Dorilar - Ïîñëåäíèå íîâîñòè [ Ôîòî â íîâîñòÿõ ] | |
SSV retseptsiz beriladigan dorilar ro‘yxatini e’lon qildi. Unda O‘RVI simptomlari, allergiyau, vitaminlar va yaralarni parvarish qilish vositalari mavjud. Dorixonalardan dori (retsept bilan yoki retseptsiz) olish shartlari va qoidalarini Farmatsevtika agentligi saytidan topish mumkin. gazeta.uz »
10-dekabrdan boshlab Toshkent hamda O‘zbekistonning 15 ta tuman va shahrida dorilar elektron retsept asosida berilmoqda. 2026-yil oxiriga kelib, ushbu tizim barcha tibbiyot muassasalari va dorixonalarni qamrab oladi. gazeta.uz »
Toshkent shahrida noqonuniy sex tashkil qilib, unda ishlab chiqarilgan qalbaki dori vositalarini dorixonalar orqali sotuvga chiqargan uch nafar shaxsga nisbatan jinoyat ishi qo‘zg‘atildi. Yashirin sexda “Ursosan 250 mg”, “Neyromidin 20 mg”, “Fanigan” dori vositalari qalbakilashtirilgan. gazeta.uz »
O‘zbekistonda 2026-yildan boshlab dori vositalari va tibbiy jihozlarni ro‘yxatdan o‘tkazish 3 bosqichda amalga oshiriladi. Ularning muvofiqlik sertifikatini rasmiylashtirishda xalqaro talablar ko‘zda tutiladi. Shundan so‘ng 5 yillik guvohnoma beriladi. gazeta.uz »
DXX 72 ming dona tibbiy buyumni noqonuniy ravishda 111 million so‘mga sotishni reja qilgan shaxsni qo‘lga oldi. Ushbu shaxs, shuningdek, 867 quti sifatsiz dori vositalarini saqlab kelgani aniqlandi. gazeta.uz »
1-iyuldan O‘zbekistonda import dorilarni faqat rasmiy dilerlar orqali sotish mumkin. Farmatsevtika agentligi rahbari bu chora aholini sifatli va arzon dori vositalari bilan ta’minlashda ortiqcha vositachilarni bartaraf etishiga ishonch bildirmoqda. gazeta.uz »
O‘zbekistonda 2025-yil 1-apreldan cheklangan savdo ustamalari faqat retsept bilan beriladigan dori vositalari toifasiga nisbatan tatbiq etiladi. Bu distribyutorlar uchun cheklangan ustama bazaviy narxning 15 foizini, dorixonalar uchun xarid narxining 20 foizini tashkil etardi. gazeta.uz »
Toshkent shahrida yashovchi bir guruh shaxslar kuchli ta’sir qiluvchi dori vositalarining noqonuniy savdosi bilan shug‘ullanib kelgani aniqlandi. Tezkor tadbirlar davomida 130 mln so‘mdan ortiqroq qiymatga ega dorilar musodara qilingan. gazeta.uz »
Raqobat qo‘mitasi mamlakatdagi 878 ta dorixonada dori vositalarining narxi oshirilganini aniqladi. Joriy yilda 100 mingdan ortiq holatda xaridorlardan 7 mlrd so‘mdan ziyod mablag‘ asossiz olingan. gazeta.uz »
SSV huzurida dorilarini ishlab chiqaruvchilardan to‘g‘ridan-to‘g‘ri xarid qilish hamda ularni hududlarga yetkazib berish imkoniyatini beruvchi Xaridlar markazi tashkil etilmoqda. Shifoxonalar uchun dorilar 15 oylik talabdan kelib chiqib sotib olinadi, yaroqlilik muddati yaqin qolgan dorilarni xarid qilish taqiqlanadi. gazeta.uz »
Toshkent shahri Chilonzor tumanida ikki fuqaro umumiy qiymati salkam 44 ming dollarlik 4000 quti qalbaki dori vositalarini sotayotgan vaqtda qo‘lga olindi. Holat yuzasidan jinoiy ish ochildi. gazeta.uz »
Namangan shahridagi omborxonada O‘zbekistonda saqlash va sotish taqiqlangan 821 mln so‘mlik 639 turdagi dori vositalari borligi aniqlandi. Tibbiy buyumlar olib qo‘yildi, holat yuzasidan jinoyat ishi qo‘zg‘atildi. gazeta.uz »
Raqobat qo‘mitasi hududlarda dori vositalarining belgilangan referent narxlaridan oshirib sotilgan holatlarni aniqladi. Dorixonalar salkam 50 mingta holatda iste’molchilardan 5,4 mlrd so‘mga yaqin asossiz daromad olgan. Pullar fuqarolar foydasiga qayta hisob-kitob qilindi. gazeta.uz »
Soliq qo‘mitasi E-aktiv (E-ombor) tizimidan joriy etish murakkabligi tufayli voz kechdi, dedi tashkilot raisi Sherzod Kudbiyev. U, shuningdek, mahallalarda sotiladigan preparatlar ma’lumotlarini taqdim etuvchi dorilar markirovkasi va dorilarga QQS qaytarilgandan keyingi o‘zgarishlar haqida gapirdi. gazeta.uz »
2017-yilda joriy etilgan tibbiy texnika va retseptsiz beriladigan dorilarga nisbatan narx cheklovi bekor qilinadi. Hozir cheklangan ustama distribyutorlarga 15%, dorixonalarga 20% ni tashkil etadi, u faqat retsept bo‘yicha beriladigan dorilar uchun qoladi. Shuningdek, farmkorxonalar QQS to‘lovchiga aylanadi. gazeta.uz »
Shavkat Mirziyoyevga taqdim etilgan farmatsevtika tarmog‘iga oid rejalardan eksportni oshirish, shu bilan birga, ichki bozorning mahalliy mahsulotlarga talabini qondirish o‘rin olgan. Sohani raqamlashtirish orqali narxlarni 20 foizga arzonlashtirish, ishlab chiqarishni xalqaro standartlarga o‘tkazish ko‘zda tutilgan. gazeta.uz »
Aprel oyida aholi tomonidan sezilgan inflyatsiya darajasi o‘tgan oyga nisbatan biroz tezlashib, 13,7 foizni (+1 foiz) tashkil etdi. Respondentlar orasida dorilar va tibbiy xizmatlar narxi keskin oshganini qayd etganlar soni sezilarli darajada ko‘paydi. gazeta.uz »
