Mavjud - Ïîñëåäíèå íîâîñòè [ Ôîòî â íîâîñòÿõ ] | |
AQSh va XXR yetakchilari uchrashuvi ortidan Gazeta JIDU “Xalqaro munosabatlar” kafedrasi dotsenti Murod Bahodirov bilan mazkur davlatlarning Markaziy Osiyoga ta’sirini muhokama qildi. Unda, jumladan, mintaqa Vashington va Pekin bilan munosabatlarda qanday strategiyani tanlashi kerakligi haqida so‘z bordi. gazeta.uz »
Ekologiya milliy qo‘mitasining prezidentga to‘g‘ridan-to‘g‘ri bo‘ysunishi byurokratik jarayonlarni qisqartirish va boshqa idoralar bilan muvofiqlashtirishni kuchaytirish imkonini berdi, dedi qo‘mita raisi o‘rinbosari Jusipbek Kazbekov. gazeta.uz »
Barqaror mobillik va infratuzilma bo‘yicha ekspert Bobur Sirojev “Buyuk ipak yo‘li” metro bekati yaqinidagi chorrahani rekonstruksiya qilish loyihasini tahlil qilib, o‘z variantini taqdim etdi. Uning ta’kidlashicha, barqaror shaharlar yechimlar sifati va mavjud resurslarga (“bu faqat pul degani emas”) tayanadi. gazeta.uz »
Xitoy yashirin eshik tutqichli avtomobillar ishlab chiqarishni taqiqlab, bunday tuzilmadan voz kechgan birinchi davlatga aylandi. Qaror qator o‘lim bilan tugagan YTHlardan so‘ng qabul qilindi - bunday mexanizmli mashinalarda yo‘lovchilar avtomobildan chiqib keta olmagan. Yangi standartlar 2027-yildan kuchga kiradi. gazeta.uz »
2026-yilda O‘zbekistonda ko‘mir qazib olish hajmini 11 mln tonnagacha yetkazib, yangi konlar hisobidan uran ishlab chiqarishni ham kengaytirish rejalashtirilgan. Xususan, Angrendagi 233 mln tonna zaxiraga ega Nishbosh ko‘mir koni ishga tushirilishi hisobiga 880 ta ish o‘rni yaratilishi kutilmoqda. gazeta.uz »
To‘rtta tumanida o‘z-o‘ziga xizmat ko‘rsatish imkonini beruvchi “aqlli” migratsiya shoxobchalari ishga tushiriladi. Ularda ID karta rasmiylashtirish, yashash joyi bo‘yicha ro‘yxatdan o‘tish va “zagran” pasport uchun ariza topshirish kabilar mumkin bo‘ladi. gazeta.uz »
O‘zbekistonda kambag‘allikka qayta tushish xavfi mavjud oilalarga ijtimoiy yordam va imtiyozlar saqlab qolinadi. Ularga 6 oy mobaynida moddiy yordam va bolalar nafaqasi to‘lanishi davom ettiriladi, bog‘cha va 110 ta ijtimoiy xizmat va yordamdan 12 oy davomida qo‘shimcha foydalanish imkoni beriladi. gazeta.uz »
Tartibga solinmagan “peshexod”lar qayta-qayta odamlarning hayotiga zomin bo‘lmoqda, ularni mayib qilmoqda. Nega bu holat svetoforlar, kameralar, baland o‘tish joylarini o‘rnatish, amaldorlarning harakatsizligini tekshirish uchun barcha kuch va mablag‘ni safarbar etishga sabab bo‘lmayapti? gazeta.uz »
O‘zbekistonda 45 mingdan ziyod fuqaroda ov quroli bor. 2025-yilning 8 oyida 10 mingdan ortiq kishi qurolni saqlash, foydalanish yoki olib yurish qoidalarini buzgani uchun ma’muriy javobgarlikka tortildi. gazeta.uz »
Toshkentda vaqtincha yashovchilarning farzandlari poytaxt maktablarining 1-sinfiga qabul qilinmayotganiga oid xabarlar haqiqatga to‘g‘ri kelmaydi. MMTVning ma’lum qilishicha, hozirda mikrohudud bo‘yicha qabul davom etmoqda, 1-avgustdan vaqtinchalik ro‘yxatga olingan fuqarolarning farzandlari ham qabul qilinadi. gazeta.uz »
O‘zbekistonda pulli davlat xizmatlari bank va to‘lov ilovalari orqali ko‘rsatila boshlanadi, dedi raqamli texnologiyalar vaziri Sherzod Shermatov. Bu davlat xizmatlaridan foydalanishni yanada osonlashtirishi kutilmoqda. gazeta.uz »
Shota Rustaveli ko‘chasi rekonstruksiya qilinadi. Bu markazida (ilgari tramvay yurgan joyda) avtobuslar uchun ajratilgan tasmasi bor ilk ko‘cha bo‘ladi. Bekatlar “garmoshka” avtobuslarini sig‘dira oladigan darajada uzun bo‘ladi, o‘tish joylari va svetoforlar o‘rnatiladi. Chapga burilish joylari yopiladi. Tafsilotlar. gazeta.uz »
O‘zbekistonda issiqxonalar energiya inqirozi sabab atmosferaga zarar bo‘lsa-da, arzon ko‘mir va mazutdan foydalanishga majbur bo‘lmoqda. Issiqlik nasoslari muqobil yechim bo‘la oladi. Ammo soha bunga tayyormi? “Gazeta.uz” maqolasi - shu haqda. gazeta.uz »
Toshkent - Urganch - Xiva yo‘nalishiga O‘zbekistonda ishlab chiqarilgan yangi 10 ta zamonaviy vagon yo‘lga qo‘yildi. Unda 4 ta platskart, 4 ta kupe va 2 ta birinchi klassdagi (SV) vagonlar mavjud. Yo‘lovchilar vagonda mikroiqlimni moslash uchun zamonaviy tizimdan foydalanishi mumkin. gazeta.uz »
Fix Dessert Chocolatier brendi ostida sotilayotgan “Dubay” shokolad mahsulotlarida inson salomatligi uchun xavfli bakteriyalar aniqlandi, dedi Texnik tartibga solish inspeksiyasi laboratoriya natijalariga tayanib. gazeta.uz »
Yevropa Ittifoqi O‘zbekistonni barcha mavjud vositalar bilan qo‘llab-quvvatlashni davom ettiradi, deb ta’kidladi elchi Toyvo Klaar. Kengaytirilgan sheriklik va hamkorlik to‘g‘risidagi bitimning imzolanishi “yaqin kelajakda” Bryusselda, YI-Markaziy Osiyo birinchi sammiti esa 2025-yilda bo‘lib o‘tishi mumkin. gazeta.uz »
Bahorda “Yashil makon” umummilliy loyihasi doirasida sug‘orish tizimi mavjud bo‘lmagan joylarga 600 ming tupdan ortiq ko‘chat ekildi. Bu haqda Senatdagi muhokamada so‘z bordi. Bu masala avvalgi yillarda ham bir necha bor ko‘tarilgan. gazeta.uz »
O‘zbekistonda iste’molchilarning ichimlik suvidan qarzdorligi 1 trln so‘mni tashkil etmoqda. Shundan, 740,5 mlrd so‘mi jismoniy, qolgani esa yuridik iste’molchilar hissasiga to‘g‘ri kelmoqda. “O‘zsuvta’minot” vakiliga ko‘ra, eng ko‘p qarzdor hududlar Toshkent shahri, Andijon va Toshkent viloyatlari hisoblanadi. gazeta.uz »
“Rivojlanayotgan dunyoda hukumatlar muammo tadbirkorlar kamligida deb o‘ylaydi, lekin muammo bor korxonalarning juda kichikligida”, - dedi Behzod Hoshimov. Iqtisodchiga ko‘ra, firmalarning hajmi oshishi kerak, ammo davlat xarajatlari orqali tadbirkorlarni rag‘batlantirish siyosati buning teskarisini qiladi. gazeta.uz »
Mamlakatning xomashyo bazasi kamida 15 mlrd dollarlik to‘qimachilik mahsulotlari ishlab chiqarish, 500 mingta yangi ish o‘rni yaratish imkonini bermoqda, dedi prezident. Uning so‘zlariga ko‘ra, eksportni an’anaviy arzon bozorlardan (Rossiya, Xitoy, Turkiya) “yangi, qimmatroq"lariga yo‘naltirish zarur. gazeta.uz »
