äàñòóðè - Ïîñëåäíèå íîâîñòè [ Ôîòî â íîâîñòÿõ ] | |
O‘zbekistonda “100 ta mahsulot akseleratori” dasturi ishga tushirildi. U eksport salohiyatiga ega 100 ta mahsulotni tanlab, ularni xalqaro bozorlarga olib chiqishga qaratilgan. Ishtirokchilarga sertifikatlash, logistika va marketing bo‘yicha ko‘mak beriladi. gazeta.uz »
O‘zbekistonda 1 yillik maktabga tayyorlov guruhlari ta’lim dasturini majburiy umumiy o‘rta ta’limning dastlabki bosqichi sifatida kiritiladi. Xususiy bog‘cha va maktablarga tayyorlov guruhlarini tashkil etishga ruxsat beriladi. gazeta.uz »
O‘monda AQSh-Eron muzokaralari boshlandi. Vashington yadro dasturi, raketa arsenali va mintaqadagi proksilarni qo‘llab-quvvatlash bo‘yicha yon berishni talab qilmoqda. Tehron faqat yadro masalasini muhokama qilishga tayyor. gazeta.uz »
O‘zbekistonda “Byurokratiyani bartaraf etish - 2030” dasturi ishga tushiriladi. Maqsad - davlat xizmatlaridan tez va qulay foydalanish orqali fuqarolarning hayot sifatini yaxshilash, ortiqcha tartib-taomillarni bartaraf etish va jarayonlarning shaffofligini oshirish orqali suiiste’molchilik xavfini kamaytirish. gazeta.uz »
O‘zbekistonlik yoshlarga til o‘rganish uchun “2+6” dasturi asosida yarim yil uchun oyiga BHMning 2 baravarigacha bo‘lgan miqdorda subsidiyalar ajratiladi. Bunda talabgor til bilishning kamida minimal ko‘rsatkichli sertifikatiga ega bo‘lishi va dastlabki 2 oylik o‘qish xarajatini o‘z hisobidan to‘lashi lozim. gazeta.uz »
Jorj Vashington universiteti Komil Allamjonovni Markaziy Osiyo dasturi (CAP) maxsus maslahatchisi etib tayinladi. Allamjonov “so‘z erkinligini rivojlantirishga astoydil bel bog‘lagan”ini ta’kidladi. gazeta.uz »
Nyu Yorkda O‘zbekiston va Janubiy Koreya prezidentlari uchrashuvida ikki davlat hamkorligini kengaytirish masalalari muhokama qilindi. Muhim xomashyo, kimyo, mashinasozlik, aviatsiya kabi ustuvor yo‘nalishlarni o‘z ichiga olgan Texnologiya va sanoat sherikligi dasturini tayyorlash yuzasidan kelishuvga erishildi. gazeta.uz »
Toshkentda o‘tkinchilardan Soliq dasturi orqali o‘zini o‘zi band qilishni so‘rovchilar paydo bo‘ldi. “Topshiriq bor, reja qo‘yilgan”, dedi ulardan biri Gazeta muxbiriga. Soliq qo‘mitasi bunday topshiriq borligini rad etdi, Bandlik vazirligi bu ishlar bandlik ko‘rsatkichini yaxshilashga yordam bermasligini ta’kidladi. gazeta.uz »
O‘zbekistonda yo‘l infratuzilmasini yaxshilash orqali YTHlarni kamaytirish bo‘yicha “Xavfsiz yo‘l” dasturi boshlanadi. Dastur doirasida “Xavfsiz yo‘l va xavfsiz piyoda” jamg‘armasi qayta tashkil qilinib, hukumat bo‘ysunuviga o‘tkaziladi. gazeta.uz »
Eronning O‘zbekistondagi elchixonasi vakiliga ko‘ra, mamlakat hech qachon yadro qurolini qo‘lga kiritishga harakat qilmagan. “Ammo Eron o‘z huquqini himoya qilish uchun ortga chekinmaydi”. AQSh va Isroilni Eronning yadroviy dasturi emas, balki sanksiyalarga qaramay, taraqqiyotga erishayotgani xavotirga soladi, dedi u. gazeta.uz »
2025-yil 1-iyundan o‘zgalar parvarishiga muhtoj voyaga yetgan shaxslarni qo‘llab-quvvatlashga qaratilgan “Faol hayotga qadam” dasturi joriy etiladi. Dastur doirasida 5 turdagi yangi ijtimoiy xizmatlar ko‘rsatilishi yo‘lga qo‘yiladi. gazeta.uz »
Yevropa Ittifoqining Markaziy Osiyoda narkotik moddalar savdosining oldini olish dasturi O‘zbekistondagi tegishli idoralarga uskunalar topshirdi. gazeta.uz »
Hukumat “Toza qo‘llar” dasturini amalga oshirishga doir qarorni qabul qildi. Unga ko‘ra, maktab va shifoxonalar ichimlik suvi va sanitariya infratuzilmasi (hojatxona, gigiyena vositalari) bilan ta’minlanadi, hojatxonalar binolar ichiga ko‘chiriladi. gazeta.uz »
Prezident “Tibbiyotda 90 kunlik o‘zgarishlar” dasturi boshlanishini e’lon qildi. Dasturda hokimlar tibbiyot muassasalarida “ona-bola” xonalarini tashkil qilish, nogironligi borlar erkin harakatlanishi uchun inklyuziv muhit yaratish, qo‘l yuvishga issiq suvi bor pokiza hojatxonalar tashkil etish uchun mas’ul bo‘ladi. gazeta.uz »
2025-yilda xususiylashtirish dasturi doirasida 30 trln so‘mlik davlat aktivlari va yer uchastkalarini sotish va kamida 10 trln so‘m tushumni ta’minlash ko‘zda tutilgan. Shuningdek, kamida 30 ta foydali qazilma kon va uchastkalaridan foydalanish huquqi savdoga chiqariladi. gazeta.uz »
Sentabrda O‘zbekistonda 8-sinf bitiruvchilari uchun xalqaro maktab ochiladi. Yoshlarni Pechak ligasi universitetlariga tayyorlash milliy dasturini ishga tushirish rejalashtirilgan - 3000 nafar maktab o‘quvchisi intensiv tayyorgarlikdan o‘tadi, eng yaxshilari AQShda tajriba almashish imkoniyatiga ega bo‘ladi. gazeta.uz »
O‘zbekistonda may oyidan “Toza qo‘llar” dasturi boshlanadi. Barcha sog‘liqni saqlash va ta’lim muassasalarida qo‘l yuvish joylari jihozlanishi, jamoat hojatxonalari va umumiy ovqatlanish punktlari sovun hamda antiseptik bilan ta’minlanishi, sanitariya-gigiyena tizimini yaxshilash dasturi qabul qilinishi kerak. gazeta.uz »
Qozog‘iston va O‘zbekiston o‘rtasida “Ipak yo‘li” temiryo‘l sayohati turi yo‘lga qo‘yiladi. “Olmaota - Turkiston - Toshkent - Olmaota” yo‘nalishi bo‘yicha birinchi reys 2024-yil 16-noyabr kuni yo‘lga chiqadi. gazeta.uz »
“Inson” ijtimoiy xizmatlar markazlari sport bilan shug‘ullanishni istagan nogironligi bo‘lgan shaxslarga jismoniy tarbiya-sog‘lomlashtirish va sport inshootlarida bepul sport bilan shug‘ullanish uchun yo‘llanma berishni boshlaydi. gazeta.uz »
Prezident qarori bilan raqamli startaplar dasturi ishtirokchilariga venchur jamg‘arma tomonidan garov ta’minotisiz, asosiy stavkadan 4 foizlik punkt yuqori stavkada 300 million so‘mgacha miqdorda startap loyihalarga qarz mablag‘larini ajratish belgilandi. gazeta.uz »
Ekologik partiyaning saylovoldi dasturidan avtomobil yo‘li qatnov qismida skuter va velosipedlar uchun alohida yo‘lak tashkil etish, tamaki mahsulotlariga qo‘shimcha soliq solish, Qizil kitobdagi o‘simliklardan foydalanish va yovvoyi hayvonlarni ovlashga muddatsiz moratoriy e’lon qilish va boshqalar o‘rin olgan. gazeta.uz »
Shavkat Mirziyoyev OIIB bilan infratuzilmani rivojlantirish bo‘yicha 2030-yilgacha bo‘lgan strategik sheriklik dasturini qabul qilishni qo‘llab-quvvatladi. Bank prezidenti Szin Litsyun mamlakat rahbari bilan uchrashuvda O‘zbekistondagi islohotlarni bundan buyon ham qat’iy qo‘llab-quvvatlashini ta’kidladi. gazeta.uz »
O‘zbekiston Xalq demokratik partiyasi o‘z saylovoldi dasturida pensiya ta’minoti tizimini takomillashtirish, nogironligi bo‘lganlarning qonuniy manfaatlarini ta’minlash, mamlakatni xavfsiz va ekologik barqaror hududga aylantirish, iqtisodiyotda davlatning faol ishtirokini saqlab qolish kabilarni va’da qilmoqda. gazeta.uz »
“Milliy tiklanish” partiyasining saylovoldi dasturidan lotin alifbosiga o‘tishni yakunlash, arxeologik obyektlarda ijara tizimini bekor qilish, ajrimlar bojini oshirish, boshqa davlat fuqaroligini olganlardan fuqarolikni bekor qilish, renovatsiya va xalq tabobati qonunlarini qabul qilish kabi masalalar o‘rin oldi. gazeta.uz »
Tartibsiz urbanizatsiyaga barham berish, AES qurish va undan xavfsiz foydalanishni qo‘llab-quvvatlash, budjet xarajatlarini qisqartirish, so‘z va OAV erkinligini kafolatlash, tashqi siyosatni faqat xalqning milliy manfaatlaridan kelib chiqib olib borish - O‘zLiDePning saylovoldi dasturidan nimalar o‘rin olgan? gazeta.uz »
O‘zbekiston shifoxonalarida o‘tgan yili 60 mingdan ziyod xorijlik davolangan. Prezident ko‘rsatkichni oshirish uchun “Tibbiy xizmatlar mehmondo‘stligi” dasturi boshlanishini e’lon qildi. Endi xususiy klinikalarning xalqaro standart olish xarajatlari qoplanadi, ularda davolangan chet elliklar uchun QQS qaytariladi. gazeta.uz »
Toshkent hayvonot bog‘ida jonzotlarning yashash sharoitini yaxshilash uchun navbatdagi vasiylik dasturi ochildi. Bunda korpuslarni ta’mirlash, o‘yinchoq, ovqat olib berish, davolatish va boshqalar amalga oshiriladi. gazeta.uz »
O‘zbekistonda English Speaking Nation (Ingliz tilida so‘zlashuvchi millat) dasturi doirasida 18 mingdan ortiq ingliz tili o‘qituvchisining bilim va malakalari oshirildi. To‘rt yil davom etgan, qiymati 7 mln dollar bo‘lgan qo‘shma dastur AQSh tashkilotlari ko‘magida olib borildi. gazeta.uz »
Xitoylik investorlar Toshkentning Oqtepa massividagi eski ikki qavatli turar joylar o‘rnida ko‘p qavatli uylar quradigan renovatsiya dasturini amalga oshiradi. Buning uchun budjet mablag‘laridan foydalanmagan holda 360 mln dollarlik to‘g‘ridan-to‘g‘ri xorijiy investitsiya jalb etiladi. gazeta.uz »
Yevropa Ittifoqining O‘zbekistondagi delegatsiyasi va BMT Taraqqiyot dasturi Baliqchilik ilmiy-tadqiqot institutiga suv sifati sensorlari, filtrlash va tozalash tizimlari, shuningdek, intensiv baliq yetishtirish uchun quyosh suv isitgichlarini taqdim etdi. gazeta.uz »
Prezident Andijondagi mahallalarni meva-sabzavot, chorvachilik, hunarmandchilik, kasanachilik, sanoat, savdo va xizmatga chuqur ixtisoslashtirish bo‘yicha dastur amalga oshirilishini ma’lum qildi. Bu maqsadlar uchun 850 mlrd so‘m kredit resurslari va 50 mlrd so‘m subsidiya ajratiladi. gazeta.uz »
