘zbekiston va BMT hamkorlikni kengaytirish, jumladan, Markaziy Osiyoda integratsiyani chuqurlashtirish va Afg‘onistonni mintaqaviy jarayonlarga jalb etishga tayyorligini tasdiqladi. gazeta.uz »
Dengiz yo‘llari jahon savdo aylanmasining 80 foizini ta’minlaydi, ammo dunyoning 32 mamlakati, shu jumladan, Markaziy Osiyoning barcha davlatlari ularga to‘g‘ridan-to‘g‘ri chiqish imkoniyatidan mahrum. gazeta.uz »
BMT hisobot e’lon qildi, unda aytilishicha, tashkilot hisobotlarini deyarli hech kim o‘qimaydi. BMT samaradorligini oshirish uchun bosh kotib Antoniu Guterrish kamroq yig‘ilishlar o‘tkazish va kamroq ma’ruzalar e’lon qilishni taklif etdi. gazeta.uz »
BMT Bosh assambleyasi Afg‘onistondagi gumanitar vaziyat yomonlashayotganidan xavotir bildirilgan va “Tolibon”ni repressiv siyosatni to‘xtatishga chaqirgan rezolyutsiyani qabul qildi. Hujjatni 116 davlat, jumladan, O‘zbekiston qo‘llab-quvvatladi. gazeta.uz »
AQSh Erondagi uchta asosiy yadroviy obektga aviazarbalar berdi. Prezident Donald Trampning aytishicha, bu obyektlar “butunlay va batamom yo‘q qilingan”. BMT rahbari AQShning urushga aralashuvini xavfli eskalatsiya hamda xalqaro xavfsizlik va barqarorlikka tahdid deb atadi. gazeta.uz »
BMT AQSh yordamining qisqarishi fonida moliyalashtirish inqirozi tufayli keng ko‘lamli qayta tashkil etishni ko‘rib chiqmoqda. O‘nlab agentliklarni to‘rtta asosiy yo‘nalishga birlashtirish taklif etilmoqda. gazeta.uz »
BMT Taraqqiyot dasturining O‘zbekistondagi vakolatxonasi tashabbuslari ishtirokchilari UNDP Talks tadbiri doirasida BMT TD loyihalari ularning hayotini qanday o‘zgartirgani haqidagi ta’sirli hikoyalari bilan o‘rtoqlashdi. “Gazeta.uz” ulardan ikkitasini e’tiboringizga havola etadi. gazeta.uz »
BMT Bosh kotibining maxsus vakili Najat Maala Toshkentga qilgan tashrifi chog‘ida “Gazeta.uz”ga intervyu berdi. U bolalarga zo‘ravonlik, jinsiy tarbiya kabi muhim masalalar haqida gapirdi. “Bolalarga nisbatan zo‘ravonlik ayollarga bo‘lgan zo‘ravonlik va gender kamsitish stereotipi bilan bog‘liq”, - deydi Maala. gazeta.uz »
BMT Isroilni G‘azodagi ayollar sog‘liqni saqlash muassasalarini yo‘q qilish orqali genotsidni amalga oshirish va jinsiy zo‘ravonlikdan urush strategiyasi sifatida foydalanishda aybladi. “Isroil falastinliklarning ko‘payish qobiliyatini qisman yo‘q qildi”, - deyiladi hisobotda. Netanyahu buni antisemitizm deb atadi. gazeta.uz »
BMT bosh kotibi Antonio Guterrish ayollar huquqlari tahdid ostida ekanini ta’kidlab, bunga qarshi kurashishga chaqirdi. “Ayollarning tanasi siyosiy kurash maydoniga aylandi. Internetdagi zo‘ravonlik real zo‘ravonlikka aylandi”, - dedi u. gazeta.uz »
BMT Bosh assambleyasi Rossiya-Ukraina urushi bo‘yicha Yevropa Ittifoqi va AQSh kiritgan rezolyutsiyalarni qabul qildi. Amerika rezolyutsiyasi YeI tomonidan taklif qilingan tuzatishlar bilan o‘zgartirildi. gazeta.uz »
Termiz shahridagi xalqaro transport-logistika xabi BMT Qochqinlar bo‘yicha oliy komissari boshqarmasining Global ta’minot tarmog‘iga qo‘shildi. U dunyodagi shunday omborlarning sakkizinchisi bo‘ldi. gazeta.uz »
Isroil BMTning Inson huquqlari kengashidan chiqishini e’lon qildi. Mamlakat TIV rahbari tashkilot “Yaqin Sharqdagi yagona demokratiya - Isroilni qoralashini” ta’kidladi. Avvalroq Tramp AQShning kengash bilan aloqalari to‘xtatilganini ma’lum qilgandi. gazeta.uz »
Donald Tramp AQShning BMT Inson huquqlari bo‘yicha kengashi va Falastin qochqinlariga yordam berish bo‘yicha Yaqin Sharq agentligi (UNRWA)dan chiqishi to‘g‘risida farmon imzoladi. U, shuningdek, BMTni “yaxshi boshqarilmayotgani” uchun tanqid qildi. gazeta.uz »
BMT urush davom etayotgan Sudanda ocharchilik avj olayotgani, shuningdek, aholi zo‘ravonlik, vayronagarchilik, kasalliklar, aloqa yo‘qligi, ommaviy ko‘chishlarlardan jabr ko‘rayotganini bildirdi. 2025-yil mayigacha 24,6 mln kishi, ya’ni barcha sudanliklarning yarmiga yaqini shoshilinch oziq-ovqat yordamiga muhtoj bo‘ladi. gazeta.uz »
BMT bosh kotibi Antoniu Guterrish Isroilda persona non grata deb e’lon qilindi. Bu bilan Guterrishning Isroilga kirishi ta’qiqlandi. Isroil tashqi ishlar vaziri buning sababi sifatida bosh kotib Eronning Isroilga qilgan hujumini “qat’iy qoralay olmagani”ni keltirdi. gazeta.uz »
BMT Bosh assambleyasi davlatlar kelgusi avlodlar va sayyora uchun yaxshiroq kelajakni ta’minlash bo‘yicha bir qator harakatlarni o‘z zimmalariga oladigan Kelajak uchun paktni ma’qulladi. gazeta.uz »
BMT agentliklari Orolbo‘yi mintaqasi Ko‘p sheriklik trast fondi ko‘magida Qoraqalpog‘istonda ikkita yangi loyihani ishga tushirdi. YUNISEF loyihasi 4 ta tumanda toza ichimlik suvdan foydalanishni yaxshilashga, BMTTD va FAO loyihasi mahalliy aholiga ekologik muammolarni hal etish ko‘nikmalarini berishga qaratilgan. gazeta.uz »
BMT Bosh assambleyasi Ukraina atom inshootlari xavfsizligi bo‘yicha rezolyutsiyani qabul qildi. Unda Rossiyadan Zaporoje AESdan qo‘shinlarini zudlik bilan olib chiqib ketish va uni to‘liq Ukraina hukumati nazoratiga qaytarish talab etiladi. gazeta.uz »
BMT bosh kotibi Antoniu Guterrish rasmiy tashrif bilan O‘zbekistonga keldi. Uni bosh vazir Abdulla Aripov va boshqa rasmiylar kutib oldi. Tashrif doirasida oliy darajadagi muzokaralar o‘tkazilishi, qator sanoat va ijtimoiy soha obyektlarini ham borib ko‘rish rejalashtirilgan. gazeta.uz »
BMT bosh kotibi Antoniu Guterrish shanba kuni O‘zbekiston, Qirg‘iziston, Qozog‘iston, Tojikiston va Turkmanistonga tashrifini boshlaydi. 4-iyul kuni u Ostonadagi SHHT sammitida nutq so‘zlaydi. BMT rahbari bundan avval 2017-yilda mintaqaga tashrif buyurgan. gazeta.uz »
BMT mustaqil komissiyasi XAMAS ham, Isroil ham 2023-yil oktabr oyidan beri urush jinoyatlari va insoniyatga qarshi jinoyatlar sodir etgan, degan xulosaga keldi. gazeta.uz »
BMT Xavfsizlik kengashi AQSh prezidenti Jo Baydenning G‘azo sektorida o‘t ochishni to‘xtatish va garovga olinganlarni ozod qilish rejasiga rozilik bildirishga chorlovchi rezolyutsiya loyihasini qabul qildi. gazeta.uz »
O‘zbekiston ilk marta BMT Iqtisodiy va ijtimoiy kengashi (ECOSOC) a’zoligiga saylandi. 54 ta a’zodan iborat kengash BMTning iqtisodiy va ijtimoiy faoliyatini muvofiqlashtirishga mas’ul hisoblanadi. gazeta.uz »
BMT Bosh assambleyasi O‘zbekiston tashabbusi bilan qabul qilingan “Markaziy Osiyo davlatlarining giyohvandlik bilan bog‘liq muammolarni samarali hal etish va bartaraf etishda yagona front bo‘lib hamkorlik qilishga tayyorligi” rezolyutsiyasini ma’qulladi. gazeta.uz »
Inson huquqlari bo‘yicha milliy markaz direktori, akademik Akmal Saidov 2025-2028-yillarga mo‘ljallangan BMT Inson huquqlari qo‘mitasiga a’zo bo‘ldi. BMTning mazkur organiga O‘zbekistondan birinchi marta vakil saylandi. gazeta.uz »
BMT Xalqaro sudi Isroilga Rafahdagi harbiy amaliyotini zudlik bilan to‘xtatishni buyurdi. Sud, shuningdek, Isroildan gumanitar yordam uchun chegara punktini ochish va tergovchilarga G‘azoga kirishga ruxsat berishni talab qildi. gazeta.uz »
Prezident va BMT Terrorizmga qarshi kurash boshqarmasi rahbari Toshkentda yoshlarni ekstremizm va terrorizm g‘oyalari ta’siridan himoya qilish bo‘yicha qo‘shma chora-tadbirlar, shuningdek, yosh mutaxassislarning tashkilot institutlarida stajirovka o‘tashini tashkil etish masalalarini muhokama qildi. gazeta.uz »
BMT Xavfsizlik Kengashi ilk bor G‘azo sektorida o‘t ochishni to‘xtatish va barcha garovga olinganlarni zudlik bilan ozod qilishni talab qiluvchi rezolyutsiyani qabul qildi. Hujjatni 14 davlat qo‘llab-quvvatladi, AQSh betaraf qoldi. gazeta.uz »
BMT G‘azo sektorining shimoliy hududlarida yaqin ikki oy ichida ommaviy ocharchilik boshlanishini bashorat qilmoqda. BMT rahbari buni “mutlaq texnogen falokat” deb atadi va Isroil hukumatini anklav aholisiga insonparvarlik yordamidan to‘liq foydalanish imkoniyatini berishga chaqirdi. gazeta.uz »
Oliy Majlis Senati raisi Tanzila Narbayeva Nyu-Yorkda BMT bosh kotibi Antoniu Guterrish bilan uchrashib, Barqaror rivojlanish maqsadlarini amalga oshirish bilan bog‘liq, jumladan, gender tengligini ta’minlash masalalarini muhokama qildi. gazeta.uz »
Nyu-York shahrida Tanzila Narbayeva boshchiligidagi O‘zbekiston delegatsiyasi BMT Ayollar holati bo‘yicha komissiyasining sessiyasida qatnashmoqda. Tashrif davomida tashkilot tuzilmalari rahbarlari, prezidentlar va hukumat rahbarlari bilan uchrashuvlar o‘tkazilishi ham reja qilingan. gazeta.uz »
Yevropa Ittifoqining O‘zbekistondagi delegatsiyasi va BMT Taraqqiyot dasturi Baliqchilik ilmiy-tadqiqot institutiga suv sifati sensorlari, filtrlash va tozalash tizimlari, shuningdek, intensiv baliq yetishtirish uchun quyosh suv isitgichlarini taqdim etdi. gazeta.uz »
O‘zbekistonda BMTning rasmiy statistika sifatini ta’minlash bo‘yicha bazaviy prinsiplari milliy statistika tizimiga joriy etililadi. Rasmiy statistikani tayyorlovchilarning har birida rasmiy statistikada sifat va tarqatish siyosatlari ishlab chiqiladi. gazeta.uz »
Statistika agentligi direktori Bahodir Begalov boshchiligidagi O‘zbekiston delegatsiyasi Nyu-York shahrida o‘tkazilgan BMT Statistika komissiyasining 55-sessiyasida qatnashdi. Unda agentlik rahbari nomzodi komissiya a’zoligiga ilgari surildi. gazeta.uz »
