Eron - Ïîñëåäíèå íîâîñòè [ Ôîòî â íîâîñòÿõ ] | |
Shveysariyada AQSh va Eron o‘rtasidagi tinchlik muzokaralarining birinchi raundi yakunlandi. Vositachi sifatida ishtirok etayotgan Qatar va Pokiston uchrashuv “ijobiy va konstruktiv” ruhda o‘tganini hamda tomonlar “umidbaxsh progressga erishganini” ma’lum qildi. gazeta.uz »
O‘zbekiston AQSh va Eron o‘rtasida anglashuv memorandumi imzolanganini olqishladi. Mamlakat ushbu voqeani mintaqaviy xavfsizlik va barqarorlik yo‘lidagi muhim diplomatik yutuq sifatida baholadi. TIV muzokaralarda vositachilik qilgan Qatar, Pokiston va boshqa hamkorlarning hissasini yuqori baholadi. gazeta.uz »
AQSh va Eron urushni tugatish bo‘yicha dastlabki kelishuvlar belgilangan o‘zaro anglashuv memorandumini imzoladi. Yakuniy bitim 60 kun ichida kelishib olinishi kerak. Hujjatga prezidentlar Donald Tramp va Masud Pezeshkiyon imzo chekdi. gazeta.uz »
“Katta yettilik” (G7) davlatlari rahbarlari qo‘shma bayonotda Ukrainaga yangi qurol-yarog‘ yetkazib berishni va’da qildi, AQSh va Eron o‘rtasidagi yangi kelishuvni qo‘llab-quvvatladi. Qolaversa, Hind-Tinch okeani mintaqasidagi kelishmovchiliklarni tinch yo‘l bilan hal etish tarafdori ekanligini bildirishdi. gazeta.uz »
AQSh prezidenti Donald Tramp AQSh va Eron urushni to‘xtatish bo‘yicha dastlabki kelishuvni allaqachon imzolaganini ma’lum qildi. Hujjat mazmuni hozircha ochiqlanmagan, ammo Amerika prezidentining so‘zlariga ko‘ra, unda “Eron hech qachon yadroviy qurolga ega bo‘lmaydi” deb qayd etilgan. gazeta.uz »
AQSh va Eron tinchlik kelishuviga erishganini e’lon qildi. Hujjatning rasman imzolanishi 19-iyun kuni Shveysariyada bo‘lib o‘tadi. Eron OAVlari kelishuv 14 banddan iborat bo‘lib, Hurmuz bo‘g‘ozining ochilishi va Tehronning muzlatilgan aktivlarini erkinlashtirishni ham o‘z ichiga olishini yozmoqda. gazeta.uz »
11-iyunga o‘tar kechasi AQSh qurolli kuchlari Erondagi obyektlarga yangi zarbalar berdi. Tramp Tehron urushni tugatish bo‘yicha muzokaralarni paysalga solayotgani uchun “badal to‘lashini” ma’lum qildi. gazeta.uz »
Tehron Hurmuz bo‘g‘ozi uzra AQSh vertolyotini urib tushirganidan keyin Qo‘shma Shtatlar Eronga zarbalar berdi. Bunga javoban Islom inqilobi qo‘riqchilari korpusi AQShning Yaqin Sharqdagi harbiy bazalariga hujum qildi. gazeta.uz »
Eron va Isroil bir qator o‘zaro zarbalardan so‘ng hujumlarni to‘xtatganliklarini e’lon qildi. Tehron Isroil armiyasi Livanni o‘qqa tutishda davom etsa, zarbalarni qayta tiklashi haqida ogohlantirdi. gazeta.uz »
Eron Isroilga ballistik raketalar bilan zarba berdi. SAXAL bunga javoban Eron harbiy obyektlari va petrokimyo majmuasini o‘qqa tutdi. Bu 2 oy avval o‘t ochishni to‘xtatish kelishuvi kuchga kirganidan beri ilk zarbalar almashinuvi bo‘ldi. gazeta.uz »
Eron oliy rahnamosi qurolbop sifatga yaqin uranni mamlakat tashqarisiga olib chiqmaslikni talab qiluvchi farmon chiqardi. Urushga qadar Tehron bu uran zaxiralarining yarmini xorijga yuborishga tayyor edi, biroq AQSh prezidentining zarba berish haqidagi takroriy tahdidlaridan so‘ng o‘z pozitsiyasini o‘zgartirdi. gazeta.uz »
Eron, agar AQSh yana mamlakatga hujum qilsa, urushni Yaqin Sharqdan tashqariga yoyish bilan tahdid qildi. Avvalroq AQSh prezidenti Donald Tramp Fors ko‘rfazi davlatlarining iltimosiga ko‘ra so‘nggi daqiqada Eronga yangi zarbalarni bekor qilganini ma’lum qilgandi. gazeta.uz »
AQSh va Isroil Eron bilan urush boshlanishidan oldin mamlakat oliy rahbariyati yo‘q qilingach, mamlakatning sobiq prezidenti Mahmud Ahmadinajodning hokimiyatga kelishini nazarda tutuvchi rejani ishlab chiqqandi. gazeta.uz »
Eronning O‘zbekistondagi elchixonasi Gazeta`ga bergan intervyusida AQSh bilan muzokaralar, o‘t ochishni to‘xtatish rejimi, sanksiya va vositachilarning diplomatik jarayonga ta’siri bo‘yicha izoh berdi. gazeta.uz »
AQSh va Eron Hurmuz bo‘g‘ozida o‘zaro o‘t ochdi. Eskalatsiya ikki davlat o‘rtasidagi tinchlik muzokaralari haqidagi xabarlar fonida yuz berdi. Tramp o‘zaro zarbalarni “muhabbat tarsakisi” deb atadi va sulh amal qilishda davom etayotganini ta’kidladi. gazeta.uz »
Oq uy AQSh va Eron urushni tugatadigan hamda Eron yadro dasturi bo‘yicha batafsilroq muzokaralar uchun asos yaratadigan o‘zaro anglashuv memorandumini imzolashga yaqin deb hisoblamoqda. gazeta.uz »
Tramp Kongressga yo‘llagan maktubida Eron bilan harbiy harakatlar tugaganini bildirib, AQSh qo‘shinlari hozircha mintaqada qolishini qo‘shimcha qildi. Bundan avval u qonunda ko‘zda tutilgan 60 kunlik muddatdan tashqari operatsiyani davom ettirish uchun Kongressdan ruxsat so‘rashdan bosh tortgandi. gazeta.uz »
BAA mintaqadagi vaziyat sababli o‘z fuqarolariga Eron, Livan va Iroqqa borishni taqiqlab, u yerlardan zudlik bilan qaytishga chaqirdi. OAV, shuningdek, urush boshlangach, Isroil o‘z tarixida ilk bor “Temir gumbaz” tizimini BAAga himoya maqsadida joylashtirganini yozdi. gazeta.uz »
FIFA prezidenti Janni Infantino Eron terma jamoasi JCH-2026'da qatnashishi va o‘yinlarini AQShda o‘tkazishini bildirdi. Lekin harbiy nizo va viza muammolari sababli jamoaning turnirdagi ishtiroki hamon so‘roq ostida. gazeta.uz »
Eron AQShga Hurmuz bo‘g‘ozini ochish va urushni tugatishni ko‘zda tutuvchi taklifni vositachilar orqali yo‘lladi. Shu bilan birga, Tehron Eron yadroviy dasturi bo‘yicha muzokaralarni keyinroqqa qoldirishni taklif etmoqda. gazeta.uz »
AQSh va Eron vaqtinchalik o‘t ochishni to‘xtatish kelishuvidan keyin o‘tgan ikki hafta ichida tinchlik borasida kelisha olmadi. Hurmuz bo‘g‘ozi yopiqligicha qolmoqda, yangi muzokaralar taqdiri esa so‘roq ostida. Gazeta voqealar xronologiyasini keltiradi. gazeta.uz »
AQSh prezidenti Donald Tramp Pokistonning iltimosiga binoan Eron bilan o‘t ochishni to‘xtatish rejimini tinchlik muzokaralari yakunlangunga qadar uzaytirganini ma’lum qildi. U, shuningdek, AQSh Eron portlari blokadasini davom ettirishini bildirdi. gazeta.uz »
Tehron hozirgacha AQSh bilan muzokaralarning ikkinchi raundida ishtirok etishini rasman tasdiqlamadi, biroq G‘arb OAVning yozishicha, Eron oliy rahnamosining roziligi olingan. AQSh va Eron o‘rtasidagi vaqtinchalik sulh muddati 21-aprelda tugaydi. gazeta.uz »
Eron TIV rahbari Abbos Arakchi Livandagi sulh munosabati bilan Hurmuz bo‘g‘ozi tijorat kemalari uchun ochilganini e’lon qildi. Urush boshidan beri to‘sib qo‘yilgan strategik yo‘l endi belgilangan yo‘nalish bo‘yicha harakatlanish uchun ochiq bo‘ladi. gazeta.uz »
AQSh va Eron o‘rtasida Pokistonda o‘tgan tinchlik muzokaralari muvaffaqiyatsiz yakunlangach, AQSh harbiy kuchlari Fors va Ummon qo‘ltiqlaridagi Eron portlarini dengiz orqali blokada qilishga kirishdi. gazeta.uz »
AQSh vitse-prezidenti Jey Di Vens Pokistonda o‘tgan muzokaralarda AQSh va Eron kelishuvga erisha olmaganini aytdi. Uning so‘zlariga ko‘ra, Tehron Vashington qo‘ygan shartlarni, jumladan, yadro qurolidan voz kechish talabini qabul qilmagan. gazeta.uz »
Tramp Eronni Hurmuz bo‘g‘ozini ochish bo‘yicha kelishuvlarni buzishda ayblab, bo‘g‘ozdan o‘tayotgan kemalardan haq undirishdan ogohlantirdi. Eron esa Isroilning Livanga zarbalari kelishuvning buzilishi ekanini aytmoqda. gazeta.uz »
Tramp ma’muriyati Eron bilan urushda AQShga yetarlicha yordam bermagan NATO davlatlaridan AQSh qo‘shinlarini olib chiqib ketish variantini ko‘rib chiqmoqda. Ittifoqchilardan norozi bo‘lgan Tramp avvalroq alyansdan butunlay chiqib ketish bilan tahdid qilgandi. Uning “ko‘ngli qolgan” a’zolar qatorida Ispaniya bor. gazeta.uz »
So‘nggi ikki kunda AQSh, Eron va vositachilar o‘rtasida sulh bo‘yicha faol muzokaralar kechdi. Ularda ilk bor Eron oliy rahnamosi ishtirok etdi. Trampning atrofidagilar oxirgi soatlargacha u taklifni rad etadi deb hisoblagan, Pentagon esa Eronni bombardimon qilishga tayyorlanayotgandi, deb yozadi Axios. gazeta.uz »
O‘zbekiston TIV Pokiston vositachiligida Yaqin Sharqda o‘t ochishni to‘liq to‘xtatish va sulh o‘rnatilishi e’lon qilinganini olqishladi. “Bu keskinlikni yumshatish va maqbul yechimlarni topishdagi muhim qadamdir”, deyiladi bayonotda. gazeta.uz »
Tramp Eron bilan ikki haftalik sulh tuzilganini e’lon qildi. Buning asosiy sharti - Hurmuz bo‘g‘ozining zudlik bilan ochilishi. Tehron sulhga roziligini rasman tasdiqladi va mamlakat “buyuk g‘alabaga erishganini” hamda “jinoyatchi AQShni o‘zining 10 bandlik rejasini qabul qilishga majbur etganini” bayon qildi. gazeta.uz »
Eron hukumati, Tramp tomonidan Tehronga Hurmuz bo‘g‘ozini ochish va AQSh bilan kelishuv tuzish uchun berilgan muhlat tugayotgan bir paytda, yoshlarni elektrostansiyalar atrofida “jonli zanjir” qurishga chaqirdi. gazeta.uz »
AQSh va Eron vositachilar orqali o‘t ochishni 45 kunga to‘xtatish bo‘yicha muzokaralar o‘tkazmoqda. Biroq, Axios manbalariga ko‘ra, kelishuvga erishish imkoniyatlari juda kam. Tramp esa, o‘z navbatida, Hurmuz bo‘g‘ozi ochilmasa, Eronning ko‘priklari va elektr stansiyalarini bombardimon qilish bilan yana tahdid qilmoqda. gazeta.uz »
Tramp xalqqa yo‘llagan murojaatida Eronga qarshi urush “AQSh xavfsizligi va erkin dunyo uchun” zarurligini aytdi. U AQShning urushdagi maqsadlari “yakuniga yaqinlashayotganini” yana bir bor qayd etib, Eronni “tosh asriga qaytarish” bilan tahdid qildi. gazeta.uz »
Tramp AQSh Eron bilan urushga ikki-uch hafta ichida yakun yasash niyatida ekanini va Tehron Vashington bilan kelishuv tuzishi shart emasligini aytdi. Shuningdek, u Hurmuz bo‘g‘ozini ochish bilan boshqa davlatlar shug‘ullanishi kerakligini ta’kidladi. gazeta.uz »
Tramp va uning yordamchilari Hurmuz bo‘g‘ozini ochtirish mojaroni cho‘zib yuboradi degan xulosaga keldi, deb yozdi Wall Street Journal. AQSh bo‘g‘ozni ochishga Tehronga bosim o‘tkazish orqali erishmoqchi, agar bu muvaffaqiyatsizlikka uchrasa, ittifoqchilardan bu sa’y-harakatlarga bosh bo‘lishni talab qiladi. gazeta.uz »
Tramp Tehron yaqin vaqt ichida kelishuvga rozi bo‘lmasa va Hurmuz bo‘g‘ozini ochmasa, Eronning barcha energetika infratuzilmasini “to‘liq” yo‘q qilish bilan tahdid qildi. AQSh prezidentining ushbu bayonoti Pentagonning Eronda quruqlikdagi operatsiyalarga tayyorgarlik ko‘rayotgani haqidagi xabarlardan so‘ng yangradi. gazeta.uz »
AQSh prezidenti Donald Tramp Eronning energetika obyektlariga beriladigan zarbalarni yana 10 kunga kechiktirganini ma’lum qildi. Uning so‘zlariga ko‘ra, u bu qarorni Eron hukumatining iltimosiga binoan hamda “juda yaxshi ketayotgan” muzokaralar fonida qabul qilgan. gazeta.uz »
Tramp AQSh va Eron urushni tugatish bo‘yicha “juda samarali” muzokaralar olib borgani va “bitim tuzish”ni xohlayotganini ma’lum qildi. Tehron bu ma’lumotni rasman rad etdi va Vashington bilan hech qanday muzokaralar olib bormasligini ma’lum qildi. gazeta.uz »
Eron Markaziy banki mamlakat tarixidagi eng yirik nominal - 10 mln rialli banknotani muomalaga chiqardi. Qiymati 7 dollardan sal ko‘proq bo‘lgan ushbu kupyura inflyatsiya va aholining naqd pulga bo‘lgan keskin ehtiyoji fonida joriy etilgani ta’kidlandi. gazeta.uz »
Donald Tramp AQShning NATO bo‘yicha ittifoqchilarining aksariyati Hurmuz bo‘g‘ozini blokirovkadan chiqarish uchun Eronga qarshi urushga qo‘shilishdan bosh tortganini ma’lum qildi. Shu bilan birga, u Vashington hech kimning yordamiga muhtoj emasligini ham ta’kidladi. gazeta.uz »
“Katta yettilik” (G7) davlatlari yetakchilari iqtisodiy oqibatlar kuchayib borayotgan bir paytda Donald Trampni Eron bilan urushni imkon qadar tezroq tugatishga chaqirdi. Oq uy rahbari Tehron “taslim bo‘lish arafasida” ekanini aytdi. gazeta.uz »
Eron sport vaziri futbol bo‘yicha 2026-yilgi Jahon chempionatida mamlakat terma jamoasi ishtirok etmasligini ma’lum qildi. “Ushbu korrupsiyalashgan rejim rahnamomizni o‘ldirganini hisobga olsak, hech qanday holatda qatnasha olmaymiz”, - dedi u. gazeta.uz »
BMT mustaqil missiyasi Isroil va AQShning Eronga qarshi hujumlarini, shuningdek, Tehronning mintaqa bo‘ylab bergan zarbalarini qoraladi. “Eron aholisi keng ko‘lamli harbiy kampaniya va inson huquqlarini uzoq vaqtdan beri qo‘pol ravishda poymol qilib kelayotgan hukumat o‘rtasida qoldi”, - deyiladi bayonotda. gazeta.uz »
Ozarbayjonning Naxichevan shahridagi aeroport hududiga Eron droni quladi. Aeroport infratuzilmasiga shikast yetgan, ikki kishi jabrlangan. Ozarbayjon TIV “dron hujumi”ni qoralab, Erondan qisqa fursat ichida aniq tushuntirish berishni so‘radi, shuningdek, elchini chaqirtirdi. gazeta.uz »
Mintaqadagi namoyishlar va harbiy keskinliklarga qaramay, Eron va O‘zbekiston o‘rtasidagi iqtisodiy aloqalar o‘sishda davom etmoqda, deya ta’kidladi elchi Muhammad Ali Iskandariy. “O‘zbekiston oldidagi barcha majburiyatlarimizni bajaryapmiz, tovarlar tranziti bo‘yicha eng katta yordamni berib kelyapmiz”, - dedi u. gazeta.uz »
Ali Xomanaiyning o‘g‘li Mojtaba Xomanaiy Eron oliy rahbari lavozimiga asosiy nomzod bo‘ldi, deb yozdi NYT. Ekspertlar kengashi IIQK ta’siri ostida shu qarorga kelgani aytilmoqda. Boshqa nomzodlar orasida kengash a’zosi Alirizo Arofiy va Islom respublikasi asoschisi Xomeyniyning nabirasi Hasan Xomeyniy bor. gazeta.uz »
Eron AQSh va Isroilning hujumlariga javoban BAA va Qatarni o‘z ichiga olgan Fors ko‘rfazi mamlakatlariga zarba berishda davom etdi. Dubay, Abu Dabi va Dohada yana portlash tovushlari eshitildi. Isroil esa “Hizbulloh”ning o‘qqa tutishiga Livanga zarbalar berish bilan javob qaytardi. gazeta.uz »
Jenevada AQSh-Eron yadroviy dastur bo‘yicha muzokaralarining 2-raundi o‘tdi. Tomonlar progress kuzatilgani va “ustuvor tamoyillar” kelishib olinganini bayon qildi. Tehron sanksiyalar bekor qilinishi evaziga uranni boyitishni to‘xtatishga tayyor. gazeta.uz »
Eronlik huquq faoli, 2023-yilda tinchlik bo‘yicha Nobel mukofotiga loyiq ko‘rilgan Narges Muhammadi 7,5 yilga qamaldi. U “til biriktirish, noqonuniy to‘planish va propaganda”da ayblandi. 2021-yilda ham Eron hukumati unga “davlatga qarshi tashviqot” uchun 2,5 yil qamoq jazosini bergandi. gazeta.uz »
