áîøëàäè - Ïîñëåäíèå íîâîñòè [ Ôîòî â íîâîñòÿõ ] | |
O‘zbekistonda 2026-yilning iyul-dekabr oylarida aviatsiya kerosiniga ehtiyoj 375 ming tonnaga yetishi kutilmoqda, bu o‘tgan yilga ko‘ra 27 foizga ko‘p. Talabning asosiy qismi mahalliy neftni qayta ishlash zavodlari hisobiga qoplanadi. gazeta.uz »
Qirg‘izistonning Asman Airlines aviakompaniyasi Tomchi (Issiqko‘l) - Toshkent yo‘nalishida to‘g‘ridan-to‘g‘ri aviaqatnovlarni boshladi. Parvozlar haftasiga bir marta amalga oshiriladi. Kelgusida aviakompaniya Toshkentdan O‘sh va Qorako‘lga parvozlarni yo‘lga qo‘yishni rejalashtirmoqda. gazeta.uz »
Eron Hurmuz bo‘g‘ozida ikkita savdo kemasiga hujum qildi, AQSh, katta ehtimol bilan, Eron nishonlariga zarba berish orqali javob qaytaradi, deb yozmoqda Axios. Mamlakatlar o‘rtasida yakuniy kelishuv bo‘yicha bilvosita muzokaralar davom etmoqda, biroq ularda hech qanday siljish kuzatilmayapti. gazeta.uz »
Fransiyaning Voltalia kompaniyasi Toshkent viloyatida quyosh elektr stansiyasi qurilishini boshladi. Quvvati 500 kVt bo‘lgan ushbu stansiya agrovoltaika loyihasi doirasida barpo etilmoqda. gazeta.uz »
Tarmoqlarda Toshkentdagi omborxona hududida itlarning vahshiylarcha kaltaklab o‘ldirilgani aks etgan video noroziliklarga sabab bo‘ldi. Sog‘lig‘i yomonlashgan jonvorlarni evtanaziya qilish uchun chaqirilgan veterinar 2,3 kishi bilan ularni o‘ldirgani aytilmoqda. Poytaxt IIBB tergovga qadar tekshiruv boshladi. gazeta.uz »
Shaxmatchi Javohir Sindarov Buxarestdagi Superbet Chess Classic Romania turnirining birinchi turida ruminiyalik grossmeyster Bogdan-Daniel Deak bilan durang qayd etdi. Bu o‘zbekistonlik shaxmatchining Nomzodlar turniridagi g‘alabasidan keyingi ilk klassik partiyasi bo‘ldi. gazeta.uz »
O‘zbekistonning BAAdagi elchisi Umid Shodiyev BAA tashqi ishlar vaziri o‘rinbosariga ishonch yorliqlari nusxalarini topshirib, diplomatik faoliyatini boshladi. Uchrashuvda ikki tomonlama hamkorlik masalalari muhokama qilindi, tomonlar aloqalarni kengaytirishga tayyorligini bildirdi. gazeta.uz »
Donald Tramp administratsiyasi AQSh kompaniyalaridan bojxona bojlari hisobidan yig‘ilgan 166 mlrd dollardan ortiq mablag‘ni qaytarish bo‘yicha arizalarni qabul qilishni boshladi. Avvalroq AQSh Oliy sudi ushbu bojlarni noqonuniy deb topgandi. gazeta.uz »
Xelen Sand Andresen Norvegiyaning O‘zbekistondagi elchisi etib tayinlandi. O‘zbekiston tashqi ishlar vaziri Baxtiyor Saidov elchining ishonch yorliqlarini qabul qildi. gazeta.uz »
AQSh va Eron o‘rtasida Pokistonda o‘tgan tinchlik muzokaralari muvaffaqiyatsiz yakunlangach, AQSh harbiy kuchlari Fors va Ummon qo‘ltiqlaridagi Eron portlarini dengiz orqali blokada qilishga kirishdi. gazeta.uz »
Qashqadaryo, Surxondaryo, Samarqand va Jizzax viloyatlarida zararli chigirtkalar tuxumdan chiqa boshladi. Kurash ishlariga 700 ga yaqin mutaxassis jalb etildi. Bu yil 651,8 ming gektar yerda kimyoviy ishlov o‘tkazish rejalashtirilgan. gazeta.uz »
O‘zbekistonlik shaxmatchi Javohir Sindarov Nomzodlar turniridagi ilk partiyasida rossiyalik Andrey Yesipenkoni mag‘lub etdi. Murakkab vaziyatga tushib qolsa-da, u vaziyatni o‘z foydasiga o‘zgartirib, g‘alaba qozondi. gazeta.uz »
Fransiyaning O‘zbekistondagi elchisi Toshkentda TLSContact viza markazini ochdi. Endilikda Fransiya vizasi uchun barcha arizalar faqatgina ushbu markaz orqali qabul qilinadi. gazeta.uz »
“Roskomnadzor” Rossiyada Telegram faoliyatini cheklashni boshlashga qaror qildi, deb yozmoqda RBK. Rossiyalik foydalanuvchilar so‘nggi kunlarda messenjerga kirish bilan bog‘liq muammolardan shikoyat qilyapti. gazeta.uz »
Tojikistonda Starlink sun’iy yo‘ldosh aloqasidan foydalanish imkoniyati paydo bo‘ldi. Rasmiylarning so‘zlariga ko‘ra, birinchi navbatda tog‘li hududlardagi davlat va ijtimoiy muassasalar internetga ulanadi. gazeta.uz »
Rossiya Ukrainaning energetika infratuzilmasiga hujumlarni qayta boshladi. Bir nechta mintaqalardagi issiqlik elektr stansiyalari zarbalar nishoni bo‘ldi. Kuchli sovuq sharoitida Kiyev, Xarkov va boshqa shaharlardagi yuzlab uylar issiqlik ta’minoti va elektr energiyasisiz qoldi. gazeta.uz »
Moldova MDH nizomi, MDHni tuzish to‘g‘risidagi bitim va tegishli ilovani denonsatsiya qilish tartibini boshladi, dedi bosh vazir o‘rinbosari Mixay Popshoy. Uning aytishicha, bu qadam hamdo‘stlikdan chiqish jarayonini yakunlab beradi. gazeta.uz »
Mo‘ynoqdagi Orol dengizining qurigan tubida yuzaga kelayotgan ekologik muammolarni hal etish uchun ilmiy-tadqiqot stansiyasi ish boshladi. Unda olim va mutaxassislar sho‘rlangan tuproq unumdorligini tiklash, chidamli o‘simliklar o‘sishini kuzatish, qum ko‘chishi va changlanishni tahlil qilish kabilarni amalga oshiradi. gazeta.uz »
1-noyabr kunidan Toshkent metrosining “O‘zbekiston mustaqilligining 30 yilligi” yo‘nalishi faoliyatini to‘liq tikladi. Hozirda ushbu yo‘nalishda 12 ta harakat tarkibi 7 daqiqalik interval bilan harakatlanmoqda. gazeta.uz »
Toshkentdagi O‘rol Tansiqboyev uy-muzeyi restavratsiyadan so‘ng ochildi. Jarayonda ko‘rgazma boyitildi hamda didaktik hudud qo‘shildi. U yana jamoatchilik uchun ochiq. gazeta.uz »
Binyamin Netanyahu Isroil “G‘azo shahrida intensiv operatsiya boshlaganini” tasdiqladi. Tinch aholidan sektor janubidagi gumanitar hududga borish talab qilindi. Shaharda yirik havo hujumlari qayd etildi, hududga tanklar kirgani aytilmoqda. gazeta.uz »
O‘zbekiston va Afg‘oniston hukumatlari Tuti-Maydon gaz konini o‘zlashtirish ishlarini boshladi. Marosimda “O‘zbekneftgaz” rahbari va energetika vazirining birinchi o‘rinbosari ishtirok etdi. Loyihani amalga oshirish bo‘yicha 25 yil muddatli shartnoma O‘zbekistonning Eriell KAM kompaniyasi tomonidan imzolangan. gazeta.uz »
Uzbekistan Airways Sloveniyaning Egmont Aviation kompaniyasi bilan hamkorlikda uchuvchilar tayyorlashni boshladi. Kursantlarning birinchi guruhi Maribor aeroportida amaliy mashg‘ulotlardan o‘tmoqda. gazeta.uz »
Isroil mudofaa kuchlari G‘azo shahriga hujum boshladi va uning chekkalarini nazorat qilmoqda, deya bayonot berdi Isroil harbiylari. gazeta.uz »
Qozog‘istonda 13-avgustdan boshlab Starlink sun’iy yo‘ldosh interneti rasman ishlay boshladi. Uy tariflari 42 dollardan 57 dollargacha turadi. Starlink O‘zbekistonda 2026-yilda ishga tushirilishi kutilmoqda. gazeta.uz »
12-avgust kuni Andijon aeroporti o‘zining ilk xalqaro parvozini amalga oshirdi. U mart oyida rekonstruksiyadan so‘ng foydalanishga topshirilgan edi. Birinchi yo‘nalish Flyone Asia mahalliy aviakompaniyasining Andijon - Jidda - Andijon yo‘nalishida haftasiga ikki marta amalga oshiriladigan muntazam reysi bo‘ldi. gazeta.uz »
Qoraqalpog‘istondagi “Muynoq” konida burg‘ilash ishlari payti 5000 metrlik quduqdan gaz sizib chiqdi. Energetika vazirligi hozirda quduqni likvidatsiya qilish va bosimni bartaraf etish ishlari olib borilayotgani, u aholidan uzoqdaligi va tarkibi zararsiz ekanini ma’lum qildi. gazeta.uz »
Telegram o‘z vakolatxonasini Rossiyada ochishni rejalashtirmoqda. Bunga Rossiyadagi xorijiy IT kompaniyalarning mamlakatga “qo‘nishi” bilan bog‘liq qonun talabi sabab bo‘ldi. gazeta.uz »
Iyunda aholi va biznesning inflyatsion kutilmalari pasaydi, deb xabar qildi MB. Kutilayotgan inflyatsiyaning asosiy omillari kommunallar va yoqilg‘iligicha qolmoqda, yana ko‘pchilik ish haqi va nafaqalar o‘sishini narxlar oshishiga sabab sifatida ko‘rmoqda. gazeta.uz »
O‘zbekiston texnologik metallar kombinati birinchi marta dunyoda eng qimmat va noyob elementlardan biri bo‘lgan 99,9 foiz soflikdagi metall reniyni eksport qildi. Shartnoma Estoniya kompaniyasi bilan tuzilgan. gazeta.uz »
O‘zbekiston prezidentining Ozarbayjonga davlat tashrifi boshlandi. Tashrif davomida Shavkat Mirziyoyev va Ilhom Aliyev “O‘zbekiston” bog‘iga tamal toshi qo‘yadi va O‘zbekistonning Bokudagi elchixonasi yangi binosini ochib beradi. gazeta.uz »
Isroil kuchlari “Eron rejimining davom etayotgan tajovuziga javob” sifatida uning bir qancha harbiy obyektlariga, jumladan, yadroviy dasturi bilan bog‘liqlariga zarba berdi. Netanyahu “misli ko‘rilmagan” harbiy operatsiya boshlanganini e’lon qildi. Tehronda portlash ovozlari eshitilmoqda. Video. gazeta.uz »
2025-yilning yanvar-fevral oylarida O‘zbekiston tabiiy gaz importini 4,6 barobar qisqartirdi, eksport esa 1,6 barobar oshdi. Mamlakat Qirg‘izistonga “ko‘k yoqilg‘i” yetkazib berishni tikladi, Xitoyga eksport esa kamaydi. gazeta.uz »
Isroil armiyasi G‘azo sektoriga qarata ommaviy hujumlarni boshladi. Isroil hukumati bu qarorni HAMASning garovga olinganlarni ozod qilishdan bosh tortgani bilan izohladi. HAMAS nazorati ostidagi G‘azo Sog‘liqni saqlash vazirligi ma’lumotlariga ko‘ra, zarbalar oqibatida 320 dan ortiq odam halok bo‘lgan. gazeta.uz »
Binance kriptobirjasi O‘zbekistonda rasman ish boshladi. Platformada bank kartalari va mahalliy to‘lov tizimlari orqali milliy valyutadagi mablag‘larni to‘ldirish va yechib olish imkoni yaratildi. gazeta.uz »
Toshkent viloyatining Qibray va Parkent tumanlarini bog‘laydigan elektrlashtirilgan temiryo‘l qurilishi boshlandi. Uning umumiy uzunligi 23,8 kilometrdan iborat bo‘ladi. gazeta.uz »
O‘zbekiston Harbiy sudi Prezident administratsiyasi departamenti sobiq rahbari Komil Allamjonovga suiqasd bo‘yicha jinoyat ishini ko‘rib chiqishni boshladi. Mahkama mutlaqo maxfiy boshlandi, deydi huquq himoyachisi Abdurahmon Tashanov. gazeta.uz »
Muxolifatdagi partiyalar harbiy holat e’lon qilgan, keyin esa uni bekor qilgan prezident Yun Sok Yolga qarshi impichment tashabbusi bilan chiqdi. Mudofaa vaziri Kim Yon Xyon iste’foga chiqdi. gazeta.uz »
Navoiy shahrida Yandex Go taksi xizmati yo‘lga qo‘yildi. Safarlarning minimal narxi 4000 so‘mdan boshlanadi. gazeta.uz »
Oktabr oyida Toshkent viloyati hokimi o‘rinbosari lavozimidan ozod etilgan Erkin Muhitdinov Ekologiya vazirligida ish boshladi. U vazirlikning O‘rmon, bioxilmaxillik va ekoturizm siyosatini yuritish departamenti boshlig‘i lavozimiga tayinlandi. gazeta.uz »
Toshkent aeroportida ilk bor eshitish qobiliyati cheklangan sakkiz nafar fuqaro yuk aravachasi operatori sifatida ish boshladi. Uzbekistan Airports frontlayn personallarni imo-ishora tiliga o‘qitish rejalashtirilayotganini ma’lum qildi. gazeta.uz »
Milliarder Ilon Mask saylangan prezident Donald Trampga deyarli doim yaqin bo‘lib, qarorlariga ta’sir o‘tkazishga harakat qilmoqda. Bu siyosatchi atrofidagilarni g‘azablantira boshlagan, ularga ko‘ra, Mask “o‘zini hamprezidentdek tutyapti”, Trampni “o‘zidan qarzdor his qildirish"ga harakat qilyapti, deb yozdi NBC. gazeta.uz »
AQShning yangi prezidenti Donald Tramp o‘zining yangi ma’muriyatini shakllantirmoqda. Davlat kotibi lavozimini Trampning ishonchli vakili Marko Rubio egallashi kutilmoqda. Saylovoldi kampaniyasini de-fakto boshqargan Syuzan Uayls esa Oq uy ma’muriyati rahbari bo‘ladi. Tafsilotlar. gazeta.uz »
MDHning O‘zbekistondagi deputatlik saylovini kuzatish missiyasi rahbari Sergey Lebedev saylovlar ochiq, raqobat va adolatli o‘tganini aytdi. Uning ta’kidlashicha, saylovchilar siyosiy yetuklik ko‘rsatib, nomzodlarning va’dalarini bajara olish-olmasligini to‘g‘ri baholay boshlagan. gazeta.uz »
BMTTD Yaponiya hukumati ko‘magida Termiz shahrida IT, tadbirkorlik va chet tillarini o‘rganish yo‘nalishlarida kasb-hunar o‘rgatish bo‘yicha yoshlar markazi ochdi. gazeta.uz »
Poytaxtda Amerika texnologiyalar universiteti ochildi. Unda muhandislik, sog‘liqni saqlash, axborot texnologiyalari, arxitektura va dizayn, iqtisodiyot va moliya, xalqaro munosabatlar sohalari o‘qitiladi. gazeta.uz »
Bir qator ommaviy axborot vositalari Isroil Livan janubida harbiy operatsiya boshlaganini ma’lum qildi. Isroilning o‘zi esa bu “Hizbulloh” infratuzilmasiga qaratilgan cheklangan operatsiya ekanini ta’kidlamoqda. gazeta.uz »
YeXHTning Demokratik institutlar va inson huquqlari bo‘yicha byurosi O‘zbekistondagi parlament saylovlarini kuzatish bo‘yicha missiyasini boshladi. gazeta.uz »
O‘zbekiston tarixda ilk bor FIFA musobaqasiga mezbonlik qilmoqda - 14-sentabrda Toshkent va Buxoroda futzal bo‘yicha 2024-yilgi jahon chempionatining dastlabki o‘yinlari bo‘lib o‘tdi. O‘zbekiston 1-turda Niderlandiya bilan durang o‘ynadi. gazeta.uz »
O‘zbekiston tarixda ilk bor FIFA musobaqasiga mezbonlik qilmoqda - 14-sentabrda Toshkent va Buxoroda futzal bo‘yicha 2024-yilgi jahon chempionatining dastlabki o‘yinlari bo‘lib o‘tdi. O‘zbekiston 1-turda Niderlandiya bilan durang o‘ynadi. gazeta.uz »
