òóï - Ïîñëåäíèå íîâîñòè [ Ôîòî â íîâîñòÿõ ] | |
Toshkent shahri Shayxontohur tumanida 45 tup daraxt noqonuniy kesilgani va 35 tup ko‘chat ruxsatsiz boshqa hududga ko‘chirib o‘tkazilgani aniqlandi. Holat yuzasidan 10,3 mln so‘m jarima qo‘llanib, tabiatga yetkazilgan zarar 49,9 mln so‘m etib baholandi. gazeta.uz »
Samarqand viloyati Jomboy tumani ekologiya bo‘limi boshlig‘i 150 tup terak kesilishi bo‘yicha chora ko‘rmaslik, tabiatga yetkazilgan zararni kamaytirish va avtomobilni jarima maydonchasidan chiqarib berish evaziga 11 mln so‘mlik kompyuter olgan vaqtida ushlandi. Unga nisbatan jinoyat ishi qo‘zg‘atildi. gazeta.uz »
Buxoro viloyatining Jondor tumanida qamishzorga o‘t qo‘yilishi oqibatida 50 tup daraxt zarar ko‘rdi, shundan 38 tupi to‘liq nobud bo‘ldi. Ekologik zarar 202,7 mln so‘mga baholandi. Hodisa yuzasidan jinoyat ishi qo‘zg‘atilgan bo‘lib, dastlabki tergov harakatlari olib borilmoqda. gazeta.uz »
Toshkent viloyatining Bo‘stonliq tumanida qurilish uchun ajratilgan hududda 27 tup daraxt noqonuniy yo‘q qilingani aniqlandi. Ekologiya boshqarmasi hisob-kitobiga ko‘ra, o‘simlik dunyosiga 2 mlrd so‘mdan ortiq zarar yetkazilgan. Hujjatlar huquqiy baho berish uchun prokuraturaga yuborildi. gazeta.uz »
Termiz shahrida yuridik texnikum hududidagi 217 tup daraxt noqonuniy kesib tashlangani ortidan tabiatga 2 mlrd so‘mdan ortiq zarar yetkazilgani aniqlandi. Sud sobiq shahar qurilish bo‘limi boshlig‘ini aybdor deb topib, unga 2 yil axloq tuzatish ishlari jazosini tayinladi. gazeta.uz »
Buxoroning Olot tumanida 2024-yilda 154 tup turung‘ul daraxti noqonuniy kesilgani aniqlangan. Tabiatga 1 mlrd 302 mln so‘m zarar yetkazilgan. Sud da’voni qanoatlantirib, ushbu mablag‘ni javobgar yuridik shaxsdan undirishni belgiladi. gazeta.uz »
Buxoro shahrida sobiq Telefon-telegraf binosi hududida 12 tup archa noqonuniy kesilgani aniqlandi. Huquqbuzarga 10,3 mln so‘m jarima qo‘llandi, tabiatga yetkazilgan zarar 95,6 mln so‘mni tashkil etdi. gazeta.uz »
Toshkent viloyati Yangiyo‘l shahrida 121 tup daraxt noqonuniy kesilgani aniqlandi. O‘simlik dunyosiga 1 mlrd so‘mdan ortiq zarar yetkazilgan. Holat bo‘yicha hujjatlar prokuraturaga yuborildi. gazeta.uz »
Ekologiya qo‘mitasi rahbari Aziz Abduhakimov yangi dendrologiya bog‘ida restoranlar va attraksionlar bo‘lmasligini bildirdi. Mutaxassislar Shimoliy Amerika, Yevropa, Osiyo va Uzoq Sharq daraxtlaridan iborat aralash o‘rmon barpo etishni rejalashtirmoqda, u yerda o‘simliklar O‘zbekiston sharoitiga moslashtiriladi. gazeta.uz »
Piskent tumanidagi fermer xo‘jaligi Toshkent dengizi yaqinida 24 tup daraxtni kesib tashlagani aniqlandi. Oqibatda tabiatga 218,5 mln so‘m zarar yetdi. Jamlangan hujjatlar huquqiy baho berish uchun Toshkent viloyati prokuraturasiga yuborildi. gazeta.uz »
Olot tumanida fuqaro 24 tup jiyda daraxtini o‘zboshimchalik bilan ekskavator yordamida qo‘porib tashlagan. Buning oqibatida tabiatga 189,5 mln so‘m zarar yetgan. gazeta.uz »
Poytaxtning Bobur ko‘chasida kesilgan daraxt va butalar soni 174 tani tashkil etdi, deb xabar berdi Ekologiya vazirligi. Kesilgan daraxtlarning 151 tasida yashovchanlik qobiliyati bo‘lgan. Zarar 1,46 mlrd so‘mga baholandi. gazeta.uz »
O‘zbekistonda “Yashil makon” dasturi doirasida bahorda ekilgan 137 mln tup daraxt va butalarning 27,5 mln tasi (20 foiz) qurib qolgan. Sabablar qatorida jaziramaning erta boshlanishi aytilmoqda. Prezident kuzgi ekinlarni ko‘paytirish, hisobotlarda qo‘shib yozishni bekor qilish bo‘yicha topshiriq berdi. gazeta.uz »
Boysun tog‘larida bir necha tup Zarafshon archalari kesib tashlangani aks etgan tasvirlar tarqaldi. Unda archalar tag qismidan kesib tashlanib, aholiga sotilayotgani haqida gap boradi. Surxondaryo viloyati ekologiya boshqarmasi o‘simlik dunyosiga yetkazilgan zarar miqdorini hisoblab chiqdi. gazeta.uz »
Toshkentda birinchi jamoatchilik parki (sobiq astronomiya bog‘i) uchun 300 tup daraxt ekildi. Ekologiya vaziri Aziz Abduhakimovga ko‘ra, bog‘ Yaponiya tajribasi asosida barpo qilinmoqda, unda faqat mahalliy iqlimga mos daraxtlar ekiladi. gazeta.uz »
Chilonzor tumanida 1 tup eldor qarag‘ayini noqonuniy ravishda kesib tashlagan fuqaroga 9 375 000 so‘m miqdorida jarima qo‘llanildi. Shuningdek, tabiatga 41 250 000 so‘m miqdorda zarar yetkazilgani belgilanib, ma’muriy bayonnoma rasmiylashtirildi. gazeta.uz »
Ko‘kdala tumanida 103 tup ko‘ktol daraxtlari noqonuniy ravishda butunlay kesib tashlandi. Holat yuzasidan jinoiy ish ochildi. gazeta.uz »
Quvasoy shahrida 270 tup ko‘p yillik sog‘lom daraxtlar noqonuniy ravishda ko‘chirilib o‘tkazildi. 9 tup daraxt ko‘chirish jarayonida nobud bo‘lgan, qolganlarining nobud bo‘lishi xavfi bor. Tabiatga yetkazilgan zarar miqdori 1 mlrd 829 mln so‘mni tashkil etgan. gazeta.uz »
G‘ijduvon tumanida fuqaro mahallasidagi 5 tup terak daraxtini kesib tashladi. Unga nisbatan 18 mln 375 ming so‘m jarima qo‘llandi. gazeta.uz »
Zarbdor tumanidagi qabristonda fuqaro 19 tup daraxtni noqonuniy ravishda kesib tashlab, o‘simlik dunyosiga 435 mln 750 ming so‘m zarar yetkazdi. Navoiyda esa 4 tup daraxt kesgan shaxsdan 52,5 mln so‘m undirildi. gazeta.uz »
Yangiyo‘l tumanida ikki fuqaro 4 tup shumtol daraxtini noqonuniy ravishda kesib tashladi. Ular bu orqali tabiatga 412 mln so‘m zarar yetkazgani aniqlandi. Holat yuzasidan to‘plangan hujjatlar prokuraturaga yuborildi. gazeta.uz »
Do‘stlik tumanida fuqaro 13 tup tut daraxtini noqonuniy kesgani aniqlandi. Buning oqibatida o‘simlik dunyosiga 738 mln 750 ming so‘m zarar yetdi. Hujjatlar prokuraturaga yuborildi. gazeta.uz »
O‘zbekistonda yashillik darajasi 12 foizga yetdi. 2024-yil bahor mavsumida 138 mln dona ko‘chat ekildi. Prezident unda 28 ta tuman daraxt ekishda rejani bajarmaganini tanqid qildi. “Suv yo‘q joylarga daraxt ekilgani uchun minglab daraxt ko‘karmagan”, dedi u. Bosh prokuraturaga nazoratni kuchaytirish topshirildi. gazeta.uz »
Samarqandning Paxtachi tumanida mahallasidagi bir tup terak daraxtini o‘zboshimchalik bilan kesib tashlagan fuqaro 8,5 mln so‘m jarima va 680 ming zararni to‘laydigan bo‘ldi. gazeta.uz »
Sergeli tumanida fuqaro 1 tup mojjevelnik (archa) kesgani aniqlandi. Oqibatda tabiatga 8,8 mln so‘m zarar yetgan. Huquqbuzar jami 17 mln 340 ming so‘m tovon to‘lashi belgilandi. Kompensatsiya tarzida esa 100 tup ko‘chat ekish majburiyati yuklatildi. gazeta.uz »
Sayxunobod tumanida 21 tup qayrag‘och daraxtini kesib, ularni sotgan uch kishi 2 yilga ozodlikdan mahrum qilindi. Qolaversa, 1 mlrd so‘mdan ortiq zarar undirishi belgilandi. gazeta.uz »
Samarqand shahridagi bog‘chada qo‘shimcha bino qurish vaqtida 30 tup qimmatbaho, 1 tup kam qimmatli daraxtni kesib tashlagan korxona tabiatga 260 mln so‘m zarar yetkazgani ma’lum bo‘ldi. Tegishli hujjatlar huquqni muhofaza qiluvchi organlarga yuborildi. gazeta.uz »
Narpay tumanida 7 tup har xil turdagi mevali daraxtlarni noqonuniy tarzda kesib tashlagan fuqaro 11 mln 730 ming so‘m miqdorida jarimaga tortildi. gazeta.uz »
Qashqadaryo viloyatida ekilmagan 48 348 tup daraxt qo‘shib yozilgani, Andijonda 1128 tup daraxt sug‘orilmaydigan yerlarga ekilgani yuzasidan mansabdorlarga nisbatan chora ko‘rildi. Toshkentda esa 175 tup qimmatbaho daraxtlarni qarovsiz qoldirib, nobud qilingani bo‘yicha jinoiy ish qo‘zg‘atildi. gazeta.uz »
O‘rta Chirchiq tumanida 5 nafar shaxs 5 tup chinor daraxtini kesib, bozorda sotmoqchi bo‘lgani aniqlandi. Sud ularning ikki nafariga 2 yil, uch nafariga esa 1 yildan ozodlikdan mahrum qilish jazosini tayinladi. gazeta.uz »
Quva tuman tumanidagi qabristondagi 62 tup archa daraxti tuman obodonlashtirish boshqarmasi xodimlari tomonidan o‘zboshimchalik bilan ostidan kesib tashlangani aniqlandi. Holat bo‘yicha jinoyat ishi qo‘zg‘atildi. gazeta.uz »
Àíäèæîí âèëîÿòèíèíã Àñàêà òóìàíèäà õóñóñèé êîðõîíà òîìîíèäàí 10 òóï ê¢ï éèëëèê äàðàõò êåñèá òàøëàíäè. gazeta.uz »
