Aytilmoqda - Ïîñëåäíèå íîâîñòè [ Ôîòî â íîâîñòÿõ ] | |
Tarmoqlarda Qumqo‘rg‘on tumanidan o‘tuvchi daryoda neftga o‘xshash qora rangli suv oqayotgani aks etgan video tarqaldi. Suv xo‘jaligi boshqarmasi bunga Eriell kompaniyasiga tegishli neft hovuzlaridan suv toshishi sabab bo‘lganini bildirdi. Ekoboshqarma laboratoriya tahlillari o‘tkazishni boshladi. gazeta.uz »
Toshkentdagi nufuzli banklardan birining katta eksperti 10 ming dollar olayotganida qo‘lga tushgani aytilmoqda. U tadbirkorga Samarqanddagi banklar orqali 1,25 mlrd so‘mli kredit rasmiylashtirib berishni va’da qilgan. gazeta.uz »
Sovet davrida Qoraqalpog‘istonga uzoq yillar rahbarlik qilgan Qallibek Kamalov vafot etdi. Uning 100 yillik yubileyiga bir oydan sal ko‘proq vaqt qolgandi. gazeta.uz »
Qorako‘l tumanida o‘quv markazning 20 nafar abituriyenti zaharlangani aytilmoqda. Viloyat SSBga ko‘ra, hozirda ularning ahvoli yaxshilangan va uyiga javob berilgan. Kasallanish nimadan kelib chiqqani noma’lum, tegishli qon namunalari ekspertizaga yuborilgan. gazeta.uz »
Uchtepa tumanining uy-joy kommunal xizmat ko‘rsatish bo‘limi bosh mutaxassisi 3 ming dollar bilan ushlangani aytilmoqda. U xizmat mavqeidan foydalanib, tadbirkorga do‘konini “snos” ro‘yxatiga kiritmaslikni va’da qilgan. gazeta.uz »
Tarmoqlarda Rossiyaning Xabarovsk shahrida OMON xodimlari O‘zbekiston fuqarolarini kaltaklagani, ulardan biri vafot etgani xabari tarqaldi. O‘zbekiston TIV fuqaro o‘limini tasdiqlab, Rossiyaga nota yuborilganini ma’lum qildi. gazeta.uz »
Bulung‘ur tumanida kanalni betonlashtirish davomida mingga yaqin daraxt kesib tashlangani aytilmoqda. Ayrim daraxtlar aholining o‘ziga kesdirilgan, yarim pulni davlatga topshirish talabi qo‘yilgan. Daraxt kesish to‘xtatilgan, voqea ishchi guruh tomonidan o‘rganilmoqda. gazeta.uz »
Buxoroda soliq inspektoriga nisbatan jinoyat ishi qo‘zg‘atildi. U korxona rahbarining mol-mulkiga qo‘yilgan taqiqni bekor qilish evaziga 400 dollar olishda gumonlanib ushlandi. gazeta.uz »
Jarqo‘rg‘on tumanida advokat jinoiy ish bo‘yicha fuqaroga yordam berish uchun 60 ming dollar talab qilgani aytilmoqda. U puldan 50 ming dollar olayotgan vaqtida qo‘lga olindi. gazeta.uz »
DXX Tuproqqal’a va Shovot tumani FVB xodimlarining noqonuniy harakatlarini fosh etdi. Ulardan biri tizimga ishga joylashtirib qo‘yish, ikkinchisi haydovchilik guvohnomasini olib berish uchun fuqarolardan pora olganlikda gumonlanmoqda. gazeta.uz »
So‘nggi oylarda O‘zbekistonda IELTS imtihonini qog‘ozda topshirganlarning (paper based) javoblari qayta tekshirilmoqda, ayrim natijalar ommaviy bekor qilindi. Bu test javoblarining internetga sizdirilayotgani bilan bog‘liq bo‘lishi mumkin. gazeta.uz »
Qamashi tumanida g‘isht zavodi faoliyatini qayta tiklash evaziga pul talab qilgan fuqaro va ishga aloqador bo‘lgan soliq inspeksiyasi boshlig‘i o‘rinbosari ushlandi. Ularning har biri 3 ming dollardan olgan vaqtida ashyoviy dalillar bilan qo‘lga tushgan. gazeta.uz »
Buxorodagi xususiy klinikada 11 yoshli bola sinov ukolisiz antibiotik yuborilishi sabab vafot etgani aytilmoqda. Marhum yaqiniga ko‘ra, klinika rahbari jasadni ekspertizaga bermaslik uchun $30 ming taklif qilgan. gazeta.uz »
Rossiyaning Kaliningrad viloyatida 4 erkak is gazidan zaharlanib vafot etdi, OAV ularning o‘zbekistonlik ekani va bir oycha oldin ishlash uchun kelganini yozdi. “Yigitlar 25 yoshlarda edi… Ko‘p ishlab, uyga kam kelishardi. gazeta.uz »
Poytaxtdagi “Tanzilandiya” nomli xususiy bog‘chada bolalar kaltaklangani aytilmoqda. Ota-onalar tarbiyachilar farzandlariga qo‘pol munosabatda bo‘layotganini bildirib, qonuniy chora ko‘rishni so‘ragan. Hozirda 3 nafar tarbiyachi ishdan olingan. gazeta.uz »
Samarqand viloyatida 27 yoshli ayol eri tomonidan kaltaklanganidan so‘ng bir necha kun o‘tib ahvoli yomonlashgan va shifoxonada vafot etgan. Zo‘ravonlikka uchragan ayol dastlab holatni mahalla idorasiga ma’lum qilgan. gazeta.uz »
Namangan viloyati Jinoyat ishlari bo‘yicha Chust tumani sudi raisi o‘z yordamchisini kaltaklaganlikda gumonlanmoqda. Voqea bo‘yicha xizmat tekshiruvi tayinlangan. gazeta.uz »
Prezidentga yirik transport infratuzilmasi loyihalarining borishi bo‘yicha axborot berildi. Toshkent-Andijon pulli avtoyo‘li YAIMni 2,6% oshirib, YTHlarni 40% ga kamaytirishi mumkin. Davlat rahbari yuklamasi ko‘p boshqa yo‘llarda ham muqobil magistrallar qurish, qulaylik va xavfsizlikni kuchaytirishni buyurdi. gazeta.uz »
Olmaliq shahridagi ixtisoslashgan maktabda 12 nafar o‘quvchi filtrlanmagan suv iste’moli oqibatida zaharlangani aytilmoqda. Ularning 7 nafariga uyida davolanishga javob berilgan. Holat yuzasidan tergovga qadar tekshiruv olib borilmoqda. gazeta.uz »
Toshkent viloyati Ohangaron tumanida noma’lum shaxs 1500 ga yaqin mevali va manzarali daraxtni yoqib yuborgani aytilmoqda. Ekologiya boshqarmasining ma’lum qilishicha, to‘plangan hujjatlar huquqni muhofaza qilish organlariga taqdim etilgan. gazeta.uz »
Tarmoqlarda Farg‘ona viloyati tarixi va madaniyati davlat muzeyida yong‘in yuz bergani, bu jamoatchilikdan sir tutilayotgani haqida xabarlar tarqaldi. Yong‘inda naqshli masjid eshigi, Angliya qurolsozlari yasagan miltiq qo‘ndog‘i butkul yonib ketgan hamda bir qancha tarixiy eksponatlar zararlangan, deb yozdi Kun.uz. gazeta.uz »
Samarqand viloyatida tug‘ilgan 16 yoshli qiz Qashqadaryodagi xonadonlarning birida fohishalikka majburlanganini aytib, bolalar ombudsmaniga murojaat qildi. Holat bo‘yicha jinoyat ishi qo‘zg‘atildi. gazeta.uz »
