Dronlar - Ïîñëåäíèå íîâîñòè [ Ôîòî â íîâîñòÿõ ] | |
18-iyunga o‘tar kechasi 200 ga yaqin Ukraina dronlari Moskva va Moskva viloyatiga hujum qildi. 17 kishi jarohatlandi. Moskva neftni qayta ishlash zavodi ham zarba ostida qoldi. Rossiya poytaxtiga uyushtirilgan ushbu hujum so‘nggi ikki yil ichidagi eng yirigi bo‘ldi. gazeta.uz »
Rossiya 15-iyunga o‘tar kechasi Kiyevga ommaviy zarba berdi. To‘rt kishi halok bo‘ldi, 25 kishi jarohatlandi. Hujum oqibatida Kiyev-Pechersk lavrasi hududida yong‘in sodir bo‘ldi, Uspenskiy soborining tomi yonib ketdi. gazeta.uz »
3-iyun tongida Ukraina Rossiyaning Leningrad viloyati va Sankt-Peterburg shahriga keng ko‘lamli dron hujumini uyushtirdi. Hodisa Peterburg xalqaro iqtisodiy forumi ochilishi vaqtiga to‘g‘ri keldi. Neft terminalida yong‘in chiqib, infratuzilma obyektlari zarar ko‘rdi, Pulkovo aeroportida parvozlar kechiktirildi. gazeta.uz »
1-maydan Pekinda dronlar va ularning butlovchi qismlarini sotish, ijaraga berish hamda olib kirishni taqiqlovchi yangi qoidalar kuchga kiradi. Rasmiylar ushbu choralarni xavfsizlik nuqtai nazaridan kelib chiqqan holda tushuntirmoqda. gazeta.uz »
Shavkat Mirziyoyev Ilhom Aliyev bilan o‘tkazgan telefon orqali muloqotida Naxichevanga qilingan dronlar hujumini keskin qoraladi. Shuningdek, fuqarolarni Erondan Ozarbayjon orqali xavfsiz evakuatsiya qilish bo‘yicha ko‘rilayotgan choralar uchun Aliyevga minnatdorlik bildirildi. gazeta.uz »
1-martdan “Suvxo‘jaliknazorat” inspektorlari suvdan foydalanish qoidalari buzilishini kuzatish uchun bodi-kamera va dronlar bilan jihozlanadi. Guruch ekiladigan va baliq xo‘jaliklari mavjud yerlarda “aqlli” suv hisoblagichlar o‘rnatish rejalashtirilgan. Vazirlik yiliga 5 mlrd kubometrgacha suv tejamoqchi. gazeta.uz »
Dronlarni boshqarish, raqamli poligon va simulyatorda mashq qilish O‘zbekistonda harbiy tayyorgarlikning bir qismiga aylandi. Askar va ofitserlar zamonaviy qurolli nizolar tajribasi asosida tayyorlanmoqda. gazeta.uz »
Sahro Drone Industry Samarqandda O‘zbekiston va Iordaniya rahbarlari ishtirokidagi ko‘rgazmada mahalliy ishlab chiqarilgan dronlarni taqdim etdi. Korxona rahbariga ko‘ra, mahsulotning 80% mahalliylashtirilgan. gazeta.uz »
Rossiyaning Kiyevga hujumi oqibatida kamida yetti kishi halok bo‘ldi, 80 dan ortiq kishi jarohatlandi, ular orasida bolalar ham bor. Raketalardan biri turar joy binosiga kelib tushdi, u yerda pod’ezd quladi. gazeta.uz »
Rossiya uchuvchisiz uchish apparatlari va raketalarining Kiyevga ommaviy hujumi oqibatida besh qavatli turar joy binosining pod’ezdi vayron bo‘ldi, vayronagarchiliklar Ukraina poytaxtining yana bir qancha hududlarida qayd etildi. gazeta.uz »
Rossiyaning Kiyevga hujumlari oqibatida kamida 15 kishi halok bo‘ldi, 100 dan ortiq kishi jarohat oldi. Shahar tumanlaridan birida turar joy binosining pod’ezdi butunlay qulab tushdi. Ukraina poytaxtida 18-iyun motam kuni deb e’lon qilindi. gazeta.uz »
Rossiya seshanbaga o‘tar kechasi Odessa va Kiyevga dronlar bilan yalpi zarbalar yo‘lladi. Odessada markaziy ko‘chalarga hujum uyushtirildi, 2 kishi halok bo‘ldi, 9 kishi yaralandi. Kiyevda yettita tuman zarar ko‘rdi, 4 kishi jarohatlandi. gazeta.uz »
Ukraina furalarga joylangan dronlar yordamida Rossiyadagi bir nechta harbiy aerodromlarga zarba berdi. “Pautina” operatsiyasi nomli hujumda 40 dan ortiq samolyot, jumladan, A-50, Tu-95 va Tu-22 M3 shikastlangani, Rossiya armiyasi ko‘rgan zarar 2 mlrd dollar bo‘lgani aytilmoqda. gazeta.uz »
O‘zbekiston shaharlaridan Moskva aeroportlariga bir nechta aviareyslar Ukraina dronlarining Rossiya poytaxtiga hujumi tufayli boshqa shaharlarga yo‘naltirildi. Moskva meriyasiga ko‘ra, shahar yaqinida 74 ta uchuvchisiz uchish apparati urib tushirilgan. gazeta.uz »
O‘zbekiston qo‘shinlarida dronlar va ularga qarshi kurashish, sun’iy intellekt bilan ishlaydigan kibertuzilmalar, robotlashgan texnikalarni qo‘llash va havo hujumidan mudofaa bo‘yicha yangi bo‘linmalarni tashkil etish rejalashtirilmoqda. gazeta.uz »
Malayziyaning Meraque kompaniyasi Toshkent viloyatining Yangiyo‘l tumanida dron va qishloq xo‘jaligining aqlli texnologiyalarini ishlab chiqarishni yo‘lga qo‘yadi. Kompaniya loyihaga 4,5 mln dollar sarmoya kiritishni rejalashtirmoqda. gazeta.uz »
Isroil dronlar orqali, Eron rasmiylariga ko‘ra, Isfahon shahri yaqinidagi harbiy havo bazasiga zarba berdi. Hujum paytida portlash ovozlari eshitilgan, hududdagi yadroviy inshootlarga zarar yetmagan. Isroil mudofaa kuchlari bu zarbaga izoh bermadi. gazeta.uz »
13-aprel kuni Eron Isroil tomon o‘nlab dron va raketalarni uchirdi. Isroil bosh vaziri Benyamin Netanyaxu hujumdan so‘ng darhol xalqqa murojaat qilib, mamlakat uzoq yillardan buyon Eron hujumiga tayyorgarlik ko‘rganini, hukumat “har qanday ssenariyga, mudofaaga ham, hujumga ham tayyorligini” ta’kidladi. gazeta.uz »
