Hamda - Ïîñëåäíèå íîâîñòè [ Ôîòî â íîâîñòÿõ ] | |
Shavkat Mirziyoyev va Gruziya prezidenti Mixail Kavelashvili Tbilisidagi muzokaralarda savdoni, jumladan, Poti va Batumi portlari salohiyatidan foydalanish orqali faol rivojlantirish, shuningdek, farmatsevtika, transport, energetika va raqamli texnologiyalar sohalarida hamkorlikni kengaytirishga kelishib oldi. gazeta.uz »
O‘zbekistonda 1-iyuldan pensiya va nafaqalar, 1-sentabrdan esa ish haqi hamda stipendiyalar 7 foizga oshiriladi. 1-sentabrdan bazaviy hisoblash miqdori 440 000 so‘m etib belgilanadi. Mehnatga haq to‘lashning eng kam miqdori esa oyiga 1 360 000 so‘m bo‘ladi. gazeta.uz »
O‘zini Bosh prokuratura xodimi deb tanishtirgan shaxs qo‘lga olindi. Tergov ma’lumotlariga ko‘ra, u bir nechta fuqarolarning ishonchiga kirib, ularning 95 ming dollar, 1,7 mlrd so‘m pullari, avtomashina hamda tilla taqinchoqlarni firibgarlik va o‘g‘rilik yo‘li bilan o‘zlashtirgan. gazeta.uz »
Aprelda aholi tomonidan sezilgan inflyatsiya o‘zgarishsiz - 11,1% darajasida saqlanib qoldi. Respondentlarga ko‘ra, asosiy mahsulotlarning deyarli barchasida narx o‘sishi kuzatildi. Go‘sht va sut, meva-sabzavotlar, qurilish mollari eng ko‘p qimmatlashdi. Elektr va tabiiy gaz, tuxum va guruch nisbatan arzonlashdi. gazeta.uz »
O‘zbekiston o‘z futbolchilarini Jahon chempionatiga kuzatib qo‘ydi. Prezident tabrigi, futbolchilarning muvaffaqiyatiga bag‘ishlangan qo‘shiq va she’rlar, muxlislarning qo‘llab-quvvatlovi - o‘yinchilarni kuzatish marosimi qanday o‘tganini Gazeta fotojurnalisti Yevgeniy Sorochinning reportajida o‘qing va tomosha qiling. gazeta.uz »
Sun’iy intellekt allaqachon aviakompaniyalarga daromadni oshirishga yordam bermoqda. Ular SI imkoniyatlarini qanday qo‘llayapti, uni joriy etishda qaysi omil va xavflarni hisobga olish kerak, qaysi xalqaro tajriba O‘zbekiston uchun foydali bo‘lishi mumkin? Shular haqida Gazeta BCG ekspertlari bilan suhbatlashdi. gazeta.uz »
Muzokaralar yakunida O‘zbekiston va Chexiya rahbarlari kengaytirilgan hamkorlikni ilgari surish to‘g‘risida qo‘shma deklaratsiya imzoladi. Hukumatlar iqtisodiy, sanoat, ilmiy va texnologik sheriklik, shuningdek, geologiya va elektropoyezdlarni yetkazib berish bo‘yicha kelishuv imzoladi. gazeta.uz »
Qonunchilik palatasi deputatlari fotoradar va kameralar faoliyati hamda yo‘l harakati xavfsizligi masalalari bo‘yicha Ichki ishlar vaziriga parlament so‘rovi yubordi. Unda jarimalardagi xatolar, yo‘l infratuzilmasi muammolari va tizim samaradorligiga oid masalalar ko‘tarilgan. gazeta.uz »
Shavkat Mirziyoyev ayrim rahbarlar tadbirkorning masalasini hal qilish o‘rniga o‘zini chetga olayotgani, muammo respublika darajasiga chiqsa, aybini berkitish uchun o‘zini oqlab yurganini tanqid qildi. gazeta.uz »
Raqamli texnologiyalar, sanoat kooperatsiyasi, “yashil” energetika va inson kapitali Markaziy Osiyo va Germaniya hamkorligining yangi drayverlari sifatida ko‘rilmoqda. Bu masala Xivada o‘tgan ekspertlar forumida muhokama qilindi. gazeta.uz »
Mart oyida O‘zbekistonda aholi tomonidan sezilgan inflyatsiya 0,5 foiz bandga pasayib, 11,1 foizni tashkil etdi. Respondentlarga ko‘ra, meva-sabzavotlar, yo‘lkira va tashish xizmatlari, tuxum nisbatan arzonlashdi. gazeta.uz »
1-iyundan qurilish maydonlarini havo monitoringi stansiyalari va kameralar bilan jihozlash majburiy bo‘ladi. 12 metrdan baland binolarni qurishda umumiy maydondan kamida 30% ko‘kalamzorlashtirish uchun ajratilishi shart. gazeta.uz »
Shavkat Mirziyoyev Toshkent xalqaro moliya markazi, Enterprise Uzbekistan raqamli habini ochish va islom banki xizmatlarini joriy etish loyihalari bilan tanishdi. 2030-yilgacha moliya markazi 25 milliardgacha mablag‘ jalb qilishi, IT hab esa 300 mingtagacha ish o‘rni va 5 mlrd dollarlik eksportni ta’minlashi mumkin. gazeta.uz »
Fevralda aholi tomonidan sezilgan inflyatsiya sezilarli o‘zgarmadi - 11,6% (-0,1%). Respondentlarga ko‘ra, benzin va yoqilg‘i, kommunal xizmatlar, yo‘l kira va tashish xizmatlari eng ko‘p arzonlashdi. gazeta.uz »
Sea Breeze Uzbekistan kurortining oqova va ichimlik suv tizimlari 2027-yil yakunigacha qurilishi aytilmoqda. Majmuaga Chorvoq suv omboridan yiliga 10 mln kub metr suv olish ko‘zda tutilyapti. “Loyiha Toshkent aholisi ichimlik suviga ta’sir qilmaydi”, - dedi Toshkent viloyati hokimligi vakili. Gazeta reportaji. gazeta.uz »
Startap loyihalarning xorijiy ta’sischilari, axborot texnologiyalari sohasida fan nomzodi, falsafa doktori yoki fan doktori ilmiy darajasiga ega bo‘lgan xorijlik professor-o‘qituvchilarga O‘zbekistonga kirish uchun IT visa beriladi. gazeta.uz »
O‘zbekistondagi chegara va anklav hududlardagi mahallalarda yo‘llar ta’mirlanib, mehmon uylari, dam olish maskani, savdo-servis obyektlari tashkil etiladi. Sohil va yo‘l bo‘yida servisni rivojlantirish bo‘yicha 500 ta mahalla tanlab olinib, tadbirkorlik loyihalari uchun sharoit yaratiladi. gazeta.uz »
Migratsiya agentligi bir qator tashkilotlar bilan hamkorlikda o‘zbekistonliklarni xorijga ishga taklif qilmoqda. Xususan, haydovchilar uchun Germaniya va Yaponiyada, quruvchilar uchun Turkiya va Yaponiyada ishlash imkoniyati berilishi mumkin. gazeta.uz »
Navoiy viloyatining Navbahor va Karmana, Samarqand viloyatining Narpay, Jizzax viloyatining Forish tumanlari, Andijon viloyatining Xonobod hamda Toshkent viloyatining Ohangaron shahriga yangi hokimlar tayinlandi. gazeta.uz »
O‘zbekistonda faol ijod qilayotgan dramatugrlar uchun Mahmudxo‘ja Behbudiy, yosh rejissyorlar uchun Bahodir Yo‘ldoshev nomidagi mukofotlar ta’sis etiladi. G‘oliblar har ikki yilda 27-mart kuni 63,5 mln so‘m miqdorida bir martalik pul, diplom va statuetkalar oladi. gazeta.uz »
O‘zbekiston mustaqilligining o‘ttiz to‘rt yilligi munosabati bilan davlat xizmatchilari hamda ishlab chiqarish va ijtimoiy-iqtisodiy sohalar xodimlaridan bir guruhi orden va medallar bilan taqdirlandi. gazeta.uz »
Shavkat Mirziyoyev 18-iyul kungi qarori bilan Xorijiy investorlar kengashi O‘zbekiston tomonining yangilangan tarkibini tasdiqladi. Unga ilk bor bosh vazir o‘rinbosari, energetika vaziri, raqamli texnologiyalar vaziri, Soliq qo‘mitasi raisi va Tiklanish va taraqqiyot jamg‘armasi direktori kiritildi. gazeta.uz »
Deputatlar qora va rangli metallar lomi va chiqindilarini tayyorlash hamda qayta ishlash, shuningdek, tabiiy gaz savdosini litsenziyalash to‘g‘risidagi qonun loyihasini birinchi o‘qishda qabul qildi. gazeta.uz »
Shavkat Mirziyoyev futbol bo‘yicha O‘zbekiston terma jamoasi a’zolari va O‘zbekiston futbol federatsiyasining bir qancha xodimlarini orden va medallar bilan mukofotlash to‘g‘risidagi farmonni imzoladi. gazeta.uz »
O‘zbekistonda 1-iyundan issiqlik ta’minoti bo‘yicha yangi talablar joriy etiladi. Barcha yangi va rekonstruksiya qilinadigan binolarda quyosh panellari, suv isitgichlar va issiqlik nasoslarini o‘rnatish majburiy bo‘ladi. gazeta.uz »
Hukumat qarori bilan “Nurota” va “Surxon” davlat qo‘riqxonalari hamda “Zarafshon” milliy tabiat bog‘i hududlari kengaytiriladi. Hududlarni kengaytirish uchun kerak bo‘ladigan mablag‘lar 2026-yildan mahalliy budjet parametrlarida nazarda tutiladi. gazeta.uz »
O‘zbekiston qo‘shinlarida dronlar va ularga qarshi kurashish, sun’iy intellekt bilan ishlaydigan kibertuzilmalar, robotlashgan texnikalarni qo‘llash va havo hujumidan mudofaa bo‘yicha yangi bo‘linmalarni tashkil etish rejalashtirilmoqda. gazeta.uz »
Surxondaryo viloyati Uzun tumanida ayol va uning voyaga yetmagan farzandi yonayotgan uydan jonsiz holatda topildi. Yana ikki nafar bola jonlantirish bo‘limiga yotqizildi. Qasddan odam o‘ldirish moddasi bilan jinoyat ishi qo‘zg‘atildi. gazeta.uz »
Tashqi ishlar vaziri Baxtiyor Saidov Yangi Zelandiya, Bosniya va Gersegovina hamda Venesuelaning O‘zbekistondagi yangi elchilari bilan uchrashib, hamkorlik masalalarini muhokama qildi. gazeta.uz »
Qishloq xo‘jaligi sohasi kadrlari hamda veterinariya va chorvachilik sohasida pedagog hamda mutaxassis kadrlarni qayta tayyorlash va ularning malakasini oshirish institutlari tashkil etiladi. gazeta.uz »
Shavkat Mirziyoyev Turkiya TIV, IIV va razvedka xizmati rahbarlaridan iborat delegatsiya bilan uchrashdi. Tomonlar siyosiy muloqotni chuqurlashtirish, tahdid va xatarlarga qarshi kurashish bo‘yicha hamkorlikni kuchaytirish va qo‘shma tadbirlar o‘tkazish masalalarini muhokama qildi. gazeta.uz »
DXX Sirdaryo, Farg‘ona, Xorazm va Andijon viloyatlarida turli giyohvandlik va “Regapen” kabi kuchli ta’sir qiluvchi dorilarning noqonuniy aylanmasiga chek qo‘ydi. Narkotik moddalar va dorilarning aksariyati Qirg‘iz Respublikasidan aylanma yo‘llar orqali olib kelingan. (foto, video) gazeta.uz »
Senatda kiberxavfsizlik va intellektual mulkni himoya qilish, shuningdek, narkotik moddalarning noqonuniy aylanmasi qarshi kurashish to‘g‘risidagi qonunlarga qo‘shimchalar ko‘rib chiqiladi. Bundan tashqari, bosh prokuror lavozimiga nomzod ko‘rib chiqiladi va Raqobatni rivojlantirish qo‘mitasi rahbari saylanadi. gazeta.uz »
Gurlan tumanida bog‘cha tarbiyachisi bolalarga bir necha bor tarsaki tushirgani aks etgan video va bolalardan birining qo‘liga igna kirgani surati tarqaldi. Bolalar ombudsmani holatlar yuzasidan tergovga qadar tekshiruv harakatlari olib borilayotganini ma’lum qildi. gazeta.uz »
Toshkentda 1 mlrd so‘mlik elektr energiyasidan noqonuniy foydalangan mebel sexi, shuningdek, Qarshida 1 mlrd so‘mlik gazni qonunga xilof ravishda ishlatgan korxona aniqlandi. Holatlar yuzasidan jinoiy ishlar qo‘zg‘atildi. gazeta.uz »
Toshkent shahri hokimi Shavkat Umurzoqov yo‘llarni yaxshilash uchun 500 mln dollarlik loyiha ishlab chiqilgani, shuningdek, bekatlar va tirbandlikni keltirib chiqarayotgan 30 ta eng katta chorrahani tartibga solish rejasi borligini bildirdi. gazeta.uz »
“Fayzobod GAI”da ta’mirlash ishlari sabab Mirzo Ulug‘bek va Olmazor tumanlaridagi YHXBning vaqtincha ochilgan Ro‘yxatdan o‘tkazish va imtihon olish bo‘linmalarining ish faoliyati to‘xtatildi. Fuqarolar endi zamonaviy sharoitlar yaratilgan Mirobod tumanidagi bo‘limga kelishi mumkin. gazeta.uz »
“Sen dunyoga keraksan” ko‘ngillilar jamoasi Ramazon oyida Toshkent shahrida “Yo‘lda iftorlik” loyihasini o‘tkazib, 21 mingdan ziyod ro‘zadorga suv va xurmo tarqatdi. Shuningdek, Toshkent viloyatida kam ta’minlangan oilalar uchun 100 kishilik iftor dasturxoni yozildi, 20 nafar bolaga velosiped taqdim etildi. Foto. gazeta.uz »
O‘zbekistonda bog‘cha, maktab, kollej hamda oliy o‘quv yurtlarida shirin, gazlangan va energetik ichimliklar hamda tuzi yuqori bo‘lgan qayta ishlangan oziq-ovqat mahsulotlarini iste’mol qilishni va sotishni taqiqlash rejalashtirilmoqda. gazeta.uz »
