Yilda - Ïîñëåäíèå íîâîñòè [ Ôîòî â íîâîñòÿõ ] | |
O‘zbekiston va AQSh bu yil qo‘shma investitsiya platformasini ishga tushiradi. Bu Prezident Administratsiyasi va AQSh Xalqaro taraqqiyot moliya korporatsiyasi rahbarlarining uchrashuvida muhokama qilindi. gazeta.uz »
O‘zbekistonda endi avtomototransport vositasini ro‘yxatdan o‘tkazish haqidagi guvohnomani (“texpasport”) har 5 yilda almashtirish majburiy bo‘ladi. Avval guvohnoma muddati chegaralanmagan, faqat transport egasi yoki egasining uy manzili o‘zgarsa qayta rasmiylashtirilar edi. gazeta.uz »
O‘zbekistonda fevral oyida avtotransport savdosining umumiy hajmi 84,2 ming donani tashkil etib, 2025-yilning shu davriga nisbatan 6,4 foizga oshdi. Elektromobillar savdosi esa 6,9 ming donani tashkil etib, o‘tgan yilning fevral oyiga nisbatan 1,5 barobarga ko‘paydi. gazeta.uz »
Yil boshidan quyosh va shamol stansiyalari 1 mlrd kVt/soat elektr ishlab chiqardi. GESlar bilan birgalikda bu ko‘rsatkich 1,57 mlrd kVt/soatni tashkil etdi. Natijada 400 mln kub gaz tejalib, atmosferaga 863 ming tonna zararli chiqindi chiqishining oldi olindi. gazeta.uz »
2025-yilda qonuniy taksi bozori aylanmasi 9,6 trln so‘mga yetdi - bu 2024-yilga nisbatan 63 foizga ko‘p. Agregatorlar soni 224 taga, o‘zini o‘zi band qilgan haydovchilar 574,6 ming nafarga yetdi. O‘rtacha chek summasi va ayol haydovchilar soni ham oshgan. gazeta.uz »
O‘zbekistonda yangi elektromobillar sotuvi 2025-yil davomida 35 foizga oshib, 40,7 ming donani tashkil etdi. Mahalliy va import ishlab chiqarilgan yangi yengil avtomobillar savdosi esa 5,2 foizga oshib, 370 ming donani tashkil etdi. gazeta.uz »
2025-yilda “103” xizmatiga 14,3 millionga yaqin chaqiruv kelib tushdi - bu avvalgi yilga nisbatan 763 mingtaga ko‘p. Murojaatlarning katta qismi shoshilinch holatlar, shuningdek, surunkali kasalliklar bilan bog‘liq bo‘ldi. Eng ko‘p murojaat Toshkentda, eng kami - Navoiyda. gazeta.uz »
O‘zbekistonda 8,5 mingga yaqin odam narkologik bemorlar dispanser hisobida turibdi. Oxirgi 5 yilda bu hisobga kiritilganlar soni ikki baravardan ziyodroqqa ko‘paygan. SSV bosh narkologining aytishicha, bir narkobemorning davolanishi uchun davlat budjetidan yiliga 60 mln so‘mgacha mablag‘ sarflanyapti. gazeta.uz »
S&P xalqaro reyting agentligi 2018-yildan buyon birinchi marta O‘zbekistonning kredit reytingini “BB” darajasiga ko‘tardi. Bunga energiya tariflarining oshishi, xususiylashtirish va barqaror iqtisodiy o‘sish sabab bo‘ldi. gazeta.uz »
2020-yildan beri maishiy gaz ballonidan noto‘g‘ri foydalanish tufayli O‘zbekistonda 83 ta baxtsiz hodisa kuzatildi: bunda 31 kishi halok bo‘lgan, 129 kishi jarohatlangan. “Hududgazta’minot”ga ko‘ra, hozirda Norin tumanida gaz ballonlarini maxsus temir qutilar ichiga o‘rnatish bo‘yicha pilot loyiha boshlangan. gazeta.uz »
O‘zbekiston va AQSh nodir metallarni qazish, nasos stansiyalarini modernizatsiyalash, tomchilatib sug‘orishni joriy etish, samolyotlar, soya dukkaklari va paxta yetkazib berish bo‘yicha shartnomalar imzoladi. gazeta.uz »
Prezident adliya tizimida davlat xizmatini kengaytirish va raqamlashtirish bo‘yicha taqdimot bilan tanishdi. Rejaga ko‘ra, uch yilda xizmatlar soni 900 taga yetkaziladi, notariuslarda Face ID joriy etiladi, Adliya TV ishga tushadi, 30 turdagi hujjat talabi bekor bo‘lib, Sud ekspertlari palatasi tashkil etiladi. gazeta.uz »
SSP raisi Davron Vahobov prezidentning qishloq xo‘jaligi mahsulotlariga QQSni bekor qilish qarorini “tarixiy” deb atadi. Uning so‘zlariga ko‘ra, ushbu chora fermerlarga naqd hisob-kitobdan voz kechish, “yashirin” iqtisodiyotdan chiqish va takroriy ekin ekish bilan yanada faol shug‘ullanish imkonini beradi. gazeta.uz »
Uzcard xususiy to‘lov tizimi 2025-yilning birinchi yarim yilligi yakunlariga ko‘ra 621,6 mlrd so‘m sof foyda ko‘rdi. Daromad deyarli 1 trln so‘mga yetdi. 2022-yil oktabrida Uzcard’ning 75% ulushi 210,1 mlrd so‘mga sotilgan edi. gazeta.uz »
2025-yilning 1-yarmida O‘zbekiston iqtisodiyoti o‘sishi 2024-yilning mos davriga nisbatan 0,6 foiz bandga tezlashib, 7,2 foizga yetdi. Ayni shu davrda Qirg‘izistonda bu ko‘rsatkich 3,6 foiz bandga (11,7 foizga yetdi), Qozog‘istonda 3 foiz bandga (6,2 foiz), Tojikistonda esa 1,9 foiz bandga (8,1 foiz) tezlashdi. gazeta.uz »
2025-yilning birinchi yarmida O‘zbekistonda 28 538 nafar fuqaro elektr tarmoqlariga o‘tkazilgan quyosh energiyasi uchun davlat budjetidan subsidiya oldi. “Quyoshli xonadon” dasturi doirasida to‘langan mablag‘larning umumiy summasi 63,498 mlrd so‘mni tashkil etdi, shuning uchdan bir qismi iyun oyiga to‘g‘ri keldi. gazeta.uz »
Iyun va iyul oylarida deflyatsiya kuzatilganiga qaramasdan O‘zbekistonda bir qator tovar va xizmatlar narxi yillik hisobda keskin qimmatladi. Eng ko‘p narxi oshganlar qatorida haydovchilikka tayyorlov kurslari (78,4%), mol va qo‘y go‘shti, kungaboqar va paxta moyi, sabzi (90,2%) va piyoz (57,9%) bor. gazeta.uz »
2025-yilning olti oyida giyohvandlik va psixotrop moddalarning noqonuniy muomalasi bilan bog‘liq jinoyat sodir etgan 4 mingdan ziyod shaxs ushlandi. Ulardan 1,8 tonna giyohvandlik vositalari olindi. gazeta.uz »
O‘zbekistonda 2025-yilning o‘tgan olti oyida “103” xizmatiga 849 ta yolg‘on chaqiriq kelib tushdi (2024-yilning shu davrida 1255 ta edi). Namangan viloyatida esa birorta ham bunday chaqiruv qayd etilmadi. gazeta.uz »
2025-yilning 6 oyida ko‘p qavatli uylarga xizmat ko‘rsatuvchi boshqaruv organlarining 83 tasi qariyb 26 mlrd so‘m miqdordagi majburiy badal mablag‘larini o‘zlashtirgani aniqlandi. Qurilish vazirligiga ko‘ra, 158 ta boshqaruv organlariga esa 587 mln so‘m ma’muriy jarimalar qo‘llanildi. gazeta.uz »
2025-yilning birinchi yarmida 103 xizmatiga 7 millionga yaqin chaqiruv kelib tushdi - bu o‘tgan yilga nisbatan 535 mingtaga ko‘p. Murojaatlarning katta qismi shoshilinch holatlar, shuningdek, surunkali kasalliklar bilan bog‘liq bo‘ldi. Eng ko‘p murojaat Toshkentda, eng kami - Navoiyda. gazeta.uz »
Futbol bo‘yicha O‘zbekiston ayollar terma jamoasi Nepal bilan 3:3 hisobidagi durangdan so‘ng penaltilar seriyasida dramatik g‘alabaga erishdi. Jamoa 2003-yildan beri birinchi marta Osiyo kubogi final bosqichiga yo‘l oldi. Navbatdagi turnir 2026-yilda Avstraliyada o‘tadi. gazeta.uz »
2023-yildan buyon Davlat ekologik nazorat inspeksiyasi 429 ta jinoyat ishi bo‘yicha jami 982 mlrd so‘mlik moddiy zarar yetkazilganiga doir materiallarni prokuratura organlariga o‘tkazdi. 275 nafar qoidabuzarga nisbatan ish qo‘zg‘atildi. gazeta.uz »
Mart oyida O‘zbekistonda yengil avtomobillar savdosi 3,4% (yil davomida - 32,7%) qisqardi, biroq “inomarka” va elektromobillar segmentlarida o‘sish qayd etildi, deyiladi ITIM hisobotida. gazeta.uz »
G‘azo SSVga ko‘ra, 2023-yil oktabridan beri Isroil hujumlari oqibatida sektorda 50 mingdan ortiq falastinlik halok bo‘ldi. O‘limlarning aksariyati ayollar va bolalar hissasiga to‘g‘ri keladi. Isroil bu ko‘rsatkichlarni “noizchilliklar va xatoliklar bilan to‘la” deb atadi. gazeta.uz »
Bosh prokuratura departamentining 2024-yildagi tadbirlarida elektr va gazdan noqonuniy foydalanish bo‘yicha 1200 dan ortiq holat aniqlandi. Ularda jami 600 mlrd so‘mlik zarar yetkazilgan. Shuningdek, tamaki aylanmasi 9 foizgacha qisqarishi natijasida aksiz solig‘i tushumi 31 foizga oshdi. gazeta.uz »
O‘zbekistonda oziq-ovqat mahsulotlarining iste’mol normalari har 3 yilda qayta ko‘rib chiqilishi belgilanmoqda. Qishloq xo‘jaligi vazirligi oziq-ovqat xavfsizligi sohasidagi vakolatli davlat organi hisoblanadi. gazeta.uz »
O‘zbekistonda joriy yilda renovatsiya dasturi asosida 20 ming xonadon qurish rejalashtirilgan, deyiladi prezident bilan uchrashuvda. Davlat rahbari bu boradagi ishlar mamlakatning qator shahar va tumanlarida allaqachon boshlanganini, buni boshqa hududlarda ham ommalashtirish zarurligini ta’kidladi. gazeta.uz »
2024-yil davomida 8289 ta holatda elektr va tabiiy gazdan noqonuniy foydalanildi, ularda 1 trln 409 mlrd so‘m zarar yetkazildi. Qoidabuzarlik qilgan 51 ta gaz zapravkaning litsenziyasi bekor bo‘ldi, 1,5 mingdan ortiq iste’molchiga bayonnoma tuzildi. gazeta.uz »
Yoshlar ishlari agentligi direktori Alisher Sa’dullayev so‘nggi 4 yilda O‘zbekistonda 30 mingga yaqin yosh IELTS`dan 7 balldan baland natija qayd etganini ma’lum qildi. 8 ball olganlar soni 3 mingga yaqin bo‘lsa, 9 ballik natija qayd etganlar yoshlar soni 30 nafarga yetgan. gazeta.uz »
Butunjahon yovvoyi tabiat jamg‘armasi (WWF) tadqiqotiga ko‘ra, so‘nggi yarim asrda sayyoradagi yovvoyi hayvonlarning soni 73 foizga kamaydi. Yovvoyi tabiat uchun asosiy tahdidlar inson faoliyati natijasida yashash muhitining degradatsiyasi va yo‘qolishidir. gazeta.uz »
O‘zbekiston yaqin besh yilda suvdan foydalanish samaradorligini 25 foizga oshirish hisobiga 15 mlrd kub metr suvni tejash bo‘yicha yirik loyihalarni amalga oshirishni boshladi, dedi prezident. U OIIB bilan hamkorlikda suvni tejovchi texnologiyalarni joriy etish bo‘yicha hududiy markaz tashkil etishni taklif qildi. gazeta.uz »
Shavkat Mirziyoyev kelgusi uch yilda O‘zbekistonda Osiyo infratuzilmaviy investitsiyalar banki bilan yana 4 mlrd dollarlik loyihalar dasturini amalga oshirish bo‘yicha kelishuvga erishilganini ma’lum qildi. gazeta.uz »
Sentabr oxiridan poytaxtdagi daraxtlarning reyestrini shakllantirish boshlanadi. Ekologiya vaziriga ko‘ra, jarayon 2,5 yil davom etadi. “Bunga 100 nafar volontyor jalb etilib, har biriga planshet beriladi. gazeta.uz »
Oxirgi 5 yilda Rossiya rublining O‘zbekiston eksportdagi ulushi 0,8 foizdan 5,3 foizgacha, importdagi ulushi esa 4,2 foizdan 7,6 foizgacha oshdi. 2023-yilda eksportning 79,5 foizi dollarda, 9,9 foizi yevroda amalga oshirilgan. gazeta.uz »
O‘zbekistonda English Speaking Nation (Ingliz tilida so‘zlashuvchi millat) dasturi doirasida 18 mingdan ortiq ingliz tili o‘qituvchisining bilim va malakalari oshirildi. To‘rt yil davom etgan, qiymati 7 mln dollar bo‘lgan qo‘shma dastur AQSh tashkilotlari ko‘magida olib borildi. gazeta.uz »
Bir yil ichida sudlar tomonidan tibbiyot xodimlarining qonuniy faoliyatiga to‘sqinlik qilgan yoki ularga qonunga xilof ravishda ta’sir ko‘rsatgan 87 nafar shaxsga nisbatan jarima yoki qamoqqa olish jazosi tayinlandi. gazeta.uz »
O‘zbekistonda 2019-yildan beri Oliy sudning 80 dan ortiq qarori asosida 1000 dan ziyod manbaa taqiqlangan. Ulardagi materiallar diniy aqidaparastlik, ekstremistik va terroristik g‘oyalarini targ‘ib etishga yo‘naltirilgan deb topilgan. gazeta.uz »
