Choralar - Ïîñëåäíèå íîâîñòè [ Ôîòî â íîâîñòÿõ ] | |
Faoliyat yuritmayotgan va tugatilgan kompaniyalar soni ortib borayotgani sabab hukumat to‘lovga qobiliyatsizlik institutini yangilamoqchi. Bunda To‘lovga qobiliyatsizlik ishlari bo‘yicha agentlik tuzish, soha bo‘yicha elektron platformani ishga tushirish, shuningdek, sanatsiya mexanizmlarini kengaytirish ko‘zda tutilgan. gazeta.uz »
Singapurda tamaki mahsulotlarini qizdiruvchi qurilmalar va elektron sigaretalar (veyplar)ga qarshi qat’iy choralar kuchga kirdi (veyplar uchun jarima - 1550 dollar). Taqiq, ayniqsa, K-pods turidagi va tarkibida etomidat bo‘lgan veyplarga qaratilgan. Mamlakatdagi O‘zbekiston fuqarolari ogohlikka chaqirildi. gazeta.uz »
Prezident Shayxontohur tumanidagi Yangi Kamolon mahallasida aholi bilan suhbatlashdi. “Islohotlar shtabi” bilan tanishar ekan, u tuman misolida xizmatlar sohasini rivojlantirish bo‘yicha yangi choralar rejasi qabul qilinishini aytdi. gazeta.uz »
Hukumat qarori bilan tomorqalar va ijara asosidagi yer maydonlarida samarasiz foydalanayotganlarga ko‘riladigan choralar ishlab chiqildi. Ularning ayrim imtiyozlari to‘xtatiladi, kreditlar berilmaydi va ekin ekilmagani aniqlangan yil uchun yer solig‘i uch karra miqdorida hisoblanadi. gazeta.uz »
“Adolat” partiyasi deputati Muhammad Valiyev so‘nggi oylarda propan narxi keskin oshgani sababli mas’ul idoralarga so‘rovlar yo‘lladi. So‘rovlarda narxlar oshishining sabablari, ularni barqarorlashtirish va narx shakllanishining shaffofligini ta’minlash chora-tadbirlari to‘g‘risidagi savollar ko‘tarilgan. gazeta.uz »
Prezident ijtimoiy himoya sohasiga oid chora-tadbirlar taqdimoti bilan tanishdi. Takliflar orasida nogironligi bo‘lgan shaxslarning xavfsiz harakatlanishi uchun sharoitlarni kengaytirish, jumladan, binolarni ekspertizadan o‘tkazish, chorrahalarni moslashtirib borish, elektron interaktiv xarita yaratish mavjud. gazeta.uz »
O‘zbekistonda tashqi mehnat bozoriga kirishni osonlashtirish va o‘z vataniga qaytgan migrantlarni qo‘llab-quvvatlash chora-tadbirlari ishlab chiqildi. Bunda mehnat migratsiyasi masalalari bo‘yicha attashe lavozimi joriy qilinadi, 24 soatlik Call-markazlar ochiladi, shuningdek, xarajatlarning bir qismi qoplanadi. gazeta.uz »
Markaziy Osiyodan kelgan muhojirlar Moskva yaqinidagi “Krokus”da terakt sodir etishda ayblanayotgani fonida Rossiyada muhojirlarga qarshi choralar, xususan, viza rejimini joriy etish, huquqbuzarlik uchun deportatsiya qilish hamda patentlar bo‘yicha cheklovlar muhokamasi avj oldi. gazeta.uz »
