Mintaqaviy - Ïîñëåäíèå íîâîñòè [ Ôîòî â íîâîñòÿõ ] | |
“Markaziy Osiyoning qoq markazida” joylashgan O‘zbekiston mintaqaviy loyihalar muvofiqlashtiruvchisi yoki katalizatori bo‘lishi kerak, dedi bosh vazir o‘rinbosari Jamshid Xodjayev. Bunday yondashuv xatarlarni taqsimlash va yirik energetika loyihalarini moliyalashtirish uchun jozibador qilish imkonini beradi. gazeta.uz »
O‘zbekiston prezidenti Markaziy Osiyo mamlakatlari, Mo‘g‘uliston, Ozarbayjon, Gruziya va Armaniston delegatsiyalari rahbarlari bilan birga Ostona shahrida o‘tkazilayotgan Mintaqaviy ekologik sammit ko‘rgazmasidagi milliy pavilonlarni ko‘zdan kechirdi. gazeta.uz »
Pokiston-Afg‘oniston mojarosi so‘nggi yillardagi eng yuqori darajaga yetdi va tomonlar boshi berk ko‘chaga kirib qolgani sababli tez yakunlanishi ehtimoli past, dedi Janubiy Osiyo bo‘yicha ekspert Ildar Yakubov. gazeta.uz »
Eron oliy rahnamosi Ali Xomanaiy AQShning har qanday hujumi mintaqaviy mojaroni keltirib chiqarishidan ogohlantirdi. AQSh mintaqaga aviatashuvchi va jangovar kemalar yuborgan. Eron rasmiylari, o‘z navbatida, Ormuz bo‘g‘ozida jangovar mashg‘ulotlar o‘tkazilishi haqidagi xabarni rad etdi. gazeta.uz »
O‘zbekistonda Mintaqaviy sport kurashlari akademiyasi tashkil etiladi, shuningdek, yangi kurash musobaqalari o‘tkaziladi. Prezident sport maktablari mahalla darajasida faoliyat yuritishi kerakligini ta’kidladi va iqtidorli bolalarni erta aniqlash tizimini mustahkamlashni buyurdi. gazeta.uz »
DXX raisi Bahodir Qurbonov mamlakatdagi xavfsizlik holati bo‘yicha prezidentga hisobot berdi. Unda korrupsiya sabab mingdan ortiq davlat xodimi ishdan haydalgani, yoshlar orasida sintetik narkotiklar tarqalishi 2 karra oshgani va 2026-yil korrupsiyaga qarshi “favqulodda holat” yili bo‘lishi ma’lum qilindi. gazeta.uz »
Samarali mintaqaviy institutlarsiz Markaziy Osiyo doirasidagi hamkorlikning tizimli rivojlanishini ta’minlab bo‘lmaydi. Bu haqda O‘zbekiston prezidenti Shavkat Mirziyoyev Toshkentda bo‘lib o‘tadigan mintaqa davlatlari rahbarlarining yettinchi Maslahat uchrashuvi arafasidagi maqolasida yozdi. gazeta.uz »
Raqamli texnologiyalar vaziri Yevropaning SES provayderi bilan O‘zbekistonda sun’iy yo‘ldosh internet habini yaratish bo‘yicha kelishuv imzolanganini ma’lum qildi. Uning ta’kidlashicha, tizim nafaqat mamlakatning chekka hududlari, balki qo‘shni davlatlar bilan ham yuqori tezlikdagi aloqani ta’minlaydi. gazeta.uz »
Gabalada o‘tgan TDT sammiti hamkorlikning yangi bosqichi - “TDT+” formatining ishga tushirilishini belgilab berdi. Gazeta suhbatlashgan ekspertlarning fikricha, u mintaqaning iqtisodiy va siyosiy avtonomiyasini mustahkamlashi mumkin, ammo Anqara va boshqa hamkorlar o‘rtasida manfaatlar muvozanatini talab etadi. gazeta.uz »
Shavkat Mirziyoyev “MO - Rossiya” sammitidagi nutqida siyosiy muloqotni tizimli asosda davom ettirish, transport va sanoat kooperatsiyasini chuqurlashtirish, raqamli texnologiyalar hamda kadrlar tayyorlash sohasida yangi formatda hamkorlik yo‘lga qo‘yishni taklif etdi. Yakunda Qo‘shma harakatlar rejasi qabul qilindi. gazeta.uz »
BMT Bosh assambleyasining 80-sessiyasida MO davlatlari rahbarlari BMTni, xususan, Xavfsizlik kengashini isloh qilishni yoqlab chiqdi. Besh davlat ham tinchlik va hamkorlik sari harakat qilishga chaqirdi. gazeta.uz »
Xalqaro vaziyatning yomonlashuvi, mintaqadagi chuqur transformatsiya Ostona shahrida bo‘lib o‘tgan “Markaziy Osiyo - Xitoy” sammitida imzolangan Abadiy yaxshi qo‘shnichilik to‘g‘risidagi shartnomaning dolzarbligini tasdiqlaydi. gazeta.uz »
Muzliklarning jadal erishi va suv tanqisligi kuchayib borayotgan sharoitda MO mamlakatlari suv resurslari bo‘yicha mintaqaviy hamkorlikni kuchaytirishi lozim. OTB uzoq muddatli moslashuv asosi sifatida mahalliy monitoring tizimlaridan transchegaraviy ma’lumotlar almashinuvigacha bo‘lgan yechimlarni taklif etmoqda. gazeta.uz »
May oyi oxirida Toshkentda “Markaziy Osiyo-2050” mintaqaviy seminari bo‘lib o‘tadi. Tashkilotchilar mintaqa mamlakatlari fuqarolarini Markaziy Osiyo kelajagi haqidagi esselar to‘plamini yaratishda ishtirok etishga taklif qilmoqda. gazeta.uz »
O‘zbekiston tashabbusi bilan Termizda o‘tkazilgan forumda Markaziy va Janubiy Osiyoni yaqinlashtirish yo‘llari muhokama qilindi. “Termiz muloqoti” qo‘shma loyihalar muhokamasi, shuningdek, Afg‘onistonni mintaqa iqtisodiyotiga jalb qilish va xavfsizlikka jamoaviy yondashuvlarni shakllantirish maydoniga aylandi. gazeta.uz »
Toshkent shahrida Yevropa investitsiya bankining mintaqaviy ofisi ochiladi. Bu boradagi bitim Samarqandda Shavkat Mirziyoyev, Yevropa kengashi prezidenti va Yevropa komissiyasi prezidenti huzurida imzolandi. gazeta.uz »
Markaziy Osiyo davlatlari prezidentlari va delegatsiyalar a’zolari qator hujjatlarni, jumladan, “Markaziy Osiyo - 2040” mintaqaviy hamkorlikni rivojlantirish konsepsiyasi va mintaqa davlatlarida transport-logistika markazlarini rivojlantirish bo‘yicha o‘zaro anglashuv memorandumini imzoladi. gazeta.uz »
O‘zbekistonda Islom dunyosi ta’lim, fan va madaniyat tashkiloti (ICESCO) mintaqaviy vakolatxonasi ochilishi mumkin. Qo‘lyozmalarni saqlash va restavratsiya qilish bo‘yicha tajriba almashish, arab tili o‘qituvchilarini tayyorlash ham ko‘zda tutilgan. gazeta.uz »
Markaziy Osiyoda mintaqaviy gaz savdosini faollashtirish va Turkmanistondan gaz importini oshirish orqali Qozog‘istonda ko‘mir o‘rnini bosish, O‘zbekistonda yuzaga kelayotgan talab va taklif o‘rtasidagi tafovutni bartaraf etish mumkin, deyiladi Jahon bankining uglerod neytralligiga erishish bo‘yicha hisobotida. gazeta.uz »
