Iziston - Ďîńëĺäíčĺ íîâîńňč [ Ôîňî â íîâîńň˙ő ] | |
Qirg‘iziston bosh vaziri Adilbek Kasimaliyev uning mamlakati Rossiyaga qarshi “cheklovlarni aylanib o‘tishda ishtirok etmayotganini” aytdi. Unga ko‘ra, Qirg‘iziston YeI, AQSh va Buyuk Britaniyaning sanksiyalari ro‘yxatiga tushgan mahalliy banklarni tekshirish uchun xalqaro auditorlik kompaniyalariga murojaat qilgan. gazeta.uz »
Qirg‘iziston Milliy xavfsizlik davlat qo‘mitasi sobiq rahbari Qamchibek Tashiyev o‘ziga nisbatan jinoiy ish qo‘zg‘atilganini ma’lum qildi. U oqlanishiga umid bildirdi va tarafdorlarini “faqat qonun doirasida harakat qilishga” chaqirdi. gazeta.uz »
Qirg‘iziston YeIning 20-sanksiya paketi doirasida mamlakatga nisbatan ikkilamchi sanksiyalar qo‘llanishini “afsus bilan” qabul qildi, deydi TIV. Vazirlik ma’lumotlar ochiq taqdim etilayotganiga qaramay, mamlakat pozitsiyasi e’tiborsiz qolayotgani va bu ikki tomonlama ishonchga putur yetkazishidan xavotir bildirdi. gazeta.uz »
Qirg‘iziston Milliy xavfsizlik davlat qo‘mitasi sobiq rahbari Qamchibek Tashiyev ikkita jinoyat ishi bo‘yicha guvoh sifatida so‘roq qilinmoqda. Boshqa tafsilotlar hozircha noma’lum. Bir oy avval Sadir Japarov Tashiyevni ishdan bo‘shatish qarorini jamiyatdagi bo‘linishning oldini olish istagi bilan izohlagandi. gazeta.uz »
Qirg‘iziston Konstitutsiyaviy sudi Konstitutsiyaning yangi tahriri qabul qilingani sababli muddatidan oldin saylovlar o‘tkazish uchun asoslar yo‘qligi haqida qaror chiqardi. Ta’kidlanishicha, amaldagi prezident Sadir Japarovning vakolat muddati muddatidan oldin tugatilmagan. gazeta.uz »
Qirg‘iziston parlamenti spikeri Nurlanbek Turgunbek uulu iste’foga chiqishini e’lon qildi. Unga ko‘ra, u bunday qarorni “bahs va shubhalarga o‘rin qolmasligi uchun” qabul qilgan. Turgunbek uulu lavozimini tark etishi haqidagi xabarlar MXDQ rahbari Qamchibek Tashiyev ishdan bo‘shatilganidan keyin paydo bo‘lgandi. gazeta.uz »
O‘zbekiston va Qirg‘iziston prezidentlari ikki tomonlama munosabatlarni mustahkamlash, qo‘shma infratuzilma loyihalarini amalga oshirish va mintaqaviy kun tartibini muhokama qilish uchun telefon orqali suhbatlashdi. gazeta.uz »
Sadir Japarov Qirg‘iziston Milliy xavfsizlik davlat qo‘mitasi (MXDQ) raisi Qamchibek Tashiyevning vakolatlarini muddatidan oldin tugatish bo‘yicha farmon imzoladi. Jumgalbek Shabdanbekov MXDQ raisi vazifasini bajaruvchi etib tayinlandi. Tashiyev bu lavozimni 2020-yilda egallagan. gazeta.uz »
Uychi tumanida Qirg‘iziston bilan chegarada 2 fuqaroning yuk xaltasidan 19 kilogramm 169 gramm gashish moddasi topildi. Ular qirg‘izistonlik narkosavdogar bilan til biriktirib, ushbu narkotik moddani kelgusida sotish maqsadida O‘zbekistonga kontrabanda qilgani aniqlandi. gazeta.uz »
Qirg‘iziston Konstitutsiyaviy sudi o‘lim jazosini qaytarishni huquqiy jihatdan mumkin emas va nomaqbul deb topdi. Organ prezidentning bolalarni zo‘rlash, zo‘rlash bilan bog‘liq qotillik uchun o‘lim jazosini qo‘llashni nazarda tutuvchi qonun loyihasi taqdimnomasiga shunday xulosa berdi. gazeta.uz »
YUNESKO qoraqalpoq, qozoq va qirg‘iz o‘tovlari tayyorlashning an’anaviy bilim va ko‘nikmalarini Nomoddiy madaniy merosning reprezentativ ro‘yxatiga kiritdi. O‘zbekiston nominatsiyani kengaytirish g‘oyasini ilgari surdi, buning natijasida mavjud ro‘yxatga qoraqalpoq an’analari ham qo‘shildi. gazeta.uz »
O‘zbekiston, Tojikiston va Qirg‘iziston TIV rahbarlari Davlat chegaralarining tutash nuqtasi to‘g‘risidagi shartnoma ratifikatsiyasi yorliqlarini almashish bayonnomasini imzoladi. Bu ko‘p yillik kelishuv jarayonining yakuni bo‘ldi. gazeta.uz »
Qirg‘iziston prezidenti O‘zbekiston prezidenti va xalqini YUNESKO Bosh konferensiyasining 43-sessiyasi Samarqandda o‘tkazilgani bilan tabrikladi. U tadbirni O‘zbekistonning obro‘-e’tibori va MOning madaniy, ma’naviy va gumanitar hamkorlikning muhim markazi sifatida e’tirof etilganidan dalolat deb atadi. gazeta.uz »
Qirg‘iziston TIV Yevropa Ittifoqini sanksiyalar bo‘yicha mustaqil tekshiruv o‘tkazishga chaqirdi. Mamlakat, shuningdek, bir kun avval YI cheklovlari ostiga tushgan qirg‘iz banklari tomonidan sanksiyalarni chetlab o‘tish faktlarini tasdiqlashni so‘ramoqda. gazeta.uz »
Sadir Japarov Qirg‘izistonda bolalar va ayollarga qarshi jinoyatlar uchun o‘lim jazosini qaytarishni taklif qildi. Bu 17 yoshli maktab o‘quvchisining zo‘rlanishi va o‘ldirilishi bilan bog‘liq shov-shuvli ishdan keyin ro‘y bo‘ldi. gazeta.uz »
Qirg‘iziston deputatlari muddatidan oldin iste’fo berishga qaror qildi - mamlakatda yangi parlament saylovlari bo‘ladi. Qarshi ovozlar qayd etilmadi. Parlament spikeriga ko‘ra, qaror tashqi bosimsiz qabul qilindi. gazeta.uz »
Futbol bo‘yicha O‘zbekiston milliy terma jamoasi Qirg‘izistonlik raqiblari darvozasiga javobsiz to‘rtta gol urdi va CAFA kubogi finaliga yo‘l oldi. Gazeta fotomuxbiri Murod Yusuf gollarga boy o‘yindan reportaj tayyorladi. gazeta.uz »
Sadir Japarov Qirg‘izistonda tibbiyot sohasida mutaxassislar tayyorlashda davlat monopoliyasini joriy etishga oid farmon imzoladi. Unda xususiy tibbiy o‘quv yurtlari soni o‘sayotgani, ammo aksariyati zarur klinik bazaga ega emasligi aytilgan. gazeta.uz »
Buyuk Britaniya Qirg‘izistondagi “Kapital Bank” va uning direktori Kantemir Chalbayevga qarshi sanksiya kiritdi. Rossiya bu bankdan harbiy tovarlar uchun to‘lovlarni amalga oshirishda foydalangani aytilmoqda. gazeta.uz »
Prezident administratsiyasi rahbari Saida Mirziyoyeva Qirg‘iziston prezidenti Sadir Japarov bilan uchrashdi. Tomonlar mamlakatlar o‘rtasidagi hamkorlik, shuningdek, yoshlar siyosati sohasidagi o‘zaro aloqalarni muhokama qildi. gazeta.uz »
O‘zbekiston bojxona organlari alkogol mahsulotlarini qadoqlash uchun foydalaniladigan 3,2 mln dona qalbaki aksiz markalarni musodara qilib, davlat budjetiga 34,2 mlrd so‘m zarar yetishining oldini oldi. gazeta.uz »
Qirg‘iziston va O‘zbekiston pensiya stajini o‘zaro tan olish bo‘yicha kelishib oldi. Bu pensionerlar ushbu mamlakatlarning qay birida yashagani va ishlaganidan qat’i nazar, to‘lovlarni hisoblashda staj hisobga olinishini anglatadi. gazeta.uz »
Transport vazirligida bo‘lib o‘tgan muzokaralarda Xitoy - Qirg‘iziston - O‘zbekiston temiryo‘li kelgusida xalqaro transport yo‘laklari tizimiga, jumladan, O‘rta yo‘lakka integratsiyalashuvini inobatga olib, gruzin tomoniga ushbu loyihada ishtirok etish imkoniyatini ko‘rib chiqish taklif etildi. gazeta.uz »
Qirg‘iziston hukumati O‘sh viloyatidagi qirg‘iz-o‘zbek chegarasida O‘zbekiston tomonidan berilgan ikkita yirik yer uchastkasini davlat mulkiga qabul qilishni tasdiqladi. gazeta.uz »
O‘zbekiston, Qozog‘iston va Qirg‘iziston chigirtka xavfiga qarshi kuchlarini birlashtiradi. Tomonlar chegara hududlarida zararli hasharotlar tarqalishini aniqlash, xalqaro fitosanitariya standartlarini joriy etish va maxsus tizim orqali axborot almashuvini yo‘lga qo‘yishni maqsad qilmoqda. gazeta.uz »
Qirg‘izistonning sobiq prezidenti Almazbek Atambayev bir nechta jinoiy ishlar bo‘yicha sirtdan (u 2023-yilda Ispaniyaga ketgan) 11,5 yilga ozodlikdan mahrum qilindi. Sadir Japarov, agar ariza bilan murojaat qilinsa, o‘zining amnistiya huquqidan foydalanib, uni afv etishi mumkinligini bildirdi. gazeta.uz »
Qirg‘izistonda Xitoy - Qirg‘iziston - O‘zbekiston temiryo‘lining muhim obyektlari qurilishi boshlandi. Loyihada 46 ta ko‘prik va 27 ta tunnel qurilishi ko‘zda tutilgan bo‘lib, bu butun trassaning qariyb 40 foizini tashkil qiladi. Magistralning qiymati 4,7 mlrd dollarga baholanmoqda. gazeta.uz »
O‘zbekiston Transport vazirligi yuk tashuvchilarni Xitoy - Qirg‘iziston - O‘zbekiston yo‘nalishi bo‘yicha ruxsatnomalardan noto‘g‘ri foydalanish holatlari haqida ogohlantirdi. Qoidabuzarlarga blankalarning berilishi cheklanishi mumkin. gazeta.uz »
O‘zbekiston va Qirg‘iziston “Chashma” bulog‘idan birgalikda foydalanish shartlarini kelishib oldi. 2020-yilda mojaro kelib chiqqan buloqdagi suvning uchdan ikki qismi o‘zbekistonliklarga tegishli bo‘ladi, uning hajmi va sifatiga ta’sir ko‘rsatadigan harakatlar muvofiqlashtirilgan holda amalga oshiriladi. gazeta.uz »
Andijon viloyatini rivojlantirish bo‘yicha yig‘ilishda O‘zbekiston prezidenti Qirg‘iziston bilan chegaradosh hududlardan birida savdo va sanoat zonalarini tashkil etish zarurligini aytdi. Shuningdek, u “Do‘stlik” postida tirbandliklar ko‘pligidan aholi va tashuvchilarning noroziligini ta’kidladi. gazeta.uz »
Moskvadagi “Bodrost” hammomida politsiya reyd o‘tkazib, 60 ga yaqin Qirg‘iziston fuqarosini ommaviy hibsga olgani va kuch ishlatgani aytilmoqda. Qirg‘iziston TIV bunday choralar sababini tushuntirishni va, “asossiz bo‘lgan taqdirda”, javob berishni so‘rab, Rossiya elchisiga nota topshirdi. gazeta.uz »
Osiyo Futbol konfederatsiyasi 2031-yilda bo‘lib o‘tadigan Osiyo kubogi mezbonligiga ariza topshirgan 7 nomzodni e’lon qildi: Avstraliya, Hindiston, Indoneziya, Janubiy Koreya, Kuvayt va BAA. Shuningdek, ular orasida O‘zbekiston, Tojikiston va Qirg‘iziston bor, davlatlar bir bo‘lib qo‘shma ariza yuborgan. gazeta.uz »
Qirg‘iziston parlamenti deputati Dastan Bekeshev qirg‘izistonliklar avtomobillarining oynalari qoraytirilgan bo‘lsa, O‘zbekiston orqali o‘tishda 15 dollar to‘lashga majbur bo‘layotganini bildirdi. U javob choralarini ko‘rishni yoki yig‘imni bekor qilishni taklif etdi. TIV rahbari masalani o‘rganishni va’da qildi. gazeta.uz »
O‘zbekiston, Tojikiston va Qirg‘iziston davlat chegaralarining tutash nuqtasi to‘g‘risidagi shartnoma imzolandi hamda uch davlat rahbarlarining qo‘shma deklaratsiyasi qabul qilindi. gazeta.uz »
Futbol bo‘yicha O‘zbekiston milliy terma jamoasi 20-mart kuni Toshkentda JCH-2026 saralash bosqichi doirasida Qirg‘izistonni qabul qiladi. “Biz bo‘lajak o‘yin muhimligini tushunamiz. O‘z uyimizda muxlislarimiz bilan birga g‘alaba qozonishga harakat qilamiz”, - dedi bosh murabbiy Temur Kapadze. gazeta.uz »
Futbol bo‘yicha O‘zbekiston va Qirg‘iziston uchrashuvi sabab soat 22:00 gacha Toshkentning Cho‘ponota va Bunyodkor ko‘chasining bir qismida transport harakati cheklanadi. gazeta.uz »
Qirg‘iziston prezidenti Markaziy Osiyo mamlakatlariga bir-birlari uchun vizasiz rejim va xorijliklar uchun mintaqaning yagona vizasini joriy etishni taklif qildi. Silk Road viza loyihasi O‘zbekiston va Qozog‘istonda 2018-yildan beri muhokama qilinmoqda, biroq hozircha amalga oshirilmagan. gazeta.uz »
Qirg‘iziston va Tojikiston prezidentlari mamlakatlar o‘rtasidagi davlat chegarasi to‘g‘risidagi shartnomani imzoladi. Tojikiston-Qirg‘iziston chegarasida 2021-yildan beri yopilgan ikkita nazorat-o‘tkazish punkti faoliyati qayta tiklandi. gazeta.uz »
Futbol bo‘yicha O‘zbekiston milliy terma jamoasining jahon chempionati saralashi doirasida Qirg‘iziston va Eronga qarshi o‘yinlari uchun kengaytirilgan tarkibi e’lon qilindi. gazeta.uz »
Qirg‘iziston hukumati 2030-yilgacha milliy rivojlanish dasturi doirasida Botken - Qo‘qon temiryo‘li va Chotqol - Toshkent muqobil avtomobil yo‘lini qurishni rejalashtirmoqda. gazeta.uz »
Ravshan Ermatov O‘zbekistonning 2031-yilgi Osiyo kubogiga Tojikiston va Qirg‘iziston bilan birga mezbonlik qilmoqchiligi haqidagi savollarga javob berdi. Uning aytishicha, O‘zbekiston 3 ta yirik musobaqani o‘tkazib, OFK ishonchini qozongan. gazeta.uz »
Tojikistonning Xo‘jand shahrida 31-mart kuni Qirg‘iziston, Tojikiston va O‘zbekiston rahbarlarining birinchi uch tomonlama sammiti bo‘lib o‘tadi, deb xabar berdi Qirg‘iziston Vazirlar Mahkamasi raisi o‘rinbosari. gazeta.uz »
O‘zbekiston, Tojikiston va Qirg‘iziston OFKga futbol bo‘yicha 2031-yilgi Osiyo kubogini birgalikda o‘tkazish bo‘yicha nomzodlik taklifini yubordi. “Bugungi kunda qo‘shni mamlakatlar bilan birga O‘zbekiston ham nufuzli musobaqani qabul qilishga har tomonlama tayyor”, - deyiladi O‘FA xabarida. gazeta.uz »
Qirg‘iziston Transport vazirligi O‘zbekiston bilan chegaradagi uchta nazorat-o‘tkazish punktida yuk mashinalari ustidan transport nazoratini joriy etishni taklif qildi. Qayd etilishicha, bunday nazorat yo‘q punktlarda xalqaro avtomobil qatnovi to‘g‘risidagi davlatlararo bitimlar normalari buzilmoqda. gazeta.uz »
Bishkekda Qirg‘iziston va Tojikiston o‘rtasida umumiy chegarani delimitatsiya qilish bo‘yicha kelishuv imzolandi. Hujjatlarni endi ikki mamlakat rahbarlari imzolashi kerak. Hududda ilgari mahalliy aholi, shuningdek, chegarachilar o‘rtasida bir necha bor qonli to‘qnashuvlar kelib chiqqan. gazeta.uz »
Qirg‘iziston va O‘zbekiston mahkumlarni bir-biriga topshiradi. Hozirda O‘zbekistonda 42 nafar Qirg‘iziston fuqarosi, qo‘shni mamlakatda esa 97 nafar o‘zbekistonlik jazo o‘tamoqda. gazeta.uz »
O‘zbekiston va Qirg‘iziston mahkum fuqarolarni bir-biriga topshiradi. Qonunchilik palatasi bu haqdagi qonunni qabul qildi. Hozirda O‘zbekistonda 45 nafar qirg‘izistonlik, Qirg‘izistonda 96 nafar o‘zbekistonlik mahkum o‘z jazosini o‘tamoqda. gazeta.uz »
“Salimboyvachcha” nomi bilan tanilgan o‘zbekistonlik Salim Abduvaliyev Qirg‘iziston janubini to‘liq nazorat qilgan, dedi Qirg‘iziston Milliy xavfsizlik qo‘mitasi rahbari Qamchibek Tashiyev. Uning so‘zlariga ko‘ra, jinoyatchilar, biznesmenlar, hatto siyosiy arboblar va deputatlar ham “Salimboy”ning huzuriga borgan. gazeta.uz »
Rossiyaga nisbatan savdo cheklovlarini chetlab o‘tishga yordam bergani uchun AQSh hukumati Qirg‘izistonning “Keremet Bank”iga qarshi sanksiyalar kiritdi. Bu Amerika sanksiyalari ostida qolgan Markaziy Osiyodagi birinchi bankdir. gazeta.uz »
O‘zbekiston, Qirg‘iziston va Tojikiston hukumat rahbarlari uch davlat chegaralari tutashgan nuqtada umumiy chegara uchastkalari chizig‘i masalasi bo‘yicha uchrashuv o‘tkazdi. Ular ushbu yig‘ilish “xalqlar va mamlakatlar farovonligi yo‘lida mintaqa taqdirini o‘nlab yillar davomida belgilab berishiga” ishonch bildirdi. gazeta.uz »
