Jinoiy - Ïîñëåäíèå íîâîñòè [ Ôîòî â íîâîñòÿõ ] | |
O‘zbekistonda yanvar-mart oylarida 670 ta uyushgan jinoyatlar aniqlandi. Xususan, 80 ta uyushgan guruh fosh etilib, 211 nafar shaxs qo‘lga olindi. IIV vakiliga ko‘ra, 18 mingdan ortiq kiberjinoyat sodir etilgan bo‘lsa, giyohvandlik vositalarining noqonuniy muomalasi bilan bog‘liq 4 mingta jinoyat ishi qo‘zg‘atildi. gazeta.uz »
O‘zbekiston tumanidagi xonadonlarning birida “Farg‘ona suv ta’minoti” inspektori kaltaklandi. Xodim noqonuniy hisoblagich uchun jarima yozmoqchi bo‘lgan, fuqaro esa bunga qarshilik ko‘rsatib, yog‘och bo‘lagi bilan jarohat yetkazgan. Holat bo‘yicha jinoiy ish ochildi. gazeta.uz »
O‘zbekistonda ikki oy ichida 45 ta uyushgan jinoiy guruh aniqlandi, deya ma’dum qildi IIV. 116 ta tovlamachilik, 315 ta qurolni noqonuniy saqlash, 86 ta qimorxona tashkil etish, 40 ta odam savdosi va 790 ta fohishaxona saqlash holatlari fosh etildi. Qidiruvda bo‘lgan 533 nafar shaxs qo‘lga olindi. gazeta.uz »
AQSh ma’muriyati Venesuela muvaqqat prezidenti Delsi Rodrigesga nisbatan maxfiy ravishda jinoiy ayblov tayyorlamoqda. Prokuroriyat Rodrigesni agar u Donald Trampning talablarini bajarmasa, ta’qibga uchrashi mumkinligi haqida og‘zaki ravishda ogohlantirgan. gazeta.uz »
2025-yili O‘zbekistonda 59 nafar sudya lavozimidan ozod etildi. Ulardan 3 nafari korrupsion holatlar sababli jinoiy javobgarlikka tortilgan. “Bu tizimda mas’uliyatsiz sudyalarga nisbatan qattiq kurash olib borilayotganini anglatadi”, - deydi Oliy sud raisining birinchi o‘rinbosari Alisher Usmanov. gazeta.uz »
AQSh Adliya vazirligi Federal zaxira tizimi raisi Jerom Pauellga jinoiy ayblov e’lon qilish bilan tahdid qildi. Pauell bu tahdidlar FZT foiz stavkalarini prezident Tramp xohishlari emas, balki xalq manfaati asosida belgilayotganining oqibati ekanini aytdi. gazeta.uz »
Toshkent viloyati va poytaxt o‘rtasida qatnovchi haydovchilarga tahdid qilib, ularga noqonuniy oylik to‘lov joriy etganlar ushlandi. “Bûchok” laqabli shaxs boshchiligidagi guruh haydovchilarni kaltaklash va mashinalarini tortib olish bilan qo‘rqitgan. gazeta.uz »
Jinoiy uyushma yetakchisi sifatida qator jinoyatlari uchun qidiruvda bo‘lgan 32 yoshli erkak (“Gryaz” laqabli) Turkiyadan O‘zbekistonga olib kelindi. U bosqinchilik, tovlamachilik, jinoiy uyushma tashkil etish kabilarda gumonlanmoqda. gazeta.uz »
Mirzaobod tumani sobiq hokimi Jonibek Yariyev Sardoba suv omboridagi texnogen ofatdan keyin qurilgan uy-joylarni taqsimlashda qonun buzilishlariga yo‘l qo‘ygani sabab javobgarlikka tortildi. Sud unga tayinlangan 2 yil 6 oy axloq tuzatish ishlari jazosini o‘z kuchida qoldirdi. gazeta.uz »
Jinoyat kodeksiga yangi o‘zgartirishlarga ko‘ra, voyaga yetmagan shaxslar jazoni o‘tab bo‘lganidan so‘ng sudlanmagan hisoblanadi. Shuningdek, ozodlikni cheklash va mahrum qilish jazolarining eng kam muddati 6 oydan 1 oygacha qisqartirildi. gazeta.uz »
DXX va IIV inson a’zolari va to‘qimalari savdosi bilan shug‘ullangan 12 kishidan iborat guruhni qo‘lga oldi. Guruh donorlarni qarindoshchilik niqobi ostida noqonuniy organ transplantatsiyasi uchun xorijdagi xususiy klinikaga yuborgan. gazeta.uz »
Qozog‘istonda nikoh tuzishga majburlaganlik uchun jinoiy javobgarlik kuchga kirdi. Jazo jinoyat holatiga bog‘liq bo‘lib, katta miqdorda jarima, axloq tuzatish ishlari va 2 yildan 10 yilgacha ozodlikdan mahrum qilishni nazarda tutadi. gazeta.uz »
Jizzax viloyatida voyaga yetmagan bolalarni kaltaklagan shaxsga nisbatan jinoyat ishi qo‘zg‘atildi. Jabrlanganlarga psixologik va ijtimoiy yordam ko‘rsatilmoqda. gazeta.uz »
Tarmoqlarda Andijondagi kiyim do‘koni egasi qo‘l ostida sotuvchi ayolga zo‘ravonlik qilayotgani aks etgan video tarqaldi. Viloyat IIBga ko‘ra, holat qarz masalasi sabab kelib chiqqan. Ayolga nisbatan jinoiy ish ochildi va u protsessual tartibda ushlandi. Undan jabrlanganlardan IIBga murojaat qilishlari so‘raldi. gazeta.uz »
Andijon davlat universitetining 13 mansabdori jinoiy reja tuzib, 53,6 mlrd so‘m miqdordagi budjet mablag‘larini talon-toroj qilgan. Universitetda 25 yil bosh hisobchi lavozimida ishlab kelgan shaxs mazkur jinoiy guruhni tuzgan va uni boshqargan. gazeta.uz »
Qozog‘iston Majilisi deputatlari nikohga majburlash uchun jinoiy javobgarlik joriy etiladigan tuzatishlarni qabul qildi. Jazo jarima, axloq tuzatish ishlari, ozodlikni cheklash, shuningdek, 2 yildan 10 yilgacha ozodlikdan mahrum qilishni nazarda tutadi. gazeta.uz »
Emomali Rahmon ijtimoiy tarmoqlardagi layklar va reaksiyalar uchun jinoiy javobgarlikni bekor qilish to‘g‘risidagi qonunni imzoladi. Tuzatishlar Tojikiston prezidenti huquq-tartibot idoralarini asossiz jinoiy ishlar uchun tanqid qilib, bu amaliyotga “nuqta qo‘yish”ni talab qilganidan so‘ng qabul qilindi. gazeta.uz »
Vengriya Xalqaro jinoiy suddan chiqish niyatini e’lon qildi. Bu bayonot Isroil bosh vaziri Binyamin Netanyahuning mamlakatga tashrifi fonida amalga oshirildi. XJS uni G‘azodagi harbiy jinoyatlarda ayblab, hibsga olish uchun order bergan. gazeta.uz »
DXX tomonidan o‘tkazilgan tadbirlar davomida soliq, bojxona, bank xodimlari va hokim o‘rinbosari hamda tadbirkorlardan iborat uyushgan jinoiy guruh faoliyati fosh etildi. Ushbu guruh 3 yil ichida 8 ta soxta korxona tashkil etib, QQS summasini qaytarib olish orqali 24,5 mlrd so‘m mablag‘larni talon-toroj qilgan. gazeta.uz »
O‘zbekistonda yopiq sudlar ma’lumotlarini oshkor qilganlik uchun jazo joriy etish rejalashtirilmoqda. Deputatlar PA topshirig‘iga asosan ishlab chiqilgan qonun loyihasini birinchi o‘qishda qabul qildi. gazeta.uz »
Donald Tramp AQSh fuqarolari va Isroil kabi ittifoqchilarga nisbatan ketayotgan tergovlar tufayli Xalqaro jinoiy sud (XJS) mansabdorlariga nisbatan sanksiya kiritdi. Bunda sudning AQShdagi vakillariga tegishli mol-mulklar bloklanadi, XJS xodimlari va ularning oila a’zolariga AQShga kirish taqiqlanadi. gazeta.uz »
Yanvar oxirida DXX va IIV keng ko‘lamli “Antiterror-tozalash” tadbirlarini o‘tkazdi. 418 kishi jinoiy javobgarlikka tortildi, 169 kishi qamoqqa olindi, 42 ta jinoiy guruh fosh etildi, qidiruvdagi 109 kishi ushlandi. gazeta.uz »
Senatorlar haydovchilarni tayyorlash, imtihonlar o‘tkazish va guvohnomani berish tartibini buzganlik uchun jinoiy javobgarlikni nazarda tutuvchi qonunni ma’qulladi. Avtoraqamlarni qonunga xilof ravishda tayyorlash, berish, ulardan foydalanish yoki qalbakilashtirish ham jinoiy javobgarlikka tortiladi. gazeta.uz »
2024-yilda O‘zbekistonda 4900 dan ortiq mansabdor shaxs jinoiy javobgarlikka tortildi, bu 2023-yilga nisbatan 37,2 foizga ko‘p. Ular davlat va jamiyat manfaatlariga 3,6 trln so‘m yoki o‘tgan yilga nisbatan 2,3 barobar ko‘proq zarar yetkazdi. gazeta.uz »
IIV Tezkor-qidiruv departamenti Toshkentda tadbirkorlik bilan shug‘ullanuvchi ozarbayjonlik aka-ukalardan pul talab qilib kelgan jinoiy guruh faoliyatiga chek qo‘ydi. gazeta.uz »
O‘zbekiston Qonunchilik palatasi ommaviy tartibsizliklar sodir etish maqsadida o‘quvdan o‘tganlik va ularni moliyalashtirganlik uchun jinoiy javobgarlik kiritilishini nazarda tutuvchi qonunni qabul qildi. gazeta.uz »
AQSh maxsus prokurori Jek Smit saylangan prezident Donald Trampdan 2020-yilgi saylovlarga aralashish va maxfiy hujjatlar bilan tegishlicha muomala qilmaslik bo‘yicha barcha ayblovlarni olib tashlashni so‘radi. gazeta.uz »
Sport musobaqasi qatnashchi va tashkilotchilarining pora olishi, ularni moddiyat evaziga og‘dirib olish uchun jinoiy javobgarlik belgilandi. Bu katta miqdordagi jarima, 3 yilgacha ayrim huquqlardan mahrum qilish, 3 yilgacha (og‘irlashtiruvchi holatlarda - 8 yil) ozodlikdan cheklash yo mahrum qilish bilan jazolanadi. gazeta.uz »
Yangi qonun bilan foydali qazilmalarni takroran ruxsatnomasiz qazib olganlarga nisbatan jinoyat ishi ochiladi. Amaldagi qonunchilikda bu uchun ma’muriy javobgarlik belgilangan. gazeta.uz »
O‘zbekistonda bolalarga nisbatan oiladagi (maishiy) zo‘ravonlik sodir etganlik uchun javobgarlik belgilandi. Shuningdek, oiladagi zo‘ravonlik bilan bog‘liq ishlar yuzasidan yarashuv to‘g‘risidagi arizani surishtiruv va dastlabki tergov bosqichlarida emas, sud muhokamasi paytida berish tartibi joriy qilindi. gazeta.uz »
O‘zbekistonning Qozon shahridagi bosh konsulxonasi vatandoshlarni xorijiy davlatlar hududida jinoiy javobgarlik belgilangan harbiy harakatlarda ishtirok etishdan ogohlantirdi. gazeta.uz »
O‘zbekistonda kontrafakt yoki qalbaki markirovkalangan mahsulotlarni sotganlik uchun jinoiy javobgarlik, shuningdek, markirovka qoidalarini buzganlik uchun jarima jazosini joriy etish reja qilinmoqda. gazeta.uz »
AQSh Oliy sudi sobiq prezidentlarning jinoiy javobgarlikka tortilishdan qisman daxlsizligi haqida qaror chiqardi. Sud bu qarorni Donald Trampning Kapitoliyga bostirib kirishga aloqadorligi haqidagi ish bilan bog‘liq da’vosi bo‘yicha qabul qildi. gazeta.uz »
Gaagadagi Xalqaro jinoiy sud Rossiya Bosh shtab boshlig‘i Valeriy Gerasimov va mamlakat sobiq mudofaa vaziri Sergey Shoyguni hibsga olishga order berdi. Ular harbiy va insoniyatga qarshi jinoyatlarda gumonlanmoqda. gazeta.uz »
G‘allaorol tumanidagi bog‘chada bolalarning turli joylariga oyoq kiyim bilan urgan tarbiyachiga nisbatan qiynash moddasiga ko‘ra jinoyat ishi qo‘zg‘atildi. U avvalroq ishdan olingandi. gazeta.uz »
Sport musobaqalari ishtirokchilari va tashkilotchilarining qonunga xilof ravishda moddiy qimmatliklar olishi yoki ularni pora evaziga og‘dirib olish uchun jinoiy javobgarlik belgilanmoqda. Senat tegishli qonunni ma’qulladi. gazeta.uz »
Sergeli tumanidagi 277-maktabning 1-sinf o‘quvchilari qo‘llariga igna va “samorez” sanchib jazolab kelgan sinf rahbari voyaga yetmaganlarni qiynoqqa solishda ayblanmoqda. Holat yuzasidan jinoiy ish ochildi. gazeta.uz »
Qosim-Jomart Toqayev oiladagi zo‘ravonlikka qarshi kurashga qaratilgan qonunni imzoladi. Qonun bilan ayollar va bolalarga nisbatan zo‘ravonlikning har qanday shakli uchun javobgarlikni kuchaytiruvchi normalar joriy etilmoqda. gazeta.uz »
Qozog‘istonda oiladagi zo‘ravonlikni jinoiy javobgarlikka tortuvchi qonun qabul qilindi. Hujjat kaltaklash va qasddan badanga yengil shikast yetkazish uchun jinoiy javobgarlikni nazarda tutadi, badanga o‘rtacha va og‘ir shikast yetkazish uchun javobgarlikni kuchaytiradi. Endi qonunni prezident imzolashi kerak. gazeta.uz »
Farg‘ona shahrida IIB va DXX xodimlari uyushgan jinoiy tuzulmalarga aloqador 35 nafar shaxsning yashash manzilida tezkor qidiruv tadbirlarini o‘tkazdi. Ularning 19 nafaridan narkotik moddalar va sovuq qurollar topildi. gazeta.uz »
Oktabrda Toshkentdagi 259-maktabda jismoniy tarbiya darsida 12 yoshli bola koptok tegib, vafot etgani yuzasidan o‘z vazifalarini lozim darajada bajarmaslik moddasi bilan jinoyat ishi qo‘zg‘atildi. Bir necha kun avval shu maktabning futbol maydoni oldidan hushsiz topilgan 3-sinf o‘quvchisi shifoxonada vafot etgandi. gazeta.uz »
