ëãàí - Ïîñëåäíèå íîâîñòè [ Ôîòî â íîâîñòÿõ ] | |
Turkiyada qotillik qurboni bo‘lgan Durdona Hakimovaning jasadi va uning ikki farzandi O‘zbekistonga qaytarildi, deb xabar qildi Istanbuldagi Bosh konsulxona. Idora uning faoliyatiga oid ma’lumotlarni ochiqlab, fuqarolardan “marhumaning sha’nini kamsituvchi hamda biryoqlama fikrlar” tarqatmaslikni so‘radi. gazeta.uz »
Donald Tramp global mojarolarni hal qilish bilan shug‘ullanadigan yangi xalqaro tashkilot - Tinchlik kengashini yaratmoqda. Unga AQSh prezidentining o‘zi rais bo‘ladi. Mamlakatlar doimiy a’zolik uchun $1 mlrd to‘lashi kerak. gazeta.uz »
Venesuela ichki ishlar vaziri AQShning mamlakatga qilgan hujumi oqibatida kamida 100 kishi halok bo‘lganini bildirdi. AQSh avvalroq 75 kishining vafoti haqida xabar bergandi. O‘z navbatida, prezident Nikolas Maduroni qo‘riqlash bilan shug‘ullangan 32 nafar kubalik halok bo‘lgan. gazeta.uz »
Donald Trampning Oq uyga qaytishi va uning butun dunyo bilan savdo urushi, Yaqin Sharqdagi zaif sulh, Rossiya va Ukraina o‘rtasida davom etayotgan urush va 2025-yildagi boshqa muhim global voqealar - Gazeta obzorida. gazeta.uz »
8 mingdan ortiq yetim bolalarga $500 miqdoridagi shaxsiy depozitlar hisob raqamlari va ijtimoiy kartalarga o‘tkazildi. Mablag‘lar 18 yoshgacha jamg‘ariladi va kapitalizatsiya hisobiga ko‘payadi. Ijtimoiy kartalar transportdan imtiyozli foydalanish, tovarlar va xizmatlar uchun to‘lovlar qilish imkonini beradi. gazeta.uz »
Yuqori maoshli ish tufayli Tailandga borgan bir guruh o‘zbekistonliklar Myanmaga olib ketilib, zo‘ravonlik bilan noqonuniy ishlatildi. Ular bilan birga shunday ahvolga tushib qolgan Qozog‘iston va Qirg‘iziston fuqarolari Bangkokdagi Bosh konsulxona yordami bilan vatanlariga qaytarildi. gazeta.uz »
Jinoiy uyushma yetakchisi sifatida qator jinoyatlari uchun qidiruvda bo‘lgan 32 yoshli erkak (“Gryaz” laqabli) Turkiyadan O‘zbekistonga olib kelindi. U bosqinchilik, tovlamachilik, jinoiy uyushma tashkil etish kabilarda gumonlanmoqda. gazeta.uz »
Prezident Konstitutsiya kuni munosabati bilan qilmishiga pushaymon bo‘lgan va tuzalish yo‘liga o‘tgan 615 nafar shaxsni afv etdi. Ulardan 9 nafari xorijlik, 29 nafari ayol, 264 nafari 30 yoshgacha bo‘lgan (jumladan, ikki nafar bola) va to‘qqiz nafari taqiqlangan tashkilotlarga a’zo bo‘lgan shaxslardir. gazeta.uz »
Qozog‘istonning Aqtobe viloyatida salonida yo‘lovchilar, jumladan, 54 nafar O‘zbekiston fuqarosi bo‘lgan avtobus YTHga uchradi. Aqtobedagi Bosh konsulxona ularga zarar yetmaganini ma’lum qildi. Yo‘lovchilarga oziq-ovqat va boshpana berilgan, ular boshqa avtobusda mamlakatga qaytadi. gazeta.uz »
Ikki kun oldin Gonkongdagi turar joy binolarida chiqqan yong‘in oqibatida halok bo‘lganlar soni 128 tadan oshdi, 79 kishi jarohatlangan, 200 ga yaqin odam bedarak yo‘qolgan. O‘zbekiston TIV hodisa tufayli vatandoshlardan hech kim vafot etmagani yoki jarohat olmaganini ma’lum qildi. gazeta.uz »
Gonkongdagi turar joy majmuasida yuz bergan yirik yong‘in qurbonlari soni 55 kishiga yetdi, 300 ga yaqin kishi bedarak yo‘qolgan. Binolarni rekonstruksiya qilish uchun mas’ul bo‘lgan 3 kishi ushlandi. gazeta.uz »
25 yildan ortiq qidiruvda bo‘lgan O‘zbekiston fuqarosi mamlakatga olib kelindi. U 1999-yilda chiqib ketib, Afg‘oniston, Pokiston va Suriyadagi xalqaro terroristik tashkilotlarning jangovar harakatlarida ishtirok etganlikda gumonlangan. Erkak noyabr oyida MDHga a’zo davlatlarning birida ushlandi. gazeta.uz »
Malayziyada 2026-yildan 16 yoshgacha bo‘lgan foydalanuvchilar uchun ijtimoiy tarmoqlardan foydalanishni taqiqlash reja qilinmoqda. Qaror yoshlarni onlayn tahdidlar - qo‘rqitish, moliyaviy firibgarlik va jinsiy zo‘ravonliklardan himoyalash zarurati bilan izohlanmoqda. gazeta.uz »
Kichik halqa avtomobil yo‘lida ta’mirlash ishlari olib borilishi sababli Beshqayrag‘och ko‘chasidan Foziltepa ko‘chasigacha bo‘lgan qismida 24-noyabr soat 06:00 gacha bir tomonlama harakat vaqtincha cheklanadi. gazeta.uz »
Dunyo bo‘ylab YTH oqibatida yiliga 1,2 mln kishi halok bo‘lmoqda, yana 50 mln kishi jarohatlanmoqda yoki nogiron bo‘lib qolmoqda, dedi BMT bosh kotibi. Halok bo‘lgan har 10 kishidan 9 nafari kam va o‘rta daromadli mamlakatlardan. gazeta.uz »
Samarqandda fermer xo‘jaligi rahbari 3 gektar yerni issiqxona qurish niyatidagi fuqaroga 300 ming dollarga sotmoqchi bo‘ldi. U oldindan pulning bir qismini olayotganda ushlandi. Qashqadaryoda ikki kishi zaxiradagi yerni uy qurish uchun 180 mln so‘mga sotmoqchi bo‘lganda qo‘lga olindi. gazeta.uz »
Toshkent viloyati “Farhod” postida 2 ta holatda jami 5,2 mlrd so‘mlik valyutalarni Tojikistonga olib o‘tmoqchi bo‘lganlar ushlandi. Bir holatda pullar 34 kishiga bo‘lib berilgan holda o‘tishi reja qilingan bo‘lsa, boshqasida fuqaroning mashinasidan rubl, somoni, yevro, dollar, yuan, som kabi valyutalar aniqlangan. gazeta.uz »
Yashnobod tumanida piyodalar o‘tish joyidan o‘tayotgan ayolni mashinasida urib, uning o‘limiga sababchi bo‘lgan 56 yoshli shaxsni sud ozodlikdan mahrum qilish jazosiga shartli hukm qildi. Ayblanuvchi, shuningdek, 2 yil muddatga barcha turdagi transport vositalarini boshqarish huquqidan mahrum etildi. gazeta.uz »
Oqoltin tumanida xususiy bog‘cha tarbiyachilari bolaga shafqatsiz munosabatda bo‘lgani uchun ishdan haydaldi. Ijtimoiy tarmoqlarda tarqalgan videoda ikki nafar tarbiyachi bolani qaysidir ishi uchun kechirim so‘rashga majburlayotganini, bola esa ulardan kechirim so‘rab yig‘layotganini eshitish mumkin. gazeta.uz »
Toshkentda yuzlab mozaik pannolar - mashhur monumental kompozitsiyalardan tortib, keng jamoatchilikka noma’lum bo‘lgan asarlargacha bor. Gazeta arxitektura targ‘ibotchisi Fotima Abdurahmonova bilan birga poytaxtni aylanib, shaharning har bir tumanidan ko‘rishga arzigulik bitta ramziy mozaikani tanlab oldi. gazeta.uz »
Toshkentdagi kasb-hunar texnikumida nogironligi bo‘lgan 17 yoshli bola zo‘ravonlikka uchradi. Bolaning aytishicha, uning ko‘kragiga mushtlab, orqasiga esa kamar bilan urishgan. “Vahshiylarcha urgan, badanlariga qarab bo‘lmaydi”, - deydi ona. gazeta.uz »
Turkiyada turli jinoyatlarni sodir etgani uchun qidiruvda bo‘lgan uch nafar O‘zbekiston fuqarosi qo‘lga olinib, deportatsiya qilindi. Ulardan biri firibgarlik, yana 2 nafari soliqlarni to‘lashdan bo‘yin tovlash va bojxona qonunchiligini buzish jinoyatlarini sodir etganlikda ayblanib, qidiruvda bo‘lgan. gazeta.uz »
Bag‘dod tumanida mast holdagi Tracker haydovchisi “peshexod”dan o‘tayotgan velosiped haydovchisini urib yubordi. Oqibatda u voqea joyida halok bo‘ldi. Avtomobil egasi 3 yilga haydovchilikdan va 4 yilga ozodlikdan mahrum qilindi. gazeta.uz »
Ipotekani qayta moliyalashtirish kompaniyasi norasmiy daromadga ega bo‘lgan mijozlarga berilgan ipoteka kreditlarini qayta moliyalashtiradi. Bu rasmiy daromad hujjatlarini taqdim eta olmaydigan, biroq barqaror daromad manbaiga ega bo‘lgan fuqarolar uchun ipoteka kreditidan foydalanish imkoniyatini yaratadi. gazeta.uz »
Toshkent viloyati Bo‘stonliq tumanida davlat zaxirasidagi 1,35 gektar yer maydoni va unga tutash uyni 150 ming dollarga sotishga kelishgan mahalla raisi puldan bir qismini olganda ushlandi. Jizzax va Surxondaryoda ham kadastr xodimlari yer sotishda gumonlanib qo‘lga tushdi. gazeta.uz »
Toshkent viloyatida tadbirkor tomonidan quvvati 320 kVt bo‘lgan kichik GES ishga tushirildi. Tadbirkor ikkinchi bosqichda GES quvvatini 2 barobarga oshirishni rejalashtirgan. Shunda ushbu GES 1300 ta xonadonni elektr energiyasi bilan ta’minlash imkonini beradi. gazeta.uz »
Angrenda sodir bo‘lgan mudhish YTH qurbonlari soni 11 kishiga yetdi (avvalroq 7 kishi halok bo‘lgani, 5 kishi jarohatlangani aytilgandi). Bu Farg‘ona viloyati hokimining vaqt o‘tib yashirilgan farmoyishidan kelib chiqadi. gazeta.uz »
Nogironligi bo‘lgan bolalar uchun DXSH asosida kunduzgi parvarish xizmatini ko‘rsatuvchi tadbirkorlar 2030-yil 1-yanvargacha deyarli barcha soliqlardan ozod qilinishi kutilmoqda. Bu xizmatdan foydalanadigan ota-onalar to‘lovining oyiga 3 mln so‘mgacha bo‘lgan qismiga soliq solinmaydigan daromad sifatida qaraladi. gazeta.uz »
Turkiya O‘zbekistonga xalqaro miqyosda qidiruvda bo‘lgan 6 nafar shaxsni topshirdi. Ular odam savdosi, o‘ta yirik miqdordagi firibgarlik va boshqa og‘ir jinoyatlarni sodir etganlikda ayblanmoqda. gazeta.uz »
Andijonda Qirg‘izistondan 2 kilogrammga yaqin gashish olib kirib, sotishga uringan guruh a’zolari qo‘lga olindi. Ular narkotik moddani 15 ming dollarga xarid qilishga kelishib, pulning bir qismini boshlang‘ich badal sifatida qo‘shni mamlakat fuqarosiga yetkazib bergan. gazeta.uz »
Firibgarlik sodir etganlikda ayblanib qidiruvga berilgan 3 nafar O‘zbekiston fuqarosi Turkiyadan deportatsiya qilindi. Bosh konsulxona ulardan jabr ko‘rgan fuqarolardan IIVga murojaat qilishni so‘radi. gazeta.uz »
Toshkent shahri va O‘zbekistonning boshqa hududlarida 2−3 balli zilzila sezildi. Uning epitsentri Afg‘onistonda bo‘lib, magnitudasi 5,7 ballni tashkil qildi. gazeta.uz »
Samarqand shahrida 19 yoshli Chery haydovchisi piyodalar o‘tish joyidan o‘tayotgan erkak va uning voyaga yetmagan bolasini urib ketgan. Voqea sabab bola vafot etgan. Ota sudda o‘sha kuni o‘g‘lining tug‘ilgan kuni bo‘lganini aytdi. Haydovchi 6 yilga ozodlikdan mahrum qilindi. gazeta.uz »
O‘zbekistonda davlat mulki bo‘lgan futbol stadionlari va maydonlarining foydalanish maqsadlarini o‘zgartirish va ularni sotuvga chiqarish taqiqlanadi. 2025-yil oxirigacha davlat mulkidagi futbol stadionlari va maydonlari xatlovdan o‘tkaziladi. gazeta.uz »
O‘zbekistonda sanitariya, veterinariya, karantin nazoratida bo‘lgan 32 toifadagi mahsulotlar uchun muvofiqlik sertifikati bekor qilinadi. Majburiy sertifikatlanadigan tovarlar ro‘yxati 459 taga qisqartirildi. Ro‘yxat yana 288 taga kamaytiriladi. gazeta.uz »
Moskvada yuqori maoshli ish va’da qilingan qirg‘izistonlik yigitga Rossiya Mudofaa vazirligi bilan urush shartnomasini tuzish taklif qilindi. Qirg‘iziston elchixonasi aralashuvi bilan yigit bu xizmatdan yozma ravishda voz kechdi. gazeta.uz »
Tailand o‘ta yirik miqdordagi firibgarlikda ayblanib, xalqaro qidiruvda bo‘lgan fuqaroni O‘zbekiston huquqni muhofaza qilish organlariga topshirdi. U Toshkent xalqaro aeroport hududida Milliy markaziy byuro xodimlari tomonidan ushlandi. gazeta.uz »
Toshkentga kelgan talabalar va ota-onalari uy ijarasi bilan shug‘ullanuvchi firibgarlardan ogohlantirildi. Ular o‘ziga tegishli bo‘lmagan uy suratlarini onlayn ko‘rsatib, oldindan to‘lov talab qiladi va pulni olib, tarmoqlarni bloklaydi. gazeta.uz »
Oqdaryo tumanida yashovchi ikki shaxs 23 va 25 yoshdagi qizlarni pul topish uchun Hindistonga fohishalikka yuborayotgani aniqlandi. Ular Toshkent xalqaro aeroportida to‘xtatib qolindi. gazeta.uz »
Bolgariyaning Kavatsite sohilida 22 yoshli O‘zbekiston fuqarosi dengizda ukrainalik qizni qutqarmoqchi bo‘lgan vaqtida cho‘kib ketdi. Uning jasadi voqeadan ikki kun o‘tgach, suv ostidagi yirik qoyatoshlar orasidan olib chiqildi. gazeta.uz »
18 yoshli ikki yigit Sirdaryoda o‘zlari yo‘lovchi sifatida ketayotgan mashinani olib qochdi. Yigitlardan biri yo‘lda ularni to‘xtatmoqchi bo‘lgan ichki ishlar xodimini pichoqladi. Xodimning hayoti saqlanib qolindi, yigitlar Ohangaronda ushlandi. gazeta.uz »
18 yoshli ikki yigit Sirdaryoda o‘zlari yo‘lovchi sifatida ketayotgan mashinani olib qochdi. Yigitlardan biri yo‘lda ularni to‘xtatmoqchi bo‘lgan ichki ishlar xodimi pichoqladi. Xodimning hayoti saqlanib qolindi, yigitlar Ohangaronda ushlandi. gazeta.uz »
Samarqandda oltin ma’danlarining go‘yoki maxfiy xarita va fotolarini 25 ming dollarga sotmoqchi bo‘lgan shaxs qo‘lga olindi. U fuqaroga hujjatlarni Geologiya vazirligida ishlagan paytlarida olganini aytgan. U puldan 10 ming dollar olayotganida ushlangan. gazeta.uz »
Turli xil jinoyatlarni sodir etgani uchun qidiruvda bo‘lgan uch shaxs BAAdan O‘zbekistonga ekstraditsiya qilindi. gazeta.uz »
Andijonda “Tavhid va jihod katibasi” xalqaro terroristik tashkilotining g‘oyalarini tarqatgan va uni moliyaviy qo‘llagan 28 yoshli yigit 8 yil 6 oyga ozodlikdan mahrum etildi. U Eron orqali Afg‘onistonga o‘tishga uringanida qo‘lga olingan. gazeta.uz »
Xitoy hukumati uch yoshgacha bo‘lgan har bir bola uchun yiliga 3,6 ming yuan (503 dollar) to‘lamoqchi. Bu harakat oilalarni qo‘llab-quvvatlash va tug‘ilishni rag‘batlantirishga qaratilgan. To‘lovlarni 20 milliondan ortiq oila olishi kutilmoqda. Mamlakatda aholi ketma-ket uchinchi yil kamayib bormoqda. gazeta.uz »
Yunusobod tumanidagi bank xizmatlari markazidan pul o‘marmoqchi bo‘lgan erkak 5 yilga qamaldi. U bank xodimlarini nabirasining o‘yinchoq to‘pponchasi bilan qo‘rqitib pul talab qilgan. gazeta.uz »
Senat chiqindilar xizmati uchun qarz mavjud bo‘lganda elektr energiyasi uchun to‘lovlarni qabul qilishni to‘xtatish to‘g‘risidagi qonunni amalga oshirishdagi muammolar yuzasidan vazirliklarga so‘rovlar yo‘lladi. gazeta.uz »
G‘ijduvon tumanida tarkibida kuchli ta’sir qiluvchi modda bo‘lgan 95 ming donadan ortiq ozdiruvchi vositalarning noqonuniy savdosi oldi olindi. gazeta.uz »
Rossiyalik chegarachilar telefonlarida terroristik, ekstremistik va radikal kanallarga obunani aniqlagan O‘zbekiston va Tojikiston fuqarolari Rossiya hududiga kiritilmayapti, deb yozdi TASS. gazeta.uz »
