êåòäè - Ïîñëåäíèå íîâîñòè [ Ôîòî â íîâîñòÿõ ] | |
Farg‘ona viloyatining O‘zbekiston tumanida mast holda Spark boshqargan haydovchi YPX inspektorining to‘xtash haqidagi qonuniy talabiga bo‘ysunmay, uni urib yubordi. Og‘ir jarohat olgan serjant Xayitbek Karimjonov shifoxonada vafot etdi. Jinoyat ishi qo‘zg‘atilib, haydovchi qamoqqa olindi. gazeta.uz »
Navoiy kon-metallurgiya kombinatining “Muruntov” konida BelAZ rusumli karer samosvali xizmat pikapini bosib ketdi. Hodisa oqibatida ikki kishi halok bo‘ldi. gazeta.uz »
Jizzax viloyatida fermer xo‘jaligi hududidagi sun’iy suv hovuzida cho‘milayotgan 14, 16 va 17 yoshli qizlar halok bo‘ldi. Tomchilatib sug‘orish uchun qazilgan hovuzda sodir bo‘lgan holat yuzasidan prokuratura tergovga qadar tekshiruv o‘tkazmoqda. gazeta.uz »
Toshkentning Yakkasaroy tumanida joylashgan ko‘p qavatli uy fasadida yong‘in chiqdi. Hodisa vaqtida uyda yashovchi fuqarolar evakuatsiya qilingan, jabrlanganlar yo‘qligi ma’lum qilindi. gazeta.uz »
Jarqo‘rg‘onda Surxondaryo daryosiga cho‘milish uchun borgan 3 nafar 18 yoshli yigitlar cho‘kib halok bo‘ldi. Ulardan 2 nafarining jasadi topilgan, yana birining jasadini qidirish ishlari ketmoqda. gazeta.uz »
Tojikistonning Xo‘jand shahrida kuchli shamol havo sharini uchirib ketdi. Hodisa vaqtida shar ichida bo‘lgan, arqon uzilgach, yerga qulagan o‘zbekistonlik 46 yoshli erkak, shuningdek, ikki nafar mahalliy fuqaro jarohat oldi. gazeta.uz »
Toshkentning Olmazor tumanidagi “Vistavochnaya” podstansiyasida transformator yondi. Yong‘in qisqa vaqt ichida o‘chirilgan bo‘lsa-da, avariya oqibatida 6,2 ming xonadon, 807 ta yuridik iste’molchi va 18 ta ijtimoiy obyektning elektr ta’minotida uzilishlar yuzaga keldi. FVBBga ko‘ra, hodisada hech kim jabrlanmagan. gazeta.uz »
28-may kuni Surxondaryo viloyatining Denov tumanida Leapmotor, Toshkent shahri Mirobod tumanida esa Gentra avtomobilida yong‘in sodir bo‘ldi. Har ikki holatda ham yong‘in qisqa vaqtda o‘chirildi, jabrlanganlar yo‘q. gazeta.uz »
Andijon viloyati Baliqchi tumanida 17 yoshli o‘smir Qoradaryoda cho‘milish vaqtida cho‘kib ketdi. O‘smirning jasadi uch kunlik qidiruv ishlaridan keyin Qoradaryo ko‘prigi yaqinidan topildi. Holat yuzasidan tekshiruv olib boshlangan. gazeta.uz »
Surxondaryo viloyati To‘palang daryosida 13 yoshli qiz cho‘kib ketdi. Dastlabki ma’lumotlarga ko‘ra, u daryo bo‘yiga yana uch nafar qiz bilan birga kelgan. Hozirda tergovga qadar tekshiruv ishlari olib borilmoqda. gazeta.uz »
O‘zbekistonda joriy Haj mavsumining ilk ziyoratchilari Madinaga kuzatildi. Dastur doirasida O‘zbekistonning 9 ta shahridan jami 70 ta aviareys amalga oshirilishi va ular orqali 15 130 nafar ziyoratchi jo‘nab ketishi rejalashtirilgan. gazeta.uz »
Toshkent metrosining “G‘afur G‘ulom” bekatida ayol poyezd kirib kelayotganida uning yo‘liga tushib ketdi. Mashinist harakat tarkibini tezkor to‘xtatib qoldi, yo‘lovchi jiddiy jarohat olmadi. Hodisa poyezdlar harakati jadvaliga ta’sir qilmagan. gazeta.uz »
O‘zbekiston prezidenti ikki kunlik tashrif bilan Farg‘ona viloyatiga uchib ketdi. U turli sohalardagi loyihalar bilan tanishib, hududni rivojlantirishning ustuvor yo‘nalishlari bo‘yicha yig‘ilish o‘tkazadi. gazeta.uz »
Janubiy Koreyaning Chinju shahrida yuk mashinasi haydovchisi yuk tashish sohasining miting o‘tkazayotgan xodimlari ustiga mashina haydadi. Oqibatda bir kishi halok bo‘ldi, ikki kishi jarohatlandi. gazeta.uz »
O‘zbekistonlik shaxmatchi Javohir Sindarov Nomzodlar turnirining sakkizinchi bosqichida Andrey Yesipenko bilan durang o‘ynab, peshqadamlikni mustahkamladi. 24-yurishdan so‘ng yakunlangan partiyada eng yaqin ta’qibchilari bilan oradagi farq ikki ochkoga yetdi. gazeta.uz »
O‘zbekistonda fuqarolarga rasmiy platforma orqali xorijiy kompaniyalar aksiyalariga sarmoya kiritishga ruxsat berish rejalashtirilmoqda. ILMA ma’lumotlariga ko‘ra, “shubhali platformalar” orqali xorijga qariyb 180 million dollar olib chiqilgan. gazeta.uz »
BMT mustaqil missiyasi Isroil va AQShning Eronga qarshi hujumlarini, shuningdek, Tehronning mintaqa bo‘ylab bergan zarbalarini qoraladi. “Eron aholisi keng ko‘lamli harbiy kampaniya va inson huquqlarini uzoq vaqtdan beri qo‘pol ravishda poymol qilib kelayotgan hukumat o‘rtasida qoldi”, - deyiladi bayonotda. gazeta.uz »
Sharof Rashidov tumanida Lacetti yo‘lning belgilanmagan joyidan burilayotgan Isuzu yuk mashinasiga kelib urildi. Oqibatda Lacetti haydovchisi va 4 nafar yo‘lovchi halok bo‘ldi. gazeta.uz »
Sherzod Kudbiyev Soliq qo‘mitasi raisi lavozimidan ozod etilib, Urbanizatsiya va uy-joy bozorini barqaror rivojlantirish milliy qo‘mitasi raisi lavozimiga tayinlandi. Kadastr agentligi direktori sifatida ishlab kelgan Farrux Pulatov uning o‘rnini egalladi. gazeta.uz »
O‘zbekiston milliy terma jamoasi yordamchi murabbiyi Timur Kapadze lavozimidan ozod etildi. O‘FA Kapadze o‘z murabbiylik faoliyatini bosh murabbiy sifatida davom ettirish niyatida ekanini ma’lum qildi. gazeta.uz »
Prezident administratsiyasi Tashqi aloqalar departamenti boshlig‘i Alisherbek Paygamov lavozimidan ozod etildi. Uning o‘rnini prezidentning strategik rivojlanish bo‘yicha maslahatchisi bilan ism-sharifi bir xil bo‘lgan Sardorbek Umurzakov (suratda) egalladi. gazeta.uz »
Ixtisoslashtirilgan ta’lim muassasalari agentligi matematika fani bo‘yicha o‘tkaziladigan olimpiada savollariga javoblar tarqalib ketganini tasdiqladi. Agentlik olimpiada qayta o‘tkazilishini ma’lum qildi. Holatga sababchi shaxslar esa javobgarlikka tortiladi. gazeta.uz »
Toshkentda ikkita avtobus va Onix mashinasi ishtirokida yo‘l-transport hodisasi yuz berdi. Avval 63-sonli avtobus oldinda harakatlanayotgan 151-sonli avtobusning orqa tomoniga to‘qnashib ketgan. Natijada 151-avtobus o‘zidan oldindagi Onix avtomobiliga borib urilgan. gazeta.uz »
Yakkasaroy tumanida 62-sonli avtobus yo‘lni kesib o‘tayotgan erkakni urib yubordi. Yangihayot tumanida esa 57-sonli avtobus qayrilib olish chog‘ida 18 yoshli qizni bosib ketdi. Har ikkala holatda piyodalar shifoxonaga olib borilgan va tez tibbiy yordam ko‘rsatilgan. Hozirda surishtiruv ishlari olib borilmoqda. gazeta.uz »
Rossiya iqtisodiy rivojlanish vaziri Maksim Reshetnikov mehnat muhojirlari “keldi, ishladi, ketdi” tamoyiliga o‘tkazilishini e’lon qildi. Unga ko‘ra, bu “adolatli” bo‘lib, Rossiyaga muhojirlarning “oilalari kerak emas va mamlakat maktablarda hech kimni o‘qitishga majbur emas (Rossiya fuqarolari mustasno)”. gazeta.uz »
Buxorodagi qishloqda kanalizatsiya quvurini ta’mirlash vaqtida mehnat muhofazasi qoidalariga rioya qilinmagani oqibatida 5 ishchi kuchli oqim tufayli oqib ketdi. Uch nafarining jasadi topildi, ikki nafarini qidirish ishlari davom etmoqda. Jinoyat ishi qo‘zg‘atildi, tergov boshlandi. gazeta.uz »
Sirdaryo viloyatida YTHga uchragan Cobalt butunlay yonib ketdi. Uning ichida bo‘lgan fuqaro vafot etdi. Xabarda aytilishicha, o‘t o‘chiruvchilar hodisa sodir bo‘lgandan 17 daqiqa o‘tgach yong‘inni o‘chirgan. gazeta.uz »
Toshkentning Chilonzor tumanida elektr quvvatlagichda turgan elektromobil yonib ketdi. Yong‘in oqibatida jabrlanganlar yo‘q. FVB va IIBB YHXB mas’ul xodimlari tomonidan dastlabki surishtiruv ishlari olib borilmoqda. gazeta.uz »
Toshkentda 17 yoshli yigit Bo‘rijar kanalida cho‘kib ketdi. Hodisa 22-avgust kuni Bo‘rijar kanalining “Seul Mun” sayilgohi hududidan oqib o‘tgan qismida sodir bo‘lgan. Yigit suvga tushib ketgan bosh kiyimni olish maqsadida kanalga tushib, oqib ketgan. gazeta.uz »
Urganch shahridagi mobil zapravkada yoqilg‘i saqlash rezervuariga benzin to‘kish vaqtida yong‘in yuzaga keldi. 3 tonna benzin yonib zararlandi, tan jarohati olganlar yo‘q. Hodisa videolaridan alanga 9 qavatli bino balandligigacha yetgani, osmonni tutun qoplaganini ko‘rish mumkin. gazeta.uz »
Buloqboshi tumanidan oqib o‘tuvchi kanalga neft oqib ketdi. Bunga “Sanoat energetika guruhi” korxonasida yuz bergan sabab bo‘lgan. Hozirda holat bartaraf etilgan. gazeta.uz »
Andijon viloyati Asaka tumanida yashash xonadonida tashkil etilgan avtoservisda yong‘in yuzaga keldi. Oqibatda uy egasi hodisa joyida halok bo‘ldi. gazeta.uz »
Namangandagi “Shimoliy Farg‘ona” kanaliga cho‘milishga tushgan olti boladan 2 nafari cho‘kib ketdi. 16 yoshli bolalardan birining jasadi oradan 3 kun o‘tib topildi. Boshqasini Namangan, Chust va Pop tumanlari bo‘ylab qidirish davom etmoqda. gazeta.uz »
Toshkent shahrining Yakkasaroy tumani Yunus Rajabiy ko‘chasida yong‘in sodir bo‘ldi. FVV xabariga ko‘ra, qutqaruvchilar yong‘inni 10 daqiqadan kamroq vaqt ichida o‘chirdi, biroq yettita archa yonib ketdi. Qurbonlar haqida ma’lumotlar yo‘q. gazeta.uz »
Uchtepa tumanida 64-raqamli avtobus yonib ketdi. Toshkent FVBga ko‘ra, hodisa oqibatida jabrlanganlar yo‘q. Yong‘inga nima sabab bo‘lgani hozircha ochiqlanmadi. gazeta.uz »
Marg‘ilon shahrida Lacetti avtomobili 3 yoshli bolani bosib ketdi. Tarqalgan videolarda haydovchi uning baqirganini ham eshitmay hodisa joyidan ketib qolgani ko‘rinadi. “Bir oy to‘shakka mixlanib yotdi. Hozir ham o‘zida emas”, - deydi jabrlanuvning buvisi. gazeta.uz »
Toshkent shahri Shayxontohur tumanida Tico avtomobili yo‘lning belgilanmagan qismidan yugurib chiqqan 3 yoshli bolani urib yubordi. Jabrlanuvchi shifoxonaga yotqizildi. gazeta.uz »
Indoneziyaning Bali oroli sohillarida bortida 65 kishi bo‘lgan parom cho‘kib ketdi. To‘rt kishi halok bo‘ldi, 30 dan ortiq kishi bedarak yo‘qoldi. gazeta.uz »
Qamchiq dovonida ikki holatda yuk mashinasi va Gentra avtomobili yo‘l chetidagi xandaqqa tushib ketdi. Ular FVV qutqaruv otryadlari tomonidan olib chiqildi, jarohatlanganlar yo‘q. gazeta.uz »
Mirzaobod tumanidagi Do‘stlik kanalidan 14 yoshli bolaning jasadi topildi. U bir kun oldin kanalga cho‘milish uchun kelib, cho‘kib ketgan. gazeta.uz »
Buxoro shahridagi avtoturargohda turgan Lacetti, Captiva va Nexia-2 yonib ketdi. Yong‘in o‘t o‘chiruvchilar kelganidan so‘ng 12 daqiqa o‘tib o‘chirildi. Hodisa oqibatida tan jarohati olganlar yo‘q. gazeta.uz »
Yuqori Chirchiq tumanida yuk avtomobil dvigatel qismida qisqa tutashuv tufayli yonib ketdi. Yong‘in oqibatida hech kim jarohatlanmadi. gazeta.uz »
Yangihayot tumanida Epica va Spark o‘rtasida to‘qnashuv sodir bo‘ldi. Oqibatda Epica yonib ketdi. Hodisada hech kim jarohat olmadi. Bu so‘nggi 2 sutkada Toshkentda yonib ketgani xabar qilingan uchinchi avtomobil. gazeta.uz »
Yashnobod tumanida Damas va Cobalt avtomobillari yonib ketdi. Yong‘in oqibatida hech kim jabrlanmadi. gazeta.uz »
Toshkentdagi Yashnobod tumanida BYD haydovchisi piyodalar o‘tish joyidan o‘tayotgan fuqaroni urib yubordi. Jabrlanuvchiga birinchi tibbiy yordam ko‘rsatildi. gazeta.uz »
Samarqanddagi Kattaqo‘rg‘on davlat o‘rmon xo‘jaligida 10,5 gektar maydonda yong‘in chiqdi. 7,4 gektar yer zararlanib, 50 ming tupga yaqin yulg‘un va yana bir qancha boshqa daraxtlar shikastlandi. Tabiatga yetkazilgan zarar qariyb 1,9 milliard so‘mni tashkil etdi. Holat yuzasidan hujjatlar prokuraturaga topshirildi. gazeta.uz »
Mirzo Ulug‘bek tumanida elektromobil yonib ketdi. Yong‘in 3 daqiqada o‘chirildi. Hodisada hech kim jarohatlanmadi. gazeta.uz »
Xorazm viloyati Hazorasp tumanida 3 qavatli savdo do‘konida yong‘in yuz berdi. O‘t o‘chiruvchilar uni 7 ta texnika yordamida bir soatda o‘chirdi. Hududning 280 kv.m maydoni yonib ketdi. gazeta.uz »
Qamchiq dovonida Daf yuk mashinasi butunlay yonib ketdi. Yong‘inni o‘chirishga 2 ta qutqaruv ekipaji jalb etildi. Hodisa oqibatida hech kim jarohatlanmadi. gazeta.uz »
Namangan viloyati Uchqo‘rg‘on tumanida 16 yoshli qiz Spark avtomashinasini minib ketayotib, kanalga tushib ketdi. Oqibatda orqa o‘rindiqdagi onasi va singlisi cho‘kib ketdi. Haydovchi qiz va otasi shifoxonada. gazeta.uz »
