Javohir - Ïîñëåäíèå íîâîñòè [ Ôîòî â íîâîñòÿõ ] | |
O‘zbekistonlik shaxmatchi Javohir Sindarov AQShda o‘tkazilgan birinchi Daniel Naroditskiy xotira turnirining rapid bahslarida g‘alaba qozondi. Yetti turdan so‘ng 6 ochko jamg‘argan holda hindistonlik Aravind Chitambaram bilan birinchi o‘rinni bo‘lishdi, so‘ngra uni blits-tay-breykda 2:0 hisobida mag‘lub etdi. gazeta.uz »
O‘zbekistonlik grossmeyster Javohir Sindarov iyun oyidagi FIDE reytingida jahonning to‘rtinchi eng kuchli shaxmatchisiga aylandi va may oyiga nisbatan bir pog‘ona yuqoriladi. May oyida u Ruminiyadagi turnirda muvaffaqiyatli ishtirok etib, uchinchi o‘rinni egallagandi. gazeta.uz »
O‘zbekistonlik shaxmatchi Javohir Sindarov Nomzodlar turniridagi g‘alabadan keyingi ilk klassik musobaqasini muvaffaqiyatli yakunladi. Super Chess Classic Romania turniridagi og‘ir startdan keyin u kurashga qayta oldi, ikki yorqin g‘alabaga erishdi va “bronza”ni qo‘lga kiritdi. Tafsilotlar - Gazeta sharhida. gazeta.uz »
O‘zbekistonlik grossmeyster Javohir Sindarov Super Chess Classic Romania turnirida uchinchi o‘rinni bo‘lishdi. So‘nggi turdagi durangdan so‘ng u 9 imkoniyatdan 5 ochko to‘plab, 42,5 ming dollar mukofot puli ishlab oldi. Birinchi o‘rinni Vinsent Keymer egalladi. gazeta.uz »
Javohir Sindarov Super Chess Classic Romania turnirining 8-turi oldidan birinchi o‘rinni bo‘lishib turgan Yorden van Forestni yengdi. Partiya Chess.com tomonidan “kun partiyasi” deb topildi, Sindarovning o‘zi esa noyob yakunda Garri Kasparovning Yudit Polgar ustidan qozongan mashhur g‘alabasini esladi. gazeta.uz »
Grossmeyster Javohir Sindarov Ruminiyadagi turnirda yettinchi turgacha peshqadamlik qilayotgan Vinsent Keymerni mag‘lub etdi. U klassik yo‘nalishdagi 10 ta partiyadan iborat g‘alabasiz seriyasiga chek qo‘ydi. gazeta.uz »
O‘zbekistonlik shaxmatchi Javohir Sindarov Super Chess Classic Romania turnirining oltinchi turida qora figuralarda jahon reytingining uchinchi raqamli vakili Fabiano Karuana bilan durang o‘ynadi. Nomzodlar turniridagi muvaffaqiyatidan so‘ng u klassik shaxmat yo‘nalishida hozircha g‘alaba qozona olmayapti. gazeta.uz »
Javohir Sindarov Super Chess Classic Romania turnirining beshinchi turida Alireza Firuja bilan durang o‘ynadi. U g‘alabaga yaqin kelgan edi, ammo to‘piq jarohati sabab mehmonxona xonasida o‘ynagan fransiyalik shaxmatchi mag‘lubiyatdan qutulib qoldi. Keyingi turda Sindarov Fabiano Karuanaga qarshi dona suradi. gazeta.uz »
O‘zbekistonlik shaxmatchi Javohir Sindarov Buxarestda o‘tayotgan Super Chess Classic Romania turnirining 4-turida niderlandiyalik Anish Giri bilan durang qayd etdi. Almashinuvlardan keyin pozitsiya durangga yaqinlashganiga qaramasdan, Sindarov imkoniyat izlashda davom etib, raqibini 107-yurishgacha sinovdan o‘tkazdi. gazeta.uz »
O‘zbekistonlik grossmeyster Javohir Sindarov klassik shaxmatda to‘qqiz oy ichida uchragan ilk mag‘lubiyatiga izoh berdi. U Nomzodlar turniridagi g‘alabadan so‘ng, ehtimol, biroz dam olishi kerak bo‘lganini aytdi. gazeta.uz »
Javohir Sindarov Super Chess Classic Romania turnirining ikkinchi turida hindistonlik grossmeyster Rameshbabu Pragnanandhaga imkoniyatni boy berib qo‘ydi. Bu uning o‘tgan yilning sentabr oyidan buyon klassik nazoratdagi ilk mag‘lubiyatidir - bungacha u ketma-ket 53 ta partiyada mag‘lub bo‘lmagandi. gazeta.uz »
Shaxmatchi Javohir Sindarov Buxarestdagi Superbet Chess Classic Romania turnirining birinchi turida ruminiyalik grossmeyster Bogdan-Daniel Deak bilan durang qayd etdi. Bu o‘zbekistonlik shaxmatchining Nomzodlar turniridagi g‘alabasidan keyingi ilk klassik partiyasi bo‘ldi. gazeta.uz »
Shaxmatchi Javohir Sindarov Super Rapid & Blitz Poland turnirida 7−9-o‘rinlarni bo‘lishib oldi, biroq musobaqaning asosiy voqeasi uning bo‘lajak jahon chempionligi uchun bahsdagi raqibi Dommaraju Gukesh bilan o‘tkazgan partiyalari bo‘ldi. gazeta.uz »
O‘zbekistonlik grossmeyster Javohir Sindarov Super Rapid & Blitz Poland turnirining omadsiz o‘tgan ikkinchi kunidan so‘ng Vladimir Fedoseyev ustidan g‘alaba qozondi. So‘ng u Fabiano Karuana va Alireza Firuja bilan durang o‘ynab, rapid bahslarini 8 ochko bilan yakunladi. Oldinda blits bo‘yicha 18 ta partiya bor. gazeta.uz »
Polshada Grand Chess Tour bosqichining 2-kuni yakuniga ko‘ra, Javohir Sindarov 8-o‘ringa tushib ketdi. U barcha uchta partiyada, jumladan, Gukesh bilan bahsda imkoniyatni boy berdi. O‘zbekistonlik sportchi turnir oldidan vaqt nazorati boshqacha bo‘lgani sababli ushbu partiyaga alohida ahamiyat bermasligini aytgandi. gazeta.uz »
Javohir Sindarov Polshada o‘tayotgan Grand Chess Tour 2026'ning birinchi bosqichini muvaffaqiyatli boshladi. U rapid yo‘nalishidagi 3 partiyada 6 imkoniyatdan 4 ochko jamg‘ardi. Shaxmatchi 4 nafar grossmeyster bilan birga peshqadam bo‘lib turibdi. gazeta.uz »
FIDE Nomzodlar turniri g‘olibi Javohir Sindarov Toshkentda tantanali kutib olindi. U jahon shaxmat toji uchun kurashda Gukeshni mag‘lub etsa, keyingi turnirda Nodirbek Abdusattorovni kutishini aytdi. gazeta.uz »
Shavkat Mirziyoyev Ko‘ksaroy qarorgohida FIDE Nomzodlar turniri g‘olibi Javohir Sindarovga “Mehnat shuhrati” ordenini topshirdi. “Hech bir natija o‘z-o‘zidan bo‘lmaydi. Buning zamirida uzoq yillik mehnat, bolalikdan orttirilgan tajriba, qat’iy iroda, temir intizom yotibdi”, - dedi davlat rahbari. gazeta.uz »
Kiprda o‘tgan Nomzodlar turnirida g‘olib bo‘lgan Javohir Sindarov prezident tomonidan “Mehnat shuhrati” ordeni bilan taqdirlandi. Grossmeysterga avvalroq “O‘zbekiston Respublikasida xizmat ko‘rsatgan sportchi” faxriy unvoni berilgandi. gazeta.uz »
Javohir Sindarovning Nomzodlar turniridagi g‘alabasi tasodif emas. Buning ortida debyut, tavakkal qilishga tayyorlik va ustunlikni saqlab qolish qobiliyati yotadi. Gazeta sharhlovchisi sayyoraning eng yaxshi grossmeysterlarini ishonchsizlikka majbur qilgan shaxmatchining g‘alaba retsepti tarkibini tahlil qiladi. gazeta.uz »
O‘zbekistonlik grossmeyster Javohir Sindarov Nomzodlar turnirining so‘nggi turida durang o‘ynadi va to‘plangan ochkolar soni bo‘yicha rekordni yangiladi. U musobaqani birorta ham mag‘lubiyatsiz o‘tkazib, 14 ochkodan 10 ochko jamg‘ardi. gazeta.uz »
Shavkat Mirziyoyev Javohir Sindarov bilan telefon orqali muloqot qilib, uni Nomzodlar turniri g‘olibiligi bilan tabrikladi. “Meni faqat xursand qilib yuribsan. Senga „mana man“ degan shaxmatchilar ham tan beryapti. gazeta.uz »
O‘zbekistonlik grossmeyster Javohir Sindorov muddatidan oldin Nomzodlar turniri g‘olibiga aylandi. U 13-tur yakuniga ko‘ra 9,5 ochko jamg‘arib, amaldagi jahon chempioni Gukesh Dommaraju bilan shaxmat toji uchun bahslashish huquqini qo‘lga kiritdi. gazeta.uz »
“Men shunchaki ishonchli o‘ynash va o‘z imkoniyatlarimni kutishni istayman”, - dedi shaxmatchi Javohir Sindarov Hikaru Nakamura bilan qisqa durangdan so‘ng. AQShlik shaxmatchi, o‘z navbatida, o‘zbekistonlik sportchi “hozirgi turgan o‘rniga munosib” ekanini va turnirda eng yaxshi o‘yinni ko‘rsatayotganini ta’kidladi. gazeta.uz »
O‘zbekistonlik grossmeyster Javohir Sindarov Nomzodlar turnirining 12-turida Xikaru Nakamura bilan tezkor durang o‘ynadi - partiya 35 daqiqada yakunlandi. Shaxmatchi 9 ochko jamg‘ardi va endi g‘alaba ostonasida turibdi: chempionlik uchun qolgan ikki partiyada bor-yo‘g‘i yarim ochko olishi kifoya. gazeta.uz »
“Kompyuterdek himoyalanish kerak edi, aks holda, iloji yo‘q edi”, - deb tan oldi Javohir Sindarov Nomzodlar turnirining 11-turidagi durangdan so‘ng. Uchrashuv 5 soatdan ortiq davom etdi. O‘zbekistonlik shaxmatchi bu uning faoliyatidagi eng yaxshi himoyaviy o‘yinlardan biri bo‘lganini aytdi. gazeta.uz »
O‘zbekistonlik shaxmatchi Javohir Sindarov Nomzodlar turnirining 11-turida Fabiano Karuana bilan durang o‘ynadi. Musobaqa yakuniga uch tur qolganda o‘zbekistonlik shaxmatchining ta’qibchilari bilan oradagi farqi ikki ochkoligicha qolmoqda. gazeta.uz »
“Men [turnirdagi g‘alabaga] juda yaqinman, lekin oldinda hali muhim partiyalar bor… Bu haqda o‘ylamaslikka harakat qilyapman”, - dedi o‘zbekistonlik shaxmatchi Javohir Sindarov Nomzodlar turnirining 10-turidagi g‘alabadan so‘ng. gazeta.uz »
Javohir Sindarov Nomzodlar turniridagi yetakchiligini yanada mustahkamladi. U Rameshbabu Pragnanandha ustidan ikkinchi g‘alabasini qo‘lga kiritdi. Raqiblarining parallel kechgan uchrashuvidagi durang natija esa unga turnir yakunlanishiga to‘rt tur qolganda oradagi farqni 2 ochkogacha oshirish imkonini berdi. gazeta.uz »
Javohir Sindarov Nomzodlar turnirining to‘qqizinchi turida Mattias Blyubaum bilan bahsda ehtiyotkorroq rejani tanlab, g‘alabani qo‘ldan chiqarganini tan oldi. Raqibi esa Sindarov unga imkoniyat qoldirmagunicha o‘z mag‘lubiyatini tan olishga tayyor bo‘lganini bildirdi. gazeta.uz »
O‘zbekistonlik shaxmatchi Javohir Sindarov Nomzodlar turnirining 9-turida Mattias Blyubaum bilan durang o‘ynadi. O‘zbekistonlik grossmeyster 9 imkoniyatdan 7 ochko jamg‘arib, peshqadamlikni saqlab qolmoqda va eng yaqin ta’qibchisidan 1,5 ochko oldinda bormoqda. gazeta.uz »
O‘zbekistonlik shaxmatchi Javohir Sindarov Nomzodlar turnirining sakkizinchi bosqichida Andrey Yesipenko bilan durang o‘ynab, peshqadamlikni mustahkamladi. 24-yurishdan so‘ng yakunlangan partiyada eng yaqin ta’qibchilari bilan oradagi farq ikki ochkoga yetdi. gazeta.uz »
O‘zbekistonlik shaxmatchi Javohir Sindarov Anish Giriga qarshi hatto teng pozitsiyada ham g‘alaba uchun o‘ynashga harakat qilganini bildirdi. Nomzodlar turniridagi peshqadamlikka qaramay, u bu holatga katta ahamiyat bermayapti. “Natijalar haqida o‘ylashga energiyam yo‘q”, - dedi u. gazeta.uz »
Grossmeyster Javohir Sindarov Nomzodlar turnirining yettinchi turida Anish Giri bilan durang o‘ynadi. U biroz ustunlikka ega bo‘ldi, biroq raqib aniq himoyalana oldi. Birinchi davra yakunlariga ko‘ra, 20 yoshli Sindarov 7 imkoniyatdan 6 ochko jamg‘ardi va ishonchli tarzda peshqadamlikni saqlab qolmoqda. gazeta.uz »
O‘zbekistonlik grossmeyster Javohir Sindarov Nomzodlar turniridagi sensatsion ishtirokini davom ettirmoqda. Vey I ustidan qozonilgan g‘alabadan so‘ng shaxmatchi natijalarga e’tibor qaratmayotganini ma’lum qildi. gazeta.uz »
Shaxmatchi Javohir Sindarov Nomzodlar turnirining oltinchi turida xitoylik Vey I ustidan g‘alaba qozondi. 6 imkoniyatdan 5,5 ochko jamg‘argan Sindarov birorta ham mag‘lubiyatga uchramay, yakka peshqadamlikni davom ettirmoqda. gazeta.uz »
Nomzodlar turnirida besh imkoniyatdan 4,5 ochko jamg‘argan shaxmatchi Javohir Sindarov g‘alabalar seriyasini rejalar bilan emas, partiyalar oldidan olib borilgan intensiv tayyorgarlik bilan izohladi. gazeta.uz »
Javohir Sindarov Nomzodlar turnirining 5-turida qora donalarda musobaqaning ikkinchi raqamli favoriti, AQShlik Hikaru Nakamurani yengdi. Sindarov ushbu turnir tarixida startdayoq 5 imkoniyatdan 4,5 ochko jamg‘argan ilk o‘yinchiga aylandi. gazeta.uz »
O‘zbekistonlik shaxmatchi Javohir Sindarov Nomzodlar turnirining to‘rtinchi turida asosiy favoritlardan biri - Fabiano Karuana ustidan muhim g‘alabani qo‘lga kiritdi. 4 imkoniyatdan 3,5 ochko jamg‘argan grossmeyster yakka o‘zi birinchi o‘ringa chiqib oldi. gazeta.uz »
Javohir Sindarov hindistonlik Rameshbabu Praggnanandxa ustidan qozongan g‘alabasi haqida fikr bildirdi. Bu natija uni Nomzodlar turniri yetakchilari qatoriga olib chiqdi. U ongli ravishda tavakkal qilganini va raqibining “vaqtiga o‘ynaganini” tan oldi. U Grand Chess Tour elita seriyasiga ham taklif oldi. gazeta.uz »
O‘zbekistonlik shaxmatchi Javohir Sindarov Nomzodlar turnirining uchinchi turida hindistonlik Rameshbabu Pragnanandhani mag‘lub etdi. U 3 imkoniyatdan 2,5 ochko jamg‘arib, birinchi o‘rinni Fabiano Karuana bilan bo‘lishib turibdi. gazeta.uz »
O‘zbekistonlik shaxmatchi Javohir Sindarov Nomzodlar turnirining ikkinchi turida Mattias Blyubaum bilan durang o‘ynadi. Maksimum 2 ochkodan 1,5 ochko jamg‘argan Sindarov jadvalning yuqori qismida qolmoqda. gazeta.uz »
O‘zbekistonlik shaxmatchi Javohir Sindarov Nomzodlar turniridagi ilk partiya davomida mag‘lubiyatga uchrashini kutganini tan oldi. “Debyut juda yomon bo‘ldi… go‘yo shunchaki „uxlayotgandek“ va yomon o‘ynayotgandek edim”, - dedi u raqibining xatosidan so‘ng erishgan g‘alabasi haqida gapirib. gazeta.uz »
O‘zbekistonlik shaxmatchi Javohir Sindarov Nomzodlar turniridagi ilk partiyasida rossiyalik Andrey Yesipenkoni mag‘lub etdi. Murakkab vaziyatga tushib qolsa-da, u vaziyatni o‘z foydasiga o‘zgartirib, g‘alaba qozondi. gazeta.uz »
O‘zbekistonlik shaxmatchi Javohir Sindarov Janubiy Afrika Respublikasida o‘tayotgan “Katta dubulg‘a” finalining davra bosqichida Magnus Karlsen va Fabiano Karuanani mag‘lub etib, g‘alabaga erishdi. U chorak final uchun raqibini birinchi bo‘lib tanlash huquqini qo‘lga kiritdi. gazeta.uz »
Shaxmat bo‘yicha Jahon kubogidagi tarixiy g‘alabadan keyin 19 yoshli Javohir Sindarov o‘z taassurotlari bilan o‘rtoqlashdi, final va tayyorgarlikning asosiy pallalarini ta’riflab berdi hamda yaqin rejalari haqida gapirdi. “Bu shaxmatdagi kareramning boshlanishi, xolos”, - dedi u. gazeta.uz »
Prezident farmoni bilan Jahon kubogi sohibi bo‘lgan Javohir Sindarovga “O‘zbekiston Respublikasida xizmat ko‘rsatgan sportchi” faxriy unvoni berildi. Qolaversa, grossmeyster 3 xonali xonadon, uning murabbiylari esa pul mukofotlari bilan taqdirlanadi. gazeta.uz »
O‘zbekistonlik shaxmatchi Javohir Sindarov Hindistonning Goa shahrida bo‘lib o‘tgan Jahon kubogi g‘olibi bo‘ldi. U finalda xitoylik grossmeyster Vey Yini mag‘lub etdi. gazeta.uz »
O‘zbekistonlik Javohir Sindarov hamyurti Nodirbek Yoqubboyevni mag‘lub etib, jahon chempionati finaliga yo‘l oldi. U Da’vogarlar turniriga yo‘llanmani qo‘lga kiritgan birinchi o‘zbekistonlik bo‘ldi. Yoqubboyev bronza va qolgan so‘nggi o‘rin uchun o‘ynaydi. gazeta.uz »
O‘zbekistonlik grossmeyster Javohir Sindarov Shvetsiyada o‘tkazilgan shaxmat bo‘yicha TePe Sigeman & Co nomli nufuzli turnirda 7 o‘yinda 4,5 ochko jamg‘arib, birorta ham mag‘lubiyatga uchramagan holda g‘olib chiqdi. gazeta.uz »
