òîøêåíò - Ïîñëåäíèå íîâîñòè [ Ôîòî â íîâîñòÿõ ] | |
FVV, Mudofaa vazirligi, IIV, Milliy gvardiya, SSV va Uzbekistan Airports’ning taxminan 250 xodimi ishtirokida qo‘shma o‘quv mashg‘ulotlari o‘tkazildi. Ssenariyga ko‘ra, samolyot halokatga uchraydi va mutaxassislar yong‘inni o‘chirish hamda jabrlanganlarni qutqarish bo‘yicha harakatlarni muvofiqlashtirishni mashq qildi. gazeta.uz »
Janubiy Koreyaning KDHC kompaniyasi O‘zbekistonda isitish texnologiyalarini joriy etishni rejalashtirmoqda. K-Heating tashabbusi doirasida Yangi Toshkent va boshqa shaharlarda zamonaviy isitish tizimlari ishga tushadi. gazeta.uz »
Toshkent shahri IIBB xodimlari 21 kun davom etgan “Tig‘” reydi davomida sovuq qurol sifatida ishlatilishi mumkin bo‘lgan 1715 dona ashyo, jumladan, 1600 dan ortiq pichoq, shuningdek, kastet, bita va elektroshokerlarni musodara qildi. gazeta.uz »
2025-yil boshidan buyon Toshkent avtobuslarida chiptasiz yurgan 4090 yo‘lovchiga ma’muriy choralar ko‘rildi. Ular Transport nazorati inspeksiyasi hamda Toshkent shahar jamoat transportini monitoring va nazorat qilish davlat muassasasi tomonidan o‘tkazilayotgan kuchaytirilgan reyd tadbirlari doirasida aniqlangan. gazeta.uz »
Ohangaron suv omboriga cho‘milish uchun borgan 3 qizdan 2 nafari cho‘kib ketdi. Ulardan birining jasadi o‘sha kuni, boshqasiniki bir kun o‘tib topildi. gazeta.uz »
Chorvoqqa hozirgi yo‘nalishga ta’sir qilmagan holda yangi yo‘l qurish rejalashtirilmoqda, dedi transport vaziri Ilhom Mahkamov. Loyihani amalga oshirish uchun tanlov tashkil etiladi. gazeta.uz »
Prezident Shavkat Mirziyoyev Toshkent viloyatida poytaxt uchun yangi aeroport qurish rejalari bilan tanishdi. Uni 2030-yilgacha ishga tushirish rejalashtirilmoqda. Birinchi bosqichda havo bandargohi yiliga 20 mln yo‘lovchiga xizmat ko‘rsatish imkoniyatiga ega bo‘ladi. Hozirda investorlarning takliflari ko‘rib chiqilmoqda. gazeta.uz »
DXX 72 ming dona tibbiy buyumni noqonuniy ravishda 111 million so‘mga sotishni reja qilgan shaxsni qo‘lga oldi. Ushbu shaxs, shuningdek, 867 quti sifatsiz dori vositalarini saqlab kelgani aniqlandi. gazeta.uz »
Toshkentda aholi quruvchilarning yuridik nomini kiritib, uning faoliyati to‘xtatilgan yoki yo‘qligini bilishi mumkin bo‘lgan onlayn xizmat ishga tushirildi. Nashr e’lon qilingan vaqtda qurilish faoliyati vaqtincha to‘xtatilgan 51 ta kompaniya va jismoniy shaxs aniqlangan. gazeta.uz »
General-mayor Tohir Aripov Samarqand viloyati IIB boshlig‘i bo‘ldi. Polkovnik Abduvosit Abdurazakov esa uning o‘rniga Toshkent viloyati IIBB boshlig‘i etib tayinlandi. gazeta.uz »
Toshkent viloyatida o‘z qizini zo‘rlab kelgan otaga nisbatan 12 yil ozodlikdan mahrum etish jazosi tayinlandi. Ijtimoiy himoya milliy agentligi qiz doimiy himoya ostida ekanini qayd etib, tiklanish jarayonidan o‘tayotganini ma’lum qildi. gazeta.uz »
Toshkent viloyatida JIEMda saqlanayotgan mahkumni mansabdor tanishlari orqali ozodlikka chiqarib berishni va’da qilib, uning turmush o‘rtog‘idan 30 ming AQSh dollari talab qilgan advokat qo‘lga olindi. gazeta.uz »
Toshkentning yetti oy oldin qabul qilingan bosh rejasi o‘zgartiriladi, biroq alohida tadbirkorning xohishiga ko‘ra emas, balki ilmiy yondashuvlar va jamoatchilik fikri asosida, deya ma’lum qildi Qurilish va uy-joy kommunal xo‘jaligi vazirligi vazir o‘rinbosari Davronjon Adilovning intervyusidan so‘ng. gazeta.uz »
Qurilish vaziri o‘rinbosari Davronjon Adilov tadbirkor Murod Nazarovdan Toshkent bosh rejasini o‘zgartirish bo‘yicha hech qanday taklif olmaganini va ularni ko‘rib chiqishni rejalashtirmayotganini aytdi. gazeta.uz »
Toshkent shahridan so‘ng magistral tarmoqlarda yuklanish maksimal qiymatdan oshib ketgani sababli Toshkent viloyatida ham elektr ta’minotida profilaktik uzilishlar joriy etildi. gazeta.uz »
Toshkent shahridan so‘ng magistral tarmoqlarda yuklanish maksimal qiymatdan oshib ketgani sababli Toshkent viloyatida ham elektr ta’minotida profilaktik uzilishlar joriy etildi. gazeta.uz »
Poytaxt hokimi ko‘cha va yo‘llarda temir panjara o‘rnatish uchun 6,9 mlrd so‘m mablag‘ ajratish to‘g‘risida qaror imzoladi. Panjaralar “harakat xavfsizligini ta’minlash va piyodalar bilan bog‘liq YTHlarni oldini olish” maqsadida o‘rnatilishi qayd etilgan. May oyida buning uchun 1,46 mlrd ajratish ko‘zda tutilgandi. gazeta.uz »
Air China aviakompaniyasi Urumchi - Toshkent - Urumchi yo‘nalishida to‘g‘ridan-to‘g‘ri reyslarni yo‘lga qo‘ydi. Parvozlar haftada uch marta - seshanba, juma va yakshanba kunlari amalga oshiriladi. gazeta.uz »
Toshkent va Farg‘ona viloyatlarida IIO profilaktika sohasida ishlagan pensionerlarni kriminogen vaziyati og‘ir mahallalarda huquqbuzarliklar profilaktikasi faoliyatiga jalb qilish bo‘yicha nizom loyihasi jamoatchilik uchun e’lon qilindi. gazeta.uz »
Bekobod tumanidan oqib o‘tuvchi Sirdaryo daryosidan noqonuniy qum-shag‘al qazib olish holati aniqlandi. Oqibatda tabiatga 16,9 mlrd so‘m zarar yetkazildi. gazeta.uz »
DXX Toshkent viloyatida noqonuniy diniy saboq berish holatlarini aniqladi. Zangiota va Toshkent tumanlarida ikki fuqaro jami 43 nafar bolaga noqonuniy diniy ta’lim berib kelgan. Majburiyatlarini bajarmagan ota-onalarga nisbatan jazo tayinlandi. gazeta.uz »
Xitoyning eng yirik va asosiy aviatashuvchisi Air China kompaniyasi Pekin va Toshkent o‘rtasida parvozlarni yo‘lga qo‘ydi. Muntazam reyslar haftada uch marta - seshanba, payshanba va shanba kunlari amalga oshiriladi. gazeta.uz »
Uzbekistan Airways’ning Istanbul - Toshkent yo‘nalishi bo‘yicha parvoz qilayotgan havo kemasida chaqaloq tug‘ildi. Jarayonda ekipajga yo‘lovchilar orasidagi 2 ta shifokor yordam bergan. Samolyot Urganch aeroportiga favqulodda qo‘ndi va ona va bola mahalliy klinikaga yetkazildi. gazeta.uz »
Toshkent prokuraturasiga Anvar O‘rmonov rahbar etib tayinlandi. U bu lavozimda Prezident administratsiyasi huzuridagi Komplayens xizmati boshlig‘i etib tayinlangan Erkin Yo‘ldoshevning o‘rnini egalladi. gazeta.uz »
Toshkent bosh rejasiga o‘zgartirish kiritish kutilmoqda, dedi tadbirkor Murod Nazarov. Bu haqda Qurilish vazirligi vakili ham gapirgandi. Nazarov daraxtlarni kesish cheklovlarini olib tashlash va kompensatsiya uchun “daraxtlar banki” tashkil etishni ham taklif qildi. Deputat Bobur Bekmurodov taklifni tanqid qildi. gazeta.uz »
Hukumat sun’iy intellekt texnologiyalarini joriy etish bo‘yicha ustuvor loyihalar ro‘yxatini tasdiqladi. Jami 86 ta loyiha, jumladan, dori bozorini tahlil qilish, SIga asoslangan raqamli tibbiy yordamchi, Toshkent temiryo‘l vokzallarida UzFace tizimini ishga tushirish rejalashtirilmoqda. gazeta.uz »
Senator Malika Qodirxonova Nurafshon va Zangiotadagi maktablarda tashqi devor va sport zali yetishmasligi bo‘yicha Toshkent viloyati hokimligiga senator so‘rovi yubordi. U joylardagi infratuzilma muammolari o‘quv jarayoniga to‘sqinlik qilayotganini qayd etdi. gazeta.uz »
Toshkent shahri hokimligi tarmoqlarda rekonstruksiya yoki qurilish ishlari sababli “O‘rikzor” bozorining yopilishi haqida xabarlarni rad etdi. Savdo majmuasi odatdagidek ishlashda davom etmoqda. gazeta.uz »
Toshkent shahri va viloyatida doimiy “propiska” olish huquqiga ega shaxslar doirasini cheklovchi qonun bekor qilinmoqda. Hozirda 12 toifadagi fuqarolar bunday huquqqa ega. Prezident u bilan har bir fuqaro poytaxtda doimiy yashash huquqini olishi mumkin bo‘lgan yangi qonunni imzoladi. gazeta.uz »
Prezident Toshkentga 2025-yilda 8 mlrd dollarlik xorijiy investitsiya jalb qilinishi reja qilinganini bildirdi. “O‘zbekistonga o‘zining mulkini qo‘yaman deyish - bu siyosat to‘g‘ri ekanligidan dalolat”, - dedi u. gazeta.uz »
Prezident “Yechimlar atlasi” - poytaxt va Yangi Toshkent shahridagi shaharsozlik obyektlarini loyihalash, o‘rnatish va ulardan foydalanish qoidalari katalogi bilan tanishdi. Unda jamoat joylarini obodonlashtirish, binolar fasadini yagona me’moriy qiyofaga keltirish bo‘yicha tavsiyalar berilgan. gazeta.uz »
Qurilish sohasida nazorat inspeksiyasi Quyi Chirchiq tumanidagi Sergeli City turar joy majmuasida joylashgan beshta ko‘p qavatli uy massivi davlat ro‘yxatidan o‘tkazilmasdan qurilayotganini aniqladi. gazeta.uz »
Toshkent metrosidagi 13 ta bekatning bittadan vestibyulida kassalar yopildi. Metropolitenga ko‘ra, bu bekatlarda naqd pulda chiptalar xarid qilinishi keskin kamaygan. Ular o‘rniga avtomatlashtirilgan bankomatlar sinov tariqasida o‘rnatilmoqda. gazeta.uz »
Toshkent viloyatidagi Parkentsoy soyi suvi sayozlashgani tufayli uning o‘zani toraytirila boshladi. Hosil bo‘lgan qirg‘oqlar bo‘ylab sayr qilish hududlari tashkil etilib, 5200 xonadondan iborat turar joy massivi qurilmoqda. Ishlar qanday olib borilayotgani - materialimizda. gazeta.uz »
Arxitektura-qurilish universitetida qurilish korxonalarida amaliyotlar o‘tkaziladigan dual ta’lim shaklini joriy etish, 10 mln dollarlik investitsiya jalb etish va dunyoning eng yaxshi 1000 ta oliygohi qatoriga kiritish reja qilinmoqda. gazeta.uz »
Iyun oyida poytaxtning “Eski juva” bozorida sovitilgan import mol va qo‘y go‘shtining o‘rtacha narxi 3,5% dan deyarli 10% gacha oshdi. Go‘sht importi sezilarli darajada ortganiga qaramay, narxlar o‘sib bormoqda. gazeta.uz »
Kelasi yili O‘zbekiston 70% davlat xizmatlarini raqamlashtirish va IT xizmatlari hajmini 100 trln so‘mga yetkazish niyatida. Milliy SI modelini yaratish bilan bir qatorda soha bo‘yicha 1 mln mutaxassis tayyorlash, shuningdek, hududlarda relokantlar va xorijiy IT kompaniyalari uchun sharoit yaratish ko‘zda tutilgan. gazeta.uz »
Toshkent xalqaro aeroportida 3 nafar qizni fohishalik uchun Tailandga yubormoqchi bo‘lgan ayol qo‘lga olindi. Uning Tailanddagi tanishi qizlarni ish bilan ta’minlashi evaziga 5 ming dollar yuborishi kerak bo‘lgan. gazeta.uz »
Markaziy Osiyoning investitsion jozibadorligini qanday oshirish mumkin? Mintaqa mamlakatlarining hamkorlikda ishlashiga nimalar to‘siq bo‘lyapti? Qanday amaliy qadamlar qo‘yilmoqda? Cobiq tashqi ishlar vaziri Vladimir Norov, IHTT tahlilchisi va boshqa ekspertlar Gazeta bilan o‘z fikrlarini o‘rtoqlashdi. gazeta.uz »
Uzbekistan Airways 1-iyuldan boshlab Toshkent - Tel Aviv - Toshkent yo‘nalishidagi reyslarni odatdagi tartibda amalga oshirishini ma’lum qildi. Kompaniya Ben-Gurion aeroportining yopilishi sababli ushbu yo‘nalishni vaqtincha to‘xtatishga majbur bo‘lgandi. gazeta.uz »
O‘zbekiston Janubi-Sharqiy Osiyodagi eng mashhur kurortlardan biri bo‘lgan Indoneziyaning Bali oroliga to‘g‘ridan-to‘g‘ri charter reyslarini amalga oshirdi. 25-iyunga o‘tar kechasi bortida 265 nafar yo‘lovchi bo‘lgan samolyot Toshkent xalqaro aeroportidan uchib ketdi. Sayohat vaqti 10 soatni tashkil etdi. gazeta.uz »
Toshkent metrosining “Quruvchilar” - “Yangiobod” bekatlari oralig‘idagi 6 ta bekat 28-iyundan boshlab vaqtincha yopiladi. Yo‘lovchilar uchun “Qipchoq - Yangiobod - Qipchoq” bekatlari oralig‘ida bepul metrobuslar harakati yo‘lga qo‘yiladi gazeta.uz »
Toshkent xalqaro aeroportining uchib ketish terminalida 6 ta kapsuladan iborat mehmonxona faoliyatini boshladi. Har bir kapsula ortopedik matras, choyshablar to‘plami va USB portlar bilan jihozlangan. Narxlar 400 ming so‘mdan, 1 mln so‘mgacha. gazeta.uz »
“Gazeta” Yandex Music bilan hamkorlikda “Mahallalar musiqasi” loyihasini davom ettiradi. Biz bunda mashhurlar bilan piyoda sayr qilamiz. Bu safar Bu Qala guruhi vakillari - Ehsonbek va Azizxon bilan poytaxtni aylanib, rok va uning O‘zbekistondagi holati, shaharsozlik va Samarqand oshi haqida gaplashdik. gazeta.uz »
O‘rta Chirchiq tumanida fuqaro hojatxonaga tushib ketgan qo‘shnisining farzandini qutqarib qoldi. Toshkent viloyati Favqulodda vaziyatlar boshqarmasi fuqaroga tashakkurnoma va esdalik sovg‘a topshirdi. gazeta.uz »
18-iyun tushdan keyin shamol yo‘nalishi o‘zgarishi munosabati bilan Toshkent aeroporti samolyotlarni qabul qilish va jo‘natishni vaqtincha to‘xtatdi. Bir qancha reyslar Samarqand va Turkistondagi muqobil aerodromlarga yuborildi. Soat 16:30 ga kelib aeroport ishi tiklandi. gazeta.uz »
30,5 mlrd dollarlik hujjatlar imzolangan IV Toshkent xalqaro investitsiya forumi (ilk uchta forumda umumiy 44 mlrd dollar edi) O‘zbekiston endi faqat resurs hududi sifatida ko‘rilmayotganini ko‘rsatdi, deb yozmoqda Gazeta tahlilchisi Dmitriy Povarov. gazeta.uz »
Yangiyo‘l tumanida sodir bo‘lgan YTH oqibatida to‘qqiz yoshli bola jarohatlandi. U velosipedda yo‘lni kesib o‘tayotganida MAN yuk mashinasi urib yuborgan va shifoxonaga yotqizilgan. gazeta.uz »
Toshkent xalqaro aeroportida uchib kelish zali rekonstruksiyasining birinchi bosqichi yakunlandi. Terminal ichida ilk marta 120 o‘rinli kutib oluvchilar uchun zona, yangi kirish yo‘lagi va avtoturargoh tashkil etildi. Zalning maydoni 2100 kv metrga oshdi. gazeta.uz »
Jinoyat ishlari bo‘yicha Ohangaron sudida jamoat oshxonalarida eshak go‘shti iste’mol qilinishiga doir ish ko‘rib chiqildi. Ayblanuvchilardan biri jonivorlarni so‘ygan, ikkinchisi go‘shtni sotib olgan, uchinchisi esa undan somsa tayyorlagan. gazeta.uz »
