Iib - Ïîñëåäíèå íîâîñòè [ Ôîòî â íîâîñòÿõ ] | |
Hududlarda o‘tkazilgan tezkor tadbirlarda ichki ishlar va favqulodda vaziyatlar organlari xodimlari, ta’lim bo‘limi metodisti qo‘lga olindi. Ular ishga kiritish, yong‘in xavfsizligi xulosasi va ruxsatnoma olib berish evaziga pora talab qilishda gumonlanmoqda. gazeta.uz »
Dekabr oyida Bo‘ka-Bekobod avtomobil yo‘lida IIB xodimi tomonidan urib yuborilib, kanalga tashlangan erkakning jasadi YTHdan 80 kun o‘tib aniqlandi. U Do‘stlik kanali bo‘ylab oqim yo‘nalishi bo‘yicha 4 km pastroq hududdan topilgan. gazeta.uz »
Farg‘ona viloyatida ayolni tahqirlab, kaltaklagan Furqat tumani IIB sobiq boshlig‘i Akmal Xo‘jayev va uning o‘rinbosari Jasur Rasulov sud hukmi bilan 4 yilga ozodlikdan mahrum etildi. Ular 3 yilga ichki ishlar organlarida ishlash huquqidan ham mahrum qilindi. gazeta.uz »
Furqat tumani IIB xodimlari tahqirlab, kaltaklagan Gulira’no Qosimova 7-noyabr kungi sud majlisidan chiqarib yuborildi. U sud jarayonidan noroziligi, ish Oliy sudda ko‘rib chiqilishini aytib, videomurojaat qildi. gazeta.uz »
Sirdaryoda o‘zlari yo‘lovchi sifatida ketayotgan mashinani olib qochib, yo‘lda ularni to‘xtatmoqchi bo‘lgan ichki ishlar xodimini pichoqlagan ikki yigit sudlandi. Hukmga ko‘ra, ularning biri 9 yil 6 oy, ikkinchi esa 15 yil 6 oy muddatga ozodlikdan mahrum qilindi. gazeta.uz »
Jinoyat ishlari bo‘yicha Quva tumani sudi Furqat tumani IIB xodimlari tahqirlab, kaltaklagan ayol ishini ko‘rib chiqmoqda. Sudda audio-videoga ruxsat berilmadi. “Faqat adolat kutyapman… Hech qaysi ayolga bu kunni tilamayman, nohaqlikdan dodlab yig‘lamasin, ko‘chada yuzshuvut bo‘lmasin”, - dedi Gulira’no Qosimova. gazeta.uz »
“Biz o‘zidan ketib qolgan bunday rahbarlarni aslo kechirmaymiz”, - dedi IIV rahbari maslahatchisi Zokirjon Almatov Farg‘onada IIB xodimlari ayolni yechintirib, tahqirlagan holat bo‘yicha. “Biz faqat qamash uchun yaratilmaganmiz. gazeta.uz »
Farg‘ona viloyati Furqat tumanida IIB xodimlari 34 yoshli ayolni tuman soliq inspeksiyasi boshlig‘i bilan birga yechintirib, kaltaklashdi. Ular ayolni soliq inspeksiyasi boshlig‘i ustidan yolg‘on ariza berishga majburlab, kaltaklagan. gazeta.uz »
Namanganda IIB binosida qiynoqqa solingan aytilgan fuqaro ishi bo‘yicha jinoyat ish qo‘zg‘atildi. Gazeta`ga bir kun avval erkak va uning onasi uch xodim uni dubinka va elektroshoker ishlatib qiynagani haqida aytib bergandi. gazeta.uz »
Poytaxtning Mirobod tumani IIB bo‘linmalaridan birining podpolkovnik unvoniga ega bo‘lgan boshlig‘i qo‘lga olindi. U firibgarlik va pora olishda ayblanmoqda. gazeta.uz »
Toshkent shahrida 60 yoshlar atrofidagi ruhiy kasal erkak o‘zini to‘xtatib tekshirayotgan PPX inspektoriga pichoq bilan hujum qilib, bo‘yin qismiga jarohat yetkazdi. Xodimning hayoti saqlab qolindi. Fuqaroga nisbatan jinoyat ishi qo‘zg‘atildi. gazeta.uz »
Toshkent viloyati IIB xodimi fuqaroga yengilroq jazo tayinlanishida yordam berish uchun 20 ming dollar olayotganida qo‘lga tushdi. Yangiyo‘l tumani IIB xodimi esa mahkumning jazo muddatini kamaytirib berish uchun 24 ming dollar olayotganida ushlandi. Uning yonidan advokatlik va sudyalik guvohnomalari topildi. gazeta.uz »
IIV rahbari Aziz Toshpo‘latov o‘tkazgan yig‘ilishda Buxoro viloyat IIB boshlig‘i o‘rinbosari, Buxoro shahri IIO FMB boshlig‘i o‘rinbosari, G‘ijduvon tumani IIB boshlig‘ining ikki o‘rinbosari hamda Kogon tumani IIB boshlig‘ining birinchi o‘rinbosari ishdan bo‘shatildi. Yana qator mulozimlarga intizomiy jazolar qo‘llandi. gazeta.uz »
Ichki ishlar vaziri Aziz Toshpo‘latov o‘tkazgan yig‘ilishda Ko‘kdala va Kitob tumanlari IIB boshliqlari va qator IIB mulozimlari ishdan olindi. Qarshi shahri, Koson va Muborak tumani IIB boshliqlariga esa keskin intizomiy jazolar qo‘llandi. gazeta.uz »
Podpolkovnik Farrux Haydarov Sirdaryo viloyati IIB boshlig‘i etib tayinlandi. Bungacha u IIV akademiyasining magistratura bosqichi tinglovchisi edi. gazeta.uz »
Sanjar Djabarov Andijon viloyati Ichki ishlar boshqarmasi boshlig‘i bo‘ldi. U bungacha Sirdaryo viloyati IIBga rahbarlik qilgan. gazeta.uz »
Toshkentning Yunusobod tumani ichki ishlar organlari faoliyatini muvofiqlashtirish boshqarmasi boshlig‘i lavozimida ishlagan Abdumajid Shermuxamedov Xorazm viloyati IIB rahbari etib tayinlandi. gazeta.uz »
Prezident prokurorlar, IIB va soliq xizmatlari rahbarlarini hududlarni rivojlantirish bo‘yicha vazifalaridan ozod etib, ularning vazifalarini bosh vazir o‘rinbosarlariga topshirishni buyurdi. “Sektor ishidan ozod qilish eski davrga qaytib, korrupsiyaga sharoit yaratish, degani emas”, - dedi u. gazeta.uz »
Sherxon Allamurotov Surxondaryo viloyatining Qiziriq tumani hokimi bo‘ldi. U bunga qadar tuman IIB boshlig‘i vazifasida faoliyat yuritgan. gazeta.uz »
Ombudsman tomonidan aniqlangan qator kamchiliklar sababli Qarshi tuman IIBning vaqtincha saqlash hibsxonasi faoliyati to‘xtatildi. Unda saqlanayotgan shaxslar ta’mirlangan Kasbi tumanidagi vaqtincha saqlash hibsxonasiga ko‘chirildi. gazeta.uz »
Sirdaryo viloyatida 13 yil avval jinoyat sodir etganlikda aybdor deb topilgan sobiq IIB xodimi kassatsiya instansiya sudida oqlandi. Sudlanuvchi o‘sha vaqtda 3 yilga axloq tuzatish ishlariga hukm qilingan, jazo o‘tab bo‘lingandan so‘ng, sudlanganligi vaji bilan ishga olinmagan. gazeta.uz »
Samarqand viloyati IIB katta tezkor xodimi 10 ming dollar bilan ushlangani aytilmoqda. U buning uchun ikki fuqarodan biriga jinoyat ishini tugatib berishni, ikkinchisiga esa uy qamog‘i bilan ozodlikda qoldirishni va’da qilgan. gazeta.uz »
Bekobod shahri IIB binosida 43 yoshli fuqaroni kaltaklab o‘ldirgan IIB xodimiga nisbatan sud hukmi o‘qildi. U 9 yil muddatga ozodlikdan mahrum qilindi. gazeta.uz »
Superliga 21-turi doirasidagi “Lokomotiv” - “Bunyodkor” bahsi tanaffusi vaqtida IIB xodimlari stadiondagi VAR mashinasi va avtomobillarni olib chiqishni buyurdi. Talabga qarshilik qilgan o‘yin komissarining telefoni olib qo‘yilib, o‘zi majburan bo‘linmaga olib ketildi. Xodimlarga xizmat tekshiruvi tayinlandi. gazeta.uz »
Sirdaryo tumanida 2024-yilning aprel oyida bir oilaning uch a’zosini o‘ldirib, jasadlarni yoqib yuborgan sobiq IIB xodimiga nisbatan sud hukmi e’lon qilindi. Unga nisbatan umrbod ozodlikdan mahrum qilish jazosi tayinlandi. gazeta.uz »
Namanganda aholi tinchligini buzib, bezorilik qilayotgan fuqaro holatning oldini olishga kelgan ikki nafar IIB xodimini pichoq va yog‘och bilan jarohatladi. U qo‘lga olindi, holat yuzasidan jinoyat ishi qo‘zg‘atildi. gazeta.uz »
Toshkent viloyati Oqqo‘rg‘on tumanida kechasi jamoat tartibini buzgani uchun IIB xodimlari tomonidan hushyorxonaga olib ketilayotgan fuqaro qochish maqsadida o‘zini mashinadan tashladi. U jarrohlik amaliyotiga qaramay vafot etdi. gazeta.uz »
Toshkent shahrida IIB Migratsiya va fuqarolikni rasmiylashtirish bo‘limining sobiq boshlig‘i va uning sherigi chet el fuqarolariga pul evaziga noqonuniy ravishda ID karta va xorijga chiqish pasportlarini rasmiylashtirib kelgani aniqlandi. Ular 7 va 5 yilga qamaldi. gazeta.uz »
Ko‘kdala tumani IIB katta inspektori mast haydovchining pichoq bilan jarohat yetkazgani oqibatida vafot etdi. Holat yuzasidan Jinoyat ishi qo‘zg‘atildi, gumonlanuvchi ushlandi. gazeta.uz »
Farg‘ona viloyati IIB Rishton tumanidagi idora xonasida hushini yo‘qotib, reanimatsiyaga yotqizilgani aytilgan fuqaroning tutqanog‘i tutib qolganini ma’lum qildi. “Tibbiy ko‘rik jarayonida fuqaroga jarohat yetkazilgani aniqlanmagan”, - deyiladi xabarda. gazeta.uz »
Rishton tumanida elektroshoker qo‘llab IIB xonasiga olib kirilgan fuqaro hushini yo‘qotib, reanimatsiyaga yotqizildi. Uning jiyani janjal tasvirga tushib qolgan do‘kon kamerasidan barcha kadrlar PPX xodimlari tomonidan o‘chirtirib yuborilganini aytmoqda. gazeta.uz »
“Gazeta.uz” Toshkent viloyati Bekobod shahri IIB binosida kaltaklanib vafot etgani aytilayotgan 43 yoshli erkakning akasi bilan suhbatlashdi. U voqea qanday bo‘lgani, xodimlarning xatti-harakati hamda adolat istayotgani haqida gapirdi. Hozirda ish doirasida 1 nafar IIB xodimi qamoqqa olingan. gazeta.uz »
Bekobod shahri IIB binosida vafot etgani aytilayotgan 43 yoshli erkak ishi doirasida bir nafar ichki ishlar xodimi qamoqqa olindi. Marhumning akasi “Gazeta.uz”ga bergan intervyusida bu voqeada jami 8 nafar xodim ishtiroki bo‘lganini aytmoqda. gazeta.uz »
Inson huquqlari bo‘yicha vakil (ombudsman) Bekobodda “IIB binosiga majburiy olib ketilgan” aka-ukaga nisbatan kuch ishlatilganligi, ulardan birining vafoti holatini o‘rganmoqda. Vakil voqeaning barcha jihatlari qonun talablari doirasida ochiq va adolatli surishtirilishini so‘ramoqda. gazeta.uz »
Bekobod tumanida ukasining sud majlisida janjal ko‘tarib, IIBga olib ketilgan erkak “binoga kirish yo‘lagida” hushini yo‘qotdi. Shifoxonaga olib borilganda uning vafot etgani aniqlangan. IIV buning favqulodda holat sifatida ko‘rilishi va har bir xodimning harakatlari sinchkovlik bilan o‘rganilishini bildirdi. gazeta.uz »
Qo‘ng‘irot tumani IIB boshlig‘i o‘rinbosari fuqarodan iPhone 15 Pro Max telefonini olayotganda qo‘lga olingani aytilmoqda. Mansabdor so‘ralgan telefonni olib kelmasa, fuqaroning shaxsiy sirini fosh qilib, uni javobgar qilmoqchi bo‘lgan. gazeta.uz »
Samarqand shahrida IIB xodimi kelishmovchilik sababli bir erkak va homilador ayolga kuch ishlatdi. U fuqarolarga “birinchi buyruq bajarilishi, keyin muhokama qilinishi”ni aytganini eshitish mumkin. Viloyat IIB profilaktika inspektori ishdan bo‘shatilganini bildirdi. gazeta.uz »
Surxondaryo viloyati Oltinsoy tumanida yoshlar o‘rtasidagi futbol musobaqasi payti jamoat tartibini buzib, IIB xodimlariga faol qarshilik ko‘rsatgan 13 nafar fuqaroga 15 sutka qamoq jazosi tayinlandi. gazeta.uz »
Toshkent tumanida oilaviy janjal bo‘yicha chaqiruv olgan IIB xodimi pichoqlandi. U oshxona pichog‘i ushlagan shaxsdan qurolsizlanishni so‘ragan, ammo 56 yoshli fuqaro unga faol qarshilik ko‘rsatib, chap bel qismini jarohatlagan. gazeta.uz »
