Narxlar - Ïîñëåäíèå íîâîñòè [ Ôîòî â íîâîñòÿõ ] | |
Jahonda oltinning yuqori narxlariga qaramay, O‘zbekiston ketma-ket to‘rt oydan beri oltin sotmayapti. Oxirgi marta 2025-yilning sentabr oyida 1,47 mlrd dollarlik oltin eksport qilingan. 2025-yil yakuniga ko‘ra, oltin eksporti hajmi 9,9 mlrd dollardan oshdi. Yanvarda O‘zbekiston 9 tonna oltin sotib oldi. gazeta.uz »
O‘zbekistonda yanvardagi inflyatsiya 0,7% ni, yillik hisobda esa 7,2% ni tashkil etdi, deb xabar berdi Milliy statistika qo‘mitasi. Go‘sht, sut, tuxum qimmatlashdi, guruch va oq qand narxi pasaydi. Avtosug‘urtaning o‘rtacha narxi 381,8% ga, mobil aloqa xizmati narxlari esa 2,4% ga (yil davomida - 17,9%) oshdi. gazeta.uz »
Dekabrda aholining yillik inflyatsion kutilmalari 11,5% ni (o‘zgarishsiz), tadbirkorlarning inflyatsion kutilmalari 11,1% ni (+0,6%) tashkil etdi. Aholi va tadbirkorlarning yoqilg‘i-energiya va transportning qimmatlashishi, narxlarning sun’iy oshirilishi, valyuta kursi o‘zgarishi bilan bog‘liq xavotirlari oshdi. gazeta.uz »
O‘zbekistonda noyabr oyida inflyatsiya 0,7% ni tashkil etdi, yillik ko‘rsatkich esa 7,5% ga - 2016-yildan buyon eng past darajaga tushdi. Bodring narxi 96% ga, pomidor - 82% ga, tuxum - 2,4% ga oshdi. gazeta.uz »
Donald Tramp amerikalik iste’molchilarning narxlar oshishidan noroziligi kuchayib borayotgani fonida 200 dan ortiq oziq-ovqat mahsulotiga nisbatan bojlarni bekor qildi. Bu Tramp pozitsiyasidagi keskin o‘zgarish bo‘lib, u uzoq vaqt davomida o‘zi joriy qilgan tariflar inflyatsiyaga hissa qo‘shmasligini aytib kelgan. gazeta.uz »
O‘zbekistonda sentabrda oylik inflyatsiya 0,6 foizgacha tezlashdi, yillik hisobda esa 8 foizgacha sekinlashdi. Pomidor, bulg‘or qalampiri, sabzi va tuxum qimmatlashdi. Kartoshka va piyoz narxlari pasaydi. gazeta.uz »
Toshkentda issiqlik ta’minoti tariflari yil oxirigacha ikki marta oshmasligi aniq, dedi “Issiqlikta’minoti” AJ boshqaruv raisi. U yangi narxlar xalq deputatlari Toshkent shahar kengashiga kiritilgani, ammo narxlar qanday belgilanishi hozircha noaniq ekanligini ta’kidladi. gazeta.uz »
O‘zbekistonda ikki oy tahliliga ko‘ra, mahalliy va xorijiy avtomobillar, shuningdek, elektromobillarning ikkilamchi bozordagi narxi tushishda davom etmoqda. Masalan, o‘rtacha foydalanilgan Nexia o‘rtacha 600 dollarga, BYD E2 800 dollarga, inomarkalar esa 500 dollardan 3000 ming dollargacha arzonlashgan. gazeta.uz »
O‘zbekistonda kartoshka narxi oshganiga kuzda qayta ekilgan maydonlardan yetarlicha hosil olinmagani sabab bo‘ldi, deb xabar berdi Qishloq xo‘jaligi vazirligi. Noyabr-aprel uchun 1,7 mln tonna kartoshka zarur, amalda esa mavsumiy talabning 44 foizi yig‘ilgan. Vazirlik narx qachon pasayishi mumkinligini aytdi. gazeta.uz »
2024-yil O‘zbekistonda rasmiy inflyatsiya 9,8 foizni tashkil etdi, bu Markaziy bank kutilmalaridan yuqori. 1 yilda kartoshka deyarli 40 foiz, sabzi 18,3 foizga qimmatladi. Gaz tariflari o‘rtacha 2,3 baravar, elektr energiyasiniki esa qariyb 1,7 baravar, propan narxi 30,9 foizga, benzinniki 5,9 foizga oshdi. gazeta.uz »
MHTI tahlili natijalariga ko‘ra, noyabr oyida ham ikkilamchi avtomobil bozorida o‘rtacha narxlar pasayishda davom etdi. Jumladan, kam foydalanilgan Onix`ning o‘rtacha narxi 5,4 foizga pasaydi. Mahalliy lyuks avtomobillar va elektromobillar narxlarida esa sezilarli o‘zgarish kuzatilmadi. gazeta.uz »
Avtomobilga benzin, metan va propan quyish, elektromobillarni quvvatlash shoxobchalari haqida ma’lumot beruvchi “Avto24” ilovasi test rejimida ishga tushirildi. U orqali haydovchilar qayerda yoqilg‘i quyishni tanlashi, narxlarni solishtirishi, “zapravka”lardagi qo‘shimcha qulayliklardan xabardor bo‘lishi mumkin. gazeta.uz »
Yil boshidan buyon O‘zbekiston uy-joy bozorida savdolar soni 5,7 foizga kamaydi. Narxlarning o‘sish sur’ati sekinlasha boshladi va o‘tgan oyda atigi 0,3 foizga oshdi, Toshkentda esa har kvadrat metr uchun 1142 dollargacha - 1,1 foizga pasaydi. gazeta.uz »
Uy-joy narxlari keskin oshishi tufayli aholining xarid qobiliyati pasayib, ko‘chmas mulkning bozor va fundamental narxlari o‘rtasidagi tafovut 24 foizga yetdi, deya qayd etdi Markaziy bank. Kvartiralar asosiy ehtiyojlarni qondirish uchun emas, balki investitsiya obyekti sifatida ko‘proq sotib olina boshlagan. gazeta.uz »
O‘zbekistonning uchta viloyatidagi gaz quyish shoxobchalarida metanning 3800 so‘mdan sotilishi holatlari qayd etildi, bu belgilangan 3350 so‘mlik limitdan yuqori hisoblanadi. “O‘zenergoinspeksiya” tomonidan tushuntirish ishlari o‘tkazilib, metan gaz maksimal narx doirasida sotilishi ta’minlandi. gazeta.uz »
