Jinsiy - Ïîñëåäíèå íîâîñòè [ Ôîòî â íîâîñòÿõ ] | |
O‘zbekistonda bolalar jinsiy ekspluatatsiyasi mamlakatning xalqaro majburiyatlariga qaramay, hanuz alohida jinoyat tarkibi sifatida belgilanmagan. Irina Matviyenko ushbu huquqiy bo‘shliq bolalarga qarshi bunday jinoyatlarni “ko‘rinmas” qilayotgani va aybdorlar jazodan qutulib qolishiga yo‘l ochayotgani haqida yozadi. gazeta.uz »
Nemolchi.uz bolalarning jinsiy daxlsizligiga qarshi yana bir jinoyat haqida xabar qildi. Andijonda IIB xodimlari bir qizning 1 mln so‘mga jinsiy aloqa uchun sotilishi oldini olgan. Biroq sud ishni odam savdosidan yengilroq modda - qo‘shmachilik sifatida qayta malakalab, ozodlikni cheklash jazosini tayinladi. gazeta.uz »
O‘zbekistonda odam savdosining asosiy qismini jinsiy ekspluatatsiya tashkil etmoqda. 2025-yilda odam savdosi bilan bog‘liq 177 ta holat kuzatilgan bo‘lib, uning 92 tasi shahvoniy ekspluatatsiyaga to‘g‘ri kelgan. gazeta.uz »
Deputatlar jinsiy erkinlikka qarshi jinoyatlar va odam o‘limiga sabab bo‘ladigan ayrim ishlarni tergov qilish vakolatini prokuraturaga o‘tkazish haqidagi qonunni qabul qildi. Shuningdek, voyaga yetmaganlarni nomusiga tegishda ayblangan mahbuslarni manzil-koloniyalarga o‘tkazmaslik ko‘zda tutilmoqda. gazeta.uz »
Odam savdosi, jinsiy ekspluatatsiya va zo‘ravonlikda ayblanayotgan Endryu Teyt, shuningdek, uning ukasi Tristan Teytning O‘zbekistonda tantanali kutib olinishi jamoatchilik tanqidiga sabab bo‘ldi. Gazeta Endryu Teyt shaxsi hamda aka-ukalarga e’lon qilingan ayblovlar bo‘yicha obzor tayyorladi. gazeta.uz »
O‘zbekistonda jinsiy erkinlik, oila va yoshlarga qarshi jinoyat sodir etgan shaxslar “jinoyatlar xaritasi” va maxsus reyestr yordamida monitoring qilinadi. Ular korreksiya dasturlaridan o‘tishga majbur bo‘ladi hamda voyaga yetmaganlar bilan aloqa mavjud bo‘lgan sohalarda ishlashi taqiqlanadi. gazeta.uz »
Musobaqada qatnashish uchun Toshkentga yuborilgan Namangandagi banklardan birining erkak xodimi mehmonxonada ayol hamkasbiga shilqimlik qildi. Jabrlanuvchining aytishicha, u hamkasbining jinsiy aloqada bo‘lish taklifiga rozi bo‘lmagach, erkak uni yotqizib, yostiq bilan bo‘g‘gan. Huquqbuzar 5 sutkaga qamaldi. gazeta.uz »
14 yoshga to‘lmagan bolani zo‘rlagani uchun sudlangan shaxs umumiy tartibli koloniyadan manzil-koloniyaga o‘tgach, u yerni tark etib, yaqinda 9 yoshli qizni zo‘rladi. Gazeta yuristlar bilan bunday holatlar takrorlanmasligi uchun huquqni qo‘llashda nimalar o‘zgarishi kerakligi haqida suhbatlashdi. gazeta.uz »
Qashqadaryo viloyati Ko‘kdala tumanidagi 17-maktab direktori ishga joylashtirish evaziga ayolga jinsiy aloqa taklif qilgani uchun vazifasidan ozod etildi. gazeta.uz »
Turkiyada qarovsiz qolgan voyaga yetmagan O‘zbekiston fuqarosi vatanga qaytarildi. U Istanbulda o‘gay otasi tomonidan jinsiy zo‘ravonlikka uchragan va bolalar uyiga joylashtirilgan. U yerdan ozod etilgach, opasi bilan yashagan. gazeta.uz »
AQSh Immigratsiya va bojxona nazorati xizmati O‘zbekiston fuqarosi Ulug‘bek Davronovni qo‘lga oldi. 21 yoshli muhojir AQSh hududida noqonuniy ravishda bo‘lgan, shuningdek, bir qator jinsiy jinoyatlarda ayblanmoqda. U hibsda. gazeta.uz »
BMT Bosh kotibining maxsus vakili Najat Maala Toshkentga qilgan tashrifi chog‘ida “Gazeta.uz”ga intervyu berdi. U bolalarga zo‘ravonlik, jinsiy tarbiya kabi muhim masalalar haqida gapirdi. “Bolalarga nisbatan zo‘ravonlik ayollarga bo‘lgan zo‘ravonlik va gender kamsitish stereotipi bilan bog‘liq”, - deydi Maala. gazeta.uz »
Bolalarni jinsiy ekspluatatsiya qilish bilan bog‘liq uchta jinoiy ishda aybdor deb topilgan O‘zbekiston fuqarosi AQShdan deportatsiya qilindi. Deportatsiya Arizona shtatining Feniks shahrida amalga oshirilgan. gazeta.uz »
BMT Isroilni G‘azodagi ayollar sog‘liqni saqlash muassasalarini yo‘q qilish orqali genotsidni amalga oshirish va jinsiy zo‘ravonlikdan urush strategiyasi sifatida foydalanishda aybladi. “Isroil falastinliklarning ko‘payish qobiliyatini qisman yo‘q qildi”, - deyiladi hisobotda. Netanyahu buni antisemitizm deb atadi. gazeta.uz »
Bosh prokuratura Andijon viloyatidagi birinchi va apellyatsiya instansiyasi sudlarining erkakning 13 yoshli qo‘shnisi bilan jinsiy aloqa qilish niyatini ma’muriy huquqbuzarlik deb topgan qarorlariga protest kiritdi. Erkak sud qarori bilan 5 sutkaga qamalgandi. gazeta.uz »
Andijonda er-xotin 13 yoshli qo‘shni qizga nisbatan shahvoniy shilqimlikda ayblanib, sud tomonidan 5 sutka qamoq va jarima jazosiga tortilgandi. Sud qarori yuzasidan apellyatsiya shikoyati esa qanoatlantirilmagan. gazeta.uz »
Andijon viloyatida er-xotin 13 yoshli qo‘shni qizga nisbatan shahvoniy shilqimlikda ayblanib, sud tomonidan 5 sutka qamoq va jarima jazosiga tortildi. Erkak o‘smirga pul taklif qilib, jinsiy aloqa qilmoqchi bo‘lgan, uning oldiga qizni xotini olib kelgan. gazeta.uz »
AQSh Moliya vazirligi O‘zbekistonning ikki sobiq davlat xizmatchisi va mehribonlik uyi sobiq rahbariga inson huquqlarini jiddiy buzgani uchun sanksiyalar kiritdi. Gap “Xorazm ishi” bo‘yicha Urganchdagi bolalar uyi tarbiyalanuvchilariga nisbatan jinsiy jinoyat sodir etganlikda ayblanganlar haqida ketmoqda. gazeta.uz »
Bolalar ombudsmani Samarqandda guruhli jinsiy zo‘ravonlik qurboni bo‘lgan maktab o‘quvchisi bilan uchrashdi. Qizga har tomonlama tibbiy, psixologik va ijtimoiy yordam ko‘rsatila boshlandi. Jabrlanuvchining onasi OAVdan jinoyat tafsilotlarini e’lon qilmaslikni so‘radi. gazeta.uz »
Qarshi shahrida “102”ga telefon qilgan ayol u bilan 3 yildan beri birga yashayotgan erkak uning 7 yoshli qiziga jinsiy zo‘ravonlik harakatlarini qilgani haqida shikoyat qilgan. Ijtimoiy tarmoqda qizaloqning holat haqida kimgadir aytsa, erkak uni o‘ldiraman, deya qo‘rqitganini yig‘lab aytib bergan videosi tarqaldi. gazeta.uz »
Qozog‘istonda amakisi tomonidan jinsiy zo‘ravonlikka uchragan 12 va 17 yoshli o‘zbekistonlik opa-singil vatanga qaytarildi. Qizlarning opasini ularga vasiy etib belgilash ishlari ketmoqda. Erkakka nisbatan dastlabki tergov tamomlanib, materiallar sudga yuborildi. gazeta.uz »
Shahrisabzda 14 yoshli qizni 7 oy qullikda saqlab, turli shaxslar bilan jinsiy aloqa qilishga majburlagan ayol va uning sheriklariga sud hukmi o‘qildi. Ayol JKning ikki moddasi bo‘yicha 7,5 yilga, ikki erkak uch modda bilan 9 yilga qamaldi. gazeta.uz »
Qozog‘istonda erkak o‘z vasiyligidagi o‘zbekistonlik qiz jiyanlariga jinsiy zo‘ravonlik qilgani aytilmoqda. Holat bo‘yicha jinoyat ishi qo‘zg‘atilib, gumonlanuvchi qamoqqa olindi. Hozirda 12 va 17 yoshli qizlarga vasiy tayinlash va ularni O‘zbekistonga qaytarish choralari ko‘rilmoqda. gazeta.uz »
Yangi Namangan tumanida 68 yoshli erkakning 7 yoshli qizga nisbatan qilgan harakatlari qayta malakalandi va erkak jinsiy ehtiyojni zo‘rlik ishlatib, g‘ayritabiiy usulda qondirish moddasi yuzasidan qamoqqa olindi. gazeta.uz »
Jizzax viloyatida OIV bilan kasallangan ikki shaxs qasddan boshqalar bilan jinsiy yaqinlik qilgani aniqlandi. Ularga nisbatan jinoiy ish qo‘zg‘atildi. gazeta.uz »
Toshkent shahridagi 9t-sonli avtobusining chiptachisi yo‘lovchi ayolga jinsiy aloqa qilishni taklif etib, shahvoniy shilqimlik qilib kelgan. Sud hukmiga ko‘ra ayblanuvchi 3 sutkaga qamaldi. gazeta.uz »
Urganchdagi mehribonlik uyi tarbiyalanuvchilari bilan jinsiy aloqa qilgan sobiq mansabdorlar jazoni manzil-koloniyada o‘tayotgani ma’lum bo‘ldi. Buning sababini Toshkent shahar sudlari tushuntirdi. gazeta.uz »
Toshkentda 2017-yilda tug‘ilgan qizga nisbatan jinsiy ehtiyojini zo‘rlik ishlatib qondirgan erkak 16 yilga qamaldi. Sud ishida qatnashgan bolalar ombudsmani ota-onalarga murojaat qilib, kichik yoshdagi bolalarga begonalar bilan to‘qnash kelganda o‘zini qanday tutish va boshqa ko‘nikmalarni o‘rgatishga chaqirdi. gazeta.uz »
