ñóíü - Ïîñëåäíèå íîâîñòè [ Ôîòî â íîâîñòÿõ ] | |
Qozog‘iston sun’iy ravishda yog‘ingarchilikni ko‘paytirish bo‘yicha Markaziy Osiyodagi ilk loyihani ishga tushirdi. Mazkur tashabbus hozircha Turkiston viloyatida amalga oshirilmoqda va u suv omborlarini to‘ldirish hamda qishloq xo‘jaligi hududlarini suv bilan ta’minlash darajasini oshirishga qaratilgan. gazeta.uz »
Qasim-Jomart Toqayev Qozog‘iston o‘rta ta’lim tizimiga sun’iy intellektni joriy etish to‘g‘risidagi farmonni imzoladi. Unda o‘quvchilar uchun shaxsiylashtirilgan ta’lim mexanizmini yaratish, shuningdek, maktablarni yuqori tezlikdagi internet bilan ta’minlash ko‘zda tutilgan. gazeta.uz »
Toshkentda “Besh million sun’iy intellekt yetakchilari” loyihasi doirasidagi “Milliy tanlov”ning g‘olib va sovrindorlari taqdirlandi. Ikkita maktabga elektromobil topshirildi. 10 nafar pedagog xorijga sayohat yo‘llanmasini qo‘lga kiritdi. gazeta.uz »
Shavkat Mirziyoyev OTBga sun’iy intellekt, “yashil” energetika, logistikani raqamlashtirish, kritik minerallar, shuningdek, Markaziy Osiyodagi iqlimiy va turizm loyihalari bo‘yicha sheriklikni kengaytirishni taklif etdi. gazeta.uz »
Toshkentda Chirchiq daryosining 16 kilometr qismini obodonlashtirish va kanallar bo‘ylab yashil hududlar barpo etish rejalashtirilmoqda. Dastlab poytaxtda to‘rtta sun’iy ko‘l qurish ko‘zda tutilgan, biroq davlat rahbari ularning sonini 12 taga yetkazish bo‘yicha topshiriq berdi. gazeta.uz »
Qozog‘iston bosh vaziri davlat organlariga mamlakat iqtisodiyoti rivojlanishini prognoz qilish uchun sun’iy intellektni joriy etish bo‘yicha topshiriq berdi. Uning so‘zlariga ko‘ra, SI “katta hajmdagi ma’lumotlarni qayta ishlash, qonuniyatlarni aniqlash va yanada aniqroq prognozlarni shakllantirish” imkonini beradi. gazeta.uz »
Jizzax viloyatining Baxmal tumanida “muzli stupalar” texnologiyasini qo‘llash boshlanishi mumkin. Bu sun’iy muzliklar qishki suv zaxiralarini jamlab, bahorgi suv tanqisligi davrida ulardan foydalanish imkonini beradi. gazeta.uz »
O‘zbekiston uchun SIning asosiy xavfi ish o‘rinlarining ommaviy qisqarishi emas, mehnat unumdorligidagi farqlar sabab daromadlar tengsizligining kuchayishidir. Shu bois davlat siyosati SIni shunchaki rivojlantirishga emas, uni barcha ijtimoiy qatlamlar uchun ochiq va inklyuziv tarzda joriy etishga qaratilishi kerak. gazeta.uz »
Toshkent shahri va viloyatida sun’iy yomg‘ir yog‘dirish va sun’iy shamol texnologiyasini bosqichma-bosqich joriy qilish choralari ko‘riladi. Bunda 2027-yil 1-oktabrga qadar namlik past bo‘lgan hududga kerakli asbob-uskunalar o‘rnatiladi. gazeta.uz »
O‘zbekiston bosh vaziri Abdulla Aripov mamlakatda 2026-yilda sun’iy yo‘ldosh interneti sinov tariqasida ishga tushishini bildirdi. Hukumat rahbarining ma’lum qilishicha, uning operatorlari uchun soliq imtiyozlari paketi shakllantirilgan. gazeta.uz »
Tojikistonda Starlink sun’iy yo‘ldosh aloqasidan foydalanish imkoniyati paydo bo‘ldi. Rasmiylarning so‘zlariga ko‘ra, birinchi navbatda tog‘li hududlardagi davlat va ijtimoiy muassasalar internetga ulanadi. gazeta.uz »
Dekabrda aholining yillik inflyatsion kutilmalari 11,5% ni (o‘zgarishsiz), tadbirkorlarning inflyatsion kutilmalari 11,1% ni (+0,6%) tashkil etdi. Aholi va tadbirkorlarning yoqilg‘i-energiya va transportning qimmatlashishi, narxlarning sun’iy oshirilishi, valyuta kursi o‘zgarishi bilan bog‘liq xavotirlari oshdi. gazeta.uz »
Time talqiniga ko‘ra, “sun’iy intellekt me’morlari” 2025-yil odamiga aylandi. Jurnal muqovasida Mark Sukerberg, Ilon Mask, Sem Altman va boshqa texnologik kompaniyalar vakillari mashhur “Osmono‘par binodagi tushlik” fotosurati uslubida tasvirlangan. gazeta.uz »
O‘zbekiston 2026-yilda “Samarkand-2028” masofaviy zondlash sun’iy yo‘ldoshini uchiradi. Xitoy kompaniyasi o‘z giperspektral apparatlaridan biriga shunday nom beradi. SI modulli sun’iy yo‘ldosh paxta va g‘alla vegetatsiyasini aniqlay oladi, dedi raqamli texnologiyalar vaziri birinchi o‘rinbosari Oleg Pekos. gazeta.uz »
Toshkent shahrining sharq, g‘arb, shimol va janub qismlarida kamida 3 tadan sun’iy ko‘l va suv havzalari tashkil etiladi. Shahardagi favvoralar soni kamida 2 baravarga ko‘paytiriladi. Uzunligi 5 kmdan kam bo‘lmagan “Soyali sayr ko‘cha”lari paydo bo‘ladi. gazeta.uz »
Raqamli vazirlik va Nvidia O‘zbekistonda ikkita SI klasterini yaratishni muhokama qildi. Mamlakat 2026-yilda Nvidia infratuzilmasini korxona, bank va davlat tashkilotlarida joriy etish imkoniyatini o‘rganmoqda. gazeta.uz »
Senatda sun’iy intellekt haqidagi qonunni ko‘rib chiqish vaqtida senator Komila Karamova uning zararli taraflariga e’tibor qaratdi. “O‘quvchilar masalani o‘ylab o‘tirmay, chatbotni javobini, ya’ni ko‘p hollarda noto‘g‘ri javobni olishyapti. gazeta.uz »
Vazirlar Mahkamasi chakana savdo qoidalarini yangiladi. Aksiya yoki chegirma to‘g‘risidagi ma’lumotni uni o‘tkazishdan 10 kun oldin soliq organlariga taqdim etish kerak bo‘ladi. Alkogol, pivo va vino, shuningdek, tamaki mahsulotlari va nikotinli qurilmalar sotuvchilari aksiya va chegirmalar o‘tkaza olmaydi. gazeta.uz »
Raqamli texnologiyalar vaziri Yevropaning SES provayderi bilan O‘zbekistonda sun’iy yo‘ldosh internet habini yaratish bo‘yicha kelishuv imzolanganini ma’lum qildi. Uning ta’kidlashicha, tizim nafaqat mamlakatning chekka hududlari, balki qo‘shni davlatlar bilan ham yuqori tezlikdagi aloqani ta’minlaydi. gazeta.uz »
Prezident 2030-yilgacha sun’iy intellekt bo‘yicha dunyoda eng yaxshi 50 davlat qatoriga kirish rejasini e’lon qildi. “Shu bois ilg‘or xorijiy tajribadan kelib chiqib, “Sun’iy intellekt alyansi”ni tashkil qilamiz”, - dedi u. gazeta.uz »
O‘zbekistonda seysmik xavfsizlik tizimi yangilanmoqda: prezident farmoniga ko‘ra, 2026-yildan boshlab sun’iy intellekt orqali zilzilalarni oldindan prognoz qilish va madaniy meros obyektlari, shuningdek, ko‘priklar va tunnellarning zilzilabardoshligini monitoring qilish tizimi joriy etiladi. gazeta.uz »
Prezident IT-parkka tashrifi chog‘ida sun’iy intellekt texnologiyalarini vazirlik va idoralar faoliyatiga hamda turli iqtisodiyot sohalariga joriy etishga doir loyihalar bilan tanishdi. U AI sohasini rivojlantirishda malakali kadrlar tayyorlash va yoshlarning ilmiy salohiyatini jalb etish muhimligini ta’kidladi. gazeta.uz »
O‘zbekistonda “Bir million o‘zbek dasturchisi” loyihasining mantiqiy davomi sifatida “Bir million sun’iy intellekt yetakchisi” loyihasi ham boshlandi. Bu yil 100 ming, kelasi yil 500 ming yoshlar o‘qitiladi. gazeta.uz »
Prezident farmoni bilan favqulodda vaziyatlar xavfini bartaraf etish sohasiga sun’iy intellekt, robototexnika va zamonaviy raqamli texnologiyalar keng joriy etiladi. Shuningdek, aholi va hududlarni favqulodda vaziyatlardan muhofaza qilish konsepsiyasi doirasida davlat siyosatining vazifalari belgilandi. gazeta.uz »
Iqtisodiyotning barcha tarmoqlariga sun’iy intellektni joriy etish O‘zbekistonning arzon va raqobatbardosh elektr energiyasiga ehtiyojini oshiradi. Prezident SIga talabni inobatga olgan holda energetika infratuzilmasini rivojlantirishni topshirdi. gazeta.uz »
Toshkentlik Ruslan Salohutdinov - sun’iy idrok bo‘yicha AQShning yetakchi tadqiqotchilaridan biri va shu yo‘nalishda Meta vitse-prezidenti. U Siri’ni rivojlantirgan, hozirda ChatGPT’ga o‘xshash tizimlarni takomillashtiryapti. gazeta.uz »
Shavkat Mirziyoyev SIni rivojlantirish uchun 100 mln dollar ajratish va Qoraqalpog‘istonda ma’lumot markazlari qurishga 100 mln dollardan ortiq sarmoya kiritayotgan investorlar uchun sharoit yaratish topshirig‘ini berdi. gazeta.uz »
Zamonaviy sun’iy intellekt hali inson tafakkuridan ancha uzoq, ammo u doimiy aralashuvsiz ham o‘rganish qobiliyatiga ega. Meta’ning SI bo‘yicha vitse-prezidenti Ruslan Salahutdinov ICT Week doirasida shunday rivojlanish istiqbollari, SIning kelajakdagi roli va unga bog‘liq xatarlar haqida so‘zlab berdi. gazeta.uz »
Davlat va biznes hamkorligisiz sun’iy intellektni rivojlantirib bo‘lmaydi. Muvaffaqiyat ko‘p jihatdan tartibga solish sifati va infratuzilmaga bog‘liq, deyiladi TBC talks konferensiyasida. Spikerlar SI, ungacha bo‘lgan ixtirolar kabi, yangi imkoniyatlar yaratib, insonlar hayotini osonlashtirishini ta’kidladi. gazeta.uz »
Albaniyada Diella nomli sun’iy intellekt vazirga aylandi, u davlat xaridlariga mas’ul bo‘ladi. Mamlakat bosh vaziri raqamli yordamchi Albaniyani “davlat tenderlari korrupsiyadan 100 foiz xoli bo‘lgan mamlakat”ga aylantirishini aytdi. Albaniya SIni vazir etib tayinlagan ilk davlat bo‘ldi. gazeta.uz »
O‘zbekistonda 2026/2027 o‘quv yilidan boshlab yuqori sinflar uchun sun’iy intellekt bo‘yicha darslar kiritiladi. Viloyatlarda axborot texnologiyalariga ixtisoslashgan Al Xorazmiy, muhandislik bo‘yicha Mirzo Ulug‘bek, tabiiy fanlar yo‘nalishida Ibn Sino maktablari filiallari tashkil etiladi. gazeta.uz »
Qozog‘istonda 13-avgustdan boshlab Starlink sun’iy yo‘ldosh interneti rasman ishlay boshladi. Uy tariflari 42 dollardan 57 dollargacha turadi. Starlink O‘zbekistonda 2026-yilda ishga tushirilishi kutilmoqda. gazeta.uz »
O‘zbekistonda sun’iy intellektning milliy til modelini ishlab chiqish boshlandi. Mutaxassislarning fikricha, bu raqamli suverenitetni ta’minlaydi, madaniy o‘ziga xoslikni saqlab qoladi hamda tibbiyot, ta’lim va boshqa sohalarda sun’iy intellektni rivojlantirishga turtki beradi. Batafsil - Gazeta maqolasida. gazeta.uz »
Toshkentdagi 10 ta piyodalar o‘tish joyida sun’iy intellekt asosida ishlovchi kameralar faoliyat boshladi. Ular piyodaga yo‘l bermagan haydovchilarni avtomatik ravishda aniqlaydi. Kameralar ishga tushganidan buyon 3 kun ichida 1700 ta qoidabuzarlik aniqlandi. gazeta.uz »
O‘zbekistonda narkotiklar savdosi kanallarini aniqlash uchun videokuzatuv va sun’iy intellektdan foydalaniladi. IIV rahbari ma’lum qilishicha, narkotiklar zarari haqida kecha-yu kunduz ma’lumot beriladigan koll-markaz ochiladi. gazeta.uz »
“O‘zbekkosmos” dalalarda somon yonishini sun’iy yo‘ldosh orqali kuzatib bormoqda va suratlarni huquq idoralariga tezkor uzatmoqda. Agentlik shaharlarda dala va o‘simlik qoldiqlarini yoqib yuborganlik uchun ma’muriy javobgarlik haqida eslatib o‘tdi. Qoidabuzarlik haqida 1207 raqami orqali xabar berish mumkin. gazeta.uz »
Raqobat qo‘mitasi aviakompaniyalar iste’molchilar manfaatlariga zid harakatlarni amalga oshirganida, shu jumladan, sun’iy ravishda chiptalarni savdoga chiqarmaslik holatlari aniqlanganda qonunchilikka asosan chora ko‘rilishini eslatib o‘tdi. gazeta.uz »
Xorazmda 2025/2026 o‘quv yilidan faoliyat boshlaydigan Al-Xorazmiy universiteti tashkil etiladi. U sun’iy intellekt, aerokosmik muhandislik, matematika va informatika bo‘yicha ta’lim beradi. Darslar o‘zbek va ingliz tillarida, kredit-modul tizimida olib boriladi. gazeta.uz »
Yevrokomissiya rahbari Ursula fon der Lyayen Markaziy Osiyo uchun transport yo‘laklari va muhim foydali qazilmalarni o‘z ichiga olgan to‘rtta sohani rivojlantirish uchun 12 mlrd yevrolik investitsiya paketini e’lon qildi. “Eng yaxshisi hali oldinda”, - dedi u. gazeta.uz »
Italiyada Il Foglio gazetasi neyron tarmog‘i tomonidan yozilgan birinchi sonni nashr etdi. Sun’iy intellekt barcha material va sarlavhalarni o‘zi tayyorlagan. Bunda yangi texnologiyalarning inson hayoti va faoliyatiga ta’sirini o‘rganish reja qilingan. U 4 sahifadan iborat bo‘lib, bosma va onlayn shaklda mavjud. gazeta.uz »
Uyushgan jinoiy guruhlar jabrlanuvchilarni nishonga olish uchun sun’iy intellektga asoslangan firibgarlik va to‘lov tizimlariga ko‘proq murojaat qilmoqda, deya ogohlantirdi Yevropol. “SIni inqilobiy qiladigan xususiyatlar ayni paytda uni jinoiy tarmoqlar uchun ham kuchli vositaga aylantiryapti”, - deydi tashkilot. gazeta.uz »
YeI, Expertise France, YeIB va SES provayderi vakillari Toshkentda Markaziy Osiyo uchun sun’iy yo‘ldosh interneti bo‘yicha kelishuvni imzoladi. Yevropa komissari Yozef Sikelaning ta’kidlashicha, O‘zbekistonda mintaqaviy sun’iy yo‘ldosh shlyuzi o‘rnatilishi mumkin, bu esa mamlakatga “haqiqiy raqamli avtonomiya”ni beradi. gazeta.uz »
Markaziy Osiyo davlatlari va YI O‘ta muhim xomashyo bo‘yicha qo‘shma deklaratsiya ishlarini yakunlamoqda. MO mamlakatlari hukumatlari va Yevropa sun’iy yo‘ldosh internet provayderi o‘rtasida kelishuvga tayyorlanmoqda. gazeta.uz »
“O‘zbekkosmos” agentligi sun’iy yo‘ldosh tasvirlari yordamida tuproq sho‘rlanishini monitoring qilish loyihasini ishga tushirdi. Tadqiqot Jizzax viloyatidagi 90 ta ekin maydonini qamrab oladi va tuproqni qayta tiklash hamda yerni boshqarish strategiyasini ishlab chiqishda yordam beradi. gazeta.uz »
O‘rta Chirchiqdagi tumanidagi “Yangi hayot” aerodromida 14-fevral kuni 250 ga yaqin o‘quvchi va talaba o‘zi yasagan kichik sun’iy yo‘ldosh va raketalarni uchirdi. Bu tadbir “O‘zbekkosmos” agentligi tomonidan UzCanSat loyihasi doirasida uyushtirildi. gazeta.uz »
Donald Tramp G‘azo sektori va uning kelajagiga oid, sun’iy intellekt ishlagan, “Tramp G‘azosi” nomli videoni e’lon qildi. Lavhada prezidentning o‘zi va uning oltin haykali, pul sochayotgan Ilon Mask, dam olayotgan Tramp hamda Netanyahuni ko‘rish mumkin. Avvalroq Tramp G‘azo ustidan nazoratga da’vo qilgandi. gazeta.uz »
O‘zbekiston qo‘shinlarida dronlar va ularga qarshi kurashish, sun’iy intellekt bilan ishlaydigan kibertuzilmalar, robotlashgan texnikalarni qo‘llash va havo hujumidan mudofaa bo‘yicha yangi bo‘linmalarni tashkil etish rejalashtirilmoqda. gazeta.uz »
Sun’iy intellekt rivojlanishi ulkan imkoniyatlarni ochadi, lekin bu axloq, regulyatsiya va ma’lumot himoyasi masalalarini hal qilishni talab qiladi, dedi bosh vazir Abdulla Aripov Digital Almaty 2025 forumida. gazeta.uz »
Xitoyning DeepSeek startapi OpenAI`ning ChatGPT`sidan qolishmaydigan, ammo ishlab chiqarish narxi bir necha barobar arzonroq bo‘lgan sun’iy intellekt modelini yaratish orqali jahon fond bozorlariga ta’sir ko‘rsatdi. gazeta.uz »
Shavkat Mirziyoyev Abu Dabida BAA sun’iy intellekt vaziri bilan ilg‘or texnologiyalarni rivojlantirishga qaratilgan strategik sheriklikni kengaytirish yo‘llarini ko‘rib chiqdi. Generativ SIni ishlab chiqish, uni turli sohalarda qo‘llash, SI universitetida talabalarni o‘qitish dasturini joriy etishga kelishildi. gazeta.uz »
